သုတ္တံကျမ်း။ 24:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ မိုက်မဲ​ဆိုးညစ်​သော​အကြံ​သည် အပြစ်​ဖြစ်​၏​။ ပြက်ရယ်​ပြု​တတ်​သော​သူ​သည်​လည်း လူ​တို့​အတွက်​စက်ဆုပ်ရွံရှာဖွယ်​ဖြစ်​၏​။

Common Language Bible

⁹ မိုက်သောအကြံအစည်၌ အပြစ်ပါ၏။ မထီမဲ့ မြင်ပြုသော သူသည်လည်း၊ လူစက်ဆုပ်ရွံရှာဘွယ်ဖြစ် ၏။

Garrad Bible

⁹ အ ပြစ် ဒု စ ရိုက် ကား၊ မိုက် မဲ ခြင်း ဆိုင် ရာ အ လိမ် အ လစ် တည်း။ မ ထီ လေး စား ပြု တတ် သူ လည်း၊ လူ တို့ စက် ဆုပ် ရွံ ရှာ ဖွယ် ဖြစ်၏။

Judson Bible

⁹ မိုက်​သော​အ​ကြံ​အ​စည်၌ အ​ပြစ်​ပါ၏။ မ​ထီ​မဲ့​မြင်​ပြု​သော​သူ​သည်​လည်း၊ လူ​စက်​ဆုပ်​ရွံ​ရှာ​ဖွယ် ဖြစ်၏။

သုတ္တံကျမ်း။ 24:9 Referencias Cruzadas

ကမ္ဘာ​ဦး 6:5

မြေကြီး​ပေါ်တွင် လူ​၏​မကောင်းမှု​များပြား​၍ လူ့​စိတ်နှလုံး​၏​တွေးတော​ကြံစည်မှု​ရှိသမျှ​တို့​သည် အစဉ်အမြဲ​ဆိုးညစ်ခြင်း​သက်သက်​သာ​ဖြစ်ကြောင်း​ကို ထာဝရဘုရား​မြင်​တော်မူ​၏​။

ကမ္ဘာ​ဦး 8:21

ထာဝရဘုရား​သည် မွှေးကြိုင်​သော​ရနံ့​ကို​ခံယူ​တော်မူ​၏​။ ထိုအခါ ထာဝရဘုရား​က “​လူ​တို့​၏​စိတ်နှလုံး​အကြံအစည်​များ​သည် ငယ်ရွယ်စဉ်​ကတည်းက ဆိုးညစ်​သော်လည်း ငါ​သည် လူ​တို့​ကြောင့် မြေကြီး​ကို နောက်တစ်ဖန် မည်သည့်​အခါ​မျှ​ကျိန်​တော့​မည်​မ​ဟုတ်​။ ငါ​သည် သက်ရှိသတ္တဝါ​အပေါင်း​တို့​ကို ယခု​ပြု​သကဲ့သို့ နောက်တစ်ဖန် မည်သည့်​အခါ​မျှ​ဒဏ်ခတ်​တော့​မည်​မ​ဟုတ်​။

ဆာ​လံ 119:113

အကျွန်ုပ်​သည် စိတ်​နှစ်ခွ​ရှိ​သော​သူ​တို့​ကို မုန်း​ပါ​၏​။ သို့သော် ကိုယ်တော်​၏​တရားတော်​ကို မြတ်နိုး​ပါ​၏​။

သုတ္တံကျမ်း။ 21:24

မာနထောင်လွှား​လျက် ခက်ထန်​မောက်မာ​သော​သူ​၏​အမည်​မှာ “​ပြက်ရယ်​ပြု​တတ်​သော​သူ​” ဟူ၍​ဖြစ်​၏​။ သူ​သည် အလွန်​မာနထောင်လွှား​သော​စိတ်​နှင့် ပြုမူ​တတ်​၏​။

သုတ္တံကျမ်း။ 22:10

ပြက်ရယ်​ပြု​တတ်​သော​သူ​ကို နှင်ထုတ်​လော့​။ သို့ပြုလျှင် အငြင်းပွားမှု​သည် ထွက်သွား​၍ ခိုက်ရန်​ဖြစ်​ခြင်း​နှင့်​အရှက်ကွဲ​ခြင်း​သည်​လည်း အဆုံးသတ်​သွား​လိမ့်မည်​။

သုတ္တံကျမ်း။ 23:7

အကြောင်းမူကား သူ​သည် မိမိ​စိတ်​ထဲ၌ တွက်ချက်​တတ်​သော​သူ​မျိုး​ဖြစ်​၏​။ သူ​သည် သင့်​အား “​စား​လော့​။ သောက်​လော့​”​ဟု ဆို​သော်လည်း သင့်​အပေါ် စေတနာ​စိတ်​မ​ရှိ​။

