ဝတ်​ပြု 24:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ ထာဝရဘုရား​၏​နာမ​တော်​ကို စော်ကားပြောဆို​သော​သူ​သည် မုချ​အသတ်​ခံရ​မည်​။ လူထု​အပေါင်း​တို့​သည် ထို​သူ​ကို မုချ​ခဲ​နှင့်​ပေါက်သတ်​ရ​မည်​။ တိုင်းတစ်ပါးသား​ဖြစ်စေ​၊ အမျိုးသားချင်း​ဖြစ်စေ နာမ​တော်​ကို စော်ကားပြောဆို​လျှင် ထို​သူ​သည် အသတ်​ခံရ​မည်​။

Common Language Bible

¹⁶ သူ့​အား​သေ​ဒဏ်​စီ​ရင်​ရ​မည်​ဟူ​၍​ဣ​သ​ရေ​လ အ​မျိုး​သား​တို့​အား​ပြော​ရ​မည်။ ဣ​သ​ရေ​လ အ​မျိုး​သား​ဖြစ်​စေ၊ ဣ​သ​ရေ​လ​နိုင်​ငံ​တွင်​နေ ထိုင်​သော​လူ​မျိုး​ခြား​ဖြစ်​စေ၊ ထာ​ဝ​ရ​ဘု​ရား ကို​ကျိန်​ဆဲ​လျှင်​ဣ​သ​ရေ​လ​တစ်​မျိုး​သား လုံး​က ထို​သူ​ကို​ခဲ​ဖြင့်​ပစ်​သတ်​ရ​မည်။

Garrad Bible

¹⁶ ငါ ထာ ဝ ရ ဘု ရား နာ မ ကို တိုင်း ထွာ သူ လည်း လူ ပ ရိ သတ် ဥဿုံ၏ ခဲ ပစ် သတ် ဒဏ် ကို မု ချ ခံ စေ။ ဝင် နေ သူ ဖြစ် စေ၊ တိုင်း ရင်း သား ဖြစ် စေ၊ နာ မ တော် ကို တိုင်း ထွာ လျှင် သေ ဒဏ် ခံ စေ။

Judson Bible

¹⁶ ထာ​ဝ​ရ​ဘု​ရား၏​နာ​မ​တော်​ကို ပြစ်​မှား​သော​သူ​သည် အ​သေ​သတ်​ခြင်း​ကို အ​မှန်​ခံ​ရ​မည်။ ပ​ရိ​သတ်​အ​ပေါင်း​တို့​သည် ထို​သူ​ကို အ​မှန်​ကျောက်​ခဲ​နှင့် ပစ်​ရ​ကြ​မည်။ အ​မျိုး​သား​ချင်း​ဖြစ်​စေ၊ တစ်​ပါး​အ​မျိုး​သား​ဖြစ်​စေ၊ နာ​မ​တော်​ကို​ပြစ်​မှား​လျှင် အ​သေ​သတ်​ခြင်း​ကို​ခံ​ရ​မည်။

ဝတ်​ပြု 24:16 Referencias Cruzadas

၂ ရာ 6:2

ကောင်းကင်​ဗိုလ်ခြေ​အရှင်​ထာဝရဘုရား​၏​နာမ​တော်​ဖြင့် ခေါ်ဝေါ်သမုတ်​သော​၊ ခေရုဗိမ်​တို့​အထက်​တွင်​စံနေ​တော်မူ​သော ဘုရားသခင်​၏​သေတ္တာ​တော်​ကို သယ်ဆောင်​လာ​ရန် ဒါဝိဒ်​မင်းကြီး​သည် မိမိ​လူ​အပေါင်း​တို့​နှင့်တကွ ဗာလာ​ယုဒ​မြို့​သို့ ထ​သွား​လေ​၏​။

ဆာ​လံ 139:20

ထို​သူ​တို့​သည် ကောက်ကျစ်​သော​သဘော​ဖြင့် ကိုယ်တော်​ကို​ဆန့်ကျင်​ပြောဆို​ကြ​ပါ​၏​။ ကိုယ်တော်​၏​ရန်သူ​တို့​သည် နာမ​တော်​ကို​အလွဲသုံးစား​ပြု​ကြ​ပါ​၏​။

ဆာ​လံ 74:10

အို ဘုရားသခင်​၊ ရန်ဖက်ပြု​သော​သူ​သည် မည်မျှ​ကြာ​အောင် ကဲ့ရဲ့ပြစ်တင်​လျက်​နေ​လိမ့်​မည်နည်း​။ ရန်သူ​သည် ကိုယ်တော်​၏​နာမ​တော်​ကို အစဉ်​မထီလေးစား​ပြု​မည်လော​။

ဆာ​လံ 74:18

အို ထာဝရဘုရား​၊ ရန်သူ​သည် ကိုယ်တော့်​ကို​ကဲ့ရဲ့ပြစ်တင်​သည်​ကို​လည်းကောင်း​၊ မိုက်မဲ​သော​သူ​သည် ကိုယ်တော်​၏​နာမ​တော်​ကို မထီလေးစား​ပြု​သည်​ကို​လည်းကောင်း အောက်မေ့​တော်မူ​ပါ​။

ထွက်​မြောက် 20:7

သင်​၏​ဘုရားသခင်​ထာဝရဘုရား​၏​နာမ​တော်​ကို အချည်းနှီး​မ​မြွက်ဆို​ရ​။ အကြောင်းမူကား ထာဝရဘုရား​သည် မိမိ​၏​နာမ​တော်​ကို အချည်းနှီး​မြွက်ဆို​သော​သူ​အား အပြစ်​မ​ပေး​ဘဲ​နေ​တော်မူ​မည်​မ​ဟုတ်​။

