သုတ္တံကျမ်း။ 31:30 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁰ တင့်တယ်​ခြင်း​သည် လှည့်ဖြား​တတ်​၏​။ လှပ​ခြင်း​သည်​လည်း အချည်းနှီး​ဖြစ်​၏​။ သို့သော် ထာဝရဘုရား​ကို​ကြောက်ရွံ့​သော မိန်းမ​သည် ချီးမွမ်း​ခြင်း​ခံရ​လိမ့်မည်​။

Common Language Bible

³⁰ ယဉ်ကျေးသောအရာသည် လှည့်စားခြင်းနှင့် ယှဉ်တတ်၏။ လှသောအဆင်းသည်လည်း အချည်းနှီးဖြစ် ၏။ ထာဝရဘုရားကို ကြောက်ရွံ့သော မိန်းမမူကား၊ ချီးမွမ်းခြင်းကို ခံရလိမ့်မည်။

Garrad Bible

³⁰ ဖွယ် ရာ ခြင်း သည်၊ လှည့် စား၍၊ အ ဆင်း လှ ခြင်း လည်း၊ အ ချည်း နှီး ဖြစ် တတ်၏။ ထာ ဝ ရ ဘု ရား ကို ခန့် ညား သော မိန်း မ မူ ကား၊ ချီး မွမ်း ခံ ရ လိမ့် မည်။

Judson Bible

³⁰ ယဉ်​ကျေး​သော​အ​ရာ​သည် လှည့်​စား​ခြင်း​နှင့် ယှဉ်​တတ်၏။ လှ​သော​အ​ဆင်း​သည်​လည်း အ​ချည်း​နှီး​ဖြစ်၏။ ထာ​ဝ​ရ​ဘု​ရား​ကို ကြောက်​ရွံ့​သော​မိန်း​မ​မူ​ကား၊ ချီး​မွမ်း​ခြင်း​ကို ခံ​ရ​လိမ့်​မည်။

သုတ္တံကျမ်း။ 31:30 Referencias Cruzadas

၂ ရာ 14:25

အစ္စရေး​လူမျိုး​တစ်မျိုးလုံး​တွင် အဗရှလုံ​ကဲ့သို့ အများ​ချီးမွမ်း​ရ​လောက်အောင် ရုပ်ရည်ခန့်ညား​သူ​မ​ရှိ​။ ခြေဖျား​မှ ဦးခေါင်း​အထိ ခြောက်ပြစ်ကင်းသူ​ဖြစ်​၏​။

ဆာ​လံ 112:1

ဟာလေလုယ​။ ထာဝရဘုရား​ကို ကြောက်ရွံ့​၍ ကိုယ်တော်​၏​ပညတ်တော်​တို့​ကို အလွန်​နှစ်သက်​သော​သူ​သည် မင်္ဂလာ​ရှိ​၏​။

ဆာ​လံ 147:11

ထာဝရဘုရား​သည် မိမိ​ကို​ကြောက်ရွံ့​သော​သူ​များ​နှင့် မိမိ​၏​မေတ္တာကရုဏာ​တော်​ကို မျှော်လင့်ကိုးစား​သော​သူ​များ​ကို နှစ်သက်​တော်မူ​၏​။

သုတ္တံကျမ်း။ 1:7

ထာဝရဘုရား​ကို​ကြောက်ရွံ့​ခြင်း​သည် အသိပညာ​၏​အရင်းအမြစ်​ဖြစ်​၏​။ ဆိုးမိုက်​သော​သူ​တို့​သည် ဉာဏ်ပညာ​နှင့် ဆုံးမပဲ့ပြင်​ခြင်း​ကို မထီမဲ့မြင်ပြု​တတ်​ကြ​၏​။

သုတ္တံကျမ်း။ 11:16

ယဉ်ကျေး​သိမ်မွေ့​သော​မိန်းမ​သည် ဂုဏ်သရေ​ကို​ရ​တတ်​၏​။ ကြမ်းကြုတ်​သော​ယောက်ျား​တို့​မူကား ဓနဥစ္စာ​ကို​ရ​တတ်​ကြ​၏​။

သုတ္တံကျမ်း။ 11:22

အဆင်းလှ​သော်လည်း ဆင်ခြင်တုံတရား​ကင်းမဲ့​သော​မိန်းမ​သည် ဝက်​နှာခေါင်း​၌​တပ်​ထား​သော ရွှေ​နှာဆွဲ​နှင့်​တူ​၏​။

