သုတ္တံကျမ်း။ 3:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ ငါ့​သား​၊ မှန်ကန်​ပြည့်စုံ​သော​ဉာဏ်​နှင့် အလိမ္မာဉာဏ်​ကို​ထိန်းသိမ်းစောင့်ရှောက်​လော့​။ ၎င်း​တို့​ကို သင်​၏​မျက်မှောက်​မှ မ​ကွာ​စေ​နှင့်​။

Common Language Bible

²¹ ငါ့သား၊ ပညာရတနာနှင့် သမ္မာသတိကို သင့် မျက်မှောက်မှ မကွာစေဘဲ၊ အစဉ်စောင့်ရှောက်လော့။

Garrad Bible

²¹ ငါ့ သား၊ အ မျှော် အ မြင် ပ ညာ နှင့် ကြံ စည် သော ဉာဏ် ကို စောင့် ထိန်း၍၊ သင့် မျက် မှောက် နှင့် မ ကွာ စေ လင့်။

Judson Bible

²¹ ငါ့​သား၊ ပ​ညာ​ရ​တ​နာ​နှင့် သ​မ္မာ​သ​တိ​ကို သင့်​မျက်​မှောက်​မှ မ​ကွာ​စေ​ဘဲ၊ အ​စဉ်​စောင့်​ရှောက်​လော့။

သုတ္တံကျမ်း။ 3:21 Referencias Cruzadas

သုတ္တံကျမ်း။ 1:4

အသိဉာဏ်​နည်းပါး​သော​သူ​တို့​အား ဆင်ခြင်ဉာဏ်​ကို​ပေး​၍ လူငယ်​တို့​အား အသိပညာ​နှင့်​အလိမ္မာဉာဏ်​ကို ပေး​ရန်​အတွက်​လည်းကောင်း ဖြစ်​ကြ​၏​။

သုတ္တံကျမ်း။ 18:1

သူတစ်ပါး​နှင့်​မရောနှော​သော​သူ​သည် မိမိ​အလိုဆန္ဒ​ကို​သာ​ရှာကြံ​၍ မှန်ကန်​ပြည့်စုံ​သော​ဉာဏ်ပညာ​ရှိသမျှ​ကို ဆန့်ကျင်​တတ်​၏​။

သုတ္တံကျမ်း။ 19:8

အသိဉာဏ်​ကို​ရရှိ​သော​သူ​သည် မိမိ​၏​စိတ်ဝိညာဉ်​ကို​ချစ်​၏​။ ထိုးထွင်းဉာဏ်​ကို​စောင့်ထိန်း​သော​သူ​သည် ကောင်း​သော​အရာ​ကို​တွေ့ရှိ​လိမ့်မည်​။

သုတ္တံကျမ်း။ 2:7

ကိုယ်တော်​သည် ဖြောင့်မှန်​သော​သူ​တို့​အတွက် မှန်ကန်​ပြည့်စုံ​သော​ဉာဏ်​ကို​သိုမှီး​ထား​၍ တည်ကြည်​စွာ​လျှောက်လှမ်း​သော​သူ​တို့​အတွက် ဒိုင်းလွှား​ဖြစ်​တော်မူ​၏​။

သုတ္တံကျမ်း။ 4:21

ထို​စကား​တို့​ကို သင်​၏​မျက်မှောက်​မှ မ​ကွာ​စေ​နှင့်​။ သင်​၏​စိတ်နှလုံး​အတွင်း​၌ ထိန်းသိမ်း​ထား​လော့​။

သုတ္တံကျမ်း။ 4:6

ဉာဏ်ပညာ​ကို မ​စွန့်ပယ်​နှင့်​။ ၎င်း​သည် သင့်​ကို​စောင့်ထိန်း​လိမ့်မည်​။ ဉာဏ်ပညာ​ကို​ချစ်​လော့​။ ၎င်း​သည် သင့်​ကို ကာကွယ်​စောင့်ရှောက်​လိမ့်မည်​။

