ဝတ်​ပြု 25:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ အချင်းချင်း နိုင်ထက်စီးနင်း​မ​ပြု​ရ​။ သင်​၏​ဘုရားသခင်​ကို သင်​ကြောက်ရွံ့​ရ​မည်​။ အကြောင်းမူကား ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။

Common Language Bible

¹⁷ သင်​တို့​သည်​အ​မျိုး​သား​ချင်း​ကို​မ​လှည့်​စား ရ။ သင်​တို့​၏​ဘု​ရား​သ​ခင်​ထာ​ဝ​ရ​ဘု​ရား ကို​ကြောက်​ရွံ့​ရို​သေ​ရ​မည်။

Garrad Bible

¹⁷ ငါ သည် သင် တို့ ဘု ရား သ ခင် ထာ ဝ ရ ဘု ရား ဖြစ် သ ဖြင့် ကိုယ့် ဘု ရား သ ခင် ကြောင့် ကြောက် ရွံ့ လျက် အ ချင်း ချင်း မ စဉ်း လဲ ကြ ရ။

Judson Bible

¹⁷ သင်​တို့​သည် တစ်​ယောက်​ကို​တစ်​ယောက် မ​ညှဉ်း​ဆဲ​ရ။ သင်​တို့၏ ဘု​ရား​သ​ခင်​ကို ကြောက်​ရွံ့​ရ​မည်။ ငါ​သည် သင်​တို့၏​ဘု​ရား​သ​ခင် ထာ​ဝ​ရ​ဘု​ရား ဖြစ်၏။

ဝတ်​ပြု 25:17 Referencias Cruzadas

ကမ္ဘာ​ဦး 20:11

အာဗြဟံ​က​လည်း “​ဤ​အရပ်​ရှိ​လူ​တို့​သည် ဘုရားသခင်​ကို ကြောက်ရွံ့​ခြင်း​လုံးဝ​မ​ရှိ​ကြ​ပါ​။ သို့ဖြစ်၍ သူ​တို့​သည် အကျွန်ုပ်​၏​မယား​အတွက်ကြောင့် အကျွန်ုပ်​ကို​သတ်​ကြ​လိမ့်မည်​ဟု အကျွန်ုပ်​ထင်​၍ ထိုသို့​ပြု​မိ​ပါ​ပြီ​။

ကမ္ဘာ​ဦး 22:12

ကောင်းကင်တမန်​က​လည်း “​သူငယ်​အပေါ် လက်​မ​ရောက်​စေ​နှင့်​။ သူ့​ကို ဘာမျှ​မ​ပြု​နှင့်​။ အကြောင်းမူကား သင်​သည် သင်​၏​သား​၊ သင်​၏​တစ်ဦးတည်း​သော​သား​ကို​ပင် ငါ့​အား​ပူဇော်​ရန်​မ​ငြင်းဆို​ခဲ့​သဖြင့် သင်​သည် ဘုရားသခင်​ကို​ကြောက်ရွံ့​ကြောင်း ယခု ငါ​သိ​ပြီ​”​ဟု မြွက်ဆို​၏​။

ကမ္ဘာ​ဦး 39:9

ဤ​အိမ်​၌ အကျွန်ုပ်​ထက်​ကြီးမြတ်​သော​သူ​မ​ရှိ​ပါ​။ သခင်မ​သည် အကျွန်ုပ်​သခင်​၏​မယား​ဖြစ်​သောကြောင့် အကျွန်ုပ်​၏​သခင်​သည် သခင်မ​မှတစ်ပါး မည်သည့်​အရာ​ကို​မျှ​အကျွန်ုပ်​အား မ​ဟန့်တား​ပါ​။ သို့ဖြစ်၍ အကျွန်ုပ်​သည် ဤမျှလောက်​ကြီးမား​သော​မကောင်းမှု​ကို​ပြု​၍ ဘုရားသခင်​ကို ပြစ်မှား​ရ​ပါ​မည်လော​”​ဟု ဆို​လေ​၏​။

