ဝတ်​ပြု 14:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ သူ​သည် ဆင်းရဲ​သော​သူ​ဖြစ်၍ မ​တတ်နိုင်​လျှင် မိမိ​အဖို့ အပြစ်ဖြေလွှတ်​ခြင်း​အတွက် ချီလွှဲ​ရ​မည့်​အပြစ်ဒဏ်ဖြေရာယဇ်​အဖြစ် သိုးသငယ်​အထီး​တစ်​ကောင်​ကို​လည်းကောင်း​၊ ဘောဇဉ်ပူဇော်သက္ကာ​အဖြစ် ဆီ​နှင့်​ရော​သော အကောင်းဆုံး​ဂျုံမှုန့်​တစ်​ဧဖာ​၏​ဆယ်ပုံတစ်ပုံ​ကို​လည်းကောင်း​၊ ဆီ​တစ်​လောဃ​ကို​လည်းကောင်း​၊

Common Language Bible

²¹ ထို​သူ​သည်​ဆင်း​ရဲ​သ​ဖြင့် အ​ထက်​ပါ​ပူ​ဇော် သ​ကာ​များ​ကို​သန့်​စင်​ခြင်း​ဝတ်​အ​တွက် အ​ပြစ်​ဒဏ်​ပြေ​ရာ​ယဇ်​အ​ဖြစ်​ပူ​ဇော်​ရန် မ​တတ်​နိုင်​လျှင် သိုး​ထီး​က​လေး​တစ်​ကောင် ကို​သာ​ယူ​ဆောင်​ခဲ့​ရ​မည်။ ထို​ယဇ်​သည်​ယဇ် ပု​ရော​ဟိတ်​အ​တွက် ထာ​ဝ​ရ​ဘု​ရား​အား အ​ထူး​လှူ​ဘွယ်​ဖြစ်​သည်။ သူ​သည်​ဘော​ဇဉ် ပူ​ဇော်​သ​ကာ​အ​တွက် သံ​လွင်​ဆီ​နှင့်​ရော သော​မုန့်​ညက်​နှစ်​ပေါင်​ကို​လည်း​ကောင်း၊ သံ လွင်​ဆီ​အဝက်​သား​ကို​လည်း​ကောင်း​ယူ​ခဲ့ ရ​မည်။-

Garrad Bible

²¹ သူ သည် ဆင်း ရဲ ၍ လက် ဝယ် မ ရှိ လျှင် ကိုယ် အ ပြစ် အ ဖို့ ဖြေ ခြင်း ကို ပြု စေ ရန် ဦး တိုက် ရ သော ပြစ် ဒဏ် ပြေ ရာ သ က္ကာ အ ဖြစ် သိုး သား ငယ် အ ထီး တစ် ကောင် ကို လည်း ကောင်း၊ ဘော ဇဉ် သ က္ကာ အ ဖြစ် ဆီ ရော သော မုန့် ညက် တစ် စ ရွတ် ကို လည်း ကောင်း၊

Judson Bible

²¹ ထို​သူ​သည်​ဆင်း​ရဲ၍ ဤ​မျှ​လောက်​မ​တတ်​နိုင်​လျှင်၊ ချီ​လွှဲ၍ မိ​မိ​အ​ပြစ်​ဖြေ​ခြင်း​ကို​ပြု​စ​ရာ​ဖို့၊ ဒု​စ​ရိုက်​ဖြေ​ရာ​ယဇ် သိုး​သ​ငယ်​တစ်​ကောင်​ကို​လည်း​ကောင်း၊ ဘော​ဇဉ်​ပူ​ဇော်​သ​ကာ​ဖို့ ဆီ​ရော​သော​မုန့်​ညက်​တစ်​ဩ​မဲ​နှင့် ဆီ​တစ်​လော​ဃ​ကို​လည်း​ကောင်း၊

ဝတ်​ပြု 14:21 Referencias Cruzadas

ယောဘဝတ္တု။ 34:19

ကိုယ်တော်​သည် အကြီးအကဲ​တို့​ကို မျက်နှာလိုက်​သည်​မ​ဟုတ်​။ သူဌေး​ကို ဆင်းရဲသား​ထက် ပို၍​အသိအမှတ်ပြု​သည်​မ​ဟုတ်​။ အကြောင်းမူကား လူ​အားလုံး​သည် ဖန်ဆင်းခံလက်ရာ​တော်​များ ဖြစ်​ကြ​၏​။

