လုကာ 15:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ထို​သိုး​ကို​တွေ့​လျှင် သူ​သည် ဝမ်းမြောက်​လျက် ၎င်း​ကို မိမိ​ပခုံး​ပေါ်​တင်​၍

Common Language Bible

⁵ ထို​သိုး​ကို​တွေ့​သော​အ​ခါ ရွှင်​လန်း​ဝမ်း​မြောက် စွာ​ဖြင့်​ပ​ခုံး​ထက်​တွင်​တင်​၍​ထမ်း​လာ​လိမ့် မည်။-

Garrad Bible

⁵ တွေ့ သည့် ကာ လ ဝမ်း မြောက် စွာ ထမ်း ခဲ့၍၊

Judson Bible

⁵ တွေ့​ပြီး​လျှင် ဝမ်း​မြောက်​သော​စိတ်​နှင့် ပ​ခုံး​ပေါ်​မှာ တင်​ထမ်း၍၊-

ခေတ်သစ်​မြန်မာ သမ္မာကျမ်း

⁵ ထို​သိုး​ကို တွေ့​သောအခါ ပခုံးပေါ်​တင်​၍ ဝမ်းမြောက်​စွာ အိမ်​သို့ ယူဆောင်လာ​လိမ့်မည်။

မြန်မာ

⁵ တွေ့​ပြီး​လျှင် ဝမ်း​မြောက်​သော​စိတ်​နှင့် ပ​ခုံး​ပေါ်​မှာ တင်​ထမ်း၍၊-

လုကာ 15:5 Referencias Cruzadas

ဟေ​ရှာ​ယ 62:12

သူ​တို့​ကို “​ထာဝရဘုရား​ရွေးနုတ်​တော်မူ​သည့် သန့်ရှင်း​သော​လူမျိုး​”​ဟု ခေါ်​ကြ​လိမ့်မည်​။ သင့်​ကို “​စွန့်ပစ်​မ​ခံရ​ဘဲ ပြန်ရှာ​ထား​သော​မြို့​”​ဟု ခေါ်​ကြ​လိမ့်မည်​။

ဟေ​ရှာ​ယ 62:5

လူပျို​သည် အပျိုကညာ​နှင့်​လက်ထပ်​သကဲ့သို့ သင်​၏​သား​တို့​သည် သင်​နှင့်​လက်ထပ်​လိမ့်မည်​။ သတို့သား​သည် သတို့သမီး​ကြောင့် ဝမ်းမြောက်ပျော်ရွှင်​ရ​သကဲ့သို့ သင်​၏​ဘုရားသခင်​သည် သင့်​ကြောင့် ဝမ်းမြောက်ပျော်ရွှင်​တော်မူ​လိမ့်မည်​။

ဟေ​ရှာ​ယ 63:9

သူ​တို့​ခံရ​သမျှ​သော​ဆင်းရဲဒုက္ခ​ကို ကိုယ်တော်​လည်း ခံ​တော်မူ​ခဲ့​၏​။ မျက်မှောက်​တော်​ရှိ ကောင်းကင်တမန်​သည် သူ​တို့​ကို ကယ်တင်​ခဲ့​၏​။ ကိုယ်တော်​သည် မေတ္တာ​ကရုဏာ​တော်​ဖြင့် သူ​တို့​ကို ရွေးနုတ်​တော်မူ​ခဲ့​၏​။ ရှေး​ကာလ​ပတ်လုံး သူ​တို့​ကို​ချီ​ဆောင်​တော်မူ​ခဲ့​၏​။

ယေ​ဇ​ကျေ​လ 18:23

ဆိုးယုတ်​သော​သူ​သေ​သွား​သည်​ကို ငါ​ဝမ်းသာအားရ​မည်​ဟု သင်​တို့​ထင်​သလော​။ သူ​တို့​လျှောက်​သော​လမ်း​မှ ပြန်လှည့်​၍ အသက်ချမ်းသာ​ရာ​ရ​သည်​ကို ငါ​အလိုရှိ​သည်​မ​ဟုတ်​လော’​ဟု ဘုရားရှင်​ထာဝရဘုရား မိန့်​တော်မူ​၏​။

ယေ​ဇ​ကျေ​လ 33:11

ဘုရားရှင်​ထာဝရဘုရား​က ‘ငါ​အသက်ရှင်​သည်​နှင့်အညီ ဆိုးယုတ်​သော​သူ​တို့ သေ​ရ​မည်​ကို ငါ​အလို​မ​ရှိ​။ သူ​တို့​သည် ဆိုးယုတ်​သော​လမ်း​မှ ပြန်လှည့်​၍ အသက်ချမ်းသာ​ရာ​ရ​သည်​ကို​သာ ငါ​အလိုရှိ​၏​။ ပြန်လှည့်​ကြ​။ ဆိုးယုတ်​သော​လမ်း​မှ ပြန်လှည့်​ကြ​။ အို အစ္စရေး​အမျိုး​တို့​၊ အဘယ်ကြောင့် သင်​တို့​သေ​ရ​မည်နည်း’​ဟု မိန့်​တော်မူ​ကြောင်း သူ​တို့​အား ဆင့်ဆို​လော့​။

မိက္ခာ 5:4

သူ​သည် ထာဝရဘုရား​၏​အစွမ်း​၊ သူ​၏​ဘုရားသခင် ထာဝရဘုရား​၏​နာမ​တန်ခိုး​၌ ရပ်တည်​၍ မိမိ​သိုး​တို့​ကို​ထိန်းကျောင်း​လိမ့်မည်​။ သူ​သည် ယခု​မှစ၍ မြေကြီး​ဆုံး​တိုင်အောင်​ကြီးမြတ်​မည်​ဖြစ်၍ သိုး​တို့​သည်​လည်း လုံခြုံ​စွာ​နေ​ရ​ကြ​လိမ့်မည်​။

