သုတ္တံကျမ်း။ 3:33 - မြန်​​​မာ့​​​စံ​​​မီ​​​သမ္မာ​​​ကျမ်း​​

³³ ထာဝရဘုရား​၏​ကျိန်​ခြင်း​သည် ဆိုးယုတ်​သော​သူ​၏​အိမ်​ပေါ်သို့​သက်ရောက်​၏​။ သို့သော် ကိုယ်တော်​သည် ဖြောင့်မတ်​သော​သူ​တို့​၏​အိမ်​ကို ကောင်းချီးပေး​တော်မူ​၏​။

Common Language Bible

³³ မတရားသောသူ၏ နေရာသည်ထာဝရဘုရား ကျိန်တော်မူခြင်းကို တွေ့တတ်၏။ တရားသောသူ၏ နေရာကို ကားကောင်းကြီးပေးတော်မူ၏။

Garrad Bible

³³ ဆိုး သွမ်း သူ တို့ ၏ အိမ် ၌ ထာ ဝ ရ ဘု ရား ထံ မှ အ မင်္ဂ လာ တည်၏။ ဖြောင့် မတ် သူ တို့၏ နေ ထိုင် ရာ ကို ကား၊ မင်္ဂ လာ ပေး တော် မူ ၏။

Judson Bible

³³ မ​တ​ရား​သော​သူ၏​နေ​ရာ​သည် ထာ​ဝ​ရ​ဘု​ရား​ကျိန်​တော်​မူ​ခြင်း​ကို တွေ့​တတ်၏။ တ​ရား​သော​သူ၏​နေ​ရာ​ကို​ကား ကောင်း​ချီး​ပေး​တော်​မူ၏။

သုတ္တံကျမ်း။ 3:33 Referencias Cruzadas

၂ ရာ 6:11

ဤသို့ဖြင့် ထာဝရဘုရား​၏​သေတ္တာ​တော်​သည် ဂိတ္တိ​လူမျိုး​ဩဗဒေဒုံ​၏​အိမ်​တွင် သုံး​လ​မျှ ကိန်းဝပ်​တော်မူ​ပြီး ထာဝရဘုရား​သည် ဩဗဒေဒုံ​နှင့် သူ​၏​အိမ်သူအိမ်သား​အပေါင်း​တို့​အား ကောင်းချီးပေး​တော်မူ​၏​။

ယောဘဝတ္တု။ 24:18

သူ​တို့​သည် ရေ​မျက်နှာပြင်​ပေါ်တွင် မျောပါ​သွား​လိမ့်မည်​။ သူ​တို့​၏​အမွေ​မြေ​သည် ကျိန်ဆဲ​ခံရ​သဖြင့် မည်သူ​မျှ ကိုယ့်​စပျစ်ခြံ​များ​သို့ သွား​ရ​တော့​မည်​မ​ဟုတ်​။

ယောဘဝတ္တု။ 31:12

ပျက်စီး​ခြင်း​နိုင်ငံ​တိုင်အောင် လောင်ကျွမ်း​သော​မီး​၊ ငါ​၏​ကောက်ပဲသီးနှံပင်​အားလုံး​ကို အမြစ်ပါမကျန် လောင်ကျွမ်း​သော​မီး​ဖြစ်​၏​။

ဆာ​လံ 1:3

ထို​သူ​ကား ရေစီး​သော​ချောင်း​နားမှာ စိုက်​ထား​၍ မိမိ​အချိန်တန်​သောအခါ​အသီး​သီး​ပြီး အရွက်​မ​ညှိုးနွမ်း​တတ်​သော​အပင်​နှင့်​တူ​၏​။ ပြု​လေသမျှ​တို့​၌​အောင်မြင်​တတ်​၏​။

ဆာ​လံ 37:22

အကြောင်းမူကား ကိုယ်တော်​၏​ကောင်းချီးမင်္ဂလာ​ကို ခံစား​ရ​သော​သူ​တို့​သည် ပြည်​တော်​ကို​အမွေဆက်ခံ​ရ​ကြ​လိမ့်မည်​။ ကိုယ်တော်​၏​ကျိန်​ခြင်း​ကို​ခံရ​သော​သူ​တို့​မူကား ဖယ်ရှား​ခြင်း​ခံရ​ကြ​လိမ့်မည်​။

ဆာ​လံ 91:10

ဘေးအန္တရာယ်​သည် သင့်​အပေါ်​သို့ ကျရောက်​မည်​မ​ဟုတ်​။ ဘေးဒဏ်​သည်​လည်း သင်​၏​တဲ​အနီး​သို့ ချဉ်းကပ်​မည်​မ​ဟုတ်​။

သုတ္တံကျမ်း။ 10:6

ဖြောင့်မတ်​သော​သူ​၏​ဦးခေါင်း​ပေါ်၌ ကောင်းချီးမင်္ဂလာ​များ​ရှိ​၏​။ ဆိုးယုတ်​သော​သူ​တို့​၏​နှုတ်​သည် ရက်စက်ကြမ်းကြုတ်မှု​ကို​ဖုံးကွယ်​တတ်​၏​။