သုတ္တံကျမ်း။ 17:5

ဆင်းရဲ​သော​သူ​ကို​ပြက်ရယ်ပြု​သော​သူ​သည် သူ​၏​ဖန်ဆင်းရှင်​ကို စော်ကား​သော​သူ​ဖြစ်​၏​။ သူတစ်ပါး​ဘေးဒုက္ခ​ရောက်​သည်​ကို ဝမ်းမြောက်​သော​သူ​သည် အပြစ်ဒဏ်​နှင့်​ကင်းလွတ်​လိမ့်မည်​မ​ဟုတ်​။

သုတ္တံကျမ်း။ 22:2

ချမ်းသာ​သော​သူ​နှင့် ဆင်းရဲ​သော​သူ​တို့​၏ တူညီ​သော​အချက်​မှာ သူ​တို့​အားလုံး​ကို ထာဝရဘုရား​ဖန်ဆင်း​တော်မူ​ခြင်း​ပင်​ဖြစ်​၏​။

ယေ​ဇ​ကျေ​လ 46:7

ဘောဇဉ်ပူဇော်သက္ကာ​အဖြစ် နွားထီး​တစ်​ကောင်​အတွက် အကောင်းဆုံး​ဂျုံမှုန့်​တစ်​ဧဖာ​၊ သိုးထီး​တစ်​ကောင်​အတွက် အကောင်းဆုံး​ဂျုံမှုန့်​တစ်​ဧဖာ​၊ သိုးသငယ်​များ​အတွက် တတ်နိုင်​သလောက်​၊ အကောင်းဆုံး​ဂျုံမှုန့်​တစ်​ဧဖာ​အတွက် ဆီ​တစ်​ဟိန်​ကို စီစဉ်​ပေး​ရ​မည်​။

ဝတ်​ပြု 1:14

သူ​သည် ထာဝရဘုရား​အား ငှက်​ကို​မီးရှို့ရာယဇ်​အဖြစ် ပူဇော်​လို​လျှင် ချိုးငှက်​ကို​ဖြစ်စေ​၊ ခိုငယ်​ကို​ဖြစ်စေ ပူဇော်​ရ​မည်​။

ဝတ်​ပြု 12:8

အကယ်၍ သိုးသငယ်​ကို ပူဇော်​ရန်​မ​တတ်နိုင်​လျှင် ချိုးငှက်​နှစ်​ကောင်​၊ သို့မဟုတ် ခိုငယ်​နှစ်​ကောင်​ကို ယူဆောင်​လာ​ရ​မည်​။ တစ်​ကောင်​သည် မီးရှို့ရာယဇ်​အတွက်​ဖြစ်ပြီး ကျန်​တစ်​ကောင်​သည် အပြစ်ဖြေရာယဇ်​အတွက်​ဖြစ်​၏​။ ယဇ်ပုရောဟိတ်​သည် ထို​မိန်းမ​အတွက် အပြစ်ဖြေလွှတ်​ခြင်း​ကို​ပြု​ပေး​သဖြင့် သူ​သည် စင်ကြယ်​လိမ့်မည်​”​ဟု မိန့်​တော်မူ​၏​။

ဝတ်​ပြု 14:10

ရှစ်​ရက်​မြောက်​သော​နေ့​၌ အပြစ်အနာအဆာကင်း​သော​သိုးသငယ်​အထီး​နှစ်​ကောင်​၊ အပြစ်အနာအဆာကင်း​သော​တစ်နှစ်သားအရွယ်​သိုးသငယ်အမ​တစ်​ကောင်​၊ ဘောဇဉ်ပူဇော်သက္ကာ​အတွက် ဆီ​နှင့်​ရော​သော​အကောင်းဆုံး​ဂျုံမှုန့်​တစ်​ဧဖာ​၏​ဆယ်ပုံသုံးပုံ​နှင့် ဆီ​တစ်​လောဃ​ကို ယူဆောင်​လာ​ရ​မည်​။

ဝတ်​ပြု 14:22

ချိုးငှက်​နှစ်​ကောင်​၊ သို့မဟုတ် ခိုငယ်​နှစ်​ကောင်​ကို​လည်းကောင်း မိမိ​တတ်နိုင်​သည့်​အတိုင်း ယူဆောင်​လာ​ရ​မည်​။ တစ်​ကောင်​သည် အပြစ်ဖြေရာယဇ်​အတွက်​ဖြစ်​၍ ကျန်​တစ်​ကောင်​သည် မီးရှို့ရာယဇ်​အတွက်​ဖြစ်​၏​။

