ဝတ်​ပြု 21:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ သူ​တို့​သည် သူ​တို့​၏​ဘုရားသခင်​အဖို့ သန့်ရှင်း​သော​သူ​များ​ဖြစ်​ရ​မည်​။ သူ​တို့​ဘုရားသခင်​၏​နာမ​တော်​ကို မ​ရှုတ်ချ​ရ​။ သူ​တို့​ဘုရားသခင်​အဖို့ စားဖွယ်ရာ​ဖြစ်​သော ထာဝရဘုရား​ထံ မီး​ဖြင့်​ပူဇော်​သော​ယဇ်​များ​ကို ပူဇော်​ရ​သော​သူ​များ​ဖြစ်​သောကြောင့် သူ​တို့​သည် သန့်ရှင်း​ခြင်း​ရှိ​ကြ​ရ​မည်​။

Common Language Bible

⁶ သူ​သည်​သန့်​ရှင်း​ရ​မည်။ ငါ​၏​နာ​မ​တော် ကို​မ​ရှုတ်​ချ​ရ။ သူ​သည်​ငါ့​အား​ပူ​ဇော် သကာ​ကို​ဆက်​သ​ရ​သူ​ဖြစ်​၍​သန့်​ရှင်း ရ​မည်။-

Garrad Bible

⁶ သူ တို့ ဘု ရား သ ခင့် အ ဖို့ သီး သန့် သ ဖြင့် နာ မ တော် ကို မ ညှိုး မ ပုပ် စေ ကြ ရ။ ထာ ဝ ရ ဘု ရား ထံ မီး ပူ ဇော် ရာ များ၊ သူ တို့ ဘု ရား သ ခင် ဆိုင် ရာ အ စာ အာ ဟာ ရ ကို ဆက် ကပ် လေ့ ရှိ သော ကြောင့် သန့် ရှင်း လျက် နေ ကြ ရ မည်။

Judson Bible

⁶ သူ​သည် မိ​မိ​ဘု​ရား​သ​ခင်​အ​ဖို့ သန့်​ရှင်း​ရ​မည်။ မိ​မိ​ဘု​ရား​သ​ခင်၏​နာ​မ​တော်​ကို မ​ရှုတ်​မ​ချ​ရ။ ထာ​ဝ​ရ​ဘု​ရား​အား မီး​ဖြင့်​ပြု​သော​ပူ​ဇော်​သ​ကာ၊ မိ​မိ​ဘု​ရား​သ​ခင်၏ အ​စာ​အာ​ဟာ​ရ​ကို ပူ​ဇော်​သော​ကြောင့် သန့်​ရှင်း​ခြင်း​ရှိ​ရ​မည်။

ဝတ်​ပြု 21:6 Referencias Cruzadas

ဧ​ဇ​ရ 8:28

ထို့နောက် သူ​တို့​အား “​သင်​တို့​သည် ထာဝရဘုရား​အဖို့ သန့်ရှင်း​၏​။ အသုံးအဆောင်​များ​လည်း သန့်ရှင်း​၏​။ ရွှေ​ငွေ​တို့​သည်​လည်း သင်​တို့​ဘိုးဘေး​တို့​၏​ဘုရားသခင်​ထာဝရဘုရား​အား စေတနာ​အလျောက်​ပေးလှူ​သော​ပူဇော်သက္ကာ ဖြစ်​၏​။

ထွက်​မြောက် 19:22

ထာဝရဘုရား​ထံသို့ ချဉ်းကပ်​သော​ယဇ်ပုရောဟိတ်​တို့​သည်​လည်း မိမိကိုယ်မိမိ သန့်ရှင်း​စေ​ရ​မည်​။ သို့မဟုတ်လျှင် ထာဝရဘုရား​သည် သူ​တို့​ကို​ဒဏ်ခတ်​တော်မူ​လိမ့်မည်​”​ဟု မိန့်​တော်မူ​၏​။

ထွက်​မြောက် 28:36

သင်​သည် ရွှေ​စင်​ပြား​ကို​လုပ်​၍ ကမ္ပည်း​တံဆိပ်​အဖြစ် ထို​ရွှေစင်ပြား​ပေါ်၌ ‘ထာဝရဘုရား​၌​သန့်ရှင်း​ခြင်း’​ဟု ကမ္ပည်းထိုး​ရ​မည်​။

ထွက်​မြောက် 29:44

တွေ့ဆုံစည်းဝေးရာ​တဲ​တော်​နှင့်​ယဇ်ပလ္လင်​ကို ငါ​သန့်ရှင်း​စေ​မည်​။ ယဇ်ပုရောဟိတ်​အဖြစ် ငါ့​ထံ၌​အမှု​တော်​ကို​ဆောင်ရွက်​ရန် အာရုန်​နှင့်​သူ့​သား​တို့​ကို​လည်း ငါ​သန့်ရှင်း​စေ​မည်​။

