သုတ္တံကျမ်း။ 21:29 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁹ ဆိုးယုတ်​သော​သူ​သည် မျက်နှာ​ပြောင်တိုက်​တတ်​၏​။ ဖြောင့်မှန်​သော​သူ​မူကား မိမိ​သွား​ရာ​လမ်း​ကို သိရှိနားလည်​၏​။

Common Language Bible

²⁹ မတရားသောသူသည် မိမိမျက်နှာကို ခိုင်မာ စေတတ်၏။ ဖြောင့်မတ်သောသူမူကား၊ မိမိသွားရာလမ်း ကို ပြင်ဆင်တတ်၏။

Garrad Bible

²⁹ လူ ဆိုး သည်၊ မျက် နှာ ပြောင် တိုက် တတ်၏။ သူ တော် ကောင်း မူ ကား၊ ကိုယ် အ လေ့ အ လာ ကို ဆင် ခြင် ပိုင်း ခြား တတ်၏။

Judson Bible

²⁹ မ​တ​ရား​သော​သူ​သည် မိ​မိ​မျက်​နှာ​ကို ခိုင်​မာ​စေ​တတ်၏။ ဖြောင့်​မတ်​သော​သူ​မူ​ကား၊ မိ​မိ​သွား​ရာ​လမ်း​ကို ပြင်​ဆင်​တတ်၏။

သုတ္တံကျမ်း။ 21:29 Referencias Cruzadas

ဆာ​လံ 119:5

ကိုယ်တော်​၏​ပြဋ္ဌာန်းချက်​တို့​ကို စောင့်ထိန်း​နိုင်​ရန် အကျွန်ုပ်​၏​လမ်းခရီး​တို့​သည် တည်မြဲ​ခြင်း​ရှိ​ပါစေသော​။

ဆာ​လံ 119:59

အကျွန်ုပ်​သည် မိမိ​၏​ဘဝလမ်း​ကို ဆင်ခြင်​၍ အကျွန်ုပ်​၏​ခြေလှမ်း​ကို ကိုယ်တော်​၏​သက်သေခံချက်​များ​ထံသို့ ပြန်လှည့်​စေ​ပါ​၏​။

သုတ္တံကျမ်း။ 11:5

အပြစ်တင်စရာမရှိ​သော​သူ​၏​ဖြောင့်မတ်​ခြင်း​သည် သူ​၏​လမ်း​ကို​ဖြောင့်တန်း​စေ​တတ်​၏​။ ဆိုးယုတ်​သော​သူ​မူကား မိမိ​၏​ဆိုးယုတ်မှု​ကြောင့် ကျဆုံး​တတ်​၏​။

သုတ္တံကျမ်း။ 28:14

ဩတ္တပ္ပစိတ်​အစဉ်အမြဲ​ရှိ​သော​သူ​သည် မင်္ဂလာ​ရှိ​၏​။ မိမိ​၏​စိတ်နှလုံး​ကို​မာကျော​စေ​သော​သူ​မူကား ဒုက္ခတွင်း​ထဲသို့​ကျရောက်​လိမ့်မည်​။

သုတ္တံကျမ်း။ 29:1

ဆိုဆုံးမ​ခြင်း​ကို​အကြိမ်ကြိမ်​ခံရ​သော်လည်း ခေါင်းမာ​လျက်​နေ​သော​သူ​သည် ချမ်းသာ​ရာ​မ​ရ​ဘဲ ချက်ချင်း​ပျက်စီး​ရ​လိမ့်မည်​။

သုတ္တံကျမ်း။ 4:25

သင်​၏​မျက်စိ​သည် ရှေ့​သို့​စေ့စေ့ကြည့်​ပါစေ​။ သင်​၏​မျက်လွှာ​သည်​လည်း သင့်​ရှေ့​တည့်တည့်​အာရုံ​ပြု​ပါစေ​။

သုတ္တံကျမ်း။ 4:26

သင်​လျှောက်​ရာ​လမ်း​ကို​ချင့်ချိန်သုံးသပ်​လော့​။ သို့ပြုလျှင် သင်​၏​လမ်းခရီး​ရှိသမျှ​တို့​သည် တည်မြဲ​လိမ့်မည်​။

