ဝတ်​ပြု 4:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ ဘိသိက်ခံ​ယဇ်ပုရောဟိတ်​သည် အပြစ်ပြု​သဖြင့် လူ​တို့​အပေါ် အပြစ်​သက်ရောက်​စေ​လျှင်​လည်းကောင်း သူ​ကျူးလွန်​သော​အပြစ်​အတွက် အပြစ်ဖြေရာယဇ်​အဖြစ် အပြစ်အနာအဆာကင်း​သည့် နွားထီးပျို​တစ်​ကောင်​ကို ထာဝရဘုရား​အား ပူဇော်​ရ​မည်​။

Common Language Bible

³ အ​ကယ်​၍​ယဇ်​ပု​ရော​ဟိတ်​မင်း​သည်​အ​ပြစ် ပြု​မိ​လျှင် လူ​တို့​အား​လည်း​အ​ပြစ်​ရောက်​စေ သည့်​အ​တွက်​ကြောင့်​သူ​သည် အ​ပြစ်​အ​နာ ကင်း​သော​နွား​ပျို​ကို မိ​မိ​အ​ပြစ်​ဖြေ​ရန် ထာ​ဝ​ရ​ဘု​ရား​အား​ယဇ်​ပူ​ဇော်​ရ​မည်။-

Garrad Bible

³ ဘိ သိက် ခံ ပ ရော ဟိတ် သည် လူ မျိုး အ ပေါ် တွင် ပြစ် ဒဏ် ထိုက် သော အ ပြစ် ကို ပြစ် မှား မိ လျှင်၊ ထို အ ပြစ် အ တွက် ကြန် အင် စုံ သော နွား ပေါက် ကို အ ပြစ် ဖြေ ရာ သ က္ကာ အ ဖြစ် ထာ ဝ ရ ဘု ရား ထံ ဆက် ကပ် စေ။

Judson Bible

³ ဘိ​သိက်​ခံ​သော​ယဇ်​ပု​ရော​ဟိတ်​သည် လူ​များ​ကို အ​ပြစ်​ထဲ​သို့​သွေး​ဆောင်၍ ကိုယ်​တိုင်​ပြစ်​မှား​လျှင်၊ ထို​အ​ပြစ်​အ​တွက် အ​ပြစ်​ဖြေ​ရာ​ယဇ်​ဖို့​အ​ပြစ်​မ​ပါ၊ အ​သက်​ပျို​သော နွား​ထီး​ကို၊

ဝတ်​ပြု 4:3 Referencias Cruzadas

၂ ရာ​ချုပ် 29:21

သူ​တို့​သည် တိုင်းပြည်​အတွက်​၊ သန့်ရှင်းရာဌာန​တော်​အတွက်​၊ ယုဒ​ပြည်သူ​တို့​အတွက် အပြစ်ဖြေရာယဇ်​အဖြစ် နွားထီး ခုနစ်​ကောင်​၊ သိုးထီး ခုနစ်​ကောင်​၊ သိုးသငယ် ခုနစ်​ကောင်​၊ ဆိတ်ထီး ခုနစ်​ကောင်​တို့​ကို ယူဆောင်​လာ​ပြီး ဟေဇကိ​မင်းကြီး​က အာရုန်​၏​သားမြေး​ယဇ်ပုရောဟိတ်​တို့​အား ထာဝရဘုရား​၏​ယဇ်ပလ္လင်​ပေါ်တွင်​ပူဇော်​ရန် မိန့်ဆို​၏​။

ဧ​ဇ​ရ 8:35

ဖမ်းခေါ်​သွား​ခြင်း​ခံရ​သော​သုံ့ပန်း​တို့​သည် ပြန်လာ​၍ အစ္စရေး​လူမျိုး​တို့​၏​ဘုရားသခင်​ထံ မီးရှို့ရာယဇ်​ကို ပူဇော်​ကြ​၏​။ အစ္စရေး​တစ်မျိုးသားလုံး​အတွက် နွားထီး တစ်ဆယ့်​နှစ်​ကောင်​၊ သိုးထီး ကိုးဆယ့်​ခြောက်​ကောင်​၊ သိုးသငယ် ခုနစ်ဆယ့်​ခုနစ်​ကောင်​၊ အပြစ်ဖြေရာယဇ်​အတွက် ဆိတ်ထီး တစ်ဆယ့်​နှစ်​ကောင်​တို့​ကို ထာဝရဘုရား​ထံ မီးရှို့ရာယဇ်​အဖြစ်​ပူဇော်​ကြ​၏​။