ထွက်​မြောက် 22:28

ဘုရားသခင်​အား ပြစ်မှား​ပြောဆို​ခြင်း​မ​ပြု​ရ​။ သင့်​လူမျိုး​၏​ခေါင်းဆောင်​ကို မ​ကျိန်ဆဲ​ရ​။

ဝတ်​ပြု 20:2

“​သင်​သည် အစ္စရေး​အမျိုးသား​တို့​အား ‘​အစ္စရေး​အမျိုးသား​ထဲမှ​ဖြစ်စေ​၊ အစ္စရေး​လူမျိုး​ထံ၌​တည်းခိုနေထိုင်​သော​တိုင်းတစ်ပါးသား​ထဲမှ​ဖြစ်စေ တစ်စုံတစ်ယောက်​သည် မိမိ​သားမြေး​ကို မောလုတ်​ဘုရား​အား​ပေးလှူ​လျှင် သူ​သည် မုချ​အသတ်​ခံရ​မည်​။ ပြည်သူပြည်သား​တို့​သည် သူ့​ကို ခဲ​နှင့်​ပေါက်သတ်​ရ​မည်​။

မဿဲ 12:31

ထို့ကြောင့် သင်​တို့​အား​ငါ​ဆို​သည်​ကား လူ​တို့​သည် ဘုရားသခင်​ကို​စော်ကား​ပြောဆို​ခြင်း​နှင့် အပြစ်​ဟူသမျှ​တို့​အတွက် ခွင့်လွှတ်​ခြင်း​ခံရ​မည်​ဖြစ်​သော်လည်း ဝိညာဉ်​တော်​ကို စော်ကား​ပြောဆို​ခြင်း​အတွက်​မူကား ခွင့်လွှတ်​ခြင်း​ခံရ​မည်​မ​ဟုတ်။

မဿဲ 26:66

သင်​တို့​မည်သို့​ထင်မြင်​ကြ​သနည်း”​ဟု ဆို​သော် သူ​တို့​က “သူ​သည် သေဒဏ်​ခံထိုက်​၏”​ဟု ပြန်ပြော​ကြ​၏။

ရှင်မာကု 14:64

ဘုရားသခင်​အား​စော်ကား​ပြောဆို​သော​စကား​ကို သင်​တို့​ကြား​ရ​ကြ​ပြီ။ သင်​တို့​မည်သို့​ထင်မြင်​ကြ​သနည်း”​ဟု ဆို​သော် သူ​တို့​အားလုံး​သည် ကိုယ်တော်​ကို သေဒဏ်​ခံထိုက်​သည်​ဟု စီရင်​ကြ​၏။

ရှင်ယောဟန် 19:7

ဂျူး​လူမျိုး​တို့​က​လည်း “အကျွန်ုပ်​တို့​၌ ပညတ်​တရား​ရှိ​ပါ​၏။ ဤ​သူ​သည် မိမိကိုယ်ကို ဘုရားသခင်​၏​သား​တော်​ဖြစ်​သည်​ဟု​ကြေညာ​သောကြောင့် ထို​ပညတ်​တရား​အရ သေ​ထိုက်​ပါ​၏”​ဟု ပြန်​လျှောက်​ကြ​၏။

တမန်တော်ဝတ္ထု 26:11

ဝတ်ပြု​စည်းဝေး​ကျောင်း​တိုင်း​တွင်​လည်း သူ​တို့​ကို မကြာခဏ​ပြစ်ဒဏ်​ပေး​လျက် ဘုရားသခင်​ကို​စော်ကား​ပြောဆို​ကြ​ရန် အတင်းအကျပ်​စေခိုင်း​ခဲ့​ပါ​သည်။ ထိုမျှမက သူ​တို့​အပေါ် အလွန်​ဒေါသ​ထွက်​၍ တိုင်းတစ်ပါး​မြို့​များ​သို့​တိုင်အောင် သူ​တို့​ကို လိုက်လံ​ညှဉ်းဆဲ​ခဲ့​ပါ​သည်။

တမန်တော်ဝတ္ထု 7:58

သူ့​ကို မြို့​ပြင်​သို့​ဆွဲထုတ်​ပြီးလျှင် ခဲ​နှင့်​ပေါက်​ကြ​၏။ သက်သေ​တို့​သည် မိမိ​တို့​၏​အဝတ်​များ​ကို ရှောလု​ဟု​ခေါ်​သော လူငယ်​တစ်​ဦး​၏​ခြေ​ရင်း​၌ ချ​ထား​ကြ​၏။

၁ တိ 1:13

ငါ​သည် ယခင်​က စော်ကား​ပြောဆို​သော​သူ၊ ညှဉ်းဆဲ​သော​သူ၊ မိုက်ရိုင်း​သော​သူ​ဖြစ်​ခဲ့​သော်လည်း ယုံကြည်​ခြင်း​မ​ရှိ​စဉ် မ​သိ​နား​မ​လည်​ဘဲ ထိုသို့​ပြု​ခဲ့​သည်​ဖြစ်၍ ကရုဏာ​တော်​ကို​ခံစား​ရ​၏။

ယာ​ကုပ် 2:7

သင်​တို့​နှင့်​စပ်လျဉ်း၍ ခေါ်ဝေါ်​သမုတ်​သည့် ကောင်းမြတ်​သော​နာမ​ကို သူ​တို့​စော်ကား​ပြောဆို​ကြ​သည်​မ​ဟုတ်​လော။