ဝတ်​ပြု 16:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ သူ​သည် ကိုယ်​ပေါ်၌ သန့်ရှင်း​သော​ပိတ်ချော​အတွင်းသင်တိုင်း​နှင့် ပိတ်ချော​ဘောင်းဘီ​ကို​ဝတ်​ရ​မည်​။ ပိတ်ချော​ခါးစည်း​ကို​စည်း​၍ ပိတ်ချော​ခေါင်းပေါင်း​ကို ဆောင်း​ရ​မည်​။ ဤ​အဝတ်တန်ဆာ​တို့​သည် သန့်ရှင်း​သည်​ဖြစ်၍ ရေချိုး​ပြီးမှ ဝတ်ဆင်​ရ​မည်​။

Common Language Bible

⁴ ထို​နောက်​ထာ​ဝ​ရ​ဘု​ရား​သည် အောက်​ပါ​ညွှန် ကြား​ချက်​များ​ကို​ပေး​တော်​မူ​၏။ အာ​ရုန်​သည် အ​လွန်​သန့်​ရှင်း​ရာ​ဌာ​န​တော်​ထဲ​သို့​မ​ဝင်​မီ ရေ​ချိုး​၍​ယဇ်​ပု​ရော​ဟိတ်​ဝတ်​စုံ​များ​ဖြစ် သော​ပိတ်​ချော​ဝတ်​ရုံ၊ ဘောင်း​ဘီ၊ ခါး​စည်း နှင့်​ဗောင်း​ထုပ်​များ​ကို​ဝတ်​ဆင်​ရ​မည်။

Garrad Bible

⁴ သန့် ရှင်း သော လက် ကျပ် ပိတ် ဝတ် လုံ ဝတ် ခြင်း၊ ပိတ် ပေါင်း ဘီ ဆင် ခြင်း၊ ပိတ် ခါး ပန်း စည်း ခြင်း၊ ပိတ် ဗောင်း ဆောင်း ခြင်း များ ကို ပြု ရ မည်။ သန့် ရှင်း သော သင်္ကန်း စုံ ဖြစ် သည့် အ လျောက် မ ဝတ် မီ ရေ ချိုး စေ။

Judson Bible

⁴ သန့်​ရှင်း​သော​ပိတ်​ချော​အင်္ကျီ၊ ပိတ်​ချော​ဘောင်း​ဘီ​ကို​ဝတ်၍၊ ပိတ်​ချော​ခါး​ပန်း​ကို စည်း​ရ​မည်။ ပိတ်​ချော​ဗောင်း​ကို​လည်း ဆောင်း​ရ​မည်။ ထို​အ​ဝတ်​တန်​ဆာ​တို့​သည် သန့်​ရှင်း​သော​ကြောင့်၊ ကိုယ်​ကို​ရေ​ချိုး​ပြီး​မှ ဝတ်​ဆင်​ရ​မည်။

ဝတ်​ပြု 16:4 Referencias Cruzadas

ထွက်​မြောက် 28:2

သင့်​အစ်ကို​အာရုန်​ဂုဏ်သရေ​ရှိ​၍ တင့်တယ်ခန့်ညား​ဖို့ သူ့​အတွက် သန့်ရှင်း​သော​အဝတ်တန်ဆာ​ကို သင်​ချုပ်လုပ်​ပေး​ရ​မည်​။

ထွက်​မြောက် 29:4

အာရုန်​နှင့်​သူ​၏​သား​တို့​ကို​လည်း တွေ့ဆုံစည်းဝေးရာ​တဲ​တော်​အဝင်ဝ​သို့ ခေါ်လာ​၍ သူ​တို့​ကို ရေ​ဖြင့် ဆေးကြော​ရ​မည်​။

ထွက်​မြောက် 30:20

တွေ့ဆုံစည်းဝေးရာ​တဲ​တော်​ထဲသို့​ဝင်​သောအခါ​၌​ဖြစ်စေ​၊ ထာဝရဘုရား​ထံ၌ အမှု​တော်​ဆောင်ရွက်​ရန်​နှင့် မီး​ဖြင့်​ပူဇော်​သော​ယဇ်​ကို​ပူဇော်​ရန် ယဇ်ပလ္လင်​တော်​သို့ ချဉ်းကပ်​သောအခါ​၌​ဖြစ်စေ သေဘေး​နှင့်​ကင်းလွတ်​မည့်​အကြောင်း ခြေ​လက်​ကို​ရေ​ဖြင့်​ဆေးကြော​ရ​မည်​။

