ဝတ်​ပြု 1:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ ငှက်​ကို အတောင်ပံ​မှ ဆွဲဖြဲ​ရ​မည်​။ နှစ်ပိုင်း​မ​ပြတ်​စေ​ရ​။ ယဇ်ပုရောဟိတ်​သည် ၎င်း​ကို မီးရှို့ရာယဇ်​အဖြစ် ယဇ်ပလ္လင်​ပေါ်မှ မီး​ပေါ်တွင်​ရှိ​သည့် ထင်း​များ​ပေါ်၌​ရှို့​ရ​မည်​။ ထာဝရဘုရား​အဖို့ မီး​ဖြင့်​ပူဇော်​သော မွှေးကြိုင်​သည့်​ရနံ့ ဖြစ်​၏​။

Common Language Bible

¹⁷ သူ​သည်​အ​တောင်​ပံ​များ​ကို​ကိုင်​၍​ငှက်​ကိုယ် ကို​ဆွဲ​ဖွင့်​ရ​မည်။ သို့​ရာ​တွင်​အ​တောင်​များ​မ ကျွတ်​ထွက်​စေ​ရ။ ထို့​နောက်​တစ်​ကောင်​လုံး​ကို ပလ္လင်​ပေါ်​တွင်​မီး​ရှို့​ပူ​ဇော်​ရ​မည်။ ဤ​ပူ​ဇော် သ​ကာ​၏​ရ​နံ့​ကို​ထာ​ဝ​ရ​ဘု​ရား​နှစ်​သက် တော်​မူ​၏။

Garrad Bible

¹⁷ အ ကောင် ကို မ ခွဲ ဘဲ တောင် ပံ ကို ဆွဲ ဖြတ် ခြင်း ပြု ပြီး မှ ပ လ္လင် တော် ထက် ရှိ မီး ထင်း ပေါ် တွင် ပူ ဇော် ရ မည်။ ထာ ဝ ရ ဘု ရား စိတ် တော် ပြေ ဖွယ် ရ နံ့၊ မီး ပူ ဇော် ရာ၊ မီး ရှို့ ရာ သ က္ကာ ဖြစ် သ တည်း။

Judson Bible

¹⁷ အ​တောင်​ပါ​လျက်​ငှက်​ကောင်​ကို​ခွဲ​ဖွင့်၍၊ ယဇ်​ပု​ရော​ဟိတ်​သည်၊ ယဇ်​ပ​လ္လင်​ပေါ်၌​ရှိ​သော ထင်း​မီး​အ​ပေါ်​မှာ​မီး​ရှို့​ရ​မည်။ မီး​ရှို့​သော​ယဇ်​ဖြစ်​သ​တည်း။ ထာ​ဝ​ရ​ဘု​ရား​အား မီး​ဖြင့်​ဆက်​ကပ်၍ မွှေး​ကြိုင်​သော​ပူ​ဇော်​သ​ကာ​ဖြစ်​သ​တည်း။

ဝတ်​ပြု 1:17 Referencias Cruzadas

ကမ္ဘာ​ဦး 15:10

ထိုအခါ အာဗြံ​သည် ထာဝရဘုရား​ထံ​တော်​သို့ ထို​တိရစ္ဆာန်​အပေါင်း​တို့​ကို​ယူ​ခဲ့​၍ ၎င်း​တို့​ကို ထက်ဝက်​စီ​ခြမ်း​ပြီးလျှင် တစ်ဖက်တစ်ချက်​၌ ယှဉ်​ထား​လေ​၏​။ ငှက်​တို့​ကို​မူကား မ​ခြမ်း​ဘဲ​ထား​လေ​၏​။

ကမ္ဘာ​ဦး 8:21

ထာဝရဘုရား​သည် မွှေးကြိုင်​သော​ရနံ့​ကို​ခံယူ​တော်မူ​၏​။ ထိုအခါ ထာဝရဘုရား​က “​လူ​တို့​၏​စိတ်နှလုံး​အကြံအစည်​များ​သည် ငယ်ရွယ်စဉ်​ကတည်းက ဆိုးညစ်​သော်လည်း ငါ​သည် လူ​တို့​ကြောင့် မြေကြီး​ကို နောက်တစ်ဖန် မည်သည့်​အခါ​မျှ​ကျိန်​တော့​မည်​မ​ဟုတ်​။ ငါ​သည် သက်ရှိသတ္တဝါ​အပေါင်း​တို့​ကို ယခု​ပြု​သကဲ့သို့ နောက်တစ်ဖန် မည်သည့်​အခါ​မျှ​ဒဏ်ခတ်​တော့​မည်​မ​ဟုတ်​။