သုတ္တံကျမ်း။ 22:4

စိတ်နှိမ့်ချ​ခြင်း​နှင့် ထာဝရဘုရား​ကို​ကြောက်ရွံ့​ခြင်း​အကျိုး​ကား ဓနဥစ္စာ​၊ ဂုဏ်သရေ​နှင့် အသက်ရှင်​ခြင်း​ဖြစ်​၏​။

သုတ္တံကျမ်း။ 31:29

“​စွမ်းရည်ရှိရှိ​လုပ်ဆောင်​တတ်​သော​အမျိုးသမီး​များစွာ​ရှိ​သော်လည်း သင်​သည် ထို​သူ​အားလုံး​ထက်​သာလွန်​၏​”​ဟု သူ့​ကို​ချီးမွမ်း​တတ်​၏​။

သုတ္တံကျမ်း။ 31:31

ထိုသို့သော​မိန်းမ​အား သူ့​လက်​ဖြင့် လုပ်ကိုင်​ရရှိ​သော​အကျိုးအမြတ်​ကို​ပေး​လော့​။ သူ​ပြု​သော​အမှု​အတွက် မြို့​တံခါး​တို့​၌ သူ့​ကို​ချီးမွမ်း​ကြ​ပါစေ​။

သုတ္တံကျမ်း။ 6:25

သင်​၏​စိတ်နှလုံး​ထဲတွင် ထို​မိန်းမ​၏​အလှ​ကို မ​တပ်မက်​နှင့်​။ သူ့​မျက်လွှာ​ဖြင့် ညှို့ယူ​ဖမ်းစား​ခြင်း​ကို​မ​ခံ​နှင့်​။

သုတ္တံကျမ်း။ 8:13

ထာဝရဘုရား​ကို​ကြောက်ရွံ့​ခြင်း​သည် မကောင်းမှု​ကို​မုန်းတီး​ခြင်း​ဖြစ်​၏​။ မောက်မာထောင်လွှား​ခြင်း​နှင့် မာနကြီး​ခြင်း​၊ မကောင်း​သော​လမ်း​နှင့် ဖောက်ပြန်လွဲမှား​သော​စကား​ကို ငါ​မုန်း​၏​။

ဒေသနာကျမ်း။ 12:13

အားလုံး​ကို​ကြား​ရ​ပြီးသည့်နောက် နိဂုံးချုပ်​စကား​ဟူမူကား ဘုရားသခင်​ကို​ကြောက်ရွံ့​၍ ကိုယ်တော်​၏​ပညတ်တော်​တို့​ကို​စောင့်ထိန်း​လော့​။ အဘယ်ကြောင့်​ဆိုသော် ဤ​အရာ​သည် လူ​တို့​ပြု​ရ​မည့်​အရာ​အလုံးစုံ​၏​အချုပ်​ဖြစ်​၏​။

ဒေသနာကျမ်း။ 7:18

ဤ​အချက်​ကို​ဆုပ်ကိုင်​ထား​လျှင်​ကောင်း​၏​။ အခြား​တစ်​ချက်​ကို​လည်း လက်​မ​လွတ်​စေ​နှင့်​။ အကြောင်းမူကား ဘုရားသခင်​ကို​ကြောက်ရွံ့​သော​သူ​သည် ထို​အရာ​အားလုံး​ကို အောင်နိုင်​လိမ့်မည်​။

ယေ​ဇ​ကျေ​လ 16:15

‘သို့သော် သင်​သည် အလှဂုဏ်မောက်​၍ သင်​၏​ကျော်ကြားမှု​သည် သင့်​ကို ပြည့်တန်ဆာ​အဖြစ်​သို့ တွန်းပို့​လေ​ပြီ​။ ရာဂစိတ်​ပြင်းထန်​၍ သင့်​အနား​ဖြတ်သန်းသွားလာ​သော​သူ​တို့​နှင့် ဖောက်ပြန်မှားယွင်း​၏​။ သင့်​အလှ​သည် သူ​တို့​အဖို့​ဖြစ်သွား​၏​။