ထွက်​မြောက် 40:12

အာရုန်​နှင့်​သူ​၏​သား​တို့​ကို တွေ့ဆုံစည်းဝေးရာ​တဲ​တော်​အဝင်ဝ​သို့ ခေါ်လာ​၍ သူ​တို့​ကို ရေ​ဖြင့်​ဆေးကြော​ပြီးလျှင်

ဟေ​ရှာ​ယ 53:2

အကြောင်းမှာ သူ​သည် နုနယ်​သော​အပင်​ကဲ့သို့​၊ ခြောက်သွေ့​သော​မြေ​မှ အမြစ်​ကဲ့သို့ ကိုယ်တော်​၏​ရှေ့​တော်​၌ ရှင်သန်​၏​။ သူ​သည် ရှုချင်စဖွယ် ပုံပန်းသဏ္ဌာန်​မ​ရှိ​။ ခန့်ညားထည်ဝါမှု​လည်း​မ​ရှိ​။ နှစ်သက်ဖွယ် ရုပ်ရည်​လည်း​မ​ရှိ​။

ယေ​ဇ​ကျေ​လ 44:19

လူ​အများ​ရှိ​ရာ​အပြင်​ဝင်း​သို့ ထွက်သွား​သောအခါ အမှု​တော်​ထမ်းဆောင်​စဉ် ဝတ်​ခဲ့​သော​အဝတ်​များ​ကို​ချွတ်​၍ သန့်ရှင်း​သော​အခန်း​ထဲ​တွင် ထားခဲ့​ရ​မည်​။ သူ​တို့​၏​အဝတ်​အားဖြင့် လူ​တို့​ထံ သန့်ရှင်း​ခြင်း​မ​ကူး​ရ​အောင် အခြား​အဝတ်​ကို ဝတ်​ရ​မည်​။

ယေ​ဇ​ကျေ​လ 9:2

ကြည့်ရှု​လော့​။ လူ​ခြောက်​ယောက်​သည် လူသတ်​လက်နက်​အသီးသီး​ကိုင်ဆောင်​လျက် မြောက်ဘက်​မျက်နှာမူ​ထား​သော အထက်​တံခါး​လမ်း​မှ ဝင်လာ​၍ ကြေးနီ​ယဇ်ပလ္လင်​ဘေး​တွင် ရပ်​နေ​ကြ​၏​။ သူ​တို့​အလယ်​တွင် ပိတ်ချောထည်​ကို​ဝတ်​လျက် ခါး​၌​မင်အိုး​ဆောင်​ထား​သော​လူ​တစ်​ယောက် ရပ်​နေ​၏​။

ဝတ်​ပြု 16:23

ထို့နောက် အာရုန်​သည် တွေ့ဆုံစည်းဝေးရာ​တဲ​တော်​ထဲသို့ ဝင်​ပြီးလျှင် သန့်ရှင်းရာဌာန​တော်​ထဲသို့​ဝင်​စဉ်က ဝတ်​ခဲ့​သည့်​ပိတ်ချော​အဝတ်တန်ဆာ​ကို​ချွတ်​၍ ထို​နေရာ​၌ ထားခဲ့​ရ​မည်​။

ဝတ်​ပြု 16:24

သူ​သည် သန့်ရှင်း​သော​နေရာ​၌ ရေချိုး​ပြီးလျှင် မိမိ​အဝတ်​ကို​ဝတ်​ရ​မည်​။ ထို့နောက် ထွက်လာ​၍ မိမိ​၏​မီးရှို့ရာယဇ်​၊ လူ​တို့​၏​မီးရှို့ရာယဇ်​တို့​ကို ပူဇော်​ခြင်း​ဖြင့် မိမိ​အတွက်​၊ လူ​တို့​အတွက် အပြစ်ဖြေလွှတ်​ခြင်း​ကို​ပြု​ရ​မည်​။

ဝတ်​ပြု 16:32

မိမိ​ဖခင်​အရိုက်အရာ​၌ ယဇ်ပုရောဟိတ်​အဖြစ်​အမှု​တော်​ကို​ဆောင်ရွက်​ရန် ဘိသိက်ပေး​၍ ခန့်အပ်​ခြင်း​ခံရ​သော ယဇ်ပုရောဟိတ်​သည် အပြစ်ဖြေလွှတ်​ခြင်း​ကို​ပြု​ရ​မည်​။ သူ​သည် သန့်ရှင်း​သော​အဝတ်တန်ဆာ​ဖြစ်​သည့် ပိတ်ချော​အဝတ်တန်ဆာ​ကို ဝတ်ဆင်​၍