ဟေ​ရှာ​ယ 52:11

ထွက်သွား​ကြ​။ ထွက်သွား​ကြ​။ ထို​အရပ်​မှ ထွက်ခွာ​သွား​ကြ​။ မစင်ကြယ်​သော​အရာ​ကို မ​ထိ​ကြ​နှင့်​။ ထို​အရပ်​မှ ထွက်ခွာ​သွား​ကြ​လော့​။ ထာဝရဘုရား​၏​တဲ​တော်​တန်ဆာပလာ​များ​ကို ထမ်း​သော​သူ​တို့​၊ သန့်ရှင်းစင်ကြယ်​ခြင်း​ရှိ​ကြ​လော့​။

ယေ​ဇ​ကျေ​လ 44:7

သင်​တို့​သည် ငါ့​ထံ စားဖွယ်ခဲဖွယ်​၊ အဆီ​၊ အသွေး​တို့​ကို ပူဇော်​သောအခါ စိတ်နှလုံး​အရေဖျားလှီး​ခြင်း​ကို​မ​ခံ​၊ အသား​အရေဖျားလှီး​ခြင်း​ကို​လည်း​မ​ခံ​သော တိုင်းတစ်ပါးသား​တို့​ကို ငါ​၏​သန့်ရှင်းရာဌာန​တော်​ထဲသို့ ခေါ်ဆောင်​လာ​၍ ငါ့​အိမ်​တော်​ကို ညစ်ညူး​စေ​ကြ​၏​။ စက်ဆုပ်ရွံရှာဖွယ်​အမှု​အလုံးစုံ​တို့​ဖြင့် ငါ​၏​ပဋိညာဉ်​ကို ချိုးဖောက်​ကြ​ပြီ​။

ဝတ်​ပြု 10:3

ထိုအခါ မောရှေ​က အာရုန်​အား “​ထာဝရဘုရား​က ‘​ငါ့​ထံသို့​ချဉ်းကပ်​သော​သူ​တို့​အား ငါ​သန့်ရှင်း​ကြောင်း ငါ​ထင်ရှား​ပြ​မည်​။ လူ​အပေါင်း​တို့​ရှေ့​၌ ငါ​သည် ဘုန်းအသရေ​ရှိ​မည်​’​ဟူ၍ မိန့်ဆို​ခဲ့​သည်​မှာ ဤ​အမှု​ကို​ဆိုလို​၏​”​ဟု ဆို​သော် အာရုန်​သည် တိတ်ဆိတ်​နေ​လေ​၏​။

ဝတ်​ပြု 18:21

သင်​၏​သားမြေး​တို့​ကို မောလုတ်​ဘုရား​အား​ပူဇော်​ရန် မ​ပေး​ရ​။ သင့်​ဘုရားသခင်​၏​နာမ​တော်​ကို မ​ရှုတ်ချ​ရ​။ ငါ​သည် ထာဝရဘုရား​ဖြစ်​၏​။

ဝတ်​ပြု 19:12

ငါ့​နာမ​တော်​ကို​တိုင်တည်​၍ မဟုတ်မမှန်​ကျိန်ဆို​ခြင်း​မ​ပြု​ရ​။ သင့်​ဘုရားသခင်​၏​နာမ​တော်​ကို မ​ရှုတ်ချ​ရ​။ ငါ​သည် ထာဝရဘုရား​ဖြစ်​၏​။

ဝတ်​ပြု 20:3

ထို​သူ​သည် မိမိ​သားမြေး​ကို မောလုတ်​ဘုရား​အား​ပေးလှူ​ခြင်း​ဖြင့် ငါ​၏​သန့်ရှင်းရာဌာန​ကို ညစ်ညူး​စေ​၍ ငါ​၏​သန့်ရှင်း​သော​နာမ​တော်​ကို​ရှုတ်ချ​သောကြောင့် ငါ​သည် သူ့​ကို မျက်နှာလွှဲ​၍ သူ​၏​လူမျိုး​မှ ငါ​ပယ်ဖျက်​မည်​။

ဝတ်​ပြု 21:17

“​အာရုန်​အား ဆင့်ဆို​လော့​။ သင့်​သားစဉ်မြေးဆက်​၏​မျိုးဆက်​တစ်လျှောက်​တွင် ကိုယ်အင်္ဂါချို့ယွင်းသောသူ​သည် မိမိ​ဘုရားသခင်​အဖို့ စားဖွယ်ရာ​ကို ပူဇော်​ရန် မ​ချဉ်းကပ်​ရ​။

