ဝတ်​ပြု 19:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ သင်​သည် ငါ​၏​ပြဋ္ဌာန်းချက်​တို့​ကို စောင့်ထိန်း​ရ​မည်​။ အမျိုးမတူ​သော​တိရစ္ဆာန်​ကို မိတ်​မ​လိုက်​စေ​ရ​။ သင်​၏​လယ်​ထဲ၌ အမျိုးမတူ​သော​မျိုးစေ့​ကို ရော​မ​ကြဲ​ရ​။ အမျိုးမတူ​သော​ချည်​ဖြင့် ရက်​ထား​သော​အဝတ်​ကို မ​ဝတ်​ရ​။

Common Language Bible

¹⁹ ``ငါ​၏​ပ​ညတ်​များ​ကို​စောင့်​ထိန်း​လော့။ မျိုး မ​တူ​သော​အိမ်​မွေး​တိ​ရစ္ဆာန်​ချင်း​သား​မ​စပ်​ရ။ လယ်​တစ်​ကွက်​တည်း​တွင်​အ​သီး​အ​နှံ​နှစ်​မျိုး ကို​မ​စိုက်​ပျိုး​ရ။ ချည်​မျှင်​နှစ်​မျိုး​ဖြင့်​ရက် လုပ်​သော​အ​ထည်​ကို​မ​ဝတ်​ဆင်​ရ။

Garrad Bible

¹⁹ ငါ့ ထုံး ဖွဲ့ ချက် များ ကို စောင့် ရှောက် ကြ လော့။ တိ ရိ စ္ဆာန် မျိုး ခြား ကို မိတ် လိုက် စေ ခြင်း၊ လယ် တွင် မျိုး နှစ် မျိုး ကြဲ ခြင်း၊ ကိုယ်၌ ချည် နှစ် မျိုး ရက် ထည် ကို ဝတ် ခြင်း မ ပြု ရ။

Judson Bible

¹⁹ ငါ၏​ပ​ညတ်​တ​ရား​ကို သင်​တို့​သည်​စောင့်​ရ​ကြ​မည်။ အ​မျိုး​ခြား​သော တိ​ရ​စ္ဆာန်​အ​ထီး​အ​မ​တို့​ကို မ​ယှက်​မ​တင်​စေ​ရ။ ခြား​နား​သော မျိုး​စေ့​ကို​ရော​နှော၍ လယ်၌​မ​ကြဲ​ရ။ ဝါ​နှင့် သိုး​မွေး​ရော၍​ရက်​သော​အ​ဝတ်​ကို မ​ဝတ်​ရ။

ဝတ်​ပြု 19:19 Referencias Cruzadas

ကမ္ဘာ​ဦး 36:24

ဇိဘောင်​၏​သား​များ​မှာ အာယ​၊ အာန တို့​ဖြစ်​ကြ​၏​။ အာန​သည် မိမိ​ဖခင်​ဇိဘောင်​၏​မြည်း​များ​ကို ထိန်းကျောင်း​စဉ် တောကန္တာရ​၌ ရေပူစမ်း​တို့​ကို​တွေ့ရှိ​သော​သူ​ဖြစ်​၏​။

၂ ရာ 13:29

ဤသို့ဖြင့် အဗရှလုံ​၏​ငယ်သား​တို့​သည် အဗရှလုံ​မှာထား​သည့်​အတိုင်း အာမနုန်​ကို ပြု​လေ​၏​။ ထိုအခါ ရှင်ဘုရင်​၏​သား​တော်​အပေါင်း​တို့​သည် ထ​၍ ကိုယ့်​လား​ကိုယ်​စီး​ပြီး ထွက်ပြေး​ကြ​လေ​၏​။

၂ ရာ 18:9

အဗရှလုံ​သည် ဒါဝိဒ်​မင်းကြီး​၏​လူ​တို့​နှင့် ပက်ပင်းတိုး​သဖြင့် လား​စီး​ပြီး ထွက်ပြေး​သွား​၏​။ သူ့​လား​သည် သပိတ်ပင်​အကိုင်း​ကြီး​အောက်​ကို ပြေးဝင်​သွား​စဉ် အဗရှလုံ​၏​ဦးခေါင်း​သည် ထို​သပိတ်ပင်​အကိုင်းကြီး​နှင့် ငြိ​မိ​ပြီး လား​ကား ဆက်ပြေး​သွား​၍ သူ​သည် လေ​ထဲတွင် တွဲလွဲကျ​ကျန်​နေ​ခဲ့​၏​။

၃ ရာ 1:33

ထိုအခါ ရှင်ဘုရင်​က သူ​တို့​အား “​သင်​တို့​နှင့်အတူ သင်​တို့​သခင်​၏​အမှုထမ်း​တို့​ကို​ခေါ်​ပြီး သား​တော်​ရှောလမုန်​ကို ငါ​စီး​သော​လား​ကို​စီး​စေ​၍ သူ့​ကို ဂိဟုန်​မြို့​သို့ ခေါ်ဆောင်​သွား​လော့​။

