သုတ္တံကျမ်း။ 14:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² ဖြောင့်မှန်​စွာ​လျှောက်လှမ်း​သော​သူ​သည် ထာဝရဘုရား​ကို​ကြောက်ရွံ့​တတ်​၏​။ သွေဖည်​လွဲမှား​သော​လမ်း​တို့​ကို​လိုက်​သော​သူ​မူကား ကိုယ်တော်​ကို​မထီမဲ့မြင်ပြု​တတ်​၏​။

Common Language Bible

² ဖြောင့်သောလမ်းသို့လိုက်သောသူသည် ထာဝရ ဘုရားကို ကြောက်ရွံ့တတ်၏။ ကောက်သောလမ်းသို့ လိုက်သောသူမူကား၊ မထီမဲ့မြင်ပြုတတ်၏။

Garrad Bible

² ဖြောင့် မှန် စွာ လျှောက် လိုက် သော သူ သည်၊ ထာ ဝ ရ ဘု ရား ကို ခန့် ညား တတ်၏။ အ လေ့ အ လာ လိမ် လည် သူ ဟူ မူ ကား၊ မ ထီ မဲ့ မြင် ပြု တတ် ၏။

Judson Bible

² ဖြောင့်​သော​လမ်း​သို့ လိုက်​သော​သူ​သည် ထာ​ဝ​ရ​ဘု​ရား​ကို​ကြောက်​ရွံ့​တတ်၏။ ကောက်​သော​လမ်း​သို့ လိုက်​သော​သူ​မူ​ကား၊ မ​ထီ​မဲ့​မြင်​ပြု​တတ်၏။

သုတ္တံကျမ်း။ 14:2 Referencias Cruzadas

၂ ရာ 12:9

ယခုမှာ သင်​သည် အဘယ်ကြောင့် ထာဝရဘုရား​၏​စကား​တော်​ကို မထီမဲ့မြင်ပြု​ပြီး မျက်မှောက်​တော်​၌ မကောင်းမှု​ကို ပြု​ရ​သနည်း​။ သင်​သည် ဟိတ္တိ​လူမျိုး ဥရိယ​ကို ဓား​နှင့်​သတ်​ပြီး သူ့​မယား​ကို သင့်​မိဖုရား​အဖြစ် သိမ်းယူ​ပြီ​။ သင်​သည် သူ့​ကို အမ္မုန်​အမျိုးသား​တို့​၏​ဓား​ဖြင့် သတ်​လေ​ပြီ​တကား​။

၃ ရာ 3:6

ရှောလမုန်​မင်းကြီး​က​လည်း “​အရှင့်​အစေအပါး အကျွန်ုပ်​၏​ခမည်းတော် ဒါဝိဒ်​မင်းကြီး​သည် ကိုယ်တော်​၏​ရှေ့​တော်​တွင် သစ္စာစောင့်​လျက်​၊ ဖြောင့်မတ်​လျက်​၊ စိတ်နှလုံး​မှန်ကန်​စွာ အသက်ရှင်​လျှောက်လှမ်း​ခဲ့​သဖြင့် ကိုယ်တော်​သည် သူ့​အား ကြီးမား​သော​မေတ္တာကရုဏာ​ကို ပြ​တော်မူ​ခဲ့​ပြီ​။ ဤ​ကြီးမား​သော​မေတ္တာကရုဏာ​တော်​ကို ဆက်လက်​ပြသ​လျက် သူ့​သား​ကို သူ​၏​ရာဇပလ္လင်​ပေါ်တွင် ယနေ့ စံမြန်း​စေ​တော်မူ​လေ​ပြီ​။

၄ ရာ 17:34

ယနေ့​ထိ​တိုင်အောင် ဓလေ့ထုံးတမ်း​ဟောင်း​များ​အတိုင်း ပြုကျင့်​လျက်​နေ​ကြ​၏​။ ထာဝရဘုရား​အား ကြောက်ရွံ့​ခြင်း​အလျှင်း​မ​ရှိ​။ အစ္စရေး​ဟု အမည်ရ​သော​ယာကုပ်​၏​သား​တို့​အား ထာဝရဘုရား​မိန့်မှာ​ထား​တော်မူ​သော ပြဋ္ဌာန်းချက်​များ​၊ စီရင်ထုံးဖွဲ့ချက်​များ​၊ ဥပဒေသ​များ​၊ ပညတ်ချက်​များ စသည်​တို့​ကို​လည်း မ​လိုက်နာ​ကြ​ပေ​။