သုတ္တံကျမ်း။ 7:13

သူ​သည် ထို​လုလင်​ကို​ဆွဲ​၍ နမ်း​ပြီးလျှင်

ဒေသနာကျမ်း။ 8:1

မည်သူ​သည် ပညာရှိ​ကဲ့သို့​ဖြစ်​သနည်း​။ မည်သူ​သည် အမှုအရာ​၏​အနက်အဓိပ္ပာယ်​ကို​သိ​သနည်း​။ လူ​တစ်​ဦး​၏​ဉာဏ်ပညာ​သည် ထို​သူ​၏​မျက်နှာ​ကို​ထွန်းလင်း​စေ​၍ သူ​၏​တင်းမာ​သော​မျက်နှာ​ကို ပြောင်းလဲ​စေ​တတ်​၏​။

ယေ​ရ​မိ 5:3

အို ထာဝရဘုရား​၊ ကိုယ်တော်​သည် သစ္စာတရား​ကို လိုလား​တော်မူ​သည်​မ​ဟုတ်​လော​။ ကိုယ်တော်​သည် သူ​တို့​ကို​ဒဏ်ခတ်​သော်လည်း သူ​တို့​မ​နာ​ကြ​။ သူ​တို့​ကို​ဖျက်ဆီး​သော်လည်း ဆုံးမပဲ့ပြင်​ခြင်း​ကို​မခံယူ​ကြ​။ သူ​တို့​သည် မိမိ​တို့​၏​မျက်နှာ​ကို ကျောက်တုံး​ထက်​ပင် မာကျော​စေ​ကြ​၏​။ ကိုယ်တော့်​ထံ ပြန်လာ​ရန် ငြင်းဆို​ကြ​၏​။

ယေ​ရ​မိ 8:12

သူ​တို့​သည် မိမိ​တို့​ပြု​ခဲ့​သော​စက်ဆုပ်ရွံရှာဖွယ်​သော​အမှု​ကို​ပြု​သောအခါ ရှက်​ကြ​သလော​။ လုံးဝ​မ​ရှက်​ကြ​။ ရှက်ကြောက်​ရ​မည်​ကို မ​သိ​ကြ​။ ထို့ကြောင့် အခြား​သူ​တို့​လဲကျ​ရာ​သို့ သူ​တို့​လည်း လဲကျ​ကြ​လိမ့်မည်​။ ငါ​သည် သူ​တို့​ကို ဒဏ်ခတ်​သောအခါ ပြိုလဲ​သွား​ကြ​လိမ့်မည်​”​ဟု ထာဝရဘုရား​မိန့်​တော်မူ​၏​။

ယေ​ဇ​ကျေ​လ 18:28

သူ​ကျူးလွန်​မိ​သော​အပြစ်​များ​ကို​သိမြင်​လာ​ပြီး နောင်တရ​သောကြောင့် သူ​သည် အမှန်ပင် အသက်ချမ်းသာ​ရာ​ရ​လိမ့်မည်​၊ သေ​ရ​မည်​မ​ဟုတ်​။

ဟ္ဂဲ 1:5

ထို့ကြောင့် ကောင်းကင်​ဗိုလ်ခြေ​အရှင်​ထာဝရဘုရား​က ‘သင်​တို့​၏​အပြုအမူ​အကျင့်အကြံ​များ​ကို ဆင်ခြင်​ကြ​လော့​။

ဟ္ဂဲ 1:7

ကောင်းကင်​ဗိုလ်ခြေ​အရှင်​ထာဝရဘုရား​က ‘သင်​တို့​၏​အပြုအမူ​အကျင့်အကြံ​များ​ကို ဆင်ခြင်​ကြ​လော့’​ဟု မိန့်ဆို​ပြီ​။

ဟ္ဂဲ 2:15

‘ယခု​မှစ၍ ထာဝရဘုရား​၏​ဗိမာန်​တော်​တွင် ကျောက်တုံး​တစ်​တုံး​ပေါ်​တစ်​တုံး​ဆင့်​သော​နေ့ မ​ရောက်​မီ​အထိ သင်​တို့ နှလုံးသွင်း​ဆင်ခြင်​ကြ​လော့​။

၁ သက် 3:11

ငါ​တို့​အဖ​ဖြစ်​တော်မူ​သော​ဘုရားသခင်​ကိုယ်တော်​တိုင်​နှင့် ငါ​တို့​၏​သခင်​ယေရှု​သည် သင်​တို့​ထံသို့ ငါ​တို့​လာ​မည့်​လမ်း​ခရီး​ကို ပြင်ဆင်​ပေး​တော်မူ​ပါစေသော။