ဝတ်​ပြု 4:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ ထို​နွားထီး​ကို တပ်စခန်း​၏​အပြင်ဘက်​သို့ ယူသွား​၍ ပထမ​နွားထီး​ကို​ရှို့​သည့်​အတိုင်း ရှို့​ရ​မည်​။ ဤသည်ကား လူအစုအဝေး​အတွက်​အပြစ်ဖြေရာယဇ်​ဖြစ်​၏​။

Common Language Bible

²¹ ထို​နောက်​သူ​သည်​မိ​မိ​၏​အ​ပြစ်​အ​တွက် ပူ​ဇော်​သော​နွား​ကို​တပ်​စ​ခန်း​အ​ပြင်​တွင် မီး​ရှို့​သည့်​နည်း​တူ ဤ​နွား​ကို​လည်း​စ​ခန်း အ​ပြင်​တွင်​မီး​ရှို့​ရ​မည်။ ထို​ယဇ်​ပူ​ဇော်​နည်း သည်​တစ်​မျိုး​လုံး​၏​အပြစ်​ပြေ​စေ​ရန်​အ​တွက် ဖြစ်​သ​တည်း။

Garrad Bible

²¹ နွား ကောင် ကို တပ် စား ခန်း ပြင် သို့ ဆောင် သွား ပြီး လျှင် အ စည်း အ ဝေး အ ဖို့ အ ပြစ် ဖြေ ရာ သ က္ကာ ဖြစ် သည် နှင့် အ ညီ အ ထက် နွား ကဲ့ သို့ ကျွမ်း လောင် စေ ရ မည်။

Judson Bible

²¹ ထို​နောက်​မှ နွား​ကို​တပ်​ပြင်​သို့​ဆောင်​သွား၍၊ အ​ရင်​နွား​ကို မီး​ရှို့​သ​ကဲ့​သို့ ရှို့​ရ​မည်။ ပ​ရိ​သတ်​အ​ဖို့ အ​ပြစ်​ဖြေ​ရာ​ယဇ်​ဖြစ်​သ​တည်း။

ဝတ်​ပြု 4:21 Referencias Cruzadas

ဧ​ဇ​ရ 8:35

ဖမ်းခေါ်​သွား​ခြင်း​ခံရ​သော​သုံ့ပန်း​တို့​သည် ပြန်လာ​၍ အစ္စရေး​လူမျိုး​တို့​၏​ဘုရားသခင်​ထံ မီးရှို့ရာယဇ်​ကို ပူဇော်​ကြ​၏​။ အစ္စရေး​တစ်မျိုးသားလုံး​အတွက် နွားထီး တစ်ဆယ့်​နှစ်​ကောင်​၊ သိုးထီး ကိုးဆယ့်​ခြောက်​ကောင်​၊ သိုးသငယ် ခုနစ်ဆယ့်​ခုနစ်​ကောင်​၊ အပြစ်ဖြေရာယဇ်​အတွက် ဆိတ်ထီး တစ်ဆယ့်​နှစ်​ကောင်​တို့​ကို ထာဝရဘုရား​ထံ မီးရှို့ရာယဇ်​အဖြစ်​ပူဇော်​ကြ​၏​။

ထွက်​မြောက် 29:14

နွားထီး​၏​အသား​၊ အရေခွံ​၊ မစင်​တို့​ကို​ကား တပ်စခန်း​၏​အပြင်ဘက်​၌ မီး​ရှို့​ပစ်​ရ​မည်​။ ဤသည်ကား အပြစ်ဖြေရာယဇ်​ဖြစ်​၏​။

ယေ​ဇ​ကျေ​လ 45:22

ထို​နေ့​တွင် မင်းသား​သည် မိမိ​အပါအဝင် ပြည်သူပြည်သား​တို့ အပြစ်ဖြေလွှတ်​ခြင်း​အတွက် နွားထီး​တစ်​ကောင်​ကို စီစဉ်​ပေး​ရ​မည်​။

ဝတ်​ပြု 16:15

ထို့နောက် လူ​တို့​အတွက် အပြစ်ဖြေရာယဇ်​ဖြစ်​သော ဆိတ်သငယ်​ကို​သတ်​၍ ၎င်း​၏​သွေး​ကို ကန့်လန့်ကာ​အတွင်း​ဘက်​သို့​ယူဆောင်​လာ​ရ​မည်​။ နွားထီး​၏​သွေး​ကို​ဖျန်း​သကဲ့သို့ ဆိတ်ထီးကလေး​၏​သွေး​ကို​လည်း ကရုဏာ​တော်​ပလ္လင်​ပေါ်၌​လည်းကောင်း​၊ ကရုဏာ​တော်​ပလ္လင်​ရှေ့​၌​လည်းကောင်း ဖျန်း​ရ​မည်​။

ဝတ်​ပြု 16:21

အာရုန်​သည် မိမိ​လက်​နှစ်​ဖက်​ကို အသက်ရှင်​သော​ဆိတ်သငယ်​၏​ခေါင်း​ပေါ်၌ တင်​၍ အစ္စရေး​အမျိုးသား​တို့​၏​ဒုစရိုက်​ရှိသမျှ​၊ သူ​တို့​ကျူးလွန်​သော​အပြစ်​ရှိသမျှ​တို့​ကို ဖော်ပြဝန်ခံ​ရ​မည်​။ ထို​အပြစ်​တို့​ကို ဆိတ်သငယ်​၏​ခေါင်း​ပေါ်၌​တင်ထား​ပြီး ထို​ဆိတ်သငယ်​ကို တာဝန်​ရှိ​သူ​မှတစ်ဆင့် တောကန္တာရ​ထဲသို့ လွှတ်လိုက်​ရ​မည်​။