ဆာ​လံ 16:10

အကြောင်းမူကား ကိုယ်တော်​သည် အကျွန်ုပ်​၏​စိတ်ဝိညာဉ်​ကို မရဏာနိုင်ငံ​၌ စွန့်ပစ်​ထား​တော်မူ​မည်​မ​ဟုတ်​။ ကိုယ်တော်​၏​သန့်ရှင်း​သူ​အား ပုပ်ပျက်​ခြင်း​နှင့်​ကြုံတွေ့​ခွင့်​ပေး​တော်မူ​မည်​မ​ဟုတ်​။

ဝတ်​ပြု 1:13

သူ​သည် အူ​နှင့်​ခြေထောက်​ကို ရေ​ဖြင့်​ဆေးကြော​ရ​မည်​။ ထို့နောက် ယဇ်ပုရောဟိတ်​သည် ထို​အရာ​အားလုံး​ကို ယူဆောင်​လာ​၍ မီးရှို့ရာယဇ်​အဖြစ် ယဇ်ပလ္လင်​ပေါ်၌​ရှို့​ရ​မည်​။ ထာဝရဘုရား​အဖို့ မီး​ဖြင့်​ပူဇော်​သော မွှေးကြိုင်​သည့်​ရနံ့ ဖြစ်​၏​။

ဝတ်​ပြု 2:2

အာရုန်​၏​သား​ယဇ်ပုရောဟိတ်​တို့​ထံသို့ ယူဆောင်​လာ​ရ​မည်​။ ယဇ်ပုရောဟိတ်​သည် ပူဇော်သက္ကာ​အမှတ်သညာ​အဖြစ် ထို​ပူဇော်သက္ကာ​ထဲမှ လော်ဗန်​ရှိသမျှ​နှင့်တကွ အကောင်းဆုံး​ဂျုံမှုန့်​နှင့်​ဆီ​ကို လက်တစ်ဆုပ်စာ​ယူ​၍ ယဇ်ပလ္လင်​ပေါ်၌ ရှို့​ရ​မည်​။ ထာဝရဘုရား​ထံ မီး​ဖြင့်​ပူဇော်​သော​မွှေးကြိုင်​သည့်​ရနံ့​ဖြစ်​၏​။

ဝတ်​ပြု 3:5

၎င်း​ကို အာရုန်​၏​သား​တို့​သည် ယဇ်ပလ္လင်​ပေါ်မှ မီး​ပေါ်တွင်​ရှိ​သည့် ထင်း​များ​ပေါ်၌​တင်​ထား​သော မီးရှို့ရာယဇ်​ပေါ်၌ ရှို့​ရ​မည်​။ ထာဝရဘုရား​အဖို့ မီး​ဖြင့်​ပူဇော်​သော​မွှေးကြိုင်​သည့်​ရနံ့​ဖြစ်​၏​။

ဝတ်​ပြု 5:8

၎င်း​တို့​ကို ယဇ်ပုရောဟိတ်​ထံသို့ ယူဆောင်​လာ​ပြီး အပြစ်ဖြေရာယဇ်​အတွက်​ဖြစ်​သော​အကောင်​ကို ဦးစွာ​ပူဇော်​ရ​မည်​။ ၎င်း​၏​ခေါင်း​ကို လည်ပင်း​မှ​ချိုး​ရ​မည်​။ သို့သော် မ​ပြတ်​စေ​ရ​။

ဝတ်​ပြု 6:14

ဘောဇဉ်ပူဇော်သက္ကာ​နှင့်ဆိုင်သော​တရား​ကား ဤသို့​ဖြစ်​၏​။ အာရုန်​၏​သား​တို့​သည် ဘောဇဉ်ပူဇော်သက္ကာ​ကို ထာဝရဘုရား​ရှေ့​တော်​၊ ယဇ်ပလ္လင်​ရှေ့​၌ ပူဇော်​ရ​မည်​။

ဝတ်​ပြု 8:21

မောရှေ​သည် အူ​နှင့်​ခြေထောက်​ကို​လည်း ရေ​ဖြင့်​ဆေးကြော​၍ သိုးထီး​တစ်ကောင်လုံး​ကို ယဇ်ပလ္လင်​ပေါ်၌ ရှို့​၏​။ ဤသည်ကား ထာဝရဘုရား​ထံ မီး​ဖြင့်​ပူဇော်​သော မွှေးကြိုင်​သော​ရနံ့​ဖြစ်​သည့်​မီးရှို့ရာယဇ်​ဖြစ်​၏​။