သုတ္တံကျမ်း။ 14:11

ဆိုးယုတ်​သော​သူ​တို့​၏​အိမ်​သည် ဖျက်ဆီး​ခြင်း​ခံရ​လိမ့်မည်​။ ဖြောင့်မှန်​သော​သူ​တို့​၏​တဲ​မူကား ပွင့်လန်းဝေဆာ​လိမ့်မည်​။

သုတ္တံကျမ်း။ 15:6

ဖြောင့်မတ်​သော​သူ​၏​အိမ်​၌ စည်းစိမ်​များစွာ​ရှိ​၏​။ ဆိုးယုတ်​သော​သူ​၏​အမြတ်အစွန်း​မူကား ဒုက္ခပေး​တတ်​၏​။

သုတ္တံကျမ်း။ 21:12

ဖြောင့်မတ်​တော်မူ​သော​အရှင်​သည် ဆိုးယုတ်​သော​သူ​၏​အိမ်​ကို​မှတ်​၍ ထို​ဆိုးယုတ်​သော​သူ​တို့​ကို ပျက်စီး​ခြင်း​ထဲသို့ ပစ်ချ​တော်မူ​၏​။

မာ​လ​ခိ 2:2

သင်​တို့​သည် ငါ့​စကား​ကို နား​မ​ထောင်​၊ ငါ့​နာမ​ကို မ​ချီးမွမ်း​၊ နှလုံး​မ​သွင်း​ဘဲ​နေ​လျှင် သင်​တို့​အပေါ်​သို့ ကျိန်​ခြင်း​ကို ငါ​သက်ရောက်​စေ​မည်​။ သင်​တို့​၏​ကောင်းချီးမင်္ဂလာ​ကို အမင်္ဂလာ ဖြစ်စေ​မည်​။ အကယ်စင်စစ် သင်​တို့​နှလုံး​မ​သွင်း​သောကြောင့် သင်​တို့​ကို ငါ​ကျိန်ဆဲ​ပြီ​”​ဟု ကောင်းကင်​ဗိုလ်ခြေ​အရှင် ထာဝရဘုရား မိန့်​တော်မူ​၏​။

တ​ရား​ဟော 11:28

သင်​တို့​၏​ဘုရားသခင်​ထာဝရဘုရား​၏​ပညတ်တော်​တို့​ကို နား​မ​ထောင်​၊ ယနေ့ သင်​တို့​အား ငါ​ဆင့်ဆို​သော လမ်း​မှ​လွှဲ​၍ သင်​တို့​မ​သိ​သော​အခြား​ဘုရား​များ​နောက်သို့​လိုက်သွား​လျှင် ကျိန်​ခြင်း​ဖြစ်​မည်​။

တ​ရား​ဟော 7:26

စက်ဆုပ်ရွံရှာဖွယ်​သော​အရာ​ကို သင့်​အိမ်​ထဲသို့ မ​ယူလာ​ရ​။ ထို​အရာ​သည် ကျိန်​ခြင်း​ခံရ​သော​အရာ​ဖြစ်၍ ယူလာ​လျှင် သင်​သည် ထို​အရာ​ကဲ့သို့ ကျိန်​ခြင်း​ခံရ​လိမ့်မည်​။ ထို​အရာ​ကို လုံးလုံး​ရွံမုန်း​ရ​မည်​။

ယော​ရှု 6:18

ကျိန်​ခြင်း​ခံရ​သော​အရာ​တို့​ကို သတိထား​ရှောင်​ရ​မည်​။ ထို​ကျိန်​ခြင်း​ခံရ​သော​အရာ​တို့​ကို သင်​တို့​ယူ​မိ​လျှင် သင်တို့ကိုယ်သင်တို့ အကျိန်​ခံ​စေ​ရာ​ရောက်​လိမ့်မည်​။ အစ္စရေး​တပ်စခန်း​ကို​လည်း အကျိန်​ခံ​စေ​ရာ​ရောက်​လိမ့်မည်​။ ဒုက္ခပေး​ရာ​ရောက်​လိမ့်မည်​။

ယော​ရှု 7:13

ထ​လော့​။ လူ​တို့​ကို သန့်ရှင်း​စေ​လော့​။ သူ​တို့​အား ‘​မနက်ဖြန်​အတွက် ကိုယ့်ကိုယ်ကိုယ်​သန့်ရှင်း​စေ​ကြ​လော့​။ အကြောင်းမူကား အစ္စရေး​လူမျိုး​တို့​၏​ဘုရားသခင်​ထာဝရဘုရား​က “​အို အစ္စရေး​လူမျိုး​တို့​၊ သင်​တို့​အလယ်​၌ ကျိန်​ခြင်း​ခံရ​သော​အရာ​ရှိ​၏​။ ထို​ကျိန်​ခြင်း​ခံရ​သော​အရာ​ကို သင်​တို့​ထဲ​မှ​မ​ဖယ်ရှား​မ​ချင်း သင်​တို့​သည် ရန်သူ​တို့​ကို ရင်ဆိုင်​နိုင်​မည်​မ​ဟုတ်​”​ဟု မိန့်​တော်မူ​၏​။