ဝတ်​ပြု 5:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ သူ​သည် သိုးသငယ်​ကို ပူဇော်​ရန်​မ​တတ်နိုင်​လျှင် သူ​ကျူးလွန်​မိ​ခဲ့​သော​အပြစ်​အတွက် အပြစ်ဒဏ်ဖြေရာယဇ်​အဖြစ် ချိုးငှက်​နှစ်​ကောင်​၊ သို့မဟုတ် ခိုငယ်​နှစ်​ကောင်​ကို ထာဝရဘုရား​ထံသို့ ယူဆောင်​လာ​ရ​မည်​။ တစ်​ကောင်​သည် အပြစ်ဖြေရာယဇ်​အတွက်​ဖြစ်ပြီး ကျန်​တစ်​ကောင်​သည် မီးရှို့ရာယဇ်​အတွက်​ဖြစ်​၏​။

Common Language Bible

⁷ ထို​သူ​သည်​သိုး​ကို​ဖြစ်​စေ၊ ဆိတ်​ကို​ဖြစ်​စေ ပူ​ဇော်​ရန်​မ​တတ်​နိုင်​လျှင် သူ​၏​အ​ပြစ်​အ​တွက် ချိုး​နှစ်​ကောင်​သို့​မ​ဟုတ်​ခို​နှစ်​ကောင်​ကို ထာ​ဝ​ရ ဘု​ရား​ထံ​တော်​သို့​ယူ​ဆောင်​ခဲ့​ရ​မည်။ ငှက်​တစ် ကောင်​ကို​အ​ပြစ်​ဖြေ​ရာ​ယဇ်​အ​ဖြစ်​ဖြင့်​လည်း ကောင်း၊ အ​ခြား​တစ်​ကောင်​ကို​မီး​ရှို့​ရာ​ယဇ် အ​ဖြစ်​ဖြင့်​လည်း​ကောင်း​ပူ​ဇော်​ရ​မည်။-

Garrad Bible

⁷ သိုး ဆိတ် လက် ဝယ် မ ရှိ လျှင် ပြစ် မှု အ တွက် ဒဏ် ပြေ စေ ရန် အ ပြစ် ဖြေ ရာ သ က္ကာ အ ဖြစ် တစ် ကောင်၊ မီး ရှို့ ရာ သ က္ကာ အ ဖြစ် တစ် ကောင်၊ ချိုး နှစ် ကောင် ဖြစ် စေ၊ ခို နှစ် ကောင် ဖြစ် စေ၊ ထာ ဝ ရ ဘု ရား ထံ တင် သွင်း ရာ၊

Judson Bible

⁷ သိုး​သ​ငယ်​ကို မ​တတ်​နိုင်​လျှင်၊ ပြစ်​မှား​မိ​သော​အ​ပြစ်​အ​တွက် အ​ပြစ်​ဖြေ​ရာ​ယဇ်​ဖို့​တစ်​ကောင်၊ မီး​ရှို့​ရာ​ယဇ်​ဖို့​တစ်​ကောင်၊ ခို​နှစ်​ကောင်၊ သို့​မ​ဟုတ် ချိုး​က​လေး​နှစ်​ကောင်​ကို ထာ​ဝ​ရ​ဘု​ရား​အ​ထံ​တော်၊

ဝတ်​ပြု 5:7 Referencias Cruzadas

ဝတ်​ပြု 12:6

သားယောက်ျား​အတွက်​ဖြစ်စေ​၊ သမီး​မိန်းကလေး​အတွက်​ဖြစ်စေ သန့်စင်​ရာ​နေ့ရက်​ပြည့်​သောအခါ သူ​သည် မီးရှို့ရာယဇ်​အတွက် တစ်နှစ်သားအရွယ်​သိုးသငယ်​တစ်​ကောင်​နှင့် အပြစ်ဖြေရာယဇ်​အတွက် ခိုငယ်​တစ်​ကောင်​၊ သို့မဟုတ် ချိုးငှက်​တစ်​ကောင်​ကို တွေ့ဆုံစည်းဝေးရာ​တဲ​တော်​အဝင်ဝ​၊ ယဇ်ပုရောဟိတ်​ထံ ယူဆောင်​လာ​ရ​မည်​။

ဝတ်​ပြု 12:8

အကယ်၍ သိုးသငယ်​ကို ပူဇော်​ရန်​မ​တတ်နိုင်​လျှင် ချိုးငှက်​နှစ်​ကောင်​၊ သို့မဟုတ် ခိုငယ်​နှစ်​ကောင်​ကို ယူဆောင်​လာ​ရ​မည်​။ တစ်​ကောင်​သည် မီးရှို့ရာယဇ်​အတွက်​ဖြစ်ပြီး ကျန်​တစ်​ကောင်​သည် အပြစ်ဖြေရာယဇ်​အတွက်​ဖြစ်​၏​။ ယဇ်ပုရောဟိတ်​သည် ထို​မိန်းမ​အတွက် အပြစ်ဖြေလွှတ်​ခြင်း​ကို​ပြု​ပေး​သဖြင့် သူ​သည် စင်ကြယ်​လိမ့်မည်​”​ဟု မိန့်​တော်မူ​၏​။