ဝတ်​ပြု 16:27

သန့်ရှင်းရာဌာန​ထဲ၌ အပြစ်ဖြေလွှတ်​ခြင်း​ကို​ပြု​ရန် အသွေး​ယူဆောင်​သွား​ခြင်း​ခံရ​သည့် အပြစ်ဖြေရာယဇ်​ဖြစ်​သော​နွားထီး​နှင့် အပြစ်ဖြေရာယဇ်​ဖြစ်​သော​ဆိတ်သငယ်​ကို တပ်စခန်း​၏​အပြင်ဘက်​သို့ ယူဆောင်​သွား​၍ ၎င်း​တို့​၏​အရေခွံ​၊ အသား​၊ မစင်​တို့​ကို မီး​ရှို့​ပစ်​ရ​မည်​။

ဝတ်​ပြု 4:13

အစ္စရေး​လူထု​အပေါင်း​တို့​သည် ‘​မ​လုပ်​ရ​’​ဟု ထာဝရဘုရား​ပညတ်​ထား​တော်မူ​သော ပညတ်ချက်​တစ်ခုခု​ကို မရည်ရွယ်​ဘဲ​လုပ်​မိ​ပြီး လူအစုအဝေး​တို့​သည် ထို​အမှု​ကို အပြစ်​ဖြစ်​မှန်း​မသိမမြင်​သော်လည်း သူ​တို့​အပေါ်​အပြစ်​သက်ရောက်​၍

ဝတ်​ပြု 4:20

အပြစ်ဖြေရာယဇ်​ဖြစ်​သော​နွားထီး​ကို ပူဇော်​သည့်​အတိုင်း ဤ​နွားထီး​ကို ပူဇော်​ရ​မည်​။ ထိုသို့​ပူဇော်​ခြင်း​အားဖြင့် ယဇ်ပုရောဟိတ်​သည် သူ​တို့​အတွက် အပြစ်ဖြေလွှတ်​ခြင်း​ကို​ပြု​ပေး​သဖြင့် သူ​တို့​သည် အပြစ်လွှတ်​ခြင်း​ခံရ​မည်​။

ဝတ်​ပြု 6:11

ထို့နောက် သူ​သည် မိမိ​ဝတ်​ထား​သော​အဝတ်​ကို​ချွတ်​၍ အခြား​အဝတ်​ကို​ဝတ်​ပြီးလျှင် ပြာပုံ​ကို တပ်စခန်း​အပြင်ဘက်​၊ သန့်ရှင်း​သော​နေရာ​သို့ ယူဆောင်​သွား​ရ​မည်​။

ဝတ်​ပြု 6:23

ယဇ်ပုရောဟိတ်​ပူဇော်​သမျှ​သော ဘောဇဉ်ပူဇော်သက္ကာ​သည် အကုန်အစင်​လောင်ကျွမ်း​ရ​မည်​။ ၎င်း​ကို​မ​စား​ရ​”​ဟု မိန့်​တော်မူ​၏​။

ဝတ်​ပြု 8:17

ထို​နွား​နှင့်အတူ အရေခွံ​၊ အသား​၊ မစင်​တို့​ကို​ကား တပ်စခန်း​၏​အပြင်ဘက်​၌ မီး​ရှို့​ပစ်​၏​။

တော​လည် 15:24

လူမမြင်ကွယ်ရာ​တွင် မရည်ရွယ်​ဘဲ​ကျူးလွန်​မိ​မည်​ဆိုလျှင် လူထု​အပေါင်း​တို့​သည် စီရင်ထုံးဖွဲ့ချက်​နှင့်အညီ မီးရှို့ရာယဇ်​အတွက် နွားအုပ်​ထဲမှ​နွားထီးပျို​တစ်​ကောင်​ကို မွှေးကြိုင်​သော​ရနံ့​အဖြစ် ဘောဇဉ်ပူဇော်သက္ကာ​၊ သွန်းလောင်းရာပူဇော်သက္ကာ​နှင့်အတူ ထာဝရဘုရား​အား ပူဇော်​ရ​မည်​။ ဆိတ်ထီးကလေး​တစ်​ကောင်​ကို​လည်း အပြစ်ဖြေရာယဇ်​အဖြစ် ပူဇော်​ရ​မည်​။

၂ ကော 5:21

ဘုရားသခင်​သည် အပြစ်​ကင်းစင်​သော​အရှင်​ကို ငါ​တို့​အတွက် အပြစ်​ဖြစ်​သွား​စေ​တော်မူ​၏။ ဤသည်ကား ငါ​တို့​သည် ထို​အရှင်​အားဖြင့် ဘုရားသခင်​၏​ဖြောင့်မတ်​ခြင်း​ဖြစ်လာ​မည့်​အကြောင်း​တည်း။

ဟေ​ဗြဲ 13:11

အကြောင်းမူကား ယဇ်ပုရောဟိတ်​မင်း​သည် ယဇ်ကောင်​တို့​၏​သွေး​ကို အပြစ်​ဖြေ​ရာ​ယဇ်​အဖြစ် သန့်ရှင်း​ရာ​ဌာန​ထဲသို့ ယူဆောင်​သွား​သော်လည်း ယဇ်ကောင်​တို့​၏​ကိုယ်​မူကား စခန်း​အပြင်​၌​မီးရှို့​ရ​၏။