ဝတ်​ပြု 17:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ အမျိုးသားချင်း​ဖြစ်စေ​၊ တိုင်းတစ်ပါးသား​ဖြစ်စေ တစ်စုံတစ်ယောက်​သည် အလိုလို​သေ​သော​အကောင်​၊ သို့မဟုတ် သားရဲ​ကိုက်သတ်​သော​အကောင်​ကို​စား​မိ​လျှင် မိမိ​အဝတ်​ကို​လျှော်​၍ ရေချိုး​ရ​မည်​။ သူ​သည် နေဝင်ချိန်​အထိ မစင်ကြယ်​။ ထို့နောက်မှ သူ​သည် စင်ကြယ်​လိမ့်မည်​။

Common Language Bible

¹⁵ ဣ​သ​ရေ​လ​အ​မျိုး​သား​ဖြစ်​စေ၊ လူ​မျိုး​ခြား သား​ဖြစ်​စေ၊ ဋ္ဌမ္မ​တာ​အ​လျောက်​သေ​သော တိ​ရစ္ဆာန်​၏​အ​သား သို့​မ​ဟုတ်​သား​ရဲ​ကိုက် သတ်​၍​သေ​သော​တိ​ရစ္ဆာန်​၏​အ​သား​ကို​စား လျှင် မိ​မိ​အ​ဝတ်​ကို​ဖွပ်​လျှော်​၍​ရေ​ချိုး​ရ မည်။ သူ​သည်​ည​ဦး​တိုင်​အောင်​စောင့်​ဆိုင်း ပြီး​မှ ဘာ​သာ​ရေး​ထုံး​နည်း​အ​ရ​သန့်​စင် လာ​လိမ့်​မည်။-

Garrad Bible

¹⁵ တိုင်း ရင်း သား ဖြစ် စေ၊ ဝင် နေ သူ ဖြစ် စေ အို သေ၊ နာ သေ၊ သား ရဲ ကိုက် သေ အ ကောင် ကို စား မိ သော သူ တိုင်း၊ အ ဝတ် လျှော် ခြင်း၊ ရေ ချိုး ခြင်း ပြု ၍ ညဉ့် ဦး တိုင် မ သန့် လျက် နေ ပြီး မှ သန့် ရာ ရောက် လိမ့် မည်။

Judson Bible

¹⁵ အ​လို​လို​သေ​သော​အ​ကောင်၊ သား​ရဲ​ကိုက်၍ သေ​သော​အ​ကောင်၏​အ​သား​ကို စား​သော​ကိုယ်​အ​မျိုး​သား၊ တစ်​ပါး​အ​မျိုး​သား​မည်​သည်​ကား၊ စား​လျှင် မိ​မိ​အ​ဝတ်​ကို​လျှော်၍ ကိုယ်​ကို​ရေ​ချိုး​ရ​မည်။ ညဉ့်​ဦး​တိုင်​အောင် မ​စင်​ကြယ်​ဖြစ်၏။ ထို​နောက် စင်​ကြယ်​ခြင်း​ရှိ၏။

ဝတ်​ပြု 17:15 Referencias Cruzadas

ထွက်​မြောက် 22:30

နွားသားပေါက်​၊ သိုးသားပေါက်​တို့​ကို​လည်း မိခင်​နှင့်အတူ ခုနစ်​ရက်​ပတ်လုံး​နေ​စေ​၍ ရှစ်ရက်မြောက်​သော​နေ့​၌ ငါ့​အား​ဆက်ကပ်​ရ​မည်​။

ထွက်​မြောက် 22:31

သင်​တို့​သည် ငါ့​အဖို့ သန့်ရှင်း​သော​သူ​များ​ဖြစ်​ရ​မည်​။ ကွင်းပြင်​၌ သားရဲ​ကိုက်သတ်​သော​အကောင်​၏​အသား​ကို သင်​တို့ မ​စား​ရ​။ ခွေး​ကို ပစ်ပေး​ရ​မည်​။

ယေ​ဇ​ကျေ​လ 4:14

ငါ​က​လည်း “​အို ဘုရားရှင်​ထာဝရဘုရား​၊ အကျွန်ုပ်​သည် ငယ်စဉ်​မှစ၍ ယခု​တိုင်အောင် အလိုလို​သေ​သော​အကောင်​၊ သားရဲ​ကိုက်​၍​သေ​သော​အကောင်​တို့​ကို မ​စား​ဖူး​ပါ​။ ထို​အရာ​တို့​ဖြင့် ကိုယ့်ကိုယ်ကိုယ် မ​ညစ်ညူး​စေ​ဖူး​ပါ​။ ထိုသို့​ရွံရှာဖွယ်​သော​အကောင်​၏​အသား​ကို အကျွန်ုပ်​ပါးစပ်​ထဲသို့ မ​ထည့်​ဖူး​ပါ​”​ဟု ပြန်လျှောက်​၏​။

