ဝတ်​ပြု 25:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ သင်​တို့​သည် ငါးဆယ်​မြောက်​နှစ်​ကို သန့်ရှင်း​စေ​၍ ထို​ပြည်​၌​နေထိုင်​သော​သူ​အပေါင်း​တို့ လွတ်လပ်ခွင့်​ရ​ကြောင်း တစ်ပြည်လုံး​ကြေညာ​ရ​မည်​။ ထို​နှစ်​သည် သင်​တို့​အဖို့ မင်္ဂလာရတု​နှစ်​ဖြစ်​၍ သင်​တို့​အသီးသီး မိမိ​ပိုင်ဆိုင်​ရာ​မြေ​သို့​လည်းကောင်း​၊ မိမိ​မျိုးနွယ်စု​ထံသို့​လည်းကောင်း ပြန်​ရ​မည်​။

Common Language Bible

¹⁰ ဤ​နည်း​အား​ဖြင့်​ငါး​ဆယ်​မြောက်​နှစ်​ကို သီး​သန့်​သတ်​မှတ်​လျက် တိုင်း​ပြည်​တွင်​နေ ထိုင်​သူ​အ​ပေါင်း​တို့​အား​လွတ်​ငြိမ်း​ချမ်း​သာ ခွင့်​ကို​ကြေ​ညာ​ရ​မည်။ အ​ရောင်း​အ​ဝယ်​ပြု လုပ်​ခဲ့​သော​ပစ္စည်း​ရှိ​သ​မျှ​ကို ဤ​နှစ်​၌​မူ​လ ပိုင်​ရှင်​သို့​မ​ဟုတ်​သူ​၏​အ​ဆက်​အ​နွယ် များ​ထံ​ပြန်​လည်​ပေး​အပ်​ရ​မည်။ ငွေ​ဝယ် ကျွန်​များ​ကို​သူ​တို့​၏​မိ​သား​စု​များ​ထံ သို့​ပြန်​စေ​ရ​မည်။-

Garrad Bible

¹⁰ ပြည် လုံး နှံ့ တံ ပိုး မှုတ် စေ၍ ငါး ဆယ် မြောက် သော နှစ် ကို သီး သန့် ထား လျက် ပြည် သူ ပြည် သား အ ပေါင်း တို့ အား လွတ် ခွင့် ကြော် ငြာ ကြ ရ မည်။ သင် တို့ အ ဖို့ မင်္ဂ လာ နှစ် ဖြစ် သ ဖြင့် အ သီး အ သီး တို့ သည် ကိုယ့် ပိုင် မြေ သို့ လည်း ကောင်း၊ ကိုယ့် အ မျိုး သား ချင်း ရှိ ရာ သို့ လည်း ကောင်း ပြန် နေ ခွင့် ရှိ ကြ မည်။

Judson Bible

¹⁰ ငါး​ဆယ်​မြောက်​သော​နှစ်​ကို သန့်​ရှင်း​စေ​သ​ဖြင့်၊ တစ်​ပြည်​လုံး၌ ပြည်​သား​အ​ပေါင်း​တို့​အား၊ လွတ်​ရာ​အ​ခွင့်​ကို​ကြွေး​ကြော်​ရ​မည်။ ယု​ဘိ​လ​နှစ်​ဖြစ်၍၊ လူ​တိုင်း​မိ​မိ​ပိုင်​သော​မြေ၊ မိ​မိ​အ​ဆွေ​အ​မျိုး​ထံ​သို့ ပြန်​ရ​မည်။

ဝတ်​ပြု 25:10 Referencias Cruzadas

ဧ​ဇ​ရ 1:3

သင်​တို့​တွင် မည်သူ​သည် ဘုရားသခင်​၏​လူ​ဖြစ်​သနည်း​။ ထို​သူ​နှင့်အတူ ဘုရားသခင်​ရှိ​တော်မူ​ပါစေသော​။ သူ​သည် ယုဒ​ပြည် ဂျေရုဆလင်​မြို့​သို့​တက်သွား​၍ အစ္စရေး​လူမျိုး​တို့​၏​ဘုရားသခင်​ထာဝရဘုရား​၏​အိမ်​တော်​ကို တည်ဆောက်​ပါစေ​။ ဘုရားသခင်​သည် ဂျေရုဆလင်​မြို့​တွင်​စံပယ်​တော်မူ​၏​။