ဝတ်​ပြု 14:30

ယဇ်ပုရောဟိတ်​သည် စင်ကြယ်​စေ​ခြင်း​ခံ​သော​သူ​တတ်နိုင်​သည့်​ထဲမှ ချိုးငှက်​နှစ်​ကောင်​၊ သို့မဟုတ် ခိုငယ်​နှစ်​ကောင် တစ်မျိုးမျိုး​ကို ပူဇော်​ရ​မည်​။

ဝတ်​ပြု 14:31

ထို​သူ​တတ်နိုင်​သည့်​ထဲမှ တစ်​ကောင်​ကို အပြစ်ဖြေရာယဇ်​အတွက်​၊ ကျန်​တစ်​ကောင်​ကို မီးရှို့ရာယဇ်​အတွက် ဘောဇဉ်ပူဇော်သက္ကာ​နှင့်အတူ ပူဇော်​ရ​မည်​။ ဤသို့ဖြင့် ယဇ်ပုရောဟိတ်​သည် စင်ကြယ်​စေ​ခြင်း​ခံ​သော​သူ​အတွက် ထာဝရဘုရား​ရှေ့​တော်​၌ အပြစ်ဖြေလွှတ်​ခြင်း​ကို​ပြု​ပေး​ရ​မည်​။

ဝတ်​ပြု 15:30

ယဇ်ပုရောဟိတ်​သည် တစ်​ကောင်​ကို အပြစ်ဖြေရာယဇ်​အတွက်​၊ ကျန်​တစ်​ကောင်​ကို မီးရှို့ရာယဇ်​အတွက် ပူဇော်​ရ​မည်​။ ဤသို့ဖြင့် ယဇ်ပုရောဟိတ်​သည် မစင်ကြယ်​သော​အရာ​ဆင်း​သော​မိန်းမ​အတွက် ထာဝရဘုရား​ရှေ့​တော်​၌ အပြစ်ဖြေလွှတ်​ခြင်း​ကို​ပြု​ပေး​ရ​မည်​။

ဝတ်​ပြု 16:5

အပြစ်ဖြေရာယဇ်​အတွက် ဆိတ်သငယ်​အထီး​နှစ်​ကောင်​၊ မီးရှို့ရာယဇ်​အတွက် သိုးထီး​တစ်​ကောင်​ကို အစ္စရေး​အမျိုးသား​လူထု​ထံမှ ယူ​ရ​မည်​။

ဝတ်​ပြု 27:8

ကတိသစ္စာ​ပြု​ထား​သူ​သည် ဆင်းရဲ​၍ သင်​တန်ဖိုး​ဖြတ်​ထား​သည့်​အတိုင်း မတတ်နိုင်​လျှင် ယဇ်ပုရောဟိတ်​ထံသို့ လာ​ရ​မည်​။ ယဇ်ပုရောဟိတ်​သည် သူ့​ကို တန်ဖိုးဖြတ်​ရ​မည်​။ သူ​တတ်နိုင်​သည့်​အတိုင်း ယဇ်ပုရောဟိတ်​သည် သူ့​ကို တန်ဖိုးဖြတ်​ရ​မည်​။

ဝတ်​ပြု 5:11

သူ​သည် ချိုးငှက်​နှစ်​ကောင်​၊ သို့မဟုတ် ခိုငယ်​နှစ်​ကောင်​ကို ပူဇော်​ရန်​မ​တတ်နိုင်​လျှင် သူ​ကျူးလွန်​မိ​ခဲ့​သည့်​အပြစ်​အတွက် အပြစ်ဖြေရာယဇ်​အဖြစ် အကောင်းဆုံး​ဂျုံမှုန့်​တစ်​ဧဖာ​၏​ဆယ်ပုံတစ်ပုံ​ကို ယူဆောင်​လာ​၍ ပူဇော်​ရ​မည်​။ ဤသည်ကား အပြစ်ဖြေရာယဇ်​ဖြစ်၍ ၎င်း​အပေါ်​၌ ဆီ​မ​ထည့်​ရ​။ လော်ဗန်​ကို​လည်း မ​တင်​ရ​။

ဝတ်​ပြု 7:1

အပြစ်ဒဏ်ဖြေရာယဇ်​နှင့်ဆိုင်သော​တရား​ကား ဤသို့​ဖြစ်​၏​။ အပြစ်ဒဏ်​ဖြေ​ရာ​ယဇ်​သည် အလွန်​သန့်ရှင်း​၏​။