သုတ္တံကျမ်း။ 5:2

သို့ပြုလျှင် သင်​သည် အလိမ္မာဉာဏ်​ကို​စောင့်ထိန်း​နိုင်​၍ သင်​၏​နှုတ်ခမ်း​သည် အသိပညာ​ကို ထိန်းသိမ်းစောင့်ရှောက်​နိုင်​လိမ့်မည်​။

သုတ္တံကျမ်း။ 8:14

ငါ​၌ အကြံဉာဏ်​နှင့် မှန်ကန်​ပြည့်စုံ​သော​ဉာဏ်​ရှိ​၏​။ ငါ​သည် အသိဉာဏ်​ဖြစ်ပြီး ငါ​၌​အစွမ်းတန်ခိုး​ရှိ​၏​။

ရှင်ယောဟန် 8:31

ထို့ကြောင့် ယေရှု​သည် မိမိ​ကို​ယုံကြည်​သော ဂျူး​လူမျိုး​တို့​အား“သင်​တို့​သည် ငါ​၏​တရား​စကား​၌​တည်​လျှင် ငါ့​တပည့်​အမှန်​ဖြစ်​ကြ​ပြီး

တ​ရား​ဟော 4:9

သင်​တို့​သတိပြု​ကြ​လော့​။ သင်​တို့​မျက်စိ​ဖြင့်​တွေ့မြင်​ခဲ့​ရ​သော​အမှုအရာ​များ​ကို သင်​တို့​မ​မေ့လျော့​စေရန်​နှင့် သင်​တို့​အသက်ရှင်​သမျှ​ကာလ​ပတ်လုံး သင်​တို့​စိတ်နှလုံး​လမ်း​မ​လွဲ​စေရန် သင်​တို့​၏​စိတ်​ကို​အထူး​စောင့်ထိန်း​လော့​။ သင်​တို့​၏​သား​မြေး​တို့​ကို​လည်း ပြောပြ​ကြ​လော့​။

ယော​ရှု 1:8

ဤ​ပညတ်တရားကျမ်း​၌ ရေးထား​သမျှ​တို့​ကို လိုက်နာ​စောင့်ထိန်း​နိုင်​မည့်​အကြောင်း ထို​တရား​တို့​ကို သင့်​နှုတ်​မှ​မ​ကွာ​စေ​နှင့်​။ နေ့ညမပြတ် ဆင်ခြင်အောက်မေ့​ရ​မည်​။ သို့ပြုလျှင် သင့်​ဘဝ​လမ်းခရီး​၌ အထမြောက်​အောင်မြင်​လိမ့်မည်​။

၁ ယော 2:24

အစအဦး​ကပင် သင်​တို့​ကြားနာ​ခဲ့​သော​အရာ​ကို သင်​တို့​၌​တည်​စေ​ကြ​လော့။ ထိုသို့ အစအဦး​ကပင် သင်​တို့​ကြားနာ​ခဲ့​သော​အရာ​သည် သင်​တို့​၌​တည်​လျှင် သင်​တို့​သည်​လည်း သား​တော်​၌​လည်းကောင်း၊ ခမည်းတော်​၌​လည်းကောင်း တည်​ကြ​လိမ့်မည်။

၁ ယော 2:27

သင်​တို့​မူကား ကိုယ်တော်​ထံမှ​ခံစား​ရ​သော​ဘိသိက်​ကျေးဇူး​သည် သင်​တို့​၌​တည်ရှိ​သည်​ဖြစ်၍ မည်သူ​က​မျှ သင်​တို့​ကို​သင်ပေး​ရန် မ​လိုအပ်​ပေ။ ထို​ဘိသိက်​ကျေးဇူး​သည် မှန်ကန်​၍ လိမ်လည်​ခြင်း​ကင်း​လျက် အရာ​ခပ်သိမ်း​တို့​ကို သင်​တို့​အား သင်ပေး​တော်မူ​သည်​ဖြစ်၍ သင်​တို့​အား သင်ပေး​တော်မူ​သည့်​အတိုင်း ကိုယ်တော်​၌​တည်​နေ​ကြ​လော့။