ဝတ်​ပြု 25:43 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴³ သူ့​အပေါ် ရက်စက်ကြမ်းတမ်း​စွာ​မ​အုပ်စိုး​ရ​။ သင်​၏​ဘုရားသခင်​ကို သင်​ကြောက်ရွံ့​ရ​မည်​။

Common Language Bible

⁴³ သူ​တို့​အ​ပေါ်​ညှာ​တာ​ထောက်​ထား​သော သ​ဘော​ထား​ရှိ​ရ​မည်။ သင်​တို့​သည် ဘု​ရား​သ​ခင်​ကို​ကြောက်​ရွံ့​ရိုသေ​ရ​မည်။-

Garrad Bible

⁴³ ကိုယ့် ဘု ရား သ ခင့် ကြောင့် သင် ကြောက် ရွံ့ လျက် အ ကြပ် အ တည်း မ အုပ် ချုပ် ရ။

Judson Bible

⁴³ သူ့​ကို ကြမ်း​တမ်း​စွာ​မ​စီ​ရင်​ရ။ သင်၏​ဘု​ရား​သ​ခင်​ကို ကြောက်​ရွံ့​ရ​မည်။

ဝတ်​ပြု 25:43 Referencias Cruzadas

ကမ္ဘာ​ဦး 42:18

သုံး​ရက်​မြောက်​သော​နေ့​၌ ယောသပ်​က သူ​တို့​အား “​ငါ​သည် ဘုရားသခင်​ကို​ကြောက်ရွံ့​သော​သူ​ဖြစ်​၏​။ သင်​တို့​သည် အသက်ချမ်းသာ​ရာ​ရ​မည့်​အကြောင်း ဤသို့​ပြု​ကြ​လော့​။

၂ ရာ​ချုပ် 28:10

ယခု​လည်း သင်​တို့​သည် ယုဒ​ပြည်သူ ဂျေရုဆလင်​မြို့သား​တို့​ကို သင်​တို့​အဖို့ ကျွန်ယောက်ျား​၊ ကျွန်မိန်းမ​များ​အဖြစ် ခိုင်းစေ​ရန် ကြံရွယ်​လေ​ပြီ​။ သင်​တို့​ကိုယ်တိုင်​လည်း သင်​တို့​၏​ဘုရားသခင်​ထာဝရဘုရား​ကို ပြစ်မှား​ကြ​သည်​မ​ဟုတ်​လော​။

ယောဘဝတ္တု။ 31:13

ငါ့​ကျွန်ယောက်ျား​၊ ကျွန်မိန်းမ​တို့​သည် ငါ့​အပေါ်​မကျေမနပ်​ဖြစ်​သောအခါ ငါ​သည် တရားမျှတ​စွာ​မစီရင်​ပေး​သဖြင့်

ယောဘဝတ္တု။ 31:14

ဘုရားသခင်​ထ​တော်မူ​လျှင် ငါ​မည်သို့​ပြု​ရ​မည်နည်း​။ စစ်ဆေး​တော်မူ​လျှင် ငါ​မည်သို့​လျှောက်​ရ​မည်နည်း​။

ထွက်​မြောက် 1:17

သို့သော် ဝမ်းဆွဲ​တို့​သည် ဘုရားသခင်​ကို ကြောက်ရွံ့​သဖြင့် သူ​တို့​အား အီဂျစ်​ဘုရင်​အမိန့်ပေး​သည့်​အတိုင်း​မ​ပြု​ဘဲ ယောက်ျားလေး​များ​ကို အသက်ချမ်းသာ​ပေး​ကြ​၏​။

ထွက်​မြောက် 1:21

ထို​ဝမ်းဆွဲ​တို့​သည် ဘုရားသခင်​ကို ကြောက်ရွံ့​သောကြောင့် သူ​တို့​အား မိသားစု​ဘဝ​ကို​ပေးသနား​တော်မူ​၏​။

ထွက်​မြောက် 2:23

ကာလ​အတန်ကြာ​ပြီးနောက် အီဂျစ်​ဘုရင်​သည်​လည်း အနိစ္စရောက်​လေ​၏​။ အစ္စရေး​အမျိုးသား​တို့​သည်​လည်း ကျွန်ပြု​ခံရ​သောကြောင့် ညည်းတွား​၍ အော်ဟစ်​ကြ​၏​။ ထိုသို့ ကျွန်ပြု​ခံရ​သောကြောင့် အော်ဟစ်​သော​သူ​တို့​၏​အသံ​သည် ဘုရားသခင်​အထံ​တော်​သို့ ရောက်​လေ​၏​။

