ဝတ်​ပြု 26:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ ငါ​သည် အီဂျစ်​ပြည်​၌​ကျွန်ခံ​ခဲ့​သော​သင်​တို့​ကို ထို​ပြည်​မှ​ထုတ်ဆောင်​ခဲ့​သော သင်​တို့​၏​ဘုရားသခင်​ထာဝရဘုရား​ဖြစ်​၏​။ ငါ​သည် သင်​တို့​၏​ထမ်းပိုး​ကို ချိုးဖျက်​၍ သင်​တို့​ကို မတ်မတ်​လျှောက်​စေ​မည်​။

Common Language Bible

¹³ ငါ​သည်​သင်​တို့​အား​ကျွန်​ဘ​ဝ​မှ​လွတ်​မြောက် စေ​ရန် အီ​ဂျစ်​ပြည်​မှ​ထုတ်​ဆောင်​ခဲ့​သော​သင် တို့​၏​ဘု​ရား​သ​ခင်​ထာ​ဝ​ရ​ဘု​ရား​ဖြစ်​တော် မူ​၏။ ငါ​သည်​သင်​တို့​၏​ထမ်း​ပိုး​ကို​ချိုး​၍​သင် တို့​အား​မတ်​မတ်​လျှောက်​စေ​ပြီ'' ဟု​မိန့်​တော် မူ​၏။

Garrad Bible

¹³ ငါ သည် အိ ဂျစ် လူ မျိုး လက် အောက် ကျွန် မ ခံ စေ ရန် ထို ပြည် မှ ထုတ် ဆောင် ခဲ့ သော သင် တို့ ဘု ရား သ ခင် ထာ ဝ ရ ဘု ရား ဖြစ် သည့် အ လျောက် ကြော့ မော့ စွာ သွား လာ နိုင် စေ ရန် ထမ်း ပိုး ကျည်း ကို ချိုး ဖျက် ခဲ့ ပြီ။

Judson Bible

¹³ အဲ​ဂု​တ္တု​ပြည်၌ အ​စေ​ကျွန်​ခံ​ရ​သော သင်​တို့​ကို​ငါ​လွှတ်၍ နုတ်​ဆောင်​သော သင်​တို့၏​ဘု​ရား​သ​ခင် ထာ​ဝ​ရ​ဘု​ရား​ဖြစ်၏။ သင်​တို့၏​ထမ်း​ပိုး​ကြိုး​ကို ငါ​ဖြတ်၍ သင်​တို့​ကို​တည့်​မတ်​စေ​ပြီ။

ဝတ်​ပြု 26:13 Referencias Cruzadas

ဆာ​လံ 116:16

အို ထာဝရဘုရား​၊ အကယ်စင်စစ် အကျွန်ုပ်​သည် ကိုယ်တော်​၏​အစေအပါး​ဖြစ်​ပါ​၏​။ အကျွန်ုပ်​သည် ကိုယ်တော်​၏​အစေအပါး​၊ ကိုယ်တော့်​ကျွန်မ​၏​သား​ဖြစ်​ပါ​၏​။ ကိုယ်တော်​သည် အကျွန်ုပ်​ခံရ​သော အချည်အနှောင်​များ​မှ ကျွန်ုပ်​ကို​လွတ်မြောက်​စေ​တော်မူ​ပြီ​။

ထွက်​မြောက် 14:8

ထာဝရဘုရား​သည် အီဂျစ်​ဘုရင်​ဖာရော​မင်းကြီး​၏​စိတ်နှလုံး​ကို​မာကျော​စေ​သဖြင့် သူ​သည် ဝင့်ကြွား​စွာ​ဖြင့်​ထွက်သွား​ကြ​သော အစ္စရေး​အမျိုးသား​တို့​နောက်သို့​လိုက်​လေ​၏​။

ထွက်​မြောက် 20:2

“​ငါ​သည် သင့်​ကို ကျွန်ခံရာ​အိမ်​အီဂျစ်​ပြည်​မှ​ထုတ်ဆောင်​ခဲ့​သော သင်​၏​ဘုရားသခင်​ထာဝရဘုရား​ဖြစ်​၏​။

