ဝတ်​ပြု 26:22 - မြန်​​​မာ့​​​စံ​​​မီ​​​သမ္မာ​​​ကျမ်း​​

²² ငါ​သည် သင်​တို့​ထဲသို့ တောရိုင်းတိရစ္ဆာန်​ကို ဝင်ရောက်​စေ​သဖြင့် ထို​တိရစ္ဆာန်​သည် သင်​တို့​၏​သားသမီး​ကို ကိုက်သတ်​၍ သင်​တို့​၏​တိရစ္ဆာန်​ကို ဖျက်ဆီး​လိမ့်မည်​။ သင်​တို့​ကို လျော့နည်း​စေ​၍ သင်​တို့​၏​လမ်း​များ​သည် လူသူကင်းမဲ့​လိမ့်မည်​။

Common Language Bible

²² ငါ​သည်​သင်​တို့​ရှိ​ရာ​သို့​သား​ရဲ​များ​ကို​စေ လွှတ်​၍ သင်​တို့​၏​သား​သ​မီး​များ၊ သိုး​နွား များ​ကို​ကိုက်​သတ်​စေ​မည်။ လူ​ဦး​ရေ​လျော့ နည်း​လာ​သော​ကြောင့် လမ်း​များ​ပေါ်​တွင် သွား​လာ​သူ​ကင်း​မဲ့​လျက်​ရှိ​လိမ့်​မည်။

Garrad Bible

²² စေ လွှတ် သော သား ရဲ ဘေး ကြောင့် သား ဆုံး ပါး ခြင်း၊ တိ ရ စ္ဆာန် ပျက် စီး ခြင်း၊ လူ မျိုး နည်း ပါး ခြင်း၊ လမ်း ခြောက် ခေါင် ခြင်း များ ကို ခံ ရ ကြ လိမ့် မည်။

Judson Bible

²² သင်​တို့၏​သား​သ​မီး​များ​ကို ချီ​သွား၍၊ သင်​တို့၏​တိ​ရ​စ္ဆာန်​များ​ကို ဖျက်​ဆီး​လျက်၊ သင်​တို့​ကို​နည်း​စေ​ခြင်း​ငှာ၊ သား​ရဲ​များ​ကို​ငါ​စေ​လွှတ်​သ​ဖြင့်၊ သင်​တို့​သွား​ရာ​လမ်း​မ​တို့​သည် လူ​ဆိတ်​ညံ​ရာ​ဖြစ်​ကြ​လိမ့်​မည်။

ဝတ်​ပြု 26:22 Referencias Cruzadas

၄ ရာ 17:25

ထို​သူ​တို့​သည် ထို​မြို့ရွာ​တို့​တွင်​နေထိုင်​ခါစ​၌ ထာဝရဘုရား​ကို ကြောက်ရွံ့ရိုသေ​ခြင်း​မ​ရှိ​သောကြောင့် ထာဝရဘုရား​သည် သူ​တို့​ထံ ခြင်္သေ့​ကို​စေလွှတ်​၍ သူ​တို့​ထဲမှ​အချို့​ကို ကိုက်သတ်​စေ​တော်မူ​၏​။

၄ ရာ 2:24

ဧလိရှဲ​က သူ​တို့​ကို​လှည့်​ကြည့်​ပြီး ထာဝရဘုရား​၏​နာမ​၌ ကျိန်ဆဲ​သဖြင့် တော​ထဲမှ​ဝံမ​နှစ်​ကောင်​ထွက်လာ​၍ လူငယ်​လေးဆယ့်​နှစ်​ယောက်​ကို ကိုက်ဖြတ်​လေ​၏​။

၂ ရာ​ချုပ် 15:5

ထို​ကာလ​၌ တိုင်းပြည်​တွင်​နေထိုင်​သူ​အပေါင်း​တို့​သည် အလွန်​ကြောက်ရွံ့ထိတ်လန့်​နေ​ရ​ပြီး သွား​လာ​ရာ​တွင်​လည်း လုံခြုံမှု​မ​ရှိ​ခဲ့​ကြ​။

ဟေ​ရှာ​ယ 24:6

ထို့ကြောင့် ကျိန်​ခြင်း​သည် ကမ္ဘာမြေကြီး​ကို လောင်ကျွမ်း​လေ​ပြီ​။ မြေကြီးသား​တို့​အပေါ် အပြစ်​သက်ရောက်​လေ​ပြီ​။ မြေကြီးသား​တို့​ကို အမျက်မီး​လောင်ကျွမ်း​၍ လူ​အနည်းငယ်​သာ ကြွင်းကျန်​၏​။