ထွက်​မြောက် 3:7

ထာဝရဘုရား​က “​အီဂျစ်​ပြည်​၌​ရှိ​သော​ငါ့​လူမျိုး​တော်​ခံရ​သည့် ဖိစီးနှိပ်စက်မှု​ကို အမှန်တကယ် ငါ​မြင်​ပြီ​။ အဓမ္မ​စေခိုင်း​သူ​များ​ကြောင့် သူ​တို့​၏​အော်ဟစ်ငိုကြွေးသံ​ကို​လည်း ငါ​ကြား​ပြီ​။ အကယ်စင်စစ် သူ​တို့​၏​ဒုက္ခဝေဒနာ​များ​ကို ငါ​သိ​ပြီ​။

ထွက်​မြောက် 3:9

ယခု အစ္စရေး​အမျိုးသား​တို့​၏​အော်ဟစ်ငိုကြွေးသံ​သည် ငါ့​ထံသို့​ရောက်​၍ သူ​တို့​အား အီဂျစ်​လူမျိုး​တို့​ဖိနှိပ်​ညှဉ်းဆဲ​ကြ​သည်​ကို​လည်း ငါ​မြင်​ပြီ​။

ထွက်​မြောက် 5:14

ဖာရော​မင်းကြီး​၏​အဓမ္မ​စေခိုင်း​သူ​များ​သည် မိမိ​တို့​ခန့်ထား​သော​အစ္စရေး​အမျိုးသား​အလုပ်ကြီးကြပ်သူ​များ​ကို​လည်း ရိုက်နှက်​ကာ “​သင်​တို့​သည် ယခင်​က​ကဲ့သို့ သင်​တို့​လုပ်​ရ​မည့်​အုတ်​ကို သတ်မှတ်ချက်​အတိုင်း မနေ့​ရော​ယနေ့​ပါ အဘယ်ကြောင့် မ​ပြီးစီး​ကြ​သနည်း​”​ဟု ဆို​ကြ​၏​။

ဟေ​ရှာ​ယ 47:6

ငါ​၏​လူမျိုး​တော်​ကို ငါ​အမျက်ထွက်​၏​။ ငါ​၏​အမွေခံ​ကို ငါ​ရှုတ်ချ​၍ သူ​တို့​ကို သင့်​လက်​သို့​ငါ​အပ်​လိုက်​၏​။ သို့သော် သင်​သည် သူ​တို့​ကို သနားစုံမက်​ခြင်း​မ​ရှိ​။ အသက်ကြီး​သူ​တို့​ကို​ပင် အလွန်​လေးလံ​သော​ထမ်းပိုး​ကို ထမ်း​စေ​၏​။

ဟေ​ရှာ​ယ 58:3

သူ​တို့​က “​အကျွန်ုပ်​တို့ အဘယ်ကြောင့် အစာရှောင်​ရ​မည်နည်း​။ အကျွန်ုပ်​တို့​အစာရှောင်​သည်​ကို ကိုယ်တော်​မြင်​တော်​မ​မူ​။ အကျွန်ုပ်​တို့ ကိုယ့်ကိုယ်ကိုယ် အဘယ်ကြောင့်​နှိမ့်ချ​ရ​မည်နည်း​။ အကျွန်ုပ်​တို့ ကိုယ့်ကိုယ်ကိုယ် နှိမ့်ချ​သည်​ကို ကိုယ်တော်​သိမှတ်​တော်​မ​မူ​”​ဟု ဆို​ကြ​၏​။ အကယ်စင်စစ် သင်​တို့​သည် အစာရှောင်​ရာ​နေ့​၌ ကိုယ့်​အလိုရှိ​ရာ​ကို ကိုယ်​လုပ်​ကြ​၏​။ အလုပ်သမား​များ​ကို အဓမ္မ​စေခိုင်း​ကြ​၏​။

ယေ​ဇ​ကျေ​လ 34:4

အားနည်း​သော​သိုး​တို့​ကို အား​မ​ဖြည့်​ပေး​၊ ဖျားနာ​သော​သိုး​တို့​ကို ဆေး​မ​ကု​ပေး​၊ ဒဏ်ရာ​ရ​သော​သိုး​တို့​ကို​လည်း ကျပ်​မ​စည်း​ပေး​ကြ​။ လမ်းလွဲ​သော​သိုး​များ​ကို ပြန်​မ​ခေါ်ဆောင်​လာ​၊ ပျောက်​သော​သိုး​တို့​ကို​လည်း မ​ရှာဖွေ​ကြ​။ သင်​တို့​သည် သိုး​တို့​ကို ခက်ထန်​ကြမ်းတမ်း​စွာ ထိန်းကျောင်း​ကြ​၏​။

ဝတ်​ပြု 25:17

အချင်းချင်း နိုင်ထက်စီးနင်း​မ​ပြု​ရ​။ သင်​၏​ဘုရားသခင်​ကို သင်​ကြောက်ရွံ့​ရ​မည်​။ အကြောင်းမူကား ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။

