ဝတ်​ပြု 3:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ သူ​သည် နွား​ကို မိတ်သဟာယယဇ်​အဖြစ် ပူဇော်​လို​လျှင် အပြစ်အနာအဆာကင်း​သော အထီး​ကို​ဖြစ်စေ​၊ အမ​ကို​ဖြစ်စေ ထာဝရဘုရား​ရှေ့​တော်​၌ ပူဇော်​ရ​မည်​။

Common Language Bible

¹ တစ်​စုံ​တစ်​ယောက်​သည် မိ​မိ​၏​နွား​တစ်​ကောင် ကို​မိတ်​သ​ဟာ​ယ​ယဇ်​အ​ဖြစ်​ပူ​ဇော်​လို​လျှင် ထို​နွား​သည်​အ​ပြစ်​အ​နာ​ကင်း​သော​နွား​ထီး သို့​မ​ဟုတ်​နွား​မ​ဖြစ်​ရ​မည်။-

Garrad Bible

¹ နွား အုပ် မှ မိတ် သ ဟာ ယ ပူ ဇော် သ က္ကာ ကို တင် သွင်း လှူ ဒါန်း လျှင် ကြန် အင် စုံ သော အ ထီး အ မ တစ် ကောင် ကောင် ကို ထာ ဝ ရ ဘု ရား ရှေ့ တင် သွင်း စေ။

Judson Bible

¹ နွား​ကို​မိတ်​သ​ဟာ​ယ​ယဇ်​ပြု​လို​လျှင်၊ အ​ပြစ်​မ​ပါ​သော အ​ထီး​အ​မ တစ်​ကောင်​ကောင်​ကို၊ ထာ​ဝ​ရ​ဘု​ရား​ရှေ့​တော်၌ ဆက်​ရ​မည်။

ဝတ်​ပြု 3:1 Referencias Cruzadas

၁ ရာ​ချုပ် 21:26

ထို့နောက် ဒါဝိဒ်​မင်းကြီး​သည် ထို​နေရာ​တွင် ထာဝရဘုရား​အဖို့ ယဇ်ပလ္လင်​ကို တည်​၍ မီးရှို့ရာယဇ်​၊ မိတ်သဟာယယဇ်​တို့​ကို​ပူဇော်​ပြီး ထာဝရဘုရား​ထံ အော်ဟစ်​ဆုတောင်း​သောအခါ ကိုယ်တော်​သည် ယဇ်ပလ္လင်​ပေါ်ရှိ မီးရှို့ရာယဇ်​အပေါ်​သို့ ကောင်းကင်​မှ​မီး​ကျလာ​စေ​ခြင်း​ဖြင့် ထူး​တော်မူ​၏​။

ထွက်​မြောက် 20:24

သင်​တို့​သည် ငါ့​အတွက် မြေ​ယဇ်ပလ္လင်​ကို​တည်​၍ မီးရှို့ရာယဇ်​များ​၊ မိတ်သဟာယယဇ်​များ​အဖြစ် သင်​တို့​၏​သိုး​များ​၊ နွား​များ​ကို ယဇ်ပူဇော်​ရ​မည်​။ ထိုသို့ ငါ​၏​နာမ​တော်​ကို​အောက်မေ့​ရာ​အရပ်ရပ်​ရှိ သင်​တို့​ထံသို့ ငါ​ကြွလာ​၍ သင်​တို့​ကို​ကောင်းချီးပေး​မည်​။

ထွက်​မြောက် 24:5

ထို့နောက် အစ္စရေး​အမျိုးသား​လူငယ်​တို့​ကို​စေလွှတ်​သဖြင့် သူ​တို့​သည် ထာဝရဘုရား​အား မီးရှို့ရာယဇ်​တို့​ကို​ပူဇော်​၍ နွားထီး​များ​ကို မိတ်သဟာယယဇ်​အဖြစ် ယဇ်ပူဇော်​ကြ​လေ​၏​။

ထွက်​မြောက် 29:28

ထို​အရာ​တို့​သည် အစ္စရေး​အမျိုးသား​တို့​ထံ​မှ အာရုန်​နှင့်​သူ​၏​သား​တို့ အစဉ်အမြဲ​ရရှိ​ရ​မည့်​ဝေစု​ဖြစ်​၏​။ အကြောင်းမူကား ထို​အရာ​တို့​သည် အလှူပစ္စည်း​ဖြစ်​၏​။ ထို​အလှူပစ္စည်း​သည် အစ္စရေး​အမျိုးသား​တို့​၏​မိတ်သဟာယယဇ်​များ​မှ ထာဝရဘုရား​အား ပေးလှူ​သော​အလှူပစ္စည်း​ဖြစ်​၏​။