လုကာ 1:6

သူ​တို့​နှစ်ဦးစလုံး​သည် ထာဝရ​ဘုရား​၏​ပညတ်​တော်​နှင့်​ပြဋ္ဌာန်း​ချက်​ရှိသမျှ​တို့​ကို တစ်သဝေမတိမ်း​လိုက်လျှောက်​လျက် ဘုရားသခင်​ရှေ့​တော်​၌ ဖြောင့်မတ်​သော​သူ​များ​ဖြစ်​ကြ​၏။

ရော​မ 2:29

အတွင်း​သဘော​အားဖြင့် ဂျူး​လူမျိုး​ဖြစ်​သော​သူ​သာလျှင် ဂျူး​လူမျိုး​အစစ်​အမှန်​ဖြစ်​ပြီး အက္ခရာတင်​ထား​သော​တရား​အားဖြင့်​မ​ဟုတ်​ဘဲ ဝိညာဉ်​တော်​အားဖြင့်​ဖြစ်​သော စိတ်နှလုံး​၏​အရေဖျား​လှီး​ခြင်း​ပင် အရေဖျား​လှီး​ခြင်း​အစစ်​အမှန်​ဖြစ်​၏။ ထိုသို့သော​သူ​သည် လူ​တို့​ထံမှ​မ​ဟုတ်​ဘဲ ဘုရားသခင်​ထံ​တော်​မှ​ချီးမွမ်း​ခြင်း​ကို​ခံရ​၏။

၁ ကော 4:5

သို့ဖြစ်၍ သခင်​ဘုရား​ကြွလာ​တော်​မ​မူ​မီ မည်သည့်​အရာ​ကို​မျှ အချိန်​မ​တန်​ဘဲ မ​စီရင်​ကြ​နှင့်။ ထို​သခင်​သည် အမှောင်​ထဲ၌ ကွယ်ဝှက်​ထား​သော​အရာ​များ​ကို အလင်း​သို့​ယူဆောင်​လာ​ပြီး စိတ်နှလုံး​အကြံအစည်​များ​ကို ထင်ရှား​စေ​တော်မူ​လိမ့်မည်။ ထိုအခါ လူ​အသီးသီး​တို့​သည် ဘုရားသခင်​ထံ​တော်​မှ ချီးမွမ်း​ခြင်း​ကို​ခံရ​ကြ​လိမ့်မည်။

ယာ​ကုပ် 1:11

နေ​သည် အပူရှိန်​နှင့်တကွ​ထွက်လာ​သောအခါ မြက်​ပင်​ကို ညှိုးနွမ်း​ခြောက်သွေ့​စေ​တတ်​၏။ ထိုအခါ မြက်​ပွင့်​သည်​ကြွေ​၍ ၎င်း​၏​တင့်တယ်​သော​အဆင်း​သည်​ပျက်စီး​သွား​၏။ ထိုနည်းတူ ချမ်းသာ​သော​သူ​သည်​လည်း မိမိ​၏​စီးပွား​ရှာဖွေ​မှု​အလယ်​၌​ပင် မှေးမှိန်​ကွယ်ပျောက်​သွား​လိမ့်မည်။

၁ ပေ 1:24

အဘယ်ကြောင့်​ဆိုသော် လူ​အပေါင်း​တို့​သည် မြက်​ပင်​ကဲ့သို့​ဖြစ်​၍ သူ​တို့​၏​ဘုန်း​အသရေ​ရှိသမျှ​သည်​လည်း မြက်​ပွင့်​ကဲ့သို့​ဖြစ်​၏။ မြက်​ပင်​သည် ညှိုးနွမ်း​ခြောက်သွေ့​သွား​၍ အပွင့်​သည်​လည်း ကြွေ​တတ်​၏။

၁ ပေ 1:7

ဤသည်ကား မီး​ဖြင့်​စစ်ဆေး​ခြင်း​ခံရ​ပြီ​ဖြစ်​သော်လည်း ပျက်စီး​တတ်​သည့်​ရွှေ​ထက် များစွာ​အဖိုးတန်​သော သင်​တို့​၏​ယုံကြည်​ခြင်း​ကို စစ်ကြော​စုံစမ်း​ခြင်း​သည် ယေရှု​ခရစ်တော်​ပေါ်ထွန်း​တော်မူ​သော​အချိန်​၌ ချီးမွမ်း​ခြင်း၊ ဘုန်း​အသရေ​နှင့် ဂုဏ်သရေ​အဖြစ်​သို့​ရောက်​မည့်​အကြောင်း​တည်း။