ဝတ်​ပြု 9:13

သူ​တို့​သည် မီးရှို့ရာယဇ်ကောင်​၏​ခုတ်ဖြတ်​ထား​သော​အပိုင်း​များ​နှင့်တကွ ဦးခေါင်း​ကို​လည်း ယူလာ​ရာ အာရုန်​သည် ၎င်း​တို့​ကို ယဇ်ပလ္လင်​ပေါ်၌ ရှို့​၏​။

တော​လည် 15:3

ကတိသစ္စာဝတ်​ဖြေ​ရန်​အတွက်​ဖြစ်စေ​၊ စေတနာ​အလျောက်​ပူဇော်​သော​ပူဇော်သက္ကာ​အတွက်​ဖြစ်စေ​၊ သတ်မှတ်​သော​ပွဲတော်​များ​အတွက်​ဖြစ်စေ မီးရှို့ရာယဇ်​၊ သို့မဟုတ် ပူဇော်သက္ကာ​ကို ထာဝရဘုရား​ထံ ပူဇော်​လို​လျှင် နွား​၊ သို့မဟုတ် သိုး​ကို မွှေးကြိုင်​သော​ရနံ့​အဖြစ် ထာဝရဘုရား​ထံ မီး​ဖြင့်​ပူဇော်​နိုင်​၏​။

တော​လည် 28:8

နောက်​သိုးသငယ်​တစ်​ကောင်​ကို နံနက်အချိန်​ဘောဇဉ်ပူဇော်သက္ကာ​ကဲ့သို့​လည်းကောင်း​၊ သွန်းလောင်းရာပူဇော်သက္ကာ​ကဲ့သို့​လည်းကောင်း ထာဝရဘုရား​အဖို့ မွှေးကြိုင်​သော​ရနံ့​ဖြစ်​သည့် မီး​ဖြင့်​ပူဇော်​သော​ယဇ်​အဖြစ် နေဝင်ချိန်​၌ ပူဇော်​ရ​မည်​။

မဿဲ 27:50

ထို့နောက် ယေရှု​သည် နောက်တစ်ဖန် ကျယ်လောင်​သော​အသံ​ဖြင့်​ကြွေးကြော်​ပြီးလျှင် အသက်​ကို​စွန့်​တော်မူ​၏။

ရှင်ယောဟန် 19:30

ထိုသို့ ဝိုင်ချဉ်​ကို​ခံယူ​ပြီး​သောအခါ ယေရှု​သည်“အမှု​ပြီး​ပြီ”​ဟု မိန့်​တော်မူ​လျက် ဦးခေါင်း​တော်​ငိုက်စိုက်​ကျ​ကာ အသက်​ကို​စွန့်​တော်မူ​၏။

ရော​မ 4:25

သခင်​ယေရှု​သည် ငါ​တို့​ကျူးလွန်​သော​အပြစ်​များ​အတွက် အပ်နှံ​ခြင်း​ကို​ခံရ​ပြီး ငါ​တို့​ဖြောင့်မတ်​သည်​ဟု အသိအမှတ်ပြု​ခြင်း​ခံရ​ရန်​အတွက် ထမြောက်​တော်မူ​၏။

၁ ပေ 3:18

အဘယ်ကြောင့်​ဆိုသော် ခရစ်တော်​သည်​လည်း အပြစ်​အတွက် တစ်ကြိမ်တည်း​နှင့်အပြီး ဒုက္ခ​ဝေဒနာ​ခံစား​တော်မူ​၏။ သင်​တို့​ကို ဘုရားသခင်​ထံ​တော်​သို့​ပို့ဆောင်​မည့်​အကြောင်း ဖြောင့်မတ်​သော​အရှင်​သည် မ​ဖြောင့်မတ်​သော​သူ​တို့​ကိုယ်စား ဒုက္ခ​ဝေဒနာ​ခံစား​တော်မူ​၏။ ကိုယ်တော်​သည် ကိုယ်ကာယ​၌ အမှန်ပင်​အသေခံ​သော်လည်း ဝိညာဉ်​တော်​၌​မူကား အသက်ရှင်​စေ​ခြင်း​ကို​ခံ​တော်မူ​လျက်