ယောဘဝတ္တု။ 1:1

ဥဇ​ပြည်​တွင် ယောဘ​အမည်​ရှိ​သော​လူ​တစ်​ယောက်​ရှိ​၏​။ သူ​သည် အပြစ်တင်စရာ​မ​ရှိ​၊ ဖြောင့်မှန်​သော​သူ​၊ ဘုရားသခင်​ကို ကြောက်ရွံ့ရိုသေ​သော​သူ​၊ မကောင်းမှု​ကို ရှောင်ကြဉ်​သော​သူ ဖြစ်​၏​။

ယောဘဝတ္တု။ 12:4

ယခုမှာ ငါ​သည် မိတ်ဆွေ​တို့ ပြက်ရယ်ပြုစရာ​အကြောင်း ဖြစ်​ရ​လေ​ပြီ​။ ဘုရားသခင်​ကို​ခေါ်​လျှင် ဘုရားသခင်​ထူး​သော​သူ​၊ အပြစ်တင်စရာမရှိ ဖြောင့်မတ်​သော​သူ​သည် ပြက်ရယ်ပြုစရာ ဖြစ်​ရ​လေ​ပြီ​တကား​။

ယောဘဝတ္တု။ 28:28

ကိုယ်တော်​က လူ​အား ‘​ကြည့်ရှု​လော့​။ ဘုရားရှင်​ကို ကြောက်ရွံ့​ခြင်း​သည် ဉာဏ်ပညာ​ဖြစ်​၏​။ မကောင်းမှု​ကို​ရှောင်ကြဉ်​ခြင်း​သည် အသိဉာဏ်​ဖြစ်​၏​’​ဟူ၍ မိန့်​တော်မူ​ပြီ”​ဟု ဆို​လေ​၏​။

ဆာ​လံ 112:1

ဟာလေလုယ​။ ထာဝရဘုရား​ကို ကြောက်ရွံ့​၍ ကိုယ်တော်​၏​ပညတ်တော်​တို့​ကို အလွန်​နှစ်သက်​သော​သူ​သည် မင်္ဂလာ​ရှိ​၏​။

ဆာ​လံ 25:21

အကျွန်ုပ်​သည် ကိုယ်တော်​ကို စောင့်မျှော်​နေ​သည်​ဖြစ်၍ တည်ကြည်​ခြင်း​နှင့်​ဖြောင့်မှန်​ခြင်း​သည် အကျွန်ုပ်​ကို​ကာကွယ်​စောင့်ရှောက်​ပါစေသော​။

သုတ္တံကျမ်း။ 11:12

အသိစိတ်​မ​ရှိ​သော​သူ​သည် မိမိ​၏​အိမ်နီးချင်း​ကို မထီမဲ့မြင်ပြု​တတ်​၏​။ ထိုးထွင်းဉာဏ်​ရှိ​သော​သူ​မူကား တိတ်ဆိတ်​စွာ​နေ​တတ်​၏​။

သုတ္တံကျမ်း။ 16:17

ဖြောင့်မှန်​သော​သူ​တို့​၏​လမ်း​သည် မကောင်းမှု​မှ​ဖယ်ခွာ​ခြင်း​ဖြစ်​၏​။ မိမိ​သွား​ရာ​လမ်း​ကို ထိန်းသိမ်းစောင့်ရှောက်​သော​သူ​သည် မိမိ​အသက်​ကို​စောင့်ထိန်း​သော​သူ​ဖြစ်​၏​။

သုတ္တံကျမ်း။ 16:6

မေတ္တာကရုဏာ​နှင့်​သမ္မာတရား​အားဖြင့် အပြစ်​ဖြေလွှတ်​ခြင်း​ခံရ​၍ ထာဝရဘုရား​ကို​ကြောက်ရွံ့​ခြင်း​အားဖြင့် မကောင်းမှု​မှ​ဖယ်ခွာ​နိုင်​၏​။

သုတ္တံကျမ်း။ 19:1

တည်ကြည်​စွာ​လျှောက်လှမ်း​သော ဆင်းရဲသား​သည် ကောက်ကျစ်​သော​စကား​ကို​ပြောဆို​သည့် လူမိုက်​ထက် ပို၍​ကောင်း​၏​။