ဝတ်​ပြု 25:42

အကြောင်းမူကား သူ​တို့​သည် အီဂျစ်​ပြည်​မှ​ငါ​ထုတ်ဆောင်​ခဲ့​သော ငါ​၏​အစေအပါး​များ​ဖြစ်​ကြ​၏​။ သူ​တို့​ကို ကျွန်​အဖြစ်​မ​ရောင်း​ရ​။

ဝတ်​ပြု 25:44

သင်​ပိုင်​သော ကျွန်ယောက်ျား​၊ ကျွန်မိန်းမ​တို့​သည် သင်​တို့​ဝန်းကျင်​၌​ရှိ​သော​လူမျိုးခြား​တို့​ထဲမှ​ဖြစ်​ရ​မည်​။ ထို​သူ​တို့​ထဲမှ ကျွန်ယောက်ျား​၊ ကျွန်မိန်းမ​တို့​ကို သင်​တို့ ဝယ်ယူ​ရ​မည်​။

ဝတ်​ပြု 25:46

သင်​တို့​သည် ထို​သူ​တို့​ကို နောင်လာမည့်​သင်​တို့​၏​သားမြေး​တို့ ပိုင်ဆိုင်​သော​အမွေ​အဖြစ် ချန်ထား​ခဲ့​နိုင်​၏​။ ထို​သူ​တို့​ကို တစ်သက်လုံး​ကျွန်ပြု​ခွင့်​ရှိ​၏​။ သို့သော် သင်​တို့​၏​အမျိုးသားချင်း​ဖြစ်​သော အစ္စရေး​အမျိုးသား​တို့​သည် အချင်းချင်း​တစ်ဦး​အပေါ်​တစ်ဦး ရက်စက်ကြမ်းတမ်း​စွာ​မ​အုပ်စိုး​ရ​။

ဝတ်​ပြု 25:53

သူ​သည် ဝယ်​သူ​ထံ၌ တစ်နှစ်ပြီးတစ်နှစ် သူရင်းငှား​ကဲ့သို့ နေ​ရ​မည်​။ သင့်​မျက်မှောက်​တွင် ဝယ်သူ​က သူ့​ကို ရက်စက်ကြမ်းတမ်း​စွာ မ​အုပ်စိုး​စေ​နှင့်​။

မာ​လ​ခိ 3:5

“​သင်​တို့​ကို တရားစီရင်​ရန် သင်​တို့​ထံသို့ ငါ​ကြွလာ​မည်​။ ငါ​သည် မှော်ဆရာ​များ​၊ အိမ်ထောင်ရေးဖောက်ပြန်​သော​သူ​များ​၊ မဟုတ်မမှန်​ကျိန်ဆို​သော​သူ​များ​၊ သူရင်းငှား​၏​လုပ်အားခ​ကို မပေး​သော​သူ​များ​၊ မုဆိုးမ​နှင့် ဖတဆိုး​တို့​ကို နှိပ်စက်​သော​သူ​များ​၊ တိုင်းတစ်ပါးသား​တို့​ကို လျစ်လျူရှု​၍ ငါ့​ကို​မ​ကြောက်ရွံ့​သော​သူ​များ​ကို​ဆန့်ကျင်​လျက် အလျင်အမြန်​သက်သေ​ထွက်ဆို​မည်​”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

ဧ​ဖက် 6:9

သခင်​တို့၊ သင်​တို့​သည်​လည်း ကျွန်​များ​အပေါ် ထိုနည်းတူ​ပြု​ကြ​လော့။ သူ​တို့​ကို​မ​ခြိမ်းခြောက်​ကြ​နှင့်။ သင်​တို့​နှင့်​သူ​တို့​၏​သခင်​သည် ကောင်းကင်​ဘုံ​၌​ရှိ​တော်မူ​၍ ထို​သခင်​သည် မျက်နှာလိုက်​ခြင်း​မ​ရှိ​ကြောင်း သိမှတ်​ကြ​လော့။

တ​ရား​ဟော 25:18

သင်​မောပန်း​လျက် ခြေကုန်လက်ပန်းကျ​နေ​သော​အချိန်​တွင် လမ်းခရီး​၌ သင့်​ကို​တွေ့​၍ နောက်၌​ကျန်ရစ်​ခဲ့​သော​သူ​အပေါင်း​တို့​ကို သတ်ဖြတ်​ခဲ့​ကြ​၏​။ သူ​တို့​သည် ဘုရားသခင်​ကို မ​ကြောက်ရွံ့​ကြ​။

ကော​လော​သဲ 4:1

သခင်​တို့၊ သင်​တို့​တွင်​လည်း ကောင်းကင်​၌​သခင်​တစ်​ပါး​ရှိ​ကြောင်း သိမှတ်​လျက် မိမိ​တို့​ကျွန်​များ​အပေါ် မှန်ကန်​မျှတ​စွာ ပြုမူ​ကြ​လော့။