ထွက်​မြောက် 6:7

ငါ​သည် သင်​တို့​ကို ငါ​၏​လူမျိုး​တော်​အဖြစ်​သိမ်းယူ​မည်​။ ငါ​သည် သင်​တို့​၏​ဘုရား​ဖြစ်​မည်​။ ငါ​သည် အီဂျစ်​လူမျိုး​တို့​၏​ထမ်းပိုး​အောက်​မှ သင်​တို့​ကို​ဆွဲထုတ်​တော်မူ​သော သင်​တို့​၏​ဘုရားသခင်​ထာဝရဘုရား​ဖြစ်ကြောင်း သင်​တို့​သိမြင်​ကြ​လိမ့်မည်​။

ဟေ​ရှာ​ယ 51:23

‘​ငါ​တို့ ဖြတ်သွား​မည်​။ ဝပ်​နေ​လော့​’​ဟု ဆို​ကြ​သဖြင့် ဖြတ်သွား​သော​သူ​တို့​အတွက် သင်​သည် သင့်​ကျောကုန်း​ကို မြေပြင်​သဖွယ်​၊ လမ်း​သဖွယ်​ခင်းပေး​ခဲ့​ရ​၏​။ ထိုသို့ သင့်​ကို အနိုင်ကျင့်​ခဲ့​သော​သူ​တို့​လက်​ထဲသို့ ထို​ဖလား​ကို ငါ​ထည့်​မည်​”​ဟု မိန့်​တော်မူ​၏​။

ဟေ​ရှာ​ယ 9:3

ကိုယ်တော်​သည် လူမျိုး​တော်​ကို​တိုးပွား​စေ​၍ သူ​တို့​ကို အလွန်​ဝမ်းမြောက်​စေ​တော်မူ​ပြီ​။ သူ​တို့​သည် သီးနှံ​ရိတ်သိမ်း​ချိန်​၌ ဝမ်းမြောက်​သကဲ့သို့​၊ လုယက်ပစ္စည်း​ခွဲဝေ​ချိန်​၌ ရွှင်လန်း​သကဲ့သို့ ကိုယ်တော်​၏​ရှေ့မှောက်​တွင် ဝမ်းမြောက်​ကြ​ပါ​ပြီ​။

ယေ​ရ​မိ 2:20

“​ရှေးကာလ​၌ သင်​၏​ထမ်းပိုး​ကို ငါ​ချိုး​၍ သင်​၏​အချည်အနှောင်​တို့​ကို ငါ​ဖြတ်​ခဲ့​၏​။ သင်​က ‘​အကျွန်ုပ် ဝတ်​မ​ပြု​ပါ​’​ဟု ဆို​၏​။ အကယ်စင်စစ် သင်​သည် ရှိရှိသမျှ​ကုန်း​မြင့်​ပေါ်တွင်​လည်းကောင်း​၊ ရှိရှိသမျှ​စိမ်းလန်း​သော​သစ်ပင်​အောက်​တွင်​လည်းကောင်း ပြည့်တန်ဆာ​လုပ်​၏​။

ယေ​ရ​မိ 28:2

“​အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က ‘​ဘေဘီလုံ​ဘုရင်​၏​ထမ်းပိုး​ကို ငါ​ချိုး​မည်​။

ယေ​ရ​မိ 28:4

ဘေဘီလုံ​မြို့​သို့ ဖမ်းခေါ်​သွား​ခြင်း​ခံရ​သော ယောယကိမ်​၏​သား ယုဒ​ဘုရင်​ယေခေါနိ​မင်းကြီး​နှင့်တကွ ယုဒ​လူမျိုး​အပေါင်း​တို့​ကို​လည်း ဤ​မြို့​သို့ ပြန်ခေါ်ဆောင်​လာ​မည်​။ အကြောင်းမူကား ငါ​သည် ဘေဘီလုံ​ဘုရင်​၏​ထမ်းပိုး​ကို ချိုး​မည်​’​ဟူ၍ မိန့်​တော်မူ​သည်​”​ဟု ဆို​၏​။