ကမ္ဘာ​ဦး 42:18

သုံး​ရက်​မြောက်​သော​နေ့​၌ ယောသပ်​က သူ​တို့​အား “​ငါ​သည် ဘုရားသခင်​ကို​ကြောက်ရွံ့​သော​သူ​ဖြစ်​၏​။ သင်​တို့​သည် အသက်ချမ်းသာ​ရာ​ရ​မည့်​အကြောင်း ဤသို့​ပြု​ကြ​လော့​။

၂ ရာ​ချုပ် 19:7

ငါ​တို့​၏​ဘုရားသခင်​ထာဝရဘုရား​သည် မတရားမှု​ကို​မ​ပြု​၊ မျက်နှာလိုက်​ခြင်း​မ​ရှိ​၊ တံစိုးလက်ဆောင်​မ​ခံယူ​။ ထို့ကြောင့် ထာဝရဘုရား​ကို ကြောက်ရွံ့​ပြီး သတိ​နှင့်​လုပ်ဆောင်​ကြ​ပါ​လော့​”​ဟု မှာကြား​၏​။

နေ​ဟ​မိ 5:15

ငါ​မတိုင်ခင် ဘုရင်ခံ​လုပ်​သော​သူ​တို့​သည် ပြည်သူပြည်သား​တို့​အား ဝန်လေး​အောင်​ပြု​ခဲ့​ကြ​၏​။ ငွေ​ရှယ်ကယ်​လေးဆယ်​အပြင် မုန့်​နှင့် စပျစ်ဝိုင်​ကို​ပါ ယူ​ကြ​၏​။ သူ​တို့​၏​လက်အောက်ငယ်သား​တို့​သည်​လည်း ပြည်သူပြည်သား​တို့​ကို နိုင်လိုမင်းထက်​ပြု​ကြ​၏​။ ငါ​မူကား ဘုရားသခင်​ကို ကြောက်ရွံ့ရိုသေ​သောကြောင့် ထိုသို့​မ​ပြု​။

နေ​ဟ​မိ 5:9

ငါ​က​လည်း ဆက်​၍ “​သင်​တို့​လုပ်ရပ်​သည် ဆိုးဝါး​လှ​၏​။ ဘုရားသခင်​ကို ကြောက်ရွံ့ရိုသေ​သော​စိတ်​ဖြင့် အသက်ရှင်​လျှောက်လှမ်း​ရ​မည်​မ​ဟုတ်​လော​။ သို့မှ ငါ​တို့​ရန်သူ လူမျိုးခြား​တို့​၏​ကဲ့ရဲ့ရှုတ်ချ​ခြင်း​နှင့် ကင်း​မည်​မ​ဟုတ်​လော​။

ဆာ​လံ 19:9

ထာဝရဘုရား​ကို​ကြောက်ရွံ့​ခြင်း​သည် စင်ကြယ်​၍ ထာဝရ​တည်​၏​။ ထာဝရဘုရား​၏​စီရင်ထုံးဖွဲ့ချက်​တို့​သည် မှန်ကန်​၍ တညီတညွတ်တည်း​ဖြောင့်မတ်​ကြ​၏​။

ထွက်​မြောက် 20:20

မောရှေ​က​လည်း လူ​တို့​အား “​မ​ကြောက်​ကြ​နှင့်​။ သင်​တို့​သည် ဘုရားသခင်​ကို​ကြောက်ရွံ့​၍ အပြစ်​မ​ပြု​မည့်​အကြောင်း ဘုရားသခင်​သည် သင်​တို့​ကို စမ်းသပ်​ရန် ကြွလာ​တော်မူ​၏​”​ဟု ဆို​လေ​၏​။