သုတ္တံကျမ်း။ 7:14

“​ကျွန်မ​သည် မိတ်သဟာယယဇ်​များ​ပူဇော်​ရန်​ရှိ​၍ ယနေ့​ပင် ကျွန်မ​၏​ကတိသစ္စာ​တို့​ကို ပြည့်စုံ​စေ​ပါ​ပြီ​။

ယေ​ဇ​ကျေ​လ 43:27

ခုနစ်​ရက်​ပြီးဆုံး​၍ ရှစ်​ရက်​မြောက်​သော​နေ့​တွင် ယဇ်ပုရောဟိတ်​တို့​သည် ထို​ယဇ်ပလ္လင်​ပေါ်တွင် မီးရှို့ရာယဇ်​၊ မိတ်သဟာယယဇ်​တို့​ကို ပူဇော်​ရ​မည်​။ ငါ​သည်​လည်း သင်​တို့​ကို​လက်ခံ​မည်’​ဟူ၍ ဘုရားရှင်​ထာဝရဘုရား မိန့်​တော်မူ​သည်”​ဟု မိန့်ဆို​၏​။

ယေ​ဇ​ကျေ​လ 45:15

အစ္စရေး​အမျိုးသား​တို့ အပြစ်ဖြေလွှတ်​ခြင်း​အတွက် အစ္စရေး​ပြည် ရေ​ဝ​သော​စားကျက်မြေ​ရှိ အကောင်​နှစ်ရာ​ရှိ​သော​သိုးအုပ်​တစ်​အုပ်​တွင် တစ်​ကောင်​ကို ဘောဇဉ်ပူဇော်သက္ကာ​၊ မီးရှို့ရာယဇ်​၊ မိတ်သဟာယယဇ်​အဖြစ် ပူဇော်​ရ​မည်’​ဟု မိန့်​တော်မူ​၏​။

ဝတ်​ပြု 1:10

သူ​သည် သိုးဆိတ်​များ​ထဲမှ သိုး​ကို​ဖြစ်စေ​၊ ဆိတ်​ကို​ဖြစ်စေ မီးရှို့ရာယဇ်​အဖြစ် ပူဇော်​လို​လျှင် အပြစ်အနာအဆာကင်း​သော​အထီး​ကို ပူဇော်​ရ​မည်​။

ဝတ်​ပြု 1:3

သူ​သည် နွား​ကို မီးရှို့ရာယဇ်​အဖြစ်​ပူဇော်​လို​လျှင် အပြစ်အနာအဆာကင်း​သော​နွား​ထီး​ကို ပူဇော်​ရ​မည်​။ ထာဝရဘုရား လက်ခံ​တော်မူ​မည့်​အကြောင်း ထို​နွား​ကို တွေ့ဆုံစည်းဝေးရာ​တဲ​တော်​အဝင်ဝ​၌ ပူဇော်​ရ​မည်​။

ဝတ်​ပြု 17:5

ဤသည်ကား အစ္စရေး​အမျိုးသား​တို့​သည် ကွင်းပြင်​၌ သူ​တို့​ပူဇော်​သော​ယဇ်ကောင်​ကို​တွေ့ဆုံစည်းဝေးရာ​တဲ​တော်​အဝင်ဝ​၊ ထာဝရဘုရား​ရှေ့​တော်​၊ ယဇ်ပုရောဟိတ်​ထံ ယူဆောင်​ခဲ့​၍ ထာဝရဘုရား​အား မိတ်သဟာယယဇ်​ပူဇော်​ကြ​ရန်​ဖြစ်​၏​။

ဝတ်​ပြု 3:6

သူ​သည် ထာဝရဘုရား​အား သိုးဆိတ်​တို့​ကို မိတ်သဟာယယဇ်​အဖြစ် ပူဇော်​လို​လျှင် အပြစ်အနာအဆာကင်း​သော​အထီး​၊ သို့မဟုတ် အမ​ကို ပူဇော်​ရ​မည်​။

ဝတ်​ပြု 9:18

အာရုန်​သည် လူ​တို့​အတွက် မိတ်သဟာယယဇ်​ဖြစ်​သော နွား​နှင့်​သိုးထီး​ကို​သတ်​၍ သူ့​သား​တို့​သည် သူ့​ထံ သွေး​ကို ယူလာ​ရာ သူ​သည် ယဇ်ပလ္လင်​ပတ်ပတ်လည်​ပေါ်၌ သွေး​ကို​ဖျန်း​၏​။