ယေ​ဇ​ကျေ​လ 30:18

အီဂျစ်​ပြည်​၏​ထမ်းပိုး​ကို ချိုး​ပစ်​သောအခါ တာပနက်​မြို့​၌ နေ့​သည် အမှောင်ကျ​လိမ့်မည်​။ သူ​ဂုဏ်ယူအားထား​ရာ သူ​၏​ခွန်အား​သည်​လည်း ကုန်ခန်း​သွား​၍ သူ့​အဖို့ တိမ်ဖုံး​သော​နေ့​တစ်နေ့​ဖြစ်​လိမ့်မည်​။ မြို့သူမြို့သား​တို့​သည် သုံ့ပန်း​အဖြစ် ပါသွား​ကြ​လိမ့်မည်​။

ယေ​ဇ​ကျေ​လ 34:27

တော​ထဲရှိ​အပင်​တို့​သည် အသီး​သီး​လိမ့်မည်​။ မြေကြီး​သည် အသီးအနှံ​ကို ဖြစ်ထွန်း​စေ​မည်​။ သူ​တို့​သည် နေရင်းပြည်​တွင် ဘေးကင်းလုံခြုံ​စွာ​နေ​ရ​လိမ့်မည်​။ သူ​တို့​ထမ်း​ထား​ရ​သော​ထမ်းပိုး​ကို​ချိုး​၍ သူ​တို့​အား​ကျွန်ပြု​သော​သူ​တို့​လက်​မှ သူ​တို့​ကို ကယ်နုတ်​သောအခါ ငါ​သည် ထာဝရဘုရား​ဖြစ်ကြောင်း သူ​တို့​သိ​ကြ​လိမ့်မည်​။

ဟော​ရှေ 11:4

ငါ​သည် သူ​တို့​ကို ကရုဏာ​ကြိုး​၊ မေတ္တာ​ကြိုး​ဖြင့် ဆွဲခေါ်​ခဲ့​၏​။ သူ​တို့​မေးရိုး​မှ နဖားကြိုး​ကို ဖယ်ရှား​ပေး​ခဲ့​၏​။ ကိုယ်​ကို​ညွှတ်​၍ သူ​တို့​ကို အစာကျွေး​ခဲ့​၏​။

ဝတ်​ပြု 25:38

ငါ​သည် သင်​တို့​အား ခါနာန်​ပြည်​ကို​ပေး​၍ သင်​တို့​၏​ဘုရား​ဖြစ်​ဖို့​အတွက် အီဂျစ်​ပြည်​မှ သင်​တို့​ကို​ထုတ်ဆောင်​ခဲ့​သော သင်​တို့​၏​ဘုရားသခင်​ထာဝရဘုရား​ဖြစ်​၏​။

ဝတ်​ပြု 25:42

အကြောင်းမူကား သူ​တို့​သည် အီဂျစ်​ပြည်​မှ​ငါ​ထုတ်ဆောင်​ခဲ့​သော ငါ​၏​အစေအပါး​များ​ဖြစ်​ကြ​၏​။ သူ​တို့​ကို ကျွန်​အဖြစ်​မ​ရောင်း​ရ​။

ဝတ်​ပြု 25:55

အကြောင်းမူကား အစ္စရေး​အမျိုးသား​တို့​သည် ငါ​၏​အစေအပါး​များ​ဖြစ်​ကြ​၏​။ အီဂျစ်​ပြည်​မှ ငါ​ထုတ်ဆောင်​ခဲ့​သော ငါ​၏​အစေအပါး​များ​ဖြစ်​ကြ​၏​။ ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။

နာ​ဟုံ 1:13

သင့်​အပေါ်​တင်​ထား​သော သူ​၏​ထမ်းပိုး​ကို ငါ​ချိုး​ပစ်​မည်​။ သင့်​ကို ချည်နှောင်​ထား​သော​ကြိုး​များ​ကို ငါ​ဖြတ်ပစ်​မည်​”​ဟု မိန့်​တော်မူ​၏​။