သုတ္တံကျမ်း။ 13:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ ဆင်ခြင်ဉာဏ်​ရှိ​သော​သူ​တိုင်း​သည် အသိပညာ​ရှိ​စွာ​ပြုကျင့်​တတ်​၏​။ မိုက်မဲ​သော​သူ​မူကား မိမိ​၏​မိုက်မဲမှု​ကို ပေါ်လွင်​ထင်ရှား​စေ​တတ်​၏​။

Common Language Bible

¹⁶ သမ္မာသတိရှိသော သူအပေါင်းတို့သည် ပညာ အတတ်နှင့်ပြုမူတတ်ကြ၏။ မိုက်သောသူမူကား၊ မိမိမိုက် သော အပြစ်ကို ထင်ရှားစေတတ်၏။

Garrad Bible

¹⁶ လိ မ္မာ သော သူ ရှိ သ မျှ တို့ သည်၊ အ သိ ပ ညာ နှင့် ပြု လုပ် တတ် ကြ၏။ မိုက် မဲ သော သူ မူ ကား၊ မိုက် မဲ ခြင်း ကို ဖွင့် ပြ တတ် ၏။

Judson Bible

¹⁶ သ​မ္မာ​သ​တိ​ရှိ​သော​သူ​အ​ပေါင်း​တို့​သည် ပ​ညာ​အ​တတ်​နှင့် ပြု​မူ​တတ်​ကြ၏။ မိုက်​သော​သူ​မူ​ကား၊ မိ​မိ​မိုက်​သော အ​ပြစ်​ကို ထင်​ရှား​စေ​တတ်၏။

သုတ္တံကျမ်း။ 13:16 Referencias Cruzadas

ဆာ​လံ 112:5

သနား​တတ်​သော​သူ​၊ ချေးငှား​ပေး​တတ်​သော​သူ​နှင့် မိမိ​၏​အမှုကိစ္စ​တို့​ကို တရားမျှတ​စွာ စီမံခန့်ခွဲ​တတ်​သော​သူ​သည် ကောင်းကျိုးချမ်းသာ​ကို​ခံစား​ရ​၏​။

သုတ္တံကျမ်း။ 14:33

ဉာဏ်ပညာ​သည် အသိဉာဏ်​ရှိ​သော​သူ​၏ စိတ်နှလုံး​ထဲ၌ ကိန်းဝပ်​၍ မိုက်မဲ​သော​သူ​တို့​၏​အလယ်​၌​ပင် ကိုယ့်ကိုယ်ကိုယ်​ဖော်ပြ​တတ်​၏​။

သုတ္တံကျမ်း။ 15:2

ပညာရှိ​သော​သူ​တို့​၏​လျှာ​သည် အသိပညာ​ကို​ထုတ်ဖော်​တတ်​၏​။ မိုက်မဲ​သော​သူ​တို့​၏​နှုတ်​မူကား မိုက်မဲ​ခြင်း​ကို​သွန်ထုတ်​တတ်​၏​။

သုတ္တံကျမ်း။ 18:2

မိုက်မဲ​သော​သူ​သည် ထိုးထွင်းဉာဏ်​ကို​အလို​မ​ရှိ​ဘဲ မိမိ​စိတ်သဘော​ကို​သာ ဖော်ပြ​တတ်​၏​။

သုတ္တံကျမ်း။ 21:24

မာနထောင်လွှား​လျက် ခက်ထန်​မောက်မာ​သော​သူ​၏​အမည်​မှာ “​ပြက်ရယ်​ပြု​တတ်​သော​သူ​” ဟူ၍​ဖြစ်​၏​။ သူ​သည် အလွန်​မာနထောင်လွှား​သော​စိတ်​နှင့် ပြုမူ​တတ်​၏​။

ဒေသနာကျမ်း။ 10:13

သူ​၏​နှုတ်ထွက်​စကား​အစ​သည် မိုက်မဲ​ခြင်း​ဖြစ်ပြီး သူ့​စကား​၏​အဆုံး​သည် ဆိုးရွား​သော​ရူးသွပ်​ခြင်း​ဖြစ်​၏​။

