ဝတ်​ပြု 11:40 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴⁰ ထို​အသေကောင်​ကို​စား​သော​သူ​သည် မိမိ​၏​အဝတ်​ကို​လျှော်​ရ​မည်​။ သူ​သည် နေဝင်ချိန်​အထိ မစင်ကြယ်​။ ထို​အသေကောင်​ကို ကိုင်​သော​သူ​သည်​လည်း မိမိ​အဝတ်​ကို​လျှော်​ရ​မည်​။ သူ​သည် နေဝင်ချိန်​အထိ မစင်ကြယ်​။

Common Language Bible

⁴⁰ ထို​အ​သေ​ကောင်​၏​အ​သား​ကို​စား​သူ​သည် မိ​မိ​အ​ဝတ်​ကို​ဖွပ်​လျှော်​ရ​မည်။ သူ​သည်​ည ဦး​တိုင်​အောင်​မ​သန့်​ရှင်း​ဘဲ​ရှိ​လိမ့်​မည်။ ထို အ​သေ​ကောင်​ကို​သယ်​ဆောင်​မိ​သူ​သည် မိ​မိ အ​ဝတ်​ကို​ဖွပ်​လျှော်​ရ​မည်။ သို့​သော်​သူ​သည် ည​ဦး​တိုင်​အောင်​မ​သန့်​ရှင်း​ဘဲ​ရှိ​လိမ့်​မည်။

Garrad Bible

⁴⁰ စား မိ သော သူ မူ ကား၊ အ၀တ် ဖွပ် လျှော် ၍ ညဉ့် ဦး တိုင် မ သန့် လျက် နေ ရ မည်။ ဆောင် သွား သော သူ လည်း အ ဝတ် ဖွပ် လျှော် ၍ ညဉ့် ဦး တိုင် မ သန့် လျက် နေ ရ မည်။

Judson Bible

⁴⁰ ထို​အ​သေ​ကောင်​ကို စား​သော​သူ​သည်၊ မိ​မိ​အ​ဝတ်​ကို လျှော်​ရ​မည်။ ညဉ့်​ဦး​တိုင်​အောင်​မ​စင်​ကြယ်။ ထို​အ​သေ​ကောင်​ကို ဆောင်​သွား​သော​သူ​သည်​လည်း မိ​မိ​အ​ဝတ်​ကို​လျှော်​ရ​မည်။ ညဉ့်​ဦး​တိုင်​အောင်​မ​စင်​ကြယ်။

ဝတ်​ပြု 11:40 Referencias Cruzadas

ထွက်​မြောက် 22:31

သင်​တို့​သည် ငါ့​အဖို့ သန့်ရှင်း​သော​သူ​များ​ဖြစ်​ရ​မည်​။ ကွင်းပြင်​၌ သားရဲ​ကိုက်သတ်​သော​အကောင်​၏​အသား​ကို သင်​တို့ မ​စား​ရ​။ ခွေး​ကို ပစ်ပေး​ရ​မည်​။

ဟေ​ရှာ​ယ 1:16

ကိုယ့်ကိုယ်ကိုယ် သန့်ရှင်းစင်ကြယ်​အောင်​ဆေးကြော​ကြ​လော့​။ သင်​တို့​၏​ဆိုးညစ်​သော​လုပ်ရပ်​တို့​ကို ငါ့​မျက်မှောက်​မှ ဖယ်ရှား​ကြ​လော့​။ ဆိုးညစ်​သော​အမှု​ပြု​ခြင်း​ကို ရပ်တန့်​ကြ​လော့​။

ယေ​ဇ​ကျေ​လ 36:25

သင်​တို့​ကို သန့်ရှင်း​သော​ရေ​နှင့်​ပက်ဖျန်း​သဖြင့် သင်​တို့​သည် စင်ကြယ်​လိမ့်မည်​။ သင်​တို့​၏​အညစ်အကြေး​၊ သင်​တို့​၏​ရုပ်တုဆင်းတု​ရှိသမျှ​တို့​မှ​လည်း သင်​တို့​ကို စင်ကြယ်​စေ​မည်​။