သုတ္တံကျမ်း။ 1:7

ထာဝရဘုရား​ကို​ကြောက်ရွံ့​ခြင်း​သည် အသိပညာ​၏​အရင်းအမြစ်​ဖြစ်​၏​။ ဆိုးမိုက်​သော​သူ​တို့​သည် ဉာဏ်ပညာ​နှင့် ဆုံးမပဲ့ပြင်​ခြင်း​ကို မထီမဲ့မြင်ပြု​တတ်​ကြ​၏​။

သုတ္တံကျမ်း။ 14:31

ဆင်းရဲ​သော​သူ​ကို နှိပ်စက်​သော​သူ​သည် သူ​၏​ဖန်ဆင်းရှင်​ကို စော်ကား​သော​သူ​ဖြစ်​၏​။ နွမ်းပါး​သော​သူ​ကို သနား​သော​သူ​မူကား ကိုယ်တော်​ကို ရိုသေလေးမြတ်​သော​သူ​ဖြစ်​၏​။

သုတ္တံကျမ်း။ 16:6

မေတ္တာကရုဏာ​နှင့်​သမ္မာတရား​အားဖြင့် အပြစ်​ဖြေလွှတ်​ခြင်း​ခံရ​၍ ထာဝရဘုရား​ကို​ကြောက်ရွံ့​ခြင်း​အားဖြင့် မကောင်းမှု​မှ​ဖယ်ခွာ​နိုင်​၏​။

သုတ္တံကျမ်း။ 22:22

ဆင်းရဲ​သော​သူ​ကို ဆင်းရဲ​သည်​ဆို​၍ ခေါင်းပုံ​မ​ဖြတ်​နှင့်​။ အဖိနှိပ်​ခံရ​သော​သူ​ကို​လည်း မြို့​တံခါး​၌ မ​ညှဉ်းဆဲ​နှင့်​။

ဟေ​ရှာ​ယ 3:14

ထာဝရဘုရား​သည် မိမိ​လူမျိုး​တော်​၏​သက်ကြီးဝါကြီး​များ​၊ အကြီးအကဲ​များ​ကို တရားစီရင်​ရန် ကြွလာ​တော်မူ​မည်​။ “​သင်​တို့​သည် စပျစ်ခြံ​ကို ဝါးမျို​ဖျက်ဆီး​ကြ​ပြီ​။ ဆင်းရဲသား​တို့​၏​ပစ္စည်း​ကို လုယူ​၍ သင်​တို့​အိမ်​၌ သိမ်းထား​ကြ​ပြီ​။

ယေ​ရ​မိ 22:16

ဆင်းရဲ​နွမ်းပါး​သူ​တို့​၏​အမှု​ကို တရားသဖြင့်စီရင်​သောကြောင့် ကောင်းစား​ခဲ့​သည်​မ​ဟုတ်​လော​။ ဤသည်ကား ငါ့​ကို​သိကျွမ်း​ခြင်း​ကြောင့်​ပင်​မ​ဟုတ်​လော​”​ဟု မိန့်​တော်မူ​၏​။

ဝတ်​ပြု 19:13

မိမိ​အိမ်နီးချင်း​ကို အနိုင်အထက်​မ​ပြု​ရ​။ သူ့​ဥစ္စာ​ကို မ​လုယူ​ရ​။ သူရင်းငှား​၏​လုပ်အားခ​ကို တစ်ညလုံး​နံနက်​တိုင်အောင် မ​ဆိုင်းထား​ရ​။

ဝတ်​ပြု 19:14

နားမကြား​သော​သူ​ကို မ​ကျိန်ဆဲ​ရ​။ မျက်စိမမြင်​သော​သူ​၏​ရှေ့​၌ ခလုတ်တံသင်း​ကို​မ​ထား​ရ​။ သင်​၏​ဘုရားသခင်​ကို သင်​ကြောက်ရွံ့​ရ​မည်​။ ငါ​သည် ထာဝရဘုရား​ဖြစ်​၏​။