ဝတ်​ပြု 9:4

ထာဝရဘုရား​ရှေ့​တော်​၌ မိတ်သဟာယယဇ်​ကို ပူဇော်​ရန်​အတွက် နွား​တစ်​ကောင်​နှင့်​သိုးထီး​တစ်​ကောင်​၊ ဆီ​နှင့်​ရော​သော​ဘောဇဉ်ပူဇော်သက္ကာ​ကို ယူဆောင်​လာ​လော့​’​ဟု ဆင့်ဆို​လော့​။ ထာဝရဘုရား​သည် ယနေ့ သင်​တို့​အား ကိုယ်ထင်ရှားပြ​တော်မူ​မည်​”​ဟု ဆို​၏​။

အာ​မုတ် 5:22

သင်​တို့​ပူဇော်​သော မီးရှို့ရာယဇ်​၊ ဘောဇဉ်ပူဇော်သက္ကာ​တို့​ကို ငါ​လက်ခံ​မည်​မ​ဟုတ်​။ ဆူဖြိုး​သော​ယဇ်ကောင်​တို့​ကို မိတ်သဟာယယဇ်​အဖြစ် ပူဇော်​လျှင်​လည်း ငါ​အရေးစိုက်​မည်​မ​ဟုတ်​။

မာ​လ​ခိ 1:14

“​သိုးအုပ်​ထဲတွင် သိုးထီး​ရှိ​လျက်​၊ ကတိသစ္စာ​လည်း ပြု​လျက်​နှင့်ပင် ဘုရားရှင်​အား အနာအဆာ​ရှိ​သော​သိုး​ကို​ပူဇော်​သော​သူ​သည် ကျိန်​ခြင်း​ကို ခံ​သင့်​၏​။ အကြောင်းမူကား ငါ​သည် ဘုန်းကြီး​သော​ရှင်ဘုရင်​ဖြစ်​၏​။ ငါ့​နာမ​သည်​လည်း လူမျိုးတကာ​တို့​တွင် ကြောက်ရွံ့ဖွယ်​ဖြစ်​၏​”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

မာ​လ​ခိ 1:8

တစ်ဖန် ကောင်းကင်​ဗိုလ်ခြေ​အရှင် ထာဝရဘုရား​က “မျက်စိကန်း​သော​အကောင်​ကို ယဇ်ပူဇော်​ရန် ယူဆောင်​လာ​ခြင်း​သည် အပြစ်​မ​ဟုတ်​လော​၊ ခြေမသန်​သော​အကောင်​၊ နာ​နေ​သော​အကောင်​တို့​ကို ယဇ်ပူဇော်​ခြင်း​သည် အပြစ်​မ​ဟုတ်​လော​၊ ထိုသို့​သော​အကောင်​ကို သင့်​ဘုရင်ခံ​အား ဆက်သ​ကြည့်​ပါ​လော့​။ သူ​လက်ခံ​ပြီး သင့်​ကို မျက်နှာသာ​ပေး​လိမ့်မည်​လော​”​ဟု မိန့်​တော်မူ​၏​။

တော​လည် 15:8

ကတိသစ္စာဝတ်​ဖြေ​ရန်​အတွက်​ဖြစ်စေ​၊ မိတ်သဟာယယဇ်​အတွက်​ဖြစ်စေ နွားသငယ်​ကို မီးရှို့ရာယဇ်​၊ သို့မဟုတ် ပူဇော်သက္ကာ​အဖြစ် ထာဝရဘုရား​အား​ပူဇော်​လျှင်

တော​လည် 6:14

ပူဇော်သက္ကာ​အဖြစ် မီးရှို့ရာယဇ်​အတွက် အပြစ်အနာအဆာကင်း​သော တစ်နှစ်သားအရွယ်​သိုးသငယ်​အထီး​တစ်​ကောင်​၊ အပြစ်ဖြေရာယဇ်​အတွက် အပြစ်အနာအဆာကင်း​သော တစ်နှစ်သားအရွယ်​သိုးသငယ်အမ​တစ်​ကောင်​၊ မိတ်သဟာယယဇ်​အတွက် အပြစ်အနာအဆာကင်း​သော​သိုးထီး​တစ်​ကောင်​၊

တော​လည် 7:17

မိတ်သဟာယယဇ်​အတွက် နွားထီး​နှစ်​ကောင်​၊ သိုးထီး​ငါး​ကောင်​၊ ဆိတ်ထီး​ငါး​ကောင်​နှင့် တစ်နှစ်သားအရွယ် သိုးသငယ်​ငါး​ကောင် တို့​ဖြစ်​ကြ​၏​။ ဤသည်ကား အမိနဒပ်​၏​သား နာရှုန်​၏​ပူဇော်သက္ကာ​များ ဖြစ်​၏​။

