ဝတ်​ပြု 6:27 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁷ ထို​ယဇ်​၏​အသား​ကို​ထိမိ​သော​အရာ​ဟူသမျှ သန့်ရှင်း​လိမ့်မည်​။ ယဇ်ကောင်​၏​သွေး​သည် အဝတ်​ကို​စဉ်​လျှင် သွေး​စဉ်​ထား​သော​အဝတ်​ကို သန့်ရှင်း​သော​နေရာ​၌ လျှော်​ရ​မည်​။

Common Language Bible

²⁷ တစ်​စုံ​တစ်​ယောက်​က​ထို​ယဇ်​ကောင်​၏​အ​သား ကို​ထိ​ကိုင်​မိ​လျှင် ထို​အ​သား​၏​သန့်​ရှင်း​မြင့် မြတ်​မှု​ကြောင့်​ဘေး​သင့်​လိမ့်​မည်။ အ​ဝတ်​အ​ထည် တွင်​ယဇ်​ကောင်​၏​အ​သွေး​စွန်း​လျှင် ထို​အ​စွန်း ကွက်​ကို​သန့်​ရှင်း​ရာ​ဌာ​န​တွင်​ဆေး​ကြော​ရ မည်။-

Garrad Bible

²⁷ ဆိုင် ရာ အ သား ကို ထိ မိ သ မျှ သော သူ တို့ သည် သီး သန့် ရာ ရောက် မည့် ပြင်၊ အ ကြင် အ ဝတ် ကို အ သွေး စွန်း မိ လျှင် ထို အ ဝတ် ကို သီး သန့် ရာ အ ရပ် တွင် ဖွပ် လျှော် ရ မည်။

Judson Bible

²⁷ ထို​အ​သား​ကို​ထိ​သ​မျှ​သည် သန့်​ရှင်း၏။ အ​သွေး​ဖျန်း​သ​မျှ​သော အ​ဝတ်​တို့​ကို သန့်​ရှင်း​ရာ​ဌာ​န၌​လျှော်​ရ​မည်။

ဝတ်​ပြု 6:27 Referencias Cruzadas

ထွက်​မြောက် 29:37

ခုနစ်​ရက်​ပတ်လုံး ယဇ်ပလ္လင်​အတွက် အပြစ်ဖြေလွှတ်​ခြင်း​ကို​ပြု​၍ ၎င်း​ကို​သန့်ရှင်း​စေ​ရ​မည်​။ ထိုအခါ ယဇ်ပလ္လင်​သည် အထူး​သန့်ရှင်း​ခြင်း​သို့​ရောက်​လိမ့်မည်​။ ထို​ယဇ်ပလ္လင်​ကို​ထိ​သော​အရာ​ဟူသမျှ သန့်ရှင်း​လိမ့်မည်​။

ထွက်​မြောက် 30:29

သင်​သည် ထို​အရာ​တို့​ကို သန့်ရှင်း​စေ​သဖြင့် ၎င်း​တို့​သည် အထူး​သန့်ရှင်းသောအရာ​ဖြစ်​လိမ့်မည်​။ ထိမိ​သော​အရာ​ဟူသမျှ သန့်ရှင်း​လိမ့်မည်​။

ယေ​ဇ​ကျေ​လ 44:19

လူ​အများ​ရှိ​ရာ​အပြင်​ဝင်း​သို့ ထွက်သွား​သောအခါ အမှု​တော်​ထမ်းဆောင်​စဉ် ဝတ်​ခဲ့​သော​အဝတ်​များ​ကို​ချွတ်​၍ သန့်ရှင်း​သော​အခန်း​ထဲ​တွင် ထားခဲ့​ရ​မည်​။ သူ​တို့​၏​အဝတ်​အားဖြင့် လူ​တို့​ထံ သန့်ရှင်း​ခြင်း​မ​ကူး​ရ​အောင် အခြား​အဝတ်​ကို ဝတ်​ရ​မည်​။

ဝတ်​ပြု 11:32

ထို​အကောင်​များ​ထဲမှ တစ်ကောင်ကောင်​သေ​၍ အသေကောင်​သည် အလုပ်​လုပ်​ရာ​တွင် အသုံးပြု​သော​ပစ္စည်း​ဖြစ်​သည့် သစ်သား​၊ ပိတ်စ​၊ သားရေ​၊ လျှော်တေ​ဖြင့် ပြုလုပ်​ထား​သော​အသုံးအဆောင်​တစ်စုံတစ်ခု​ပေါ်သို့​ကျ​လျှင် ထို​အရာ​သည် မစင်ကြယ်​။ ထို​အရာ​ကို ရေ​ထဲ၌ နှစ်​ရ​မည်​။ ထို​အရာ​သည် နေဝင်ချိန်​အထိ မစင်ကြယ်​။ ထို့နောက်မှ စင်ကြယ်​လိမ့်မည်​။