ဝတ်​ပြု 19:32

ဆံပင်ဖြူသူ​ကို အရိုအသေပေး​ရ​မည်​။ အသက်ကြီး​သူ​ကို လေးစား​ရ​မည်​။ သင်​၏​ဘုရားသခင်​ကို ကြောက်ရွံ့​ရ​မည်​။ ငါ​သည် ထာဝရဘုရား​ဖြစ်​၏​။

ဝတ်​ပြု 25:14

သင်​တို့​သည် မိမိ​၏​အိမ်နီးချင်း​အား တစ်စုံတစ်ရာ​ကို ရောင်း​သည်​ဖြစ်စေ​၊ မိမိ​အိမ်နီးချင်း​ထံမှ ဝယ်​သည်​ဖြစ်စေ တစ်ယောက်​ကို​တစ်ယောက် နိုင်ထက်စီးနင်း​မ​ပြု​ရ​။

ဝတ်​ပြု 25:36

သူ့​ထံမှ အတိုး​အမြတ် မ​ယူ​ရ​။ သင်​၏​ဘုရားသခင်​ကို ကြောက်ရွံ့​ပြီး သင်​၏​ညီအစ်ကို​ကို သင်​နှင့်အတူ​နေထိုင်​ခွင့်​ပြု​ရ​မည်​။

ဝတ်​ပြု 25:43

သူ့​အပေါ် ရက်စက်ကြမ်းတမ်း​စွာ​မ​အုပ်စိုး​ရ​။ သင်​၏​ဘုရားသခင်​ကို သင်​ကြောက်ရွံ့​ရ​မည်​။

မာ​လ​ခိ 3:5

“​သင်​တို့​ကို တရားစီရင်​ရန် သင်​တို့​ထံသို့ ငါ​ကြွလာ​မည်​။ ငါ​သည် မှော်ဆရာ​များ​၊ အိမ်ထောင်ရေးဖောက်ပြန်​သော​သူ​များ​၊ မဟုတ်မမှန်​ကျိန်ဆို​သော​သူ​များ​၊ သူရင်းငှား​၏​လုပ်အားခ​ကို မပေး​သော​သူ​များ​၊ မုဆိုးမ​နှင့် ဖတဆိုး​တို့​ကို နှိပ်စက်​သော​သူ​များ​၊ တိုင်းတစ်ပါးသား​တို့​ကို လျစ်လျူရှု​၍ ငါ့​ကို​မ​ကြောက်ရွံ့​သော​သူ​များ​ကို​ဆန့်ကျင်​လျက် အလျင်အမြန်​သက်သေ​ထွက်ဆို​မည်​”​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​၏​။

လုကာ 12:5

သင်​တို့​ကြောက်​ရ​မည့်​သူ​ကို သင်​တို့​အား ငါ​ပြောပြ​မည်။ ကိုယ်ခန္ဓာ​ကို​သတ်​ပြီးနောက် ငရဲ​ထဲသို့​ပစ်ချ​ပိုင်ခွင့်​ရှိ​သော​သူ​ကို ကြောက်​ကြ​လော့။ မှန်​ပေ​၏။ ထို​သူ​ကို​ကြောက်​ကြ​လော့​ဟု သင်​တို့​အား ငါ​ဆို​၏။

တမန်တော်ဝတ္ထု 10:2

သူ​သည် ဘုရား​ဝတ်​၌​မွေ့လျော်​သော​သူ​ဖြစ်​ပြီး သူ​၏​အိမ်သူအိမ်သား​အားလုံး​နှင့်တကွ ဘုရားသခင်​ကို​ကြောက်ရွံ့​ရိုသေ​၍ ဂျူး​လူမျိုး​တို့​အား များစွာ​ပေးကမ်း​စွန့်ကြဲ​ကာ ဘုရားသခင်​ထံ အမြဲ​ဆုတောင်း​လျက်​နေ​၏။