ယေ​ဇ​ကျေ​လ 44:31

ငှက်​ဖြစ်စေ​၊ တိရစ္ဆာန်​ဖြစ်စေ အလိုလိုသေ​လျှင်​၊ သို့မဟုတ် သားရဲ​ကိုက်​၍​သေ​လျှင် ယဇ်ပုရောဟိတ်​တို့​မ​စား​ရ​။

ဝတ်​ပြု 11:24

ထို​အကောင်​များ​အားဖြင့် သင်​တို့​သည် မစင်မကြယ်​ဖြစ်​မည်​။ ၎င်း​တို့​၏​အသေကောင်​ကို​ထိမိ​သော​သူ​တိုင်း​သည် နေဝင်ချိန်​အထိ မစင်ကြယ်​။

ဝတ်​ပြု 11:25

၎င်း​တို့​၏​အသေကောင်​ကို ကိုင်​သော​သူ​တိုင်း မိမိ​၏​အဝတ်​ကို​လျှော်​ရ​မည်​။ ထို​သူ​သည် နေဝင်ချိန်​အထိ မစင်ကြယ်​။

ဝတ်​ပြု 11:27

ခြေ​လေး​ချောင်း​ဖြင့်​သွား​သော​တိရစ္ဆာန်​အားလုံး​တို့​ထဲမှ ဖဝါး​ဖြင့်​သွား​သော​အကောင်​ရှိသမျှ​တို့​သည် သင်​တို့​အဖို့ မစင်ကြယ်​။ ထို​အကောင်​တို့​၏​အသေကောင်​ကို​ထိမိ​သော​သူ​တိုင်း နေဝင်ချိန်​အထိ မစင်ကြယ်​။

ဝတ်​ပြု 11:28

ထို​အသေကောင်​ကို ကိုင်​သော​သူ​သည် မိမိ​၏​အဝတ်​ကို​လျှော်​ရ​မည်​။ ထို​သူ​သည် နေဝင်ချိန်​အထိ မစင်ကြယ်​။ ထို​တိရစ္ဆာန်​တို့​သည် သင်​တို့​အဖို့ မစင်ကြယ်​။

ဝတ်​ပြု 11:31

တွားသွားသတ္တဝါ​ရှိသမျှ​တို့​တွင် ထို​အကောင်​တို့​သည် သင်​တို့​အဖို့ မစင်ကြယ်​သော​အကောင်​များ​ဖြစ်​၏​။ ထို​အကောင်​များ​သေ​သောအခါ အသေကောင်​ကို​ထိမိ​သော​သူ​တိုင်း နေဝင်ချိန်​အထိ မစင်ကြယ်​။

ဝတ်​ပြု 11:32

ထို​အကောင်​များ​ထဲမှ တစ်ကောင်ကောင်​သေ​၍ အသေကောင်​သည် အလုပ်​လုပ်​ရာ​တွင် အသုံးပြု​သော​ပစ္စည်း​ဖြစ်​သည့် သစ်သား​၊ ပိတ်စ​၊ သားရေ​၊ လျှော်တေ​ဖြင့် ပြုလုပ်​ထား​သော​အသုံးအဆောင်​တစ်စုံတစ်ခု​ပေါ်သို့​ကျ​လျှင် ထို​အရာ​သည် မစင်ကြယ်​။ ထို​အရာ​ကို ရေ​ထဲ၌ နှစ်​ရ​မည်​။ ထို​အရာ​သည် နေဝင်ချိန်​အထိ မစင်ကြယ်​။ ထို့နောက်မှ စင်ကြယ်​လိမ့်မည်​။

ဝတ်​ပြု 11:39

သင်​တို့​စား​ခွင့်​ရှိ​သော​တိရစ္ဆာန်​များ​ထဲမှ တစ်ကောင်ကောင်​သေ​လျှင် ထို​အသေကောင်​ကို​ထိမိ​သော​သူ​သည် နေဝင်ချိန်​အထိ မစင်ကြယ်​။

ဝတ်​ပြု 11:40

ထို​အသေကောင်​ကို​စား​သော​သူ​သည် မိမိ​၏​အဝတ်​ကို​လျှော်​ရ​မည်​။ သူ​သည် နေဝင်ချိန်​အထိ မစင်ကြယ်​။ ထို​အသေကောင်​ကို ကိုင်​သော​သူ​သည်​လည်း မိမိ​အဝတ်​ကို​လျှော်​ရ​မည်​။ သူ​သည် နေဝင်ချိန်​အထိ မစင်ကြယ်​။

ဝတ်​ပြု 15:10

ထို​သူ​ထိုင်​ခဲ့​သည့်​ဝတ္ထုပစ္စည်း​တစ်ခုခု​ကို ထိမိ​သော​သူ​တိုင်း နေဝင်ချိန်​ထိ မစင်မကြယ်​ဖြစ်​၏​။ ထို​ဝတ္ထုပစ္စည်း​များ​ကို သယ်ဆောင်​သွား​သော​သူ​သည် မိမိ​၏​အဝတ်​ကို​လျှော်​၍ ရေချိုး​ရ​မည်​။ သူ​သည် နေဝင်ချိန်​အထိ မစင်မကြယ်​ဖြစ်​၏​။