ဟေ​ရှာ​ယ 33:8

လမ်းမ​ပေါ်တွင် လူသူကင်းမဲ့​၏​။ လမ်း​ပေါ်တွင် လူသွားလူလာ​မ​ရှိ​။ ပဋိညာဉ်​ကို ချိုးဖောက်​လေ​ပြီ​။ မြို့​များ​ကို​ပမာဏ​မ​ပြု​။ လူ​ကို​အလေး​မ​ထား​။

ယေ​ရ​မိ 15:3

တစ်ဖန် ထာဝရဘုရား​က “​သတ်ဖြတ်​မည့်​ဓား​၊ ကိုက်ဆွဲ​သွား​မည့်​ခွေး​၊ ဝါးမျို​ဖျက်ဆီး​မည့် ကောင်းကင်​ငှက်​နှင့်​မြေ​တိရစ္ဆာန် စသည့်​ဘေး​လေး​မျိုး​ကို သူ​တို့​ထံ ငါ​စေလွှတ်​မည်​။

ယေ​ရ​မိ 42:2

ပရောဖက်​ယေရမိ​ထံသို့​လာ​၍ “​အရှင့်​ထံ အကျွန်ုပ်​တို့ အသနားခံ​ပါ​သည်​။ အရှင်​မြင်​သည့်​အတိုင်း လူ​အများ​သည် ယခု​အနည်းငယ်​သာ​ကျန်​ပါ​သည်​။ အကျွန်ုပ်​တို့​နှင့် ဤ​ကြွင်းကျန်​သော​လူ​အားလုံး​တို့​အဖို့ ထာဝရအရှင်​ဘုရားသခင်​ထံ ဆုတောင်း​ပေး​ပါ​လော့​။

မြည်​တမ်း​စ​ကား 1:4

ပွဲတော်​သို့​လာ​သော​သူ​မ​ရှိ​တော့​ပြီ​ဖြစ်၍ ဇိအုန်​မြို့​လမ်း​တို့ ငိုကြွေးမြည်တမ်း​ကြ​လေ​ပြီ​။ မြို့​တံခါး​အားလုံး ဆိတ်ညံ​လေ​ပြီ​။ ယဇ်ပုရောဟိတ်​တို့​လည်း ညည်းတွား​ကြ​လေ​ပြီ​။ အပျိုကညာ​တို့​လည်း ဝမ်းနည်းကြေကွဲ​လျက် ခါးသီး​စွာ​ခံစား​နေ​ကြ​ရ​လေ​ပြီ​။

ယေ​ဇ​ကျေ​လ 14:15

“ထို​ပြည်​ထဲသို့ သားရဲတိရစ္ဆာန်​ကို စေလွှတ်​၍​ဖျက်ဆီး​စေ​မည်​၊ ထို​သားရဲတိရစ္ဆာန်​များ​ကြောင့် ထို​ပြည်​သည် ဖြတ်သန်းသွားလာ​မည့်​သူ​မ​ရှိ​၊ လူသူကင်းမဲ့​ရာ​ဖြစ်သွား​မည်​ဆို​ပါစို့​။

ယေ​ဇ​ကျေ​လ 14:21

ထို့ကြောင့် ဘုရားရှင်​ထာဝရဘုရား​က “​ဂျေရုဆလင်​မြို့​ထဲသို့ ဓားဘေး​၊ ငတ်မွတ်ခေါင်းပါး​ခြင်း​ဘေး​၊ သားရဲတိရစ္ဆာန်​ဘေး​၊ ကပ်ရောဂါ​ဘေး စသော ဘေးဆိုး​လေး​မျိုး​ဖြင့်​ဒဏ်ခတ်​ပြီး လူ​နှင့်​တိရစ္ဆာန်​တို့​ကို သုတ်သင်ပယ်ရှင်း​သောအခါ ပို၍​ဆိုးဝါး​ပေ​လိမ့်မည်”​ဟု မိန့်​တော်မူ​၏​။