ထွက်​မြောက် 29:14

နွားထီး​၏​အသား​၊ အရေခွံ​၊ မစင်​တို့​ကို​ကား တပ်စခန်း​၏​အပြင်ဘက်​၌ မီး​ရှို့​ပစ်​ရ​မည်​။ ဤသည်ကား အပြစ်ဖြေရာယဇ်​ဖြစ်​၏​။

ထွက်​မြောက် 29:21

ယဇ်ပလ္လင်​ပေါ်​ရှိ​သွေး​အချို့​နှင့် ဘိသိက်​ဆီ​အချို့​ကို​ယူ​၍ အာရုန်​နှင့်​သူ​၏​အဝတ်တန်ဆာ​ပေါ်၌​လည်းကောင်း​၊ သူ့​သား​တို့​နှင့် သူ့​သား​တို့​၏​အဝတ်တန်ဆာ​ပေါ်၌​လည်းကောင်း ဖျန်း​ရ​မည်​။ သို့ပြုလျှင် အာရုန်​နှင့်​သူ​၏​အဝတ်တန်ဆာ​သည်​လည်းကောင်း​၊ သူ့​သား​တို့​နှင့်​သူ့​သား​တို့​၏​အဝတ်တန်ဆာ​သည်​လည်းကောင်း သန့်ရှင်း​လိမ့်မည်​။

ထွက်​မြောက် 29:7

ဘိသိက်​ဆီ​ကို​ယူ​၍ သူ​၏​ခေါင်း​ပေါ်၌​လောင်း​လျက် သူ့​ကို​ဘိသိက်ပေး​ရ​မည်​။

ထွက်​မြောက် 30:10

အာရုန်​သည် အပြစ်ဖြေလွှတ်​ခြင်း​နှင့်ဆိုင်သော အပြစ်ဖြေရာယဇ်ကောင်​၏​သွေး​ဖြင့် ယဇ်ပလ္လင်​၏​ချို​ပေါ်၌ အပြစ်ဖြေလွှတ်​ခြင်း​ကို တစ်​နှစ်​တစ်ကြိမ်​ပြု​ရ​မည်​။ ထိုသို့​ယဇ်ပလ္လင်​ပေါ်၌ အပြစ်ဖြေလွှတ်​ခြင်း​ကို သင်​တို့​၏​မျိုးဆက်​အစဉ်အဆက် တစ်​နှစ်​တစ်ကြိမ်​ပြု​ရ​မည်​။ ယဇ်ပလ္လင်​သည် ထာဝရဘုရား​အဖို့ အထူး​သန့်ရှင်းသောအရာ​ဖြစ်​၏​”​ဟု မိန့်​တော်မူ​၏​။

ယေ​ဇ​ကျေ​လ 40:39

မုခ်ဆောင်​ဆင်ဝင်​တစ်ဖက်တစ်ချက်​တွင် စားပွဲ​နှစ်လုံးစီ​ရှိ​၏​။ ထို​စားပွဲ​ပေါ်တွင် မီးရှို့ရာယဇ်ကောင်​၊ အပြစ်ဖြေရာယဇ်ကောင်​၊ အပြစ်ဒဏ်ဖြေရာယဇ်ကောင်​တို့​ကို တင်သတ်​ကြ​၏​။