ဝတ်​ပြု 6:18

၎င်း​ကို အာရုန်​၏​သားမြေး​တို့​တွင် ယောက်ျား​တိုင်း စား​ခွင့်​ရှိ​၏​။ ဤသည်ကား ထာဝရဘုရား​အဖို့ မီး​ဖြင့်​ပူဇော်​သော​ယဇ်​နှင့်​ပတ်သက်၍ သင်​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​။ ၎င်း​တို့​ကို​ထိမိ​သော​အရာ​ဟူသမျှ သန့်ရှင်း​လိမ့်မည်​”​ဟု မိန့်​တော်မူ​၏​။

ဝတ်​ပြု 7:19

မစင်ကြယ်​သော​အရာ​တစ်စုံတစ်ခု​နှင့်​ထိမိ​သော​အသား​ကို မ​စား​ရ​။ မီး​ရှို့​ပစ်​ရ​မည်​။ သန့်ရှင်း​သော​အသား​ကို စင်ကြယ်​သော​သူ​တိုင်း စား​ခွင့်​ရှိ​၏​။

ဟ္ဂဲ 2:12

“တစ်စုံတစ်ဦး​က သန့်ရှင်း​သော​ပူဇော်သက္ကာ​အသား​ကို အဝတ်​နှင့် ထုတ်ယူ​လာ​၍ ထို​ထုတ်ယူ​လာ​သော​အဝတ်​သည် မုန့်​၊ စွပ်ပြုတ်​၊ စပျစ်ဝိုင်​၊ ဆီ အစရှိ​သော​စားစရာ​တစ်ခုခု​နှင့် ထိမိ​လျှင် ထို​စားစရာ​သည် သန့်ရှင်း​သွား​ပါ​မည်လော”​ဟု​မေး​လျှင် ယဇ်ပုရောဟိတ်​တို့​က “မ​သန့်ရှင်း​ပါ”​ဟု ဖြေ​ကြ​၏​။

မဿဲ 14:36

သူ​တို့​အား ကိုယ်တော်​၏​ဝတ်ရုံ​တော်​ပန်းဖွား​ကို​မျှ တို့ထိ​ခွင့်​ပြု​ပါ​မည့်​အကြောင်း ကိုယ်တော်​ကို​တောင်းပန်​ကြ​၏။ တို့ထိ​ရ​သော​သူ​ရှိသမျှ​တို့​သည်​လည်း ရောဂါ​ပျောက်ကင်း​ခြင်း​အခွင့်​ကို​ရ​ကြ​၏။

၂ ကော 7:1

ချစ်​ရ​သော​သူ​တို့၊ ငါ​တို့​၌ ဤသို့​သော ကတိ​တော်​များ​ရှိ​ကြ​သောကြောင့် ကိုယ်ကာယ​နှင့်​စိတ်​ဝိညာဉ်​တို့​၏​အညစ်အကြေး​ရှိသမျှ​တို့​မှ မိမိတို့ကိုယ်ကို​စင်ကြယ်​စေ​၍ ဘုရားသခင်​ကို​ကြောက်ရွံ့​ခြင်း​အားဖြင့် မြင့်မြတ်​သန့်ရှင်း​ခြင်း​နှင့်​ပြည့်စုံ​ကြ​ကုန်စို့။

၂ ကော 7:11

ကြည့်​ကြ​လော့။ ဘုရားသခင်​၏​အလို​တော်​နှင့်​ညီ​သော ဤ​ဝမ်းနည်း​ခြင်း​သည် သင်​တို့​အထဲတွင် မည်သို့​သော ကြိုးစား​အားထုတ်​ခြင်း၊ ဖြေရှင်း​ချက်​ပေး​ခြင်း၊ မခံမရပ်​နိုင်​ဖြစ်​ခြင်း၊ ကြောက်ရွံ့​ခြင်း၊ အလွန်​တောင့်တ​ခြင်း၊ စိတ်အား​ထက်သန်​ခြင်း​နှင့် တရား​သဖြင့်​စီရင်​ခြင်း​တို့​ကို ဖြစ်ပေါ်​စေ​ခဲ့​သနည်း။ သင်​တို့​သည် ဤ​အမှု​၌​အပြစ်​ကင်းစင်​ကြောင်း သင်​တို့​ကိုယ်တိုင် အရာရာ​၌​ထင်ရှား​စေ​ကြ​ပြီ။