တော​လည် 7:59

မိတ်သဟာယယဇ်​အတွက် နွားထီး​နှစ်​ကောင်​၊ သိုးထီး​ငါး​ကောင်​၊ ဆိတ်ထီး​ငါး​ကောင်​နှင့် တစ်နှစ်သားအရွယ် သိုးသငယ်​ငါး​ကောင် တို့​ဖြစ်​ကြ​၏​။ ဤသည်ကား ပေဒါဇုရ​၏​သား ဂါမလျေလ​၏​ပူဇော်သက္ကာ​များ ဖြစ်​၏​။

တ​ရား​ဟော 12:27

မီးရှို့ရာယဇ်ကောင်​၏​အသား​နှင့်​သွေး​ကို သင်​၏​ဘုရားသခင်​ထာဝရဘုရား​၏​ယဇ်ပလ္လင်​ပေါ်၌ ပူဇော်​ရ​မည်​။ ယဇ်ကောင်​၏​သွေး​ကို သင်​၏​ဘုရားသခင်​ထာဝရဘုရား​၏​ယဇ်ပလ္လင်​ပေါ်၌ သွန်း​၍ အသား​ကို​စား​ရ​မည်​။

ကော​လော​သဲ 1:20

လက်ဝါးကပ်တိုင်​ပေါ်၌​သွန်း​သော သား​တော်​၏​သွေး​တော်​အားဖြင့် ရန်ငြိမ်း​စေ​၍ ကောင်းကင်​ဘုံ​၌​ရှိ​သော​အရာ​များ​ဖြစ်စေ၊ မြေကြီး​ပေါ်၌​ရှိ​သော​အရာ​များ​ဖြစ်စေ ခပ်သိမ်း​သော​အရာ​တို့​ကို သား​တော်​အားဖြင့် မိမိ​နှင့်​ပြန်လည်​သင့်မြတ်​စေရန်​လည်းကောင်း အလိုရှိ​တော်မူ​၏။

ဟေ​ဗြဲ 10:22

ငါ​တို့​၏​စိတ်နှလုံး​ကို ဆိုးညစ်​သော​အသိစိတ်​နှင့်​ကင်းစင်​စေရန် ပက်ဖျန်း​ခြင်း​ခံယူ​လျက် ကိုယ်ခန္ဓာ​ကို​လည်း စင်ကြယ်​သော​ရေ​ဖြင့်​ဆေးကြော​ကာ ယုံကြည်​ခြင်း​နှင့်ဆိုင်သော​စိတ်ချမှု​အပြည့်အဝ​နှင့် ဖြောင့်မှန်​သော​စိတ်နှလုံး​တို့​ဖြင့် အထံ​တော်​သို့ တိုးဝင်​ချဉ်းကပ်​ကြ​ကုန်စို့။

၁ ယော 1:3

ငါ​တို့​မြင်​ရ​ကြား​ရ​သော​အရာ​ကို သင်​တို့​အား​ပြောကြား​ရ​ခြင်း​မှာ သင်​တို့​သည်​လည်း ငါ​တို့​နှင့်​မိတ်သဟာယ​ဖွဲ့​ခြင်း​ရှိ​စေရန်​ဖြစ်​၏။ ငါ​တို့​၏​မိတ်သဟာယ​ဖွဲ့​ခြင်း​သည် ခမည်းတော်​နှင့်​လည်းကောင်း၊ ခမည်းတော်​၏​သား​တော်​ယေရှု​ခရစ်တော်​နှင့်​လည်းကောင်း မိတ်သဟာယ​ဖွဲ့​ခြင်း​ဖြစ်​၏။

သူ​ကြီး 20:26

အစ္စရေး​အမျိုးသား လူ​အပေါင်း​တို့​သည်​လည်း ဗေသလ​မြို့​သို့ တက်သွား​ပြီး ထာဝရဘုရား​ရှေ့​တော်​တွင် ထိုင်​၍​ငိုကြွေး​ကြ​၏​။ ထို​နေ့ နေဝင်​သည်​အထိ အစာရှောင်​လျက် ထာဝရဘုရား​အား မီးရှို့ရာယဇ်​၊ မိတ်သဟာယယဇ်​များ​ကို ပူဇော်​ကြ​၏​။

သူ​ကြီး 21:4

နောက်တစ်နေ့​တွင် လူ​တို့​သည် စောစောထ​၍ ထို​နေရာ​တွင် ယဇ်ပလ္လင်​ကို​တည်​ကာ မီးရှို့ရာယဇ်​၊ မိတ်သဟာယယဇ်​တို့​ကို ပူဇော်​ကြ​၏​။