ယေ​ဇ​ကျေ​လ 43:19

ဘုရားရှင်​ထာဝရဘုရား​က ‘ငါ့​ထံသို့​ဆည်းကပ်​၍ အမှု​တော်​ထမ်းဆောင်​သော​ယဇ်ပုရောဟိတ် လေဝိ​အမျိုး​ဇာဒုတ်​၏​သားစဉ်မြေးဆက်​တို့​အား သင်​သည် အပြစ်ဖြေရာယဇ်​အဖြစ် နွားထီးပျို​တစ်​ကောင်​ကို ပေး​ရ​မည်​’​ဟု မိန့်​တော်မူ​၏​။

ယေ​ဇ​ကျေ​လ 44:27

ထို့နောက် သူ​သည် သန့်ရှင်းရာဌာန​တော်​တွင် အမှု​ထမ်းဆောင်​ရန် အတွင်း​ဝင်း​ရှိ​သန့်ရှင်းရာဌာန​ထဲသို့ ဝင်​သော​နေ့​တွင် အပြစ်ဖြေရာယဇ်​ကို ပူဇော်​ရ​မည်’​ဟု ဘုရားရှင်​ထာဝရဘုရား မိန့်​တော်မူ​၏​။

ဝတ်​ပြု 1:10

သူ​သည် သိုးဆိတ်​များ​ထဲမှ သိုး​ကို​ဖြစ်စေ​၊ ဆိတ်​ကို​ဖြစ်စေ မီးရှို့ရာယဇ်​အဖြစ် ပူဇော်​လို​လျှင် အပြစ်အနာအဆာကင်း​သော​အထီး​ကို ပူဇော်​ရ​မည်​။

ဝတ်​ပြု 1:3

သူ​သည် နွား​ကို မီးရှို့ရာယဇ်​အဖြစ်​ပူဇော်​လို​လျှင် အပြစ်အနာအဆာကင်း​သော​နွား​ထီး​ကို ပူဇော်​ရ​မည်​။ ထာဝရဘုရား လက်ခံ​တော်မူ​မည့်​အကြောင်း ထို​နွား​ကို တွေ့ဆုံစည်းဝေးရာ​တဲ​တော်​အဝင်ဝ​၌ ပူဇော်​ရ​မည်​။

ဝတ်​ပြု 16:11

အာရုန်​သည် မိမိ​အတွက် အပြစ်ဖြေရာယဇ်​အဖြစ် နွားထီး​ကို ပူဇော်​ရ​မည်​။ မိမိ​နှင့်​မိမိ​အိမ်သူအိမ်သား​အတွက် အပြစ်ဖြေလွှတ်​ခြင်း​ကို ပြု​ရ​မည်​။ မိမိ​အတွက် အပြစ်ဖြေရာယဇ်​ဖြစ်​သော​နွားထီး​ကို သတ်​ရ​မည်​။

ဝတ်​ပြု 16:3

အာရုန်​သည် သန့်ရှင်းရာဌာန​သို့ လာ​သောအခါ သူ​သည် အပြစ်ဖြေရာယဇ်​အတွက် နွားအုပ်​ထဲမှ​နွားထီးပျို​တစ်​ကောင်​၊ မီးရှို့ရာယဇ်​အတွက် သိုးထီး​တစ်​ကောင်​ယူလာ​ရ​မည်​။

ဝတ်​ပြု 16:5

အပြစ်ဖြေရာယဇ်​အတွက် ဆိတ်သငယ်​အထီး​နှစ်​ကောင်​၊ မီးရှို့ရာယဇ်​အတွက် သိုးထီး​တစ်​ကောင်​ကို အစ္စရေး​အမျိုးသား​လူထု​ထံမှ ယူ​ရ​မည်​။

ဝတ်​ပြု 16:6

အာရုန်​သည် မိမိ​အတွက် အပြစ်ဖြေရာယဇ်​အဖြစ် နွားထီး​ကို ပူဇော်​ရ​မည်​။ မိမိ​နှင့်​မိမိ​အိမ်သူအိမ်သား​အတွက် အပြစ်ဖြေလွှတ်​ခြင်း​ကို ပြု​ရ​မည်​။