ဧ​ဇ​ရ 2:66

မြင်း ခုနစ်​ရာ​သုံးဆယ့်​ခြောက်​ကောင်​၊ လား နှစ်ရာ​လေးဆယ့်​ငါး​ကောင်​၊

ဝတ်​ပြု 18:4

သင်​တို့​သည် ငါ​၏​စီရင်ထုံးဖွဲ့ချက်​တို့​ကို လိုက်နာ​ရ​မည်​။ ငါ​၏​ပြဋ္ဌာန်းချက်​တို့​ကို စောင့်ထိန်း​ရ​မည်​။ ထို​စီရင်ထုံးဖွဲ့ချက်​၊ ထို​ပြဋ္ဌာန်းချက်​အတိုင်း​လိုက်လျှောက်​ရ​မည်​။ ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။

ဝတ်​ပြု 19:37

ငါ​၏​ပြဋ္ဌာန်းချက်​၊ ငါ​၏​စီရင်ထုံးဖွဲ့ချက်​ရှိသမျှ​တို့​ကို စောင့်ထိန်း​ရ​မည်​။ လိုက်နာ​ရ​မည်​။ ငါ​သည် ထာဝရဘုရား​ဖြစ်​၏​”​ဟု မိန့်​တော်မူ​၏​။

ဝတ်​ပြု 20:8

သင်​တို့​သည် ငါ​၏​ပြဋ္ဌာန်းချက်​တို့​ကို စောင့်ထိန်း​ရ​မည်​။ လိုက်နာ​ရ​မည်​။ ငါ​သည် သင်​တို့​ကို သန့်ရှင်း​စေ​သော​ထာဝရဘုရား​ဖြစ်​၏​။

ဝတ်​ပြု 22:31

သင်​တို့​သည် ငါ​၏​ပညတ်တော်​များ​ကို လိုက်နာ​စောင့်ထိန်း​ရ​မည်​။ ငါ​သည် ထာဝရဘုရား​ဖြစ်​၏​။

ဝတ်​ပြု 25:18

သင်​တို့​သည် ငါ​၏​ပြဋ္ဌာန်းချက်​တို့​ကို လိုက်နာ​ရ​မည်​။ ငါ​၏​စီရင်ထုံးဖွဲ့ချက်​တို့​ကို စောင့်ထိန်း​ပြုကျင့်​ရ​မည်​။ သို့ပြုလျှင် သင်​တို့​သည် ငါ​ပေး​သော​ပြည်​၌ ဘေးကင်းလုံခြုံ​စွာ​နေထိုင်​ရ​မည်​။

လုကာ 5:36

ထို့နောက် သူ​တို့​အား ပုံ​ဥပမာ​တစ်​ခု​မြွက်ဆို​တော်မူ​သည်​မှာ“မည်သူ​မျှ အဝတ်​အသစ်​မှ​ပိတ်စ​ကို​ဆုတ်ဖြဲ​၍ အဝတ်​အဟောင်း​ကို ဖာ​လေ့​မ​ရှိ။ ထိုသို့ပြုလျှင် အဝတ်​အသစ်​ကို ဆုတ်ဖြဲ​ရ​သည်​သာမက ဖာ​ထား​သော​ပိတ်စ​အသစ်​သည်​လည်း အဝတ်​အဟောင်း​နှင့် လိုက်ဖက်​မည်​မ​ဟုတ်။

ရော​မ 11:6

သို့သော် ကျေးဇူး​တော်​အားဖြင့်​ဖြစ်​လျှင် အကျင့်​အားဖြင့်​မ​ဟုတ်​တော့​ပေ။ သို့မဟုတ်​လျှင် ကျေးဇူး​တော်​သည် ကျေးဇူး​တော်​ဖြစ်​တော့မည်​မ​ဟုတ်။

တ​ရား​ဟော 4:1

အို အစ္စရေး​လူမျိုး​တို့​၊ သင်​တို့​အား သင်​တို့​ဘိုးဘေး​တို့​၏​ဘုရားသခင်​ထာဝရဘုရား​ပေး​တော်မူ​သော​ပြည်​သို့ သင်​တို့​သည် အသက်ချမ်းသာ​ရာ​ရ​၍ ဝင်ရောက်​ပိုင်ဆိုင်​ရ​မည့်​အကြောင်း သင်​တို့​လိုက်နာ​ရ​မည့် ငါ​သွန်သင်​သော ပြဋ္ဌာန်းချက်​နှင့်​စီရင်ထုံးဖွဲ့ချက်​တို့​ကို နားထောင်​ကြ​လော့​။

တ​ရား​ဟော 4:5

သင်​တို့​ဝင်ရောက်​သိမ်းပိုက်​နေထိုင်​မည့်​ပြည်​၌ သင်​တို့​လိုက်နာ​ရ​မည့် ပြဋ္ဌာန်းချက်​နှင့် စီရင်ထုံးဖွဲ့ချက်​တို့​ကို ငါ့​အား ငါ​၏​ဘုရားသခင်​ထာဝရဘုရား​မိန့်မှာ​ထား​သည့်​အတိုင်း သင်​တို့​အား ငါ​သွန်သင်​ပေး​ပြီ​။