သုတ္တံကျမ်း။ 2:15

ကွေ့ကောက်​သော​လမ်းစဉ်​နှင့် သွေဖည်​လွဲမှား​သော​လမ်း​တို့​ကို​လိုက်​သော​သူ​များ​ဖြစ်​ကြ​၏​။

သုတ္တံကျမ်း။ 28:6

တည်ကြည်​စွာ​လျှောက်လှမ်း​သော ဆင်းရဲ​သော​သူ​သည် ကွေ့ကောက်​သော​လမ်း​ကို​လိုက်​သည့် ချမ်းသာ​သော​သူ​ထက် ပို၍​ကောင်း​၏​။

ဒေသနာကျမ်း။ 12:13

အားလုံး​ကို​ကြား​ရ​ပြီးသည့်နောက် နိဂုံးချုပ်​စကား​ဟူမူကား ဘုရားသခင်​ကို​ကြောက်ရွံ့​၍ ကိုယ်တော်​၏​ပညတ်တော်​တို့​ကို​စောင့်ထိန်း​လော့​။ အဘယ်ကြောင့်​ဆိုသော် ဤ​အရာ​သည် လူ​တို့​ပြု​ရ​မည့်​အရာ​အလုံးစုံ​၏​အချုပ်​ဖြစ်​၏​။

လုကာ 10:16

သင်​တို့​စကား​ကို​နားထောင်​သော​သူ​သည် ငါ့​စကား​ကို​နားထောင်​၏။ သင်​တို့​ကို​ငြင်းပယ်​သော​သူ​သည် ငါ့​ကို​ငြင်းပယ်​၏။ ငါ့​ကို​ငြင်းပယ်​သော​သူ​သည် ငါ့​အား​စေလွှတ်​တော်မူ​သော​အရှင်​ကို​ငြင်းပယ်​၏”​ဟု မိန့်​တော်မူ​၏။

လုကာ 16:14

ငွေ​ကို​တပ်မက်​သော​ဖာရိရှဲ​တို့​သည် ဤ​အရာ​အားလုံး​ကို​ကြား​လျှင် ကိုယ်တော်​ကို​ပြက်ရယ်ပြု​ကြ​၏။

တမန်တော်ဝတ္ထု 10:22

သူ​တို့​က​လည်း “ဖြောင့်မတ်​၍ ဘုရားသခင်​ကို​ကြောက်ရွံ့​သော​သူ​ဖြစ်​ပြီး ဂျူး​လူမျိုး​အားလုံး​တို့​တွင် ဂုဏ်​သတင်း​ကောင်း​သော​တပ်မှူး​ကော်နေလိ​သည် သင့်​ကို မိမိ​အိမ်​သို့​ခေါ်ဖိတ်​၍ သင့်​ထံမှ တရား​စကား​ကို​နားထောင်​ရန် သန့်ရှင်း​သော​ကောင်းကင်တမန်​၏​ဗျာဒိတ်​တော်​ကို ခံရ​ပါ​သည်”​ဟု ဆို​ကြ​၏။

တမန်တော်ဝတ္ထု 10:35

မည်သည့်​လူမျိုး​မဆို ကိုယ်တော်​ကို​ကြောက်ရွံ့​လျက် ဖြောင့်မတ်​စွာ​ပြုကျင့်​လျှင် နှစ်သက်​လက်ခံ​တော်မူ​ကြောင်း ငါ​အမှန်​ပင်​သဘောပေါက်​ပြီ။

တမန်တော်ဝတ္ထု 9:31

ဤသို့ဖြင့် ယုဒ​နယ်၊ ဂါလိလဲ​နယ်​နှင့် ရှမာရိ​နယ်​တစ်လျှောက်လုံး​၌ အသင်းတော်​သည် ငြိမ်းချမ်း​မှု​ကို​ရရှိ​၍ တည်ဆောက်​မြှင့်တင်​ခြင်း​ခံရ​ကာ သခင်​ဘုရား​ကို​ကြောက်ရွံ့​ခြင်း​၌​လည်းကောင်း၊ သန့်ရှင်း​သော​ဝိညာဉ်​တော်​၏​တိုက်တွန်း​အားပေး​ခြင်း​၌​လည်းကောင်း လျှောက်လှမ်း​လျက် တိုးပွား​လေ​၏။