ဝတ်​ပြု 4:14

သူ​တို့​ကျူးလွန်​သော​အပြစ်​ထင်ရှား​လျှင် ထို​လူအစုအဝေး​သည် နွားအုပ်​ထဲမှ နွားထီးပျို​တစ်​ကောင်​ကို အပြစ်ဖြေရာယဇ်​အဖြစ် ပူဇော်​ရ​မည်​။ ထို​နွားထီး​ကို တွေ့ဆုံစည်းဝေးရာ​တဲ​တော်​ရှေ့​သို့ ဆွဲခေါ်​လာ​ရ​မည်​။

ဝတ်​ပြု 4:23

သူ​ကျူးလွန်​မိ​သော​အပြစ်​ကို တစ်စုံတစ်ယောက်​က သူ့​အား ဖော်ပြ​လျှင် အပြစ်အနာအဆာကင်း​သော ဆိတ်သငယ်​အထီး​တစ်​ကောင်​ကို ပူဇော်သက္ကာ​အဖြစ် ယူဆောင်​လာ​ရ​မည်​။

ဝတ်​ပြု 4:28

သူ​ကျူးလွန်​မိ​သော​အပြစ်​ကို တစ်စုံတစ်ယောက်​က သူ့​အား ဖော်ပြ​လျှင် သူ​ကျူးလွန်​မိ​သော​အပြစ်​အတွက် အပြစ်အနာအဆာကင်း​သည့် ဆိတ်သငယ်​အမ​တစ်​ကောင်​ကို ပူဇော်သက္ကာ​အဖြစ် ယူဆောင်​လာ​ရ​မည်​။

ဝတ်​ပြု 4:5

ဘိသိက်ခံ​ယဇ်ပုရောဟိတ်​သည် နွားထီး​၏​သွေး​အချို့​ကို​ယူ​၍ တွေ့ဆုံစည်းဝေးရာ​တဲ​တော်​ထဲသို့ ယူဆောင်​လာ​ရ​မည်​။

ဝတ်​ပြု 5:6

သူ​ကျူးလွန်​မိ​ခဲ့​သော​အပြစ်​အတွက် အပြစ်ဒဏ်ဖြေရာယဇ်​ပူဇော်​ရန် သိုးဆိတ်​တို့​ထဲမှ သိုးသငယ်အမ​ကို​ဖြစ်စေ​၊ ဆိတ်သငယ်​အမ​ကို​ဖြစ်စေ အပြစ်ဖြေရာယဇ်​အဖြစ် ထာဝရဘုရား​ထံသို့​ယူဆောင်​လာ​ရ​မည်​။ ယဇ်ပုရောဟိတ်​သည် သူ့​အတွက် အပြစ်​ဖြေလွှတ်​ခြင်း​ကို​ပြု​ပေး​ရ​မည်​။

ဝတ်​ပြု 6:18

၎င်း​ကို အာရုန်​၏​သားမြေး​တို့​တွင် ယောက်ျား​တိုင်း စား​ခွင့်​ရှိ​၏​။ ဤသည်ကား ထာဝရဘုရား​အဖို့ မီး​ဖြင့်​ပူဇော်​သော​ယဇ်​နှင့်​ပတ်သက်၍ သင်​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​။ ၎င်း​တို့​ကို​ထိမိ​သော​အရာ​ဟူသမျှ သန့်ရှင်း​လိမ့်မည်​”​ဟု မိန့်​တော်မူ​၏​။

ဝတ်​ပြု 8:12

ဘိသိက်​ဆီ​အချို့​ကို အာရုန်​၏​ခေါင်း​ပေါ်၌ လောင်း​၍ သူ့​ကို​သန့်ရှင်း​စေရန် ဘိသိက်ပေး​လေ​၏​။

ဝတ်​ပြု 9:2

အာရုန်​အား “​အပြစ်ဖြေရာယဇ်​အတွက် နွားအုပ်​ထဲမှ​နွားသငယ်​တစ်​ကောင်​နှင့် မီးရှို့ရာယဇ်​အတွက် အပြစ်အနာအဆာကင်း​သော​သိုးထီး​တစ်​ကောင်​ကို သင့်​အဖို့​ယူ​၍ ထာဝရဘုရား​ရှေ့​တော်​၌ ပူဇော်​လော့​။

