သုတ္တံကျမ်း။ 17:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ ဆိုးယုတ်​သော​သူ​ကို ဖြောင့်မတ်​သည်​ဟု​သတ်မှတ်​သော​သူ​နှင့် ဖြောင့်မတ်​သော​သူ​ကို အပြစ်ရှိ​သည်​ဟု​စီရင်​သော​သူ​နှစ်ဦးစလုံး​ကို ထာဝရဘုရား​စက်ဆုပ်ရွံရှာ​တော်မူ​၏​။

Common Language Bible

¹⁵ မတရားသောသူတို့ကို အပြစ်မှလွှတ်သော သူနှင့်၊ ဖြောင့်မတ်သောသူတို့ကို အပြစ်စီရင်သော သူနှစ်ယောက်လုံးတို့ကို ထာဝရဘုရား စက်ဆုပ်ရွံ့ရှာ တော်မူ၏။

Garrad Bible

¹⁵ လူ ဆိုး ကို ဖြောင့် သည် ဟု စီ ရင် သူ၊ ဖြောင့် သူ့ ကို ဆိုး သည် ဟု စီ ရင် သူ နှစ် ဦး သား တို့ သည်၊ ထာ ဝ ရ ဘု ရား၏ မျက် မှောက် တော်၌၊ စက် ဆုပ် ရွံ့ ရှာ ဖွယ် ဖြစ် ကြ ၏။

Judson Bible

¹⁵ မ​တ​ရား​သော​သူ​တို့​ကို အ​ပြစ်​မှ​လွှတ်​သော​သူ​နှင့်၊ ဖြောင့်​မတ်​သော​သူ​တို့​ကို အ​ပြစ်​စီ​ရင်​သော​သူ နှစ်​ယောက်​လုံး​တို့​ကို ထာ​ဝ​ရ​ဘု​ရား စက်​ဆုပ်​ရွံ​ရှာ​တော်​မူ၏။

သုတ္တံကျမ်း။ 17:15 Referencias Cruzadas

၃ ရာ 21:13

ထိုအခါ လူမိုက်​နှစ်​ဦး​က သူ​နှင့်​မျက်နှာချင်းဆိုင်​တွင် လာထိုင်​၍ “​နာဗုတ်​သည် ဘုရားသခင်​နှင့်​ရှင်ဘုရင်​ကို ကျိန်ဆဲ​ပါ​ပြီ​”​ဟု လူ​တို့​ရှေ့​တွင် သက်သေခံ​ကြ​၏​။ ထို့နောက် သူ့​ကို မြို့ပြင်​သို့​ဆွဲထုတ်​ပြီး ကျောက်ခဲ​နှင့်​ပေါက်​ကြ​သဖြင့် သူ​သေ​လေ​၏​။

ဆာ​လံ 94:21

သူ​တို့​သည် ဖြောင့်မတ်​သော​သူ​၏​အသက်​ကို ရန်ရှာ​ရန်​စုဝေး​၍ အပြစ်ကင်း​သော​သူ​ကို သေဒဏ်​စီရင်​ကြ​ပါ​၏​။

ထွက်​မြောက် 23:7

ဆိုးယုတ်​သော​သူ​ကို ဖြောင့်မတ်​သည်​ဟု ငါ​စီရင်​မည်​မ​ဟုတ်​။ သို့ဖြစ်၍ မဟုတ်မမှန်​သော​အမှုအရာ​ကို ဝေးဝေးရှောင်​ရ​မည်​။ အပြစ်မဲ့​သော​သူ​၊ ဖြောင့်မတ်​သော​သူ​ကို မ​သတ်​ရ​။

သုတ္တံကျမ်း။ 11:1

မမှန်ကန်​သော​ချိန်ခွင်​ကို ထာဝရဘုရား​စက်ဆုပ်ရွံရှာ​တော်မူ​၏​။ မှန်​သော​အလေး​ကို​ကား ကိုယ်တော်​နှစ်သက်​တော်မူ​၏​။

သုတ္တံကျမ်း။ 15:8

ဆိုးယုတ်​သော​သူ​တို့​၏​ယဇ်ကောင်​ကို ထာဝရဘုရား​စက်ဆုပ်ရွံရှာ​တော်မူ​၏​။ ဖြောင့်မှန်​သော​သူ​တို့​၏​ဆုတောင်းချက်​ကို​ကား ကိုယ်တော်​နှစ်သက်​တော်မူ​၏​။

သုတ္တံကျမ်း။ 17:26

ဖြောင့်မတ်​သော​သူ​ကို အပြစ်ဒဏ်​ပေး​ခြင်း​၊ မင်းအရာရှိ​တို့​ကို ဖြောင့်မှန်မှု​အတွက်​ရိုက်​ခြင်း​သည် မ​ကောင်း​ပေ​။

သုတ္တံကျမ်း။ 18:5

ဆိုးယုတ်​သော​သူ​ကို​မျက်နှာလိုက်​ခြင်း​၊ ဖြောင့်မတ်​သော​သူ​ကို မတရားသဖြင့်​စီရင်​ခြင်း​သည် မ​ကောင်း​ပေ​။

သုတ္တံကျမ်း။ 31:5

သူ​တို့​သည် သောက်​သောအခါ ပြဋ္ဌာန်း​ထား​သော​အရာ​ကို​မေ့လျော့​၍ ဖိစီးနှိပ်စက်မှု​ခံရ​သော​သူ​အပေါင်း​တို့​၏ အမှုအခင်း​ကို လွဲမှား​စွာ​စီရင်​မည်​ကို စိုးရိမ်​ရ​၏​။