ယေ​ဇ​ကျေ​လ 4:14

ငါ​က​လည်း “​အို ဘုရားရှင်​ထာဝရဘုရား​၊ အကျွန်ုပ်​သည် ငယ်စဉ်​မှစ၍ ယခု​တိုင်အောင် အလိုလို​သေ​သော​အကောင်​၊ သားရဲ​ကိုက်​၍​သေ​သော​အကောင်​တို့​ကို မ​စား​ဖူး​ပါ​။ ထို​အရာ​တို့​ဖြင့် ကိုယ့်ကိုယ်ကိုယ် မ​ညစ်ညူး​စေ​ဖူး​ပါ​။ ထိုသို့​ရွံရှာဖွယ်​သော​အကောင်​၏​အသား​ကို အကျွန်ုပ်​ပါးစပ်​ထဲသို့ မ​ထည့်​ဖူး​ပါ​”​ဟု ပြန်လျှောက်​၏​။

ယေ​ဇ​ကျေ​လ 44:31

ငှက်​ဖြစ်စေ​၊ တိရစ္ဆာန်​ဖြစ်စေ အလိုလိုသေ​လျှင်​၊ သို့မဟုတ် သားရဲ​ကိုက်​၍​သေ​လျှင် ယဇ်ပုရောဟိတ်​တို့​မ​စား​ရ​။

ဝတ်​ပြု 11:25

၎င်း​တို့​၏​အသေကောင်​ကို ကိုင်​သော​သူ​တိုင်း မိမိ​၏​အဝတ်​ကို​လျှော်​ရ​မည်​။ ထို​သူ​သည် နေဝင်ချိန်​အထိ မစင်ကြယ်​။

ဝတ်​ပြု 11:28

ထို​အသေကောင်​ကို ကိုင်​သော​သူ​သည် မိမိ​၏​အဝတ်​ကို​လျှော်​ရ​မည်​။ ထို​သူ​သည် နေဝင်ချိန်​အထိ မစင်ကြယ်​။ ထို​တိရစ္ဆာန်​တို့​သည် သင်​တို့​အဖို့ မစင်ကြယ်​။

ဝတ်​ပြု 11:39

သင်​တို့​စား​ခွင့်​ရှိ​သော​တိရစ္ဆာန်​များ​ထဲမှ တစ်ကောင်ကောင်​သေ​လျှင် ထို​အသေကောင်​ကို​ထိမိ​သော​သူ​သည် နေဝင်ချိန်​အထိ မစင်ကြယ်​။

ဝတ်​ပြု 14:46

ထို​အိမ်​ကို​ပိတ်​ထား​သော​ကာလ​အတွင်း အိမ်​ထဲသို့​ဝင်​သော​သူ​သည် နေဝင်ချိန်​အထိ မစင်ကြယ်​။

ဝတ်​ပြု 15:15

ယဇ်ပုရောဟိတ်​သည် တစ်​ကောင်​ကို အပြစ်ဖြေရာယဇ်​အတွက်​၊ ကျန်​တစ်​ကောင်​ကို မီးရှို့ရာယဇ်​အတွက် ပူဇော်​ရ​မည်​။ ဤသို့ဖြင့် ယဇ်ပုရောဟိတ်​သည် အရိအရွဲ​ထွက်​သူ​အတွက် ထာဝရဘုရား​ရှေ့​တော်​၌ အပြစ်ဖြေလွှတ်​ခြင်း​ကို​ပြု​ပေး​ရ​မည်​။

ဝတ်​ပြု 15:27

၎င်း​တို့​ကို ထိမိ​သော​သူ​တိုင်း မစင်မကြယ်​ဖြစ်​၏​။ မိမိ​အဝတ်​ကို​လျှော်​၍ ရေချိုး​ရ​မည်​။ ထို​သူ​သည် နေဝင်ချိန်​အထိ မစင်မကြယ်​ဖြစ်​၏​။

ဝတ်​ပြု 16:26

အဇာဇယ်​အဖို့ ဆိတ်သငယ်​ကို လွှတ်​သော​သူ​သည် မိမိ​အဝတ်​ကို​လျှော်​၍ ရေချိုး​ရ​မည်​။ ထို့နောက်မှ တပ်စခန်း​ထဲသို့ ပြန်ဝင်​ရ​မည်​။

ဝတ်​ပြု 16:28

ထို​အရာ​တို့​ကို​ရှို့​သော​သူ​သည် မိမိ​အဝတ်​ကို​လျှော်​၍ ရေချိုး​ရ​မည်​။ ထို့နောက်မှ တပ်စခန်း​ထဲသို့ ပြန်ဝင်​ရ​မည်​။

ဝတ်​ပြု 22:6

ထိုသို့သော​အရာ​ကို ထိမိ​သော​သူ​သည် နေဝင်ချိန်​အထိ မစင်ကြယ်​။ ထို​သူ​သည် ရေ​မ​ချိုး​လျှင် သန့်ရှင်း​သော​ပူဇော်သက္ကာ​ကို စား​ခွင့်​မ​ရှိ​။