ဝတ်​ပြု 15:21

သူ​၏​အိပ်ရာ​ကို​ထိ​သော​သူ​တိုင်း မိမိ​အဝတ်​ကို​လျှော်​၍ ရေချိုး​ရ​မည်​။ ထို​သူ​သည် နေဝင်ချိန်​အထိ မစင်မကြယ်​ဖြစ်​၏​။

ဝတ်​ပြု 15:5

ထို​သူ​၏​အိပ်ရာ​ကို ထိမိ​သော​သူ​တိုင်း မိမိ​၏​အဝတ်​ကို​လျှော်​၍ ရေချိုး​ရ​မည်​။ ထိမိ​သော​သူ​သည် နေဝင်ချိန်​အထိ မစင်မကြယ်​ဖြစ်​၏​။

ဝတ်​ပြု 22:8

အလိုလို​သေ​သော​အကောင်​၊ သို့မဟုတ် သားရဲ​ကိုက်သတ်​သော​အကောင်​ကို စား​ခြင်း​ဖြင့် ကိုယ့်ကိုယ်ကိုယ်​မ​ညစ်ညူး​စေ​ရ​။ ငါ​သည် ထာဝရဘုရား​ဖြစ်​၏​။

ဝတ်​ပြု 7:24

အလိုလို​သေ​သော​အကောင်​၏​အဆီ​၊ သားရဲ​ကိုက်သတ်​သော​အကောင်​၏​အဆီ​ကို တစ်စုံတစ်ရာ​အတွက်​အသုံး​ပြု​နိုင်​သော်လည်း လုံးဝ​မ​စား​ရ​။

တော​လည် 19:19

စင်ကြယ်​သော​သူ​သည် ထို​ရေ​ဖြင့် မစင်ကြယ်​သော​သူ​အား တတိယ​နေ့​၊ သတ္တမ​နေ့​တို့​၌ ဖျန်း​ရ​မည်​။ သတ္တမ​နေ့​၌ မစင်ကြယ်​သော​သူ​သည် မိမိကိုယ်မိမိ သန့်စင်​စေ​ရ​မည်​။ မိမိ​အဝတ်​ကို​လျှော်​၍ ရေချိုး​ရ​မည်​။ သူ​သည် နေဝင်ချိန်​ရောက်​လျှင် စင်ကြယ်​လိမ့်မည်​။

တော​လည် 19:21

ဤသည်ကား သူ​တို့ အစဉ်အမြဲ​လိုက်နာ​ရ​မည့်​ပြဋ္ဌာန်းချက်​ဖြစ်​၏​။ စင်ကြယ်​စေ​ခြင်း​ရေ​ကို ဖျန်း​ပေး​သော​သူ​သည် မိမိ​အဝတ်​ကို​လျှော်​ရ​မည်​။ စင်ကြယ်​စေ​ခြင်း​ရေ​ကို ထိ​သော​သူ​သည် နေဝင်ချိန်​အထိ မစင်မကြယ်​ဖြစ်​၏​။

တော​လည် 19:8

နွားမတမ်း​ကို ရှို့​သော​သူ​သည် မိမိ​အဝတ်​ကို လျှော်​၍ ရေချိုး​ရ​မည်​။ သူ​သည် နေဝင်ချိန်​အထိ မစင်မကြယ်​ဖြစ်​၏​။

တ​ရား​ဟော 14:21

သင်​သည် သင်​၏​ဘုရားသခင်​ထာဝရဘုရား​အဖို့ သန့်ရှင်း​သော​လူမျိုး​ဖြစ်​သောကြောင့် အလိုလိုသေ​သော အကောင်​ဟူသမျှ မ​စား​ရ​။ သင့်​မြို့​၌​ရှိ​သော တိုင်းတစ်ပါးသား​စား​ရန် ပေး​ခွင့်​ရှိ​၏​။ သို့မဟုတ် တစ်ပါးအမျိုးသား​ထံ​ရောင်း​ခွင့်​ရှိ​၏​။ ဆိတ်သငယ်​ကို မိခင်​၏​နို့​ဖြင့်​မ​ပြုတ်​ရ​။

ဗျာ​ဒိတ် 7:14

ငါ​က​လည်း “သခင်၊ ကိုယ်တော်​သိ​ပါ​၏”​ဟု ပြန်လျှောက်​လျှင် ထို​သူ​က “ဤ​သူ​တို့​သည် ကြီးစွာ​သော​ဆင်းရဲ​ဒုက္ခ​ထဲမှ ထွက်လာ​သော​သူ​များ​ဖြစ်​ကြ​၏။ သူ​တို့​သည် မိမိ​တို့​၏​ဝတ်လုံ​များ​ကို သိုးသငယ်​တော်​၏​သွေး​တော်​အားဖြင့် လျှော်ဖွပ်​လျက် ဖြူဖွေး​စေ​ကြ​၏။