သုတ္တံကျမ်း။ 6:16

ထာဝရဘုရား​မုန်း​တော်မူ​သော​အရာ​ခြောက်​ပါး​မက ကိုယ်တော်​၏​စိတ်ဝိညာဉ် စက်ဆုပ်ရွံရှာ​တော်မူ​သော​အရာ​ခုနစ်​ပါး​မှာ

ဟေ​ရှာ​ယ 5:20

အဆိုး​ကို အကောင်း​၊ အကောင်း​ကို အဆိုး​ဟု ဆို​တတ်​သော​သူ​၊ အလင်း​ကို အမှောင်​၊ အမှောင်​ကို အလင်း ဖြစ်စေ​သော​သူ​၊ အခါး​ကို အချို​၊ အချို​ကို အခါး ဖြစ်စေ​သော​သူ​တို့​သည် အမင်္ဂလာ​ရှိ​ကြ​၏​။

ဟေ​ရှာ​ယ 5:23

ထို​သူ​တို့​သည် တံစိုးလက်ဆောင်​ကြောင့် ဆိုးယုတ်​သော​သူ​ကို ဖြောင့်မတ်​သည်​ဟု​စီရင်​၍ ဖြောင့်မတ်​သော​သူ​တို့​၏​ဖြောင့်မတ်​ခြင်း​ကို ဖယ်ရှား​တတ်​ကြ​၏​။

မြည်​တမ်း​စ​ကား 3:35

အမြင့်ဆုံး​သော​အရှင်​ရှေ့မှောက်​တွင် မတရားသဖြင့်​စီရင်​ခြင်း​၊

ယေ​ဇ​ကျေ​လ 13:19

သင်​တို့​သည် မုယောဆန်​လက်တစ်ဆုပ်စာ​၊ မုန့်​တစ်လုတ်စာ​ရရှိ​ရန် ငါ့​လူမျိုး​တော်​အလယ်​တွင် ငါ့​ကို​ရှုတ်ချ​ကြ​ပြီ​။ အလိမ်အညာ​စကား​ကို​ယုံလွယ်​သော ငါ့​လူမျိုး​တော်​တို့​ကို လိမ်ညာ​ပြီး မသေသင့်​သူ​ကို သေ​အောင်​၊ သေသင့်​သူ​ကို မသေ​အောင် လုပ်​ကြ​ပြီ​တကား​ဟု မိန့်​တော်မူ​၏​။

အာ​မုတ် 5:12

သင်​တို့​သည် အပြစ်​များစွာ​ကျူးလွန်​ပြီး အပြစ်​ကြီးလေး​ကြောင်း​ကို ငါ​သိ​၏​။ ဖြောင့်မတ်​သော​သူ​ကို ညှဉ်းဆဲ​ပြီး လာဘ်စား​၏​။ နွမ်းပါး​သူ​တို့​ကို​လည်း မြို့​တံခါးဝ​တွင် မတရားစီရင်​ကြ​၏​။

အာ​မုတ် 5:7

သင်​တို့​သည် တရားမျှတမှု​ကို ခါးသီး​စေ​၍ ဖြောင့်မတ်​ခြင်း​ကို မြေ​ပေါ်​ချထား​ကြ​ပြီ”​ဟု မိန့်​တော်မူ​၏​။

အာ​မုတ် 6:12

မြင်း​တို့​သည် ကျောက်ဆောင်​ပေါ်တွင် ပြေး​တတ်​သလော​။ နွား​ဖြင့်​ယှဉ်​၍ ထွန်ယက်​တတ်​သလော​။ သင်​တို့​သည် တရားမျှတ​ခြင်း​ကို အဆိပ်​ဖြစ်​စေ​ပြီ​။ ဖြောင့်မတ်​ခြင်း​၏​အသီး​ကို​လည်း ခါးသီး​စေ​ပြီ​။

ရော​မ 4:5

သို့ရာတွင် လုပ်ဆောင်​မှု​မ​ရှိ​သော်လည်း ဘုရား​တရား​မဲ့​သော​သူ​အား ဖြောင့်မတ်​သည်​ဟု​အသိအမှတ်ပြု​တော်မူ​သော​အရှင်​ကို ယုံကြည်​သော​သူ​အတွက်​မူကား ထို​ယုံကြည်​ခြင်း​ကို သူ​၏​ဖြောင့်မတ်​ခြင်း​အဖြစ် သတ်မှတ်​တော်မူ​၏။

တ​ရား​ဟော 25:1

လူ​နှစ်​ယောက် ခိုက်ရန်ဖြစ်ပွား​ကြ​လျှင် တရားရုံး​သို့​သွား​ရ​မည်​။ တရားသူကြီး​သည် ဖြောင့်မတ်​သော​သူ​ကို အပြစ်မရှိ​ဟု​စီရင်​ရ​မည်​။ ဆိုးယုတ်​သော​သူ​ကို အပြစ်ရှိ​သည်​ဟု​စီရင်​ရ​မည်​။

ယာ​ကုပ် 5:6

သင်​တို့​သည် ဖြောင့်မတ်​သော​သူ​ကို အပြစ်​ရှိ​သည်​ဟု​သတ်မှတ်​၍ သတ်​ကြ​ပြီ။ သူ​သည် သင်​တို့​ကို ဆန့်ကျင်​ခြင်း​မ​ပြု​ချေ။