ဝတ်​ပြု 6:10

ယဇ်ပုရောဟိတ်​သည် ကိုယ်​ပေါ်၌ ပိတ်ချော​အင်္ကျီ​နှင့် ပိတ်ချော​ဘောင်းဘီ​ကို​ဝတ်​၍ ယဇ်ပလ္လင်​ပေါ်​ရှိ မီး​လောင်ကျွမ်း​ထား​သည့်​မီးရှို့ရာယဇ်​၏​ပြာပုံ​ကို ထုတ်ယူ​ပြီး ယဇ်ပလ္လင်​၏​ဘေး​၌ ပုံထား​ရ​မည်​။

ဝတ်​ပြု 6:3

ပျောက်​သော​ပစ္စည်း​ကို တွေ့​ထား​သော်လည်း ၎င်း​နှင့်​ပတ်သက်၍ လိမ်ညာ​ခြင်း​ဖြင့်​လည်းကောင်း​၊ လူ​ပြု​သော​အမှု​တစ်စုံတစ်ခု​နှင့်​ပတ်သက်၍ မဟုတ်မမှန်​ကျိန်ဆို​ခြင်း​ဖြင့်​လည်းကောင်း ထိုသို့သော​အမှု​တို့​ဖြင့်​အပြစ်ပြု​လျှင်

လုကာ 1:35

ကောင်းကင်တမန်​က​လည်း “သန့်ရှင်း​သော​ဝိညာဉ်​တော်​သည် သင့်​အပေါ်​သက်ရောက်​တော်မူ​၍ အမြင့်ဆုံး​သော​ဘုရား​၏​တန်ခိုး​တော်​သည် သင့်​ကို​လွှမ်းမိုး​လိမ့်မည်။ ထို့ကြောင့် ဖွားမြင်​လာ​မည့်​သန့်ရှင်း​သော​သူငယ်​သည် ဘုရားသခင်​၏​သား​တော်​ဟု ခေါ်ဝေါ်​ခြင်း​ကို​ခံရ​လိမ့်မည်။

ဖိ​လိပ္ပိ 2:7

မိမိ​အသရေ​ကို​စွန့်​၍ အစေအပါး​၏​အသွင်​သဏ္ဌာန်​ကို​ဆောင်​ကာ လူ​တို့​နှင့်​တူညီ​သော​သဏ္ဌာန်​၌ ဖွားမြင်​ခြင်း​ကို​ခံ​တော်မူ​၏။ ကိုယ်တော်​သည် လူ​ကဲ့သို့သော​ပုံပန်း​သဏ္ဌာန်​၌ ပေါ်ထွန်း​တော်မူ​၍

ဟေ​ဗြဲ 10:22

ငါ​တို့​၏​စိတ်နှလုံး​ကို ဆိုးညစ်​သော​အသိစိတ်​နှင့်​ကင်းစင်​စေရန် ပက်ဖျန်း​ခြင်း​ခံယူ​လျက် ကိုယ်ခန္ဓာ​ကို​လည်း စင်ကြယ်​သော​ရေ​ဖြင့်​ဆေးကြော​ကာ ယုံကြည်​ခြင်း​နှင့်ဆိုင်သော​စိတ်ချမှု​အပြည့်အဝ​နှင့် ဖြောင့်မှန်​သော​စိတ်နှလုံး​တို့​ဖြင့် အထံ​တော်​သို့ တိုးဝင်​ချဉ်းကပ်​ကြ​ကုန်စို့။

ဟေ​ဗြဲ 2:14

ထို​သားသမီး​အားလုံး​တို့​သည် အသွေး​အသား​ရှိ​ကြ​သည်​ဖြစ်၍ ကိုယ်တော်​သည်​လည်း သူ​တို့​နည်းတူ ထို​အသွေး​အသား​ကို မျှဝေ​ခံယူ​တော်မူ​၏။ ဤသည်ကား အသေခံ​တော်မူ​ခြင်း​အားဖြင့် သေ​ခြင်း​၏​တန်ခိုး​အရှိန်အဝါ​ကို​ပိုင်​သော​သူ​ဖြစ်​သည့် မာရ်နတ်​ကို ဖျက်ဆီး​လျက်

ဟေ​ဗြဲ 7:26

ထိုသို့​သန့်ရှင်း​၍ အပြစ်​နှင့်​ညစ်ညူး​ခြင်း​တို့​ကင်းစင်​လျက် အပြစ်သား​တို့​နှင့်​ခွဲခြား​ထား​ခြင်း​ခံရ​ကာ ကောင်းကင်​တို့​ထက် မြင့်မား​စွာ​ချီးမြှောက်​ခြင်း​ခံရ​သော ယဇ်ပုရောဟိတ်​မင်း​သည် ငါ​တို့​အတွက်​သင့်လျော်​ပေ​၏။