ဆာ​လံ 146:7

နှိပ်စက်​ခြင်း​ခံရ​သော​သူ​တို့​အတွက် တရားမျှတမှု​ကို​ဆောင်ကြဉ်း​ပေး​၍ ဆာလောင်မွတ်သိပ်​သော​သူ​တို့​အား အစားအစာ​ကို​ပေး​တော်မူ​၏​။ ထာဝရဘုရား​သည် ချုပ်ထား​ခြင်း​ခံရ​သော​သူ​တို့​ကို လွှတ်ပေး​တော်မူ​၏​။

ထွက်​မြောက် 20:2

“​ငါ​သည် သင့်​ကို ကျွန်ခံရာ​အိမ်​အီဂျစ်​ပြည်​မှ​ထုတ်ဆောင်​ခဲ့​သော သင်​၏​ဘုရားသခင်​ထာဝရဘုရား​ဖြစ်​၏​။

ဟေ​ရှာ​ယ 49:9

အချုပ်​ခံရ​သော​သူ​တို့​အား ‘​ထွက်လာ​ကြ​’​၊ အမှောင်​ထဲ၌​ရှိ​သော​သူ​တို့​အား ‘​ထွက်​ခဲ့​ကြ​’​ဟု သင်​ဆို​လိမ့်မည်​။ ထို​သူ​တို့​သည် လမ်းခရီး​တစ်လျှောက် အစာ​စား​ရ​မည်​။ တောင်ကတုံး​တို့​သည် သူ​တို့​ကျက်စား​ရာ​အရပ်​ဖြစ်​မည်​။

ဟေ​ရှာ​ယ 63:4

လက်တုံ့ပြန်​ရာ​နေ့​ကို ငါ့​စိတ်​ထဲ၌​မှတ်ထား​၏​။ ငါ​ရွေးနုတ်​ရာ​နှစ်​သည် ရောက်လာ​ပြီ​။

ယေ​ရ​မိ 34:10

ပဋိညာဉ်​ဖွဲ့​ရာ​တွင် ပါဝင်​သော​အကြီးအကဲ​များ​နှင့် ပြည်သူပြည်သား​အပေါင်း​တို့​က ကိုယ့်​ကျွန်ယောက်ျား​၊ ကျွန်မိန်းမ​တို့​ကို လွတ်မြောက်​ခွင့်​ပေး​ရ​မည်​။ ဘယ်သောအခါမှ ကျွန်​ပြန်​မ​ပြု​ရ​ဟူသော​ပဋိညာဉ်​ပါ​အချက်​ကို သဘောတူ​နာခံ​၍ ကျွန်​တို့​ကို လွှတ်ပေး​ကြ​၏​။

ယေ​ရ​မိ 34:8

ဇေဒကိ​မင်းကြီး​က ဂျေရုဆလင်​မြို့သား​အပေါင်း​တို့​နှင့်​ပဋိညာဉ်​ဖွဲ့​ပြီး ကျွန်ဘဝ​မှ​လွတ်မြောက်​ပြီ​ဟု ကြေညာ​ပြီးနောက်မှ ထာဝရဘုရား​၏​နှုတ်ကပတ်တော်​သည် ယေရမိ​ထံ ရောက်လာ​ပြန်​၏​။

ယေ​ဇ​ကျေ​လ 46:17

မင်းသား​သည် မိမိ​ကျွန်​တစ်ယောက်ယောက်​အား မိမိ​အမွေ​အချို့​ကို လက်ဆောင်​အဖြစ်​ပေး​မည်​ဆိုလျှင် ထို​ကျွန်​လွတ်မြောက်​ခွင့်​ရ​သည့်​နှစ်​အထိ ထို​အမွေ​ကို ပိုင်ဆိုင်​ရ​မည်​။ မိမိ​လွတ်မြောက်​သောအခါ ထို​အမွေ​ကို မင်းသား​အား ပြန်ပေး​ရ​မည်​။ ထို​အမွေ​ကို မင်းသား​၏​သားမြေး​သာ ပိုင်​ရ​မည်​။