ဝတ်​ပြု 22:8

အလိုလို​သေ​သော​အကောင်​၊ သို့မဟုတ် သားရဲ​ကိုက်သတ်​သော​အကောင်​ကို စား​ခြင်း​ဖြင့် ကိုယ့်ကိုယ်ကိုယ်​မ​ညစ်ညူး​စေ​ရ​။ ငါ​သည် ထာဝရဘုရား​ဖြစ်​၏​။

ဇာ​ခ​ရိ 13:1

ထို​နေ့ရက်​တွင် ဒါဝိဒ်​အမျိုးအနွယ်​မှစ၍ ဂျေရုဆလင်​မြို့သူမြို့သား​တို့ အပြစ်​နှင့်​မစင်ကြယ်မှု​များ​ကို ဆေးကြော​ရန် စမ်းရေတွင်း​တစ်​ခု ပေါ်လာ​လိမ့်မည်”​ဟု မိန့်​တော်မူ​၏​။

တော​လည် 19:19

စင်ကြယ်​သော​သူ​သည် ထို​ရေ​ဖြင့် မစင်ကြယ်​သော​သူ​အား တတိယ​နေ့​၊ သတ္တမ​နေ့​တို့​၌ ဖျန်း​ရ​မည်​။ သတ္တမ​နေ့​၌ မစင်ကြယ်​သော​သူ​သည် မိမိကိုယ်မိမိ သန့်စင်​စေ​ရ​မည်​။ မိမိ​အဝတ်​ကို​လျှော်​၍ ရေချိုး​ရ​မည်​။ သူ​သည် နေဝင်ချိန်​ရောက်​လျှင် စင်ကြယ်​လိမ့်မည်​။

၁ ကော 10:21

သင်​တို့​သည် သခင်​ဘုရား​၏​ခွက်​ကို​သောက်​လျှင် နတ်ဆိုး​တို့​၏​ခွက်​ကို သောက်​၍​မ​ရ​နိုင်။ သခင်​ဘုရား​၏​စားပွဲ​ကို မျှဝေ​ခံယူ​လျှင် နတ်ဆိုး​တို့​၏​စားပွဲ​ကို မျှဝေ​ခံယူ​၍​မ​ရ​နိုင်။

၁ ကော 6:11

သင်​တို့​တွင် အချို့​သော​သူ​တို့​သည် ထိုသို့​သော​သူ​များ​ဖြစ်​ခဲ့​ကြ​၏။ သို့သော် သင်​တို့​သည် သခင်​ယေရှု​ခရစ်တော်​၏​နာမ​တော်​နှင့် ငါ​တို့​ဘုရားသခင်​၏​ဝိညာဉ်​တော်​အားဖြင့် ဆေးကြော​ခြင်း​ခံရ​၍ သန့်ရှင်း​စေ​ခြင်း​ခံရ​ကာ ဖြောင့်မတ်​သည်​ဟု​အသိအမှတ်ပြု​ခြင်း​ခံရ​ကြ​၏။

တ​ရား​ဟော 14:21

သင်​သည် သင်​၏​ဘုရားသခင်​ထာဝရဘုရား​အဖို့ သန့်ရှင်း​သော​လူမျိုး​ဖြစ်​သောကြောင့် အလိုလိုသေ​သော အကောင်​ဟူသမျှ မ​စား​ရ​။ သင့်​မြို့​၌​ရှိ​သော တိုင်းတစ်ပါးသား​စား​ရန် ပေး​ခွင့်​ရှိ​၏​။ သို့မဟုတ် တစ်ပါးအမျိုးသား​ထံ​ရောင်း​ခွင့်​ရှိ​၏​။ ဆိတ်သငယ်​ကို မိခင်​၏​နို့​ဖြင့်​မ​ပြုတ်​ရ​။

၁ ယော 1:7

သို့သော် ဘုရားသခင်​သည် အလင်း​၌​ရှိ​တော်မူ​သကဲ့သို့ ငါ​တို့​သည်​လည်း အလင်း​၌​အသက်ရှင်​လျှောက်လှမ်း​ကြ​လျှင် ငါ​တို့​အချင်းချင်း​၌ မိတ်သဟာယ​ဖွဲ့​ခြင်း​ရှိ​၍ ဘုရားသခင်​၏​သား​တော်​ယေရှု​၏​သွေး​တော်​သည် ငါ​တို့​ကို အပြစ်​ရှိသမျှ​တို့​မှ စင်ကြယ်​စေ​တော်မူ​၏။