သုတ္တံကျမ်း။ 24:8

ဆိုးညစ်​သော​အမှု​ပြု​ရန်​ကြံစည်​သော​သူ​ကို အကြံသမား​ဟု​ခေါ်​ကြ​လိမ့်မည်​။

သုတ္တံကျမ်း။ 29:8

ပြက်ရယ်​ပြု​တတ်​သော​သူ​တို့​သည် မြို့​ကို​ဆူပူအုံကြွ​စေ​တတ်​၏​။ ပညာရှိ​တို့​မူကား အမျက်​ကို​ပြေ​စေ​တတ်​၏​။

သုတ္တံကျမ်း။ 9:7

ပြက်ရယ်​ပြု​တတ်​သော​သူ​ကို ပဲ့ပြင်​သော​သူ​သည် အရှက်ခွဲခြင်း​ကို​ခံရ​၍ ဆိုးယုတ်​သော​သူ​ကို ဆုံးမ​သော​သူ​သည် ကိုယ်တိုင် အနာတရ​ဖြစ်​လိမ့်မည်​။

ဟေ​ရှာ​ယ 55:7

ဆိုးယုတ်​သော​သူ​သည် မိမိ​လမ်း​ကို​လည်းကောင်း​၊ အပြစ်ဒုစရိုက်​ပြု​သော​သူ​သည် မိမိ​အကြံအစည်​တို့​ကို​လည်းကောင်း စွန့်ပစ်​၍ ထာဝရဘုရား​ထံ​တော်​သို့ ပြန်လှည့်​လာ​ပါစေ​။ သို့ပြုလျှင် ကိုယ်တော်​သည် သူ့​ကို သနား​တော်မူ​မည်​။ ငါ​တို့​၏​ဘုရားသခင်​ထံ​တော်​သို့ ပြန်လှည့်​လာ​ပါစေ​။ အကြွင်းမဲ့​ခွင့်လွှတ်​တော်မူ​မည်​။

ယေ​ရ​မိ 4:14

အို ဂျေရုဆလင်​မြို့​၊ ကယ်တင်​ခြင်း​ခံရ​ရန် ဆိုးညစ်​သော​သင်​၏​စိတ်နှလုံး​ကို သန့်ရှင်းစင်ကြယ်​စေ​လော့​။ ယုတ်ညံ့​သော​အကြံအစည်​များ​ကို သင့်​စိတ်​ထဲ​၌ မည်မျှ​ကြာ​အောင် ရှိ​နေ​စေ​မည်နည်း​။

မဿဲ 15:19

အကြောင်းမူကား မကောင်း​သော​တွေးတော​ကြံစည်​မှု​များ၊ လူ​သတ်​ခြင်း၊ အိမ်ထောင်ရေး​ဖောက်ပြန်​မှု​ကို​ကျူးလွန်​ခြင်း၊ တရားနှင့်မညီ​မေထုန်ပြု​ခြင်း၊ ခိုးယူ​ခြင်း၊ မမှန်​သော​သက်သေ​ထွက်ဆို​ခြင်း​နှင့် စော်ကား​ပြောဆို​ခြင်း​တို့​သည် စိတ်နှလုံး​ထဲမှ​ထွက်လာ​ကြ​၏။

မဿဲ 5:28

သို့သော် သင်​တို့​အား ငါ​ဆို​သည်​ကား အမျိုးသမီး​တစ်​ယောက်​ကို ကိလေသာ​စိတ်​နှင့်​ကြည့်​သော​သူ​တိုင်း​သည် သူ​၏​စိတ်နှလုံး​ထဲ၌ ထို​အမျိုးသမီး​နှင့်​ပြစ်မှား​လေ​ပြီ။

မဿဲ 9:4

ယေရှု​သည် သူ​တို့​၏​စဉ်းစား​ဆင်ခြင်​မှု​များ​ကို သိမြင်​တော်မူ​၍“အဘယ်ကြောင့် သင်​တို့​၏​စိတ်နှလုံး​ထဲ၌ မကောင်း​သော​အရာ​များ​ကို စဉ်းစား​ဆင်ခြင်​နေ​ကြ​သနည်း။

တမန်တော်ဝတ္ထု 8:22

ထို့ကြောင့် သင်​၌​ရှိ​သော ဤ​မကောင်းမှု​အတွက် နောင်တရ​လျက် သခင်​ဘုရား​ထံ​ဆုတောင်း​လော့။ သို့ပြုလျှင် သင့်​စိတ်နှလုံး​၏​အကြံအစည်​အတွက် သင်​သည် ခွင့်လွှတ်​ခြင်း​ခံရ​ကောင်း​ခံရ​လိမ့်မည်။

၂ ကော 10:5

ဘုရားသခင်​ကို​သိ​သော​ဉာဏ်​ကို ဆန့်ကျင်​တားဆီး​သည့် စဉ်းစား​ဆင်ခြင်​မှု​နှင့်​မာန်မာန​ရှိသမျှ​တို့​ကို​ဖြိုဖျက်​၍ ခပ်သိမ်း​သော​တွေးတော​ကြံစည်​မှု​များ​ကို ဖမ်းဆီး​ချုပ်နှောင်​ကာ ခရစ်တော်​အား နာခံ​စေ​ကြ​၏။