ဝတ်​ပြု 9:3

အစ္စရေး​အမျိုးသား​တို့​ကို​လည်း ‘​အပြစ်ဖြေရာယဇ်​အတွက် ဆိတ်သငယ်​အထီး​တစ်​ကောင်​၊ မီးရှို့ရာယဇ်​အတွက် အပြစ်အနာအဆာကင်း​သော​တစ်နှစ်သားအရွယ် နွားသငယ်​တစ်​ကောင်​နှင့်​သိုးသငယ်​တစ်​ကောင်​၊

တော​လည် 16:22

ထိုအခါ မောရှေ​နှင့်​အာရုန်​သည် ပျပ်ဝပ်​လျက် “​လူသား​အားလုံး​၏​အသက်ဝိညာဉ်​ကို ပိုင်​တော်မူ​သော အို ဘုရားသခင်​၊ လူ​တစ်​ယောက်​၏​ပြစ်မှားမှု​ကြောင့် လူထု​အပေါင်း​ကို အမျက်ထွက်​တော်မူ​မည်လော​”​ဟု လျှောက်​ကြ​၏​။

တော​လည် 8:8

သူ​တို့​သည် နွားထီး​ပျို​တစ်​ကောင်​နှင့်အတူ ဘောဇဉ်ပူဇော်သက္ကာ​အဖြစ် ဆီ​နှင့်​ရော​သော​အကောင်းဆုံး​ဂျုံမှုန့်​ကို ယူဆောင်​လာ​ရ​မည်​။ သင်​သည်​လည်း အပြစ်ဖြေရာယဇ်​အတွက် နွားထီးပျို​နောက်​တစ်​ကောင်​ကို ယူလာ​ရ​မည်​။

ရော​မ 8:3

ဘုရားသခင်​သည် မိမိ​၏​သား​တော်​ကို အပြစ်​နှင့်​ပြည့်ဝ​သည့် သွေးသား​ဇာတိ​နှင့်​တူညီ​သော​သဏ္ဌာန်​၌ အပြစ်​အတွက်​စေလွှတ်​တော်မူ​၍ သွေးသား​ဇာတိ​၌​ရှိ​သော​အပြစ်​ကို ဒဏ်ခတ်​တော်မူ​ပြီး သွေးသား​ဇာတိ​ကြောင့် အားနည်း​၍ ပညတ်​တရား​မ​ဆောင်ရွက်​နိုင်​သော​အမှု​ကို ဆောင်ရွက်​ပေး​တော်မူ​၏။

၂ ကော 5:21

ဘုရားသခင်​သည် အပြစ်​ကင်းစင်​သော​အရှင်​ကို ငါ​တို့​အတွက် အပြစ်​ဖြစ်​သွား​စေ​တော်မူ​၏။ ဤသည်ကား ငါ​တို့​သည် ထို​အရှင်​အားဖြင့် ဘုရားသခင်​၏​ဖြောင့်မတ်​ခြင်း​ဖြစ်လာ​မည့်​အကြောင်း​တည်း။

ဟေ​ဗြဲ 5:3

ဤ​အကြောင်း​ကြောင့် သူ​သည် လူ​တို့​အတွက်​သာမက မိမိ​အတွက်​ပါ အပြစ်​ဖြေ​ရာ​ယဇ်​ကို​ပူဇော်​ရ​၏။

ဟေ​ဗြဲ 9:12

ဆိတ်​နှင့်​နွားသငယ်​တို့​၏​သွေး​အားဖြင့်​မ​ဟုတ်​ဘဲ မိမိ​၏​သွေး​တော်​အားဖြင့် သန့်ရှင်း​ရာ​ဌာန​ထဲသို့ တစ်ကြိမ်တည်း​နှင့်​အပြီး​ဝင်​တော်မူ​၍ ထာဝရ​ရွေးနုတ်​ကယ်တင်​ခြင်း​အကျိုး​ကို သက်ရောက်​စေ​တော်မူ​၏။