တမန်တော်ဝတ္ထု 10:35

မည်သည့်​လူမျိုး​မဆို ကိုယ်တော်​ကို​ကြောက်ရွံ့​လျက် ဖြောင့်မတ်​စွာ​ပြုကျင့်​လျှင် နှစ်သက်​လက်ခံ​တော်မူ​ကြောင်း ငါ​အမှန်​ပင်​သဘောပေါက်​ပြီ။

တမန်တော်ဝတ္ထု 9:31

ဤသို့ဖြင့် ယုဒ​နယ်၊ ဂါလိလဲ​နယ်​နှင့် ရှမာရိ​နယ်​တစ်လျှောက်လုံး​၌ အသင်းတော်​သည် ငြိမ်းချမ်း​မှု​ကို​ရရှိ​၍ တည်ဆောက်​မြှင့်တင်​ခြင်း​ခံရ​ကာ သခင်​ဘုရား​ကို​ကြောက်ရွံ့​ခြင်း​၌​လည်းကောင်း၊ သန့်ရှင်း​သော​ဝိညာဉ်​တော်​၏​တိုက်တွန်း​အားပေး​ခြင်း​၌​လည်းကောင်း လျှောက်လှမ်း​လျက် တိုးပွား​လေ​၏။

ရော​မ 11:20

မှန်​ပေ​၏။ သူ​တို့​သည် မ​ယုံကြည်​မှု​ကြောင့် ခုတ်ဖြတ်​ခြင်း​ခံရ​ပြီး သင်​မူကား ယုံကြည်​ခြင်း​ကြောင့်​တည်​နေ​၏။ ထောင်လွှား​သော​သဘော​မ​ရှိ​ဘဲ ကြောက်ရွံ့​ခြင်း​ရှိ​လော့။

ရော​မ 3:18

သူ​တို့​၏​မျက်စိ​ရှေ့တွင် ဘုရားသခင်​ကို​ကြောက်ရွံ့​ခြင်း​မ​ရှိ”​ဟု ကျမ်းစာ​၌​ရေး​ထား​သည့်​အတိုင်း​ဖြစ်​၏။

တ​ရား​ဟော 25:18

သင်​မောပန်း​လျက် ခြေကုန်လက်ပန်းကျ​နေ​သော​အချိန်​တွင် လမ်းခရီး​၌ သင့်​ကို​တွေ့​၍ နောက်၌​ကျန်ရစ်​ခဲ့​သော​သူ​အပေါင်း​တို့​ကို သတ်ဖြတ်​ခဲ့​ကြ​၏​။ သူ​တို့​သည် ဘုရားသခင်​ကို မ​ကြောက်ရွံ့​ကြ​။

၁ သက် 4:6

ထို​အမှုအရာ​မျိုး​၌ မိမိ​ညီအစ်ကို​အပေါ်​စည်းဖောက်​၍ အခွင့်ကောင်း​မ​ယူ​ကြ​ရန်​ဖြစ်​၏။ အကြောင်းမူကား ငါ​တို့​သည် သင်​တို့​ကို သတိပေး​၍ ကြိုတင်​ပြော​ထား​ခဲ့​သည့်​အတိုင်း သခင်​ဘုရား​သည် ဤ​အမှုအရာ​အားလုံး​အတွက် အပြစ်​ဒဏ်​ပေး​တော်မူ​လိမ့်မည်။

၁ ရာ 12:24

ထာဝရဘုရား​သည် သင်​တို့​အဖို့ မည်မျှ​ကြီးမား​သော​အမှု​ပြု​တော်မူ​သည်​ကို ဆင်ခြင်​၍ ထာဝရဘုရား​ကို ကြောက်ရွံ့ရိုသေ​ကြ​လော့​။ သစ္စာရှိ​လျက် ကိုယ်တော့်​ကို စိတ်နှလုံး​အကြွင်းမဲ့ ဝတ်ပြု​ကြ​လော့​။