ယေ​ဇ​ကျေ​လ 33:28

ထို​ပြည်​ကို လူသူကင်းမဲ့​ရာ​၊ ဆိတ်ညံ​ရာ ဖြစ်​စေ​မည်​။ သူ​ဂုဏ်ယူအားထား​ရာ သူ​၏​ခွန်အား​ကို​လည်း ကွယ်ပျောက်​စေ​မည်​။ အစ္စရေး​တောင်​တို့​သည် ဖြတ်သန်းသွားလာ​မည့်​သူ​မ​ရှိ​။ လူသူကင်းမဲ့​ရာ​ဖြစ်သွား​မည်​။

ယေ​ဇ​ကျေ​လ 5:17

သင်​တို့​ထံ ငတ်မွတ်ခေါင်းပါး​ခြင်း​ဘေး​ကို စေလွှတ်​မည်​၊ သားရဲတိရစ္ဆာန်​တို့​ကို စေလွှတ်​မည်​။ သင်​တို့​သည် သားသမီးမဲ့ ဖြစ်​ကြ​လိမ့်မည်​။ ကပ်ရောဂါ​ဘေး​၊ သေဘေး​တို့ သင့်​ထံ​ရောက်လာ​မည်​။ သင့်​အပေါ် ဓားဘေး​ကျရောက်​စေ​မည်’​ဟူ၍ ငါ​ထာဝရဘုရား မိန့်​တော်မူ​ပြီ​”​ဟု မိန့်ဆို​လေ​၏​။

ဝတ်​ပြု 26:6

ငါ​သည် ထို​ပြည်​၌ ငြိမ်းချမ်းမှု​ရှိ​စေ​သဖြင့် သင်​တို့​အိပ်​သောအခါ မည်သူ​မျှ သင်​တို့​ကို ကြောက်ရွံ့တုန်လှုပ်​အောင် လုပ်​လိမ့်မည်​မ​ဟုတ်​။ ငါ​သည် ဘေးအန္တရာယ်​ပေး​တတ်​သော တောရိုင်းတိရစ္ဆာန်​တို့​ကို ထို​ပြည်​ထဲမှ ဖယ်ရှား​မည်​။ သင်​တို့​ပြည်​သည် ဓားဘေး​နှင့် ကြုံတွေ့​ရ​လိမ့်မည်​မ​ဟုတ်​။

မိက္ခာ 3:12

သို့ဖြစ်၍ သင်​တို့​ကြောင့် ဇိအုန်​မြို့​သည် လယ်​ကဲ့သို့ ထွန်ယက်​ခြင်း​ကို ခံရ​မည်​။ ဂျေရုဆလင်​မြို့​သည်​လည်း အပြိုအပျက်ပုံ​ဖြစ်​လိမ့်မည်​။ အိမ်​တော်​တည်ရှိ​ရာ​တောင်​သည်​လည်း တောအုပ်​ဖြစ်​လိမ့်မည်​။

ဇာ​ခ​ရိ 7:14

ထို့ပြင် သူ​တို့​မ​သိ​သော​လူမျိုးခြား​တို့​နေရာ​အရပ်ရပ်​သို့ သူ​တို့​အား​လေပွေ​နှင့်အတူ ငါ​လွင့်သွား​စေ​၏​။ သူ​တို့​ပြည်​သည် လူသူကင်းမဲ့​ရာ​အဖြစ် ကျန်ရစ်​လေ​ပြီ​။ ဖြတ်သန်းသွားလာ​သော​သူ​လည်း မ​ရှိ​။ သာယာ​သော​ပြည်​သည် လူသူကင်းမဲ့​လေ​ပြီ”​ဟု မိန့်ဆို​၏​။

တ​ရား​ဟော 32:24

သူ​တို့​သည် ငတ်မွတ်ခေါင်းပါး​၍​ပိန်ချုံး​သွား​မည်​။ ပူလောင်​ခြင်း​၊ ဆိုးရွား​သော​ဘေးဥပဒ်​တို့​၏​ဝါးမျို​ခြင်း​ခံရ​မည်​။ သားရဲ​အစွယ်​၊ မြေ​ပေါ်​တွားသွား​သော​သတ္တဝါ​အဆိပ်​ကို သူ​တို့​ထံ ငါ​စေလွှတ်​မည်​။

သူ​ကြီး 5:6

အာနတ်​၏​သား ရှံဂါ​လက်ထက်​၊ ယေလ​လက်ထက်​တို့​၌ လမ်းမ​တို့​သည် ဆိတ်ညံ​လေ​ပြီ​။ သွားလာ​သော​သူ​တို့​သည် လမ်းကြိုလမ်းကြား​တို့​၌​သာ သွားလာ​ကြ​ရ​ပြီ​။