ဒေသနာကျမ်း။ 10:3

မိုက်မဲ​သော​သူ​သည် လမ်း​၌​လျှောက်သွား​စဉ်တွင်​ပင် အသိစိတ်​ကင်းမဲ့​၍ မိမိ​သည်​မိုက်မဲ​သော​သူ​ဖြစ်ကြောင်း လူ​အပေါင်း​တို့​ရှေ့​၌​ဖော်ပြ​တတ်​၏​။

ဟေ​ရှာ​ယ 52:13

ကြည့်ရှု​လော့​။ ငါ့​အစေအပါး​သည် ပညာသတိ​ရှိ​စွာ​လုပ်ဆောင်​မည်​။ သူ​သည် ချီးမြှင့်​မြှောက်စား​ခြင်း​ခံရ​၍ အထွတ်အမြတ်​ဖြစ်​မည်​။

မဿဲ 10:16

နားထောင်​ကြ​လော့။ ဝံပုလွေ​များ​ထဲသို့ သိုး​တို့​ကို​စေလွှတ်​သကဲ့သို့ သင်​တို့​ကို ငါ​စေလွှတ်​၏။ ထို့ကြောင့် မြွေ​ကဲ့သို့​လိမ္မာ​ပါးနပ်​လျက် ချိုးငှက်​ကဲ့သို့​ရိုးသား​ဖြူစင်​ကြ​လော့။

ရော​မ 16:19

သင်​တို့​၏​နာခံ​မှု​သည် လူ​အပေါင်း​တို့​တွင် ကျော်စော​သည်​ဖြစ်၍ သင်​တို့​အတွက် ငါ​ဝမ်းမြောက်​၏။ သို့ရာတွင် သင်​တို့​သည် ကောင်း​သော​အမှု​၌ ပညာရှိ​ဖြစ်​ကြ​ပြီး မကောင်း​သော​အမှု​၌ အပြစ်​ကင်းစင်​သော​သူ​ဖြစ်​ကြ​ရန် ငါ​အလိုရှိ​၏။

၁ ကော 14:20

ညီအစ်ကို​တို့၊ စဉ်းစား​ဆင်ခြင်​မှု​နှင့်​ပတ်သက်၍ ကလေး​သူငယ်​များ​မ​ဖြစ်​ကြ​နှင့်။ မကောင်းမှု​နှင့်​ပတ်သက်၍ ကလေး​သူငယ်​များ​ကဲ့သို့​ဖြစ်​ကြ​လျက် စဉ်းစား​ဆင်ခြင်​မှု​နှင့်ပတ်သက်၍ စုံလင်​ရင့်ကျက်​သော​သူ​များ​ဖြစ်​ကြ​လော့။

ဧ​ဖက် 5:17

သို့ဖြစ်၍ မိုက်မဲ​သော​သူ​များ​မ​ဖြစ်​ကြ​ဘဲ သခင်​ဘုရား​၏​အလို​တော်​သည် မည်သည့်​အရာ​ဖြစ်​သည်​ကို နားလည်​ကြ​လော့။

၁ ရာ 25:17

ယခုမှာ အကျွန်ုပ်​တို့​သခင်​နှင့် အိမ်သူအိမ်သား​အားလုံး​သည် ဘေး​ရောက်​တော့​မည်​ဖြစ်၍ မည်သို့​ပြု​ရ​မည်​ကို သခင်မ သိ​မြင်​ပါ​လော့​။ အကျွန်ုပ်​တို့​သခင်​သည် ဆိုးညစ်​သူ​ဖြစ်​သောကြောင့် သူ့​ကို​ပြော​၍​ရ​မည်​မ​ဟုတ်​ပါ​”​ဟု ဆို​၏​။

၁ ရာ 25:25

အကျွန်ုပ်​၏​သခင်​၊ ဤ​ဆိုးညစ်​သော​သူ​နာဗလ​ကို စိတ်​ထဲ​မ​ထား​ပါ​နှင့်​။ သူ​သည် သူ​၏​နာမည်​နှင့်​လိုက်​ပါ​၏​။ နာဗလ​ဟူသော​နာမည်​နှင့်အညီ မိုက်မဲ​သော​သူ​ဖြစ်​ပါ​၏​။ သခင်​စေလွှတ်​လိုက်​သော သခင့်​လူ​တို့​ကို သခင့်​ကျွန်မ မ​တွေ့​လိုက်​ရ​ပါ​။