ဝတ်​ပြု 25:11

ငါးဆယ်​မြောက်​နှစ်​သည် သင်​တို့​အဖို့ မင်္ဂလာရတု​နှစ်​ဖြစ်​ရ​မည်​။ ထို​နှစ်​တွင် မျိုး​မ​ကြဲ​ရ​။ အလေ့ကျ​ပေါက်​သော​အပင်​မှ​သီးနှံ​ကို မ​ရိတ်သိမ်း​ရ​။ မပြုစု​ထား​သော​စပျစ်ပင်​မှ​စပျစ်သီး​ကို​လည်း မ​ဆွတ်ခူး​ရ​။

ဝတ်​ပြု 25:13

ထို​မင်္ဂလာရတု​နှစ်​တွင် သင်​တို့​အသီးသီး မိမိ​ပိုင်ဆိုင်​ရာ​မြေ​သို့ ပြန်​ရ​မည်​။

ဝတ်​ပြု 25:41

ထို့နောက်တွင် သူ​သည် မိမိ​သားသမီး​များ​နှင့်တကွ သင့်​ထံ​မှ​ထွက်သွား​၍ မိမိ​မျိုးနွယ်စု​ရှိ​ရာ​သို့​ပြန်သွား​ရ​မည်​။ မိမိ​ဘိုးဘေး​တို့​ပိုင်ဆိုင်​ရာ​မြေ​သို့ ပြန်သွား​ရ​မည်​။

ဝတ်​ပြု 25:54

ထိုသို့သော​နည်း​တို့​ဖြင့် သူ့ကိုယ်သူ မ​ရွေးနုတ်​နိုင်​လျှင်​လည်း မင်္ဂလာရတု​နှစ်​ရောက်​သောအခါ သူ​နှင့် သူ​၏​သားသမီး​တို့​သည် လွတ်မြောက်​ခွင့်​ရရှိ​မည်​။

၂ ကော 3:17

သခင်​ဘုရား​သည် ဝိညာဉ်​တော်​ဖြစ်​၏။ သခင်​ဘုရား​၏​ဝိညာဉ်​တော်​ရှိ​ရာ​အရပ်​၌ လွတ်လပ်​မှု​ရှိ​၏။

ဂ​လာ​တိ 4:25

ဟာဂရ​သည် အာရေဗျ​ပြည်​၌​ရှိ​သော သိနာ​တောင်​ကို​ဆိုလို​၍ လက်ရှိ​ဂျေရုဆလင်​မြို့​နှင့်​လည်း အလားတူ​၏။ အဘယ်ကြောင့်​ဆိုသော် ၎င်း​သည် မိမိ​၏​သားသမီး​တို့​နှင့်အတူ ကျွန်ခံ​နေ​ရ​၏။

ဂ​လာ​တိ 5:13

ညီအစ်ကို​တို့၊ သင်​တို့​သည် လွတ်လပ်​မှု​အတွက် ခေါ်ယူ​တော်မူ​ခြင်း​ခံရ​ကြ​၏။ သို့သော် ထို​လွတ်လပ်​မှု​ကို သွေးသား​ဇာတိ​အတွက် အခွင့်အရေး​တစ်​ခု​အနေဖြင့် မ​သုံး​ဘဲ မေတ္တာ​အားဖြင့် အချင်းချင်း​အစေခံ​ကြ​လော့။

၁ ပေ 2:16

လွတ်လပ်​သော​သူ​များ​အဖြစ် အသက်ရှင်​နေထိုင်​ကြ​လော့။ သို့သော် ထို​လွတ်လပ်​ခြင်း​ကို မကောင်းမှု​ပြု​ရန် ဆင်ခြေဆင်လက်​အဖြစ် အသုံး​မ​ပြု​ဘဲ ဘုရားသခင်​၏​အစေအပါး​အဖြစ် အသုံးပြု​ကြ​လော့။