ဝတ်​ပြု 21:21

ယဇ်ပုရောဟိတ်​အာရုန်​၏​သားစဉ်မြေးဆက်​တို့​တွင် ကိုယ်အင်္ဂါချို့ယွင်းသောသူ​မည်သူ​မျှ ထာဝရဘုရား​ထံ မီး​ဖြင့်​ပူဇော်​သော​ယဇ်​ကို ပူဇော်​ရန် မ​ချဉ်းကပ်​ရ​။ ကိုယ်အင်္ဂါချို့ယွင်းသောသူ​သည် မိမိ​ဘုရားသခင်​အဖို့ စားဖွယ်ရာ​ကို ပူဇော်​ရန် မ​ချဉ်းကပ်​ရ​။

ဝတ်​ပြု 21:23

သို့သော် သူ​သည် ကိုယ်အင်္ဂါချို့ယွင်း​သောကြောင့် ငါ​၏​သန့်ရှင်းရာဌာန​ကို ညစ်ညူး​စေ​ရာ​မ​ရောက်​မည့်​အကြောင်း ကန့်လန့်ကာ​အတွင်း​သို့ မ​ဝင်​ရ​၊ ယဇ်ပလ္လင်​သို့​လည်း မ​ချဉ်းကပ်​ရ​။ အကြောင်းမူကား ငါ​ထာဝရဘုရား​သည် ထို​အရာ​တို့​ကို သန့်ရှင်း​စေ​ပြီ​”​ဟု မိန့်​တော်မူ​၏​။

ဝတ်​ပြု 21:8

ယဇ်ပုရောဟိတ်​သည် သင်​၏​ဘုရားသခင်​အား စားဖွယ်ရာ​ကို​ဆက်သ​ရ​သောကြောင့် သင်​သည် သူ့​ကို သန့်ရှင်း​စေ​ရ​မည်​။ သူ​သည် သင့်​အဖို့ သန့်ရှင်း​သော​သူ​ဖြစ်​ရ​မည်​။ အကြောင်းမူကား သင်​တို့​ကို​သန့်ရှင်း​စေ​သော ငါ​ထာဝရဘုရား​သည် သန့်ရှင်း​၏​။

ဝတ်​ပြု 3:11

ယဇ်ပုရောဟိတ်​သည် ထာဝရဘုရား​အဖို့ မီး​ဖြင့်​ပူဇော်​သော​စားဖွယ်ရာ​ပူဇော်သက္ကာ​အဖြစ် ယဇ်ပလ္လင်​ပေါ်၌ ရှို့​ရ​မည်​။

တော​လည် 16:5

ထို့နောက် မောရှေ​က ကောရ​နှင့်​သူ​၏​အပေါင်းပါ​အားလုံး​တို့​အား “​မည်သူ​သည် ထာဝရဘုရား​၏​လူ​ဖြစ်​သည်​ကို​လည်းကောင်း​၊ မည်သူ​သည် သန့်ရှင်း​သော​သူ​ဖြစ်​သည်​ကို​လည်းကောင်း​၊ မည်သူ​သည် ကိုယ်တော်​ထံသို့​ချဉ်းကပ်​ခွင့်​ရ​မည်​ကို​လည်းကောင်း မနက်ဖြန်​နံနက် ထာဝရဘုရား​ဖော်ပြ​တော်မူ​လိမ့်မည်​။ ကိုယ်တော်​သည် မိမိ​ရွေးချယ်​တော်မူ​သော​သူ​ကို မိမိ​ထံသို့ ချဉ်းကပ်​ခွင့်​ပေး​တော်မူ​လိမ့်မည်​။

တော​လည် 28:2

“အစ္စရေး​အမျိုးသား​တို့​ကို မိန့်မှာ​လော့​။ ‘​ငါ့​အဖို့ ပူဇော်သက္ကာ​၊ ငါ့​အဖို့​မွှေးကြိုင်​သော​ရနံ့​ဖြစ်​သည့် မီး​ဖြင့်​ပူဇော်​သော​စားဖွယ်ရာ​ကို သတ်မှတ်​ထား​သော​အချိန်​၌ ပူဇော်​ရန် သတိပြု​ရ​မည်​’​ဟု သူ​တို့​အား ဆင့်ဆို​လော့​။

၁ ပေ 2:9

သင်​တို့​မူကား ရွေးကောက်​ခံရ​သော​အမျိုးအနွယ်၊ တော်ဝင်​ယဇ်ပုရောဟိတ်​မျိုး၊ သန့်ရှင်း​သော​တိုင်းသူပြည်သား၊ ပိုင်ဆိုင်​တော်မူ​သော​လူမျိုး​တော်​ဖြစ်​ကြ​၏။ ဤသည်ကား သင်​တို့​ကို အမှောင်​ထဲမှ မိမိ​၏​အံ့ဩဖွယ်​အလင်း​ထဲသို့ ခေါ်ယူ​တော်မူ​သော​အရှင်​၏​ကောင်းမြတ်​တော်မူ​ခြင်း​များ​ကို သင်​တို့​ဖော်ပြ​ကြ​မည့်​အကြောင်း​တည်း။