ဝတ်​ပြု 23:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ သင်​တို့​ပူဇော်​မည့်​မုန့်​ဖြစ်စေ​၊ သီးနှံအခြောက်​ဖြစ်စေ​၊ သီးနှံအစို​ဖြစ်စေ သင်​တို့​၏​ဘုရားသခင်​ထံသို့ ပူဇော်သက္ကာ​အဖြစ် ယူဆောင်​လာ​ရ​မည့်​နေ့​မရောက်မချင်း မ​စား​ရ​။ ဤသည်ကား သင်​တို့​နေထိုင်​ရာ​အရပ်ရပ်​၌ သင်​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​။

Common Language Bible

¹⁴ ဘု​ရား​သ​ခင်​အား​ဦး​စွာ​မ​ဆက်​သ​ဘဲ ကောက်​သစ်​ကို​အ​စိမ်း​ဖြစ်​စေ၊ ကျော်​၍​ဖြစ်​စေ၊ မုန့်​လုပ်​၍​ဖြစ်​စေ​မ​စား​ရ။ သင်​တို့​၏​အ​မျိုး အ​စဉ်​အ​ဆက်​သည်​ပ​ညတ်​ကို​ထာ​ဝ​စဉ် စောင့်​ထိန်း​ရ​မည်။

Garrad Bible

¹⁴ ဆို ခဲ့ သော နေ့၊ သင် တို့ ဘု ရား သ ခင်၏ အ လှူ ဒါ န ကို မ တင် မ သွင်း မ ချင်း ပေါင် မုန့်၊ မုန့် ဆန်း၊ အ သီး မည် သည် ကို မျှ မ စား ကြ ရ။ သင် တို့ နေ ရာ အ ရပ် ရပ်၌ အ မျိုး အ စဉ် အ ဆက် အ မြဲ ထုံး ဖွဲ့ ချက် ဖြစ် သ တည်း။

Judson Bible

¹⁴ သင်​တို့၏​ဘု​ရား​သ​ခင်​ထံ​တော်​သို့ ပူ​ဇော်​သ​ကာ​ကို​ဆောင်​ခဲ့​သော​နေ့ မ​ရောက်​မီ၌ မုန့်၊ ဆန်​လှော်၊ စိမ်း​သော​အ​သီး​အ​နှံ​ကို မ​စား​ရ။ သင်​တို့​နေ​ရာ​အ​ရပ်​ရပ်၌ သင်​တို့​အ​မျိုး​အ​စဉ်​အ​ဆက်​စောင့်​ရ​သော ပ​ညတ်​တော်​ဖြစ်​သ​တည်း။

ဝတ်​ပြု 23:14 Referencias Cruzadas

နေ​ဟ​မိ 9:14

သူ​တို့​အား ကိုယ်တော်​၏​သန့်ရှင်းမြင့်မြတ်​သော​ဥပုသ်နေ့​ကို သိ​စေ​တော်မူ​၏​။ ကိုယ်တော်​၏​အစေအပါး​မောရှေ​မှတစ်ဆင့် ပညတ်ချက်​များ​၊ ပြဋ္ဌာန်းချက်​များ​၊ တရားတော်​များ​ကို ပေးအပ်​တော်မူ​၏​။

ဆာ​လံ 19:8

ထာဝရဘုရား​၏​ဥပဒေသ​တို့​သည် ဖြောင့်မှန်​၍ စိတ်နှလုံး​ကို​ဝမ်းမြောက်​စေ​၏​။ ထာဝရဘုရား​၏​ပညတ်တော်​သည် သန့်ရှင်း​၍ မျက်စိ​ကို​အလင်းပေး​၏​။

ထွက်​မြောက် 27:21

တွေ့ဆုံစည်းဝေးရာ​တဲ​တော်​အတွင်း သက်သေခံချက်​ရှေ့​ရှိ ကန့်လန့်ကာ​အပြင်ဘက်​တွင် အာရုန်​နှင့်​သူ​၏​သား​များ​သည် ထာဝရဘုရား​ရှေ့​တော်​၌ နေဝင်ချိန်​မှ နံနက်​တိုင်အောင် မီးထွန်း​ခြင်း​အမှု​ကို စီစဉ်​ပြင်ဆင်​ရ​မည်​။ ဤသည်ကား အစ္စရေး​အမျိုးသား​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​။

ထွက်​မြောက် 34:26

သင့်​မြေ​မှ​ထွက်​သော အဦးဆုံးသီးနှံ​ထဲမှ​အကောင်းဆုံး​ကို သင်​၏​ဘုရားသခင်​ထာဝရဘုရား​၏​အိမ်​တော်​သို့ ယူဆောင်​လာ​ရ​မည်​။ ဆိတ်သငယ်​ကို မိခင်​၏​နို့​ဖြင့် မ​ပြုတ်​ရ​”​ဟု မိန့်​တော်မူ​၏​။

ဝတ်​ပြု 10:11

မောရှေ​မှတစ်ဆင့် ထာဝရဘုရား​မိန့်ဆို​တော်မူ​ခဲ့​သည့်​ပြဋ္ဌာန်းချက်​ရှိသမျှ​တို့​ကို အစ္စရေး​အမျိုးသား​တို့​အား သွန်သင်​နိုင်​မည်​”​ဟု မိန့်​တော်မူ​၏​။

ဝတ်​ပြု 2:14

သင်​သည် အဦးဆုံးသီးနှံ​၏​ဘောဇဉ်ပူဇော်သက္ကာ​ကို ထာဝရဘုရား​အား ပူဇော်​လို​လျှင် အဦးဆုံးသီးနှံ​ကို အနှံ​လိုက်​မီး​ကင်​၍ အစေ့​ကို​ကြိတ်​ပြီး ဘောဇဉ်ပူဇော်သက္ကာ​အဖြစ် ပူဇော်​ရ​မည်​။

ဝတ်​ပြု 23:31

သင်​တို့​သည် မည်သည့်​အလုပ်​ကို​မျှ မ​လုပ်​ရ​။ ဤသည်ကား သင်​တို့​နေထိုင်​ရာ​အရပ်ရပ်​၌ သင်​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​။

ဝတ်​ပြု 23:41

ထာဝရဘုရား​အဖို့ ထို​ပွဲတော်​ကို တစ်​နှစ်​လျှင် ခုနစ်​ရက် ကျင်းပ​ရ​မည်​။ ဤသည်ကား သင်​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​။ ထို​ပွဲတော်​ကို သတ္တမ​လ​တွင် ကျင်းပ​ရ​မည်​။

ဝတ်​ပြု 3:17

သင်​တို့​သည် မည်သည့်​အဆီ​၊ မည်သည့်​သွေး​ကို​မျှ မ​စား​ရ​။ ဤသည်ကား သင်​တို့​နေထိုင်​ရာ​အရပ်ရပ်​၌ သင်​တို့​၏​မျိုးဆက်​အစဉ်အဆက် အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​’​ဟူ၍ ဆင့်ဆို​လော့​”​ဟု မိန့်​တော်မူ​၏​။

တ​ရား​ဟော 16:12

သင်​သည် အီဂျစ်​ပြည်​၌ ကျွန်​ဖြစ်​ခဲ့​ကြောင်း​ကို အောက်မေ့​၍ ဤ​ပြဋ္ဌာန်းချက်​များ​ကို လိုက်နာ​စောင့်ထိန်း​ရ​မည်​။