ဝတ်​ပြု 27:8

ကတိသစ္စာ​ပြု​ထား​သူ​သည် ဆင်းရဲ​၍ သင်​တန်ဖိုး​ဖြတ်​ထား​သည့်​အတိုင်း မတတ်နိုင်​လျှင် ယဇ်ပုရောဟိတ်​ထံသို့ လာ​ရ​မည်​။ ယဇ်ပုရောဟိတ်​သည် သူ့​ကို တန်ဖိုးဖြတ်​ရ​မည်​။ သူ​တတ်နိုင်​သည့်​အတိုင်း ယဇ်ပုရောဟိတ်​သည် သူ့​ကို တန်ဖိုးဖြတ်​ရ​မည်​။

ဝတ်​ပြု 5:11

သူ​သည် ချိုးငှက်​နှစ်​ကောင်​၊ သို့မဟုတ် ခိုငယ်​နှစ်​ကောင်​ကို ပူဇော်​ရန်​မ​တတ်နိုင်​လျှင် သူ​ကျူးလွန်​မိ​ခဲ့​သည့်​အပြစ်​အတွက် အပြစ်ဖြေရာယဇ်​အဖြစ် အကောင်းဆုံး​ဂျုံမှုန့်​တစ်​ဧဖာ​၏​ဆယ်ပုံတစ်ပုံ​ကို ယူဆောင်​လာ​၍ ပူဇော်​ရ​မည်​။ ဤသည်ကား အပြစ်ဖြေရာယဇ်​ဖြစ်၍ ၎င်း​အပေါ်​၌ ဆီ​မ​ထည့်​ရ​။ လော်ဗန်​ကို​လည်း မ​တင်​ရ​။

ဝတ်​ပြု 5:7

သူ​သည် သိုးသငယ်​ကို ပူဇော်​ရန်​မ​တတ်နိုင်​လျှင် သူ​ကျူးလွန်​မိ​ခဲ့​သော​အပြစ်​အတွက် အပြစ်ဒဏ်ဖြေရာယဇ်​အဖြစ် ချိုးငှက်​နှစ်​ကောင်​၊ သို့မဟုတ် ခိုငယ်​နှစ်​ကောင်​ကို ထာဝရဘုရား​ထံသို့ ယူဆောင်​လာ​ရ​မည်​။ တစ်​ကောင်​သည် အပြစ်ဖြေရာယဇ်​အတွက်​ဖြစ်ပြီး ကျန်​တစ်​ကောင်​သည် မီးရှို့ရာယဇ်​အတွက်​ဖြစ်​၏​။

လုကာ 6:20

ထိုအခါ ကိုယ်တော်​သည် တပည့်​တော်​တို့​ဘက်​သို့​မျက်နှာမူ​လျက် မြွက်ဆို​တော်မူ​သည်​မှာ“ဆင်းရဲ​နွမ်းပါး​သော​သင်​တို့​သည် မင်္ဂလာရှိ​ကြ​၏။ အကြောင်းမူကား ဘုရားသခင်​၏​နိုင်ငံ​တော်​သည် သင်​တို့​၏​နိုင်ငံ​ဖြစ်​၏။

၂ ကော 8:12

အကြောင်းမူကား စေတနာ​စိတ်​ရှိ​လျှင် မ​ရှိ​သည့်​အရာ​ကို​မ​ထောက်​ဘဲ ရှိ​သည့်​အရာ​ကို​ထောက်​၍ နှစ်သက်​လက်ခံ​တော်မူ​၏။

၂ ကော 8:9

အကြောင်းမူကား သင်​တို့​သည် ငါ​တို့​သခင်​ယေရှု​ခရစ်တော်​၏​ကျေးဇူး​တော်​ကို​သိ​ကြ​၏။ ကိုယ်တော်​သည် ကြွယ်ဝ​သော်လည်း သူ​၏​ဆင်းရဲ​ခြင်း​အားဖြင့် သင်​တို့​ကြွယ်ဝ​ကြ​မည့်​အကြောင်း သင်​တို့​အတွက် ဆင်းရဲ​ခြင်း​ကို​ခံ​တော်မူ​၏။

၁ ရာ 2:8

ဆင်းရဲသား​ကို မြေမှုန့်​ထဲမှ ဆွဲထူ​၍ နွမ်းပါး​သူ​ကို ပြာပုံ​ထဲမှ​ချီမ​တော်မူ​ပြီး မင်းသား​တို့​နှင့်အတူ​ထိုင်​စေ​တော်မူ​၏​။ ဘုန်းကြီး​သော​ပလ္လင်​ကို အမွေဆက်ခံ​စေ​တော်မူ​၏​။ အကြောင်းမူကား ထာဝရဘုရား​သည် ကမ္ဘာမြေကြီး​၏​အုတ်မြစ်​ကို ပိုင်​တော်မူ​၍ ကမ္ဘာလောက​ကို ထို​အုတ်မြစ်​ပေါ်တွင် ချထား​တော်မူ​၏​။