ဝတ်​ပြု 9:3

အစ္စရေး​အမျိုးသား​တို့​ကို​လည်း ‘​အပြစ်ဖြေရာယဇ်​အတွက် ဆိတ်သငယ်​အထီး​တစ်​ကောင်​၊ မီးရှို့ရာယဇ်​အတွက် အပြစ်အနာအဆာကင်း​သော​တစ်နှစ်သားအရွယ် နွားသငယ်​တစ်​ကောင်​နှင့်​သိုးသငယ်​တစ်​ကောင်​၊

တော​လည် 5:6

“​အစ္စရေး​အမျိုးသား​တို့​ကို ဆင့်ဆို​လော့​။ ယောက်ျား​ဖြစ်စေ​၊ မိန်းမ​ဖြစ်စေ လူ​ပြု​တတ်​သော​အပြစ်​တစ်စုံတစ်ခု​ကို​ပြု​ခြင်း​ဖြင့် ထာဝရဘုရား​အား ပြစ်မှား​မိ​လျှင် သူ့​အပေါ် အပြစ်​သက်ရောက်​မည်​။

တော​လည် 6:10

ရှစ်​ရက်​မြောက်​သော​နေ့​၌ ချိုးငှက်​နှစ်​ကောင်​၊ သို့မဟုတ် ခိုငယ်​နှစ်​ကောင်​ကို တွေ့ဆုံစည်းဝေးရာ​တဲ​တော်​အဝင်ဝ​၊ ယဇ်ပုရောဟိတ်​ထံ ယူဆောင်​လာ​ရ​မည်​။

တော​လည် 6:11

ယဇ်ပုရောဟိတ်​သည် တစ်​ကောင်​ကို အပြစ်ဖြေရာယဇ်​အတွက်​၊ ကျန်​တစ်​ကောင်​ကို မီးရှို့ရာယဇ်​အတွက် ပူဇော်​ခြင်း​ဖြင့် အသေကောင်​ကြောင့် ပြစ်မှား​ရာ​ရောက်​သော ထို​သူ​အတွက် အပြစ်ဖြေလွှတ်​ခြင်း​ကို ပြု​ပေး​ရ​မည်​။ ထို​နေ့​၌ပင် သူ​၏​ဦးခေါင်း​ကို သန့်ရှင်း​စေ​ရ​မည်​။

မဿဲ 10:16

နားထောင်​ကြ​လော့။ ဝံပုလွေ​များ​ထဲသို့ သိုး​တို့​ကို​စေလွှတ်​သကဲ့သို့ သင်​တို့​ကို ငါ​စေလွှတ်​၏။ ထို့ကြောင့် မြွေ​ကဲ့သို့​လိမ္မာ​ပါးနပ်​လျက် ချိုးငှက်​ကဲ့သို့​ရိုးသား​ဖြူစင်​ကြ​လော့။

မဿဲ 21:12

ယေရှု​သည် ဗိမာန်​တော်​ထဲသို့​ဝင်​၍ ဗိမာန်​တော်​၌ ရောင်း​ဝယ်​နေ​သော​သူ​အပေါင်း​တို့​ကို နှင်ထုတ်​ပြီး ငွေကြေး​လဲလှယ်​သူ​တို့​၏​စားပွဲ​များ​နှင့် ချိုးငှက်​ရောင်း​နေ​သော​သူ​တို့​၏​ထိုင်ခုံ​များ​ကို မှောက်လှန်​တော်မူ​ကာ

မဿဲ 3:16

ယေရှု​သည် ဗတ္တိဇံ​ခံ​ပြီးနောက် ရေ​ထဲမှ​ထွက်​လာ​သည်နှင့် ကောင်းကင်​သည်​ပွင့်​၍ ဘုရားသခင်​၏​ဝိညာဉ်​တော်​သည် ချိုးငှက်​ကဲ့သို့​ဆင်းသက်​ကာ မိမိ​အပေါ်သို့ ကြွလာ​တော်မူ​သည်​ကို မြင်​တော်မူ​၏။

လုကာ 2:24

ထို့ပြင် “ချိုးငှက်​တစ်စုံ​၊ သို့မဟုတ် ခို​ငယ်​နှစ်​ကောင်​ကို ပူဇော်​ရ​မည်”​ဟု ထာဝရ​ဘုရား​၏​ပညတ်​တရား​ကျမ်း​၌ ဖော်ပြ​ထား​သည့်​အတိုင်း ယဇ်ပူဇော်​ကြ​ရန်​အတွက်​ဖြစ်​၏။

၂ ကော 8:12

အကြောင်းမူကား စေတနာ​စိတ်​ရှိ​လျှင် မ​ရှိ​သည့်​အရာ​ကို​မ​ထောက်​ဘဲ ရှိ​သည့်​အရာ​ကို​ထောက်​၍ နှစ်သက်​လက်ခံ​တော်မူ​၏။