မိက္ခာ 7:18

ကိုယ်တော်​နှင့်​တူ​သော​ဘုရား​ရှိ​ပါ​သလော​။ ကိုယ်တော်​သည် အပြစ်​လွှတ်​တော်မူ​သော​ဘုရား​၊ ကြွင်းကျန်​သော​အမွေ​တော်​တို့​ကျူးလွန်​သော​အပြစ်​ကို ခွင့်လွှတ်​တော်မူ​သော​ဘုရား​၊ အမျက်​တော်​ကို​သို​မ​ထား မေတ္တာကရုဏာ​အစဉ်​ပြ​တော်မူ​သော​ဘုရား ဖြစ်​တော်မူ​၏​။

ဇေဖနိ 3:17

သင်​၏​ဘုရားသခင် ထာဝရဘုရား​သည် သင့်​အလယ်​တွင်​ရှိ​၍ အားကြီး​သော​အရှင်​သည် သင့်​ကို ကယ်တင်​လိမ့်မည်​။ ကိုယ်တော်​သည် သင်​နှင့်အတူ ဝမ်းမြောက်​ရွှင်လန်း​လိမ့်မည်​။ ချစ်​သော​စိတ်​ဖြင့် ငြိမ်ဝပ်​စွာ​နေ​လိမ့်မည်​။ သင်​နှင့်အတူ ရွှင်လန်း​စွာ​သီချင်းဆို​လိမ့်မည်”​ဟု ဆို​လိမ့်မည်​။

လုကာ 15:32

သို့သော် သင်​၏​ညီ​သည် သေဆုံး​ခဲ့​သော်လည်း အသက်​ပြန်​ရှင်​ပြီး ပျောက်ဆုံး​ခဲ့​သော်လည်း ပြန်​တွေ့​ရ​သည်​ဖြစ်၍ ယခု​ဝမ်းမြောက်​ပျော်ရွှင်​သင့်​၏’​ဟု ဆို​လေ​၏”​ဟူ၍ မိန့်​တော်မူ​၏။

လုကာ 15:4

“သင်​တို့​ထဲမှ တစ်စုံတစ်ဦး​၌ သိုး​အကောင်​တစ်ရာ​ရှိ​ပြီး ၎င်း​တို့​ထဲမှ တစ်​ကောင်​သည်​ပျောက်ဆုံး​လျှင် သူ​သည် ကိုးဆယ့်ကိုး​ကောင်​ကို တော​ကန္တာရ​၌​ထား​ခဲ့​၍ ပျောက်ဆုံး​သော​သိုး​ကို​မတွေ့မချင်း​လိုက်ရှာ​မည်​မ​ဟုတ်​လော။

လုကာ 15:6

အိမ်​သို့​ပြန်လာ​ပြီးလျှင် မိတ်ဆွေ​များ​နှင့် အိမ်နီးချင်း​များ​ကို​ခေါ်​လျက် ‘ပျောက်ဆုံး​သော​ငါ့​သိုး​ကို ပြန်​တွေ့​ပြီ​ဖြစ်၍ ငါ​နှင့်အတူ​ဝမ်းမြောက်​ကြ​လော့’​ဟု ဆို​လိမ့်မည်။

လုကာ 19:9

ယေရှု​က​လည်း“ယနေ့​ပင် ကယ်တင်​ခြင်း​သည် ဤ​အိမ်​ပေါ်သို့​သက်ရောက်​လေ​ပြီ။ အကြောင်းမူကား သူ​သည်​လည်း အာဗြဟံ​၏​သား​ဖြစ်​၏။

လုကာ 23:43

ကိုယ်တော်​က​လည်း“သင့်​အား ငါ​အမှန်​ဆို​မည်။ သင်​သည် ယနေ့​ပင် ငါ​နှင့်အတူ​ပရဒိသု​ဘုံ​၌​ရှိ​မည်”​ဟု သူ့​အား မိန့်​တော်မူ​၏။

ရှင်ယောဟန် 15:11

သင်​တို့​၌ ငါ​၏​ဝမ်းမြောက်​ခြင်း​တည်​နေ​၍ သင်​တို့​၏​ဝမ်းမြောက်​ခြင်း​သည် ပြည့်ဝ​စုံလင်​မည့်​အကြောင်း ဤ​အရာ​များ​ကို သင်​တို့​အား ငါ​ပြော​၏။

ဧ​ဖက် 2:10

အကြောင်းမူကား ငါ​တို့​သည် ကောင်း​သော​အမှု​များ​ကို​ပြု​ရန် ခရစ်တော်​ယေရှု​၌​ဖန်ဆင်း​ခြင်း​ခံရ​သော ဘုရားသခင်​၏​လက်ရာ​တော်​ဖြစ်​ကြ​၏။ ထို​ကောင်း​သော​အမှု​များ​၌ ငါ​တို့​အသက်ရှင်​လျှောက်လှမ်း​ကြ​ရန် ဘုရားသခင်​သည် ထို​အမှု​များ​ကို ကြိုတင်​ပြင်ဆင်​ထား​တော်မူ​၏။

ဧ​ဖက် 3:7

တန်ခိုး​တော်​၏​လုပ်ဆောင်​မှု​အားဖြင့် ငါ့​အား​ပေးအပ်​ထား​သော ဘုရားသခင်​၏​ကျေးဇူး​တော်​ဆိုင်ရာ​ကောင်းချီး​လက်ဆောင်​နှင့်အညီ ငါ​သည် ထို​ကောင်းမြတ်​သော​သတင်း​နှင့်ဆိုင်သော အမှု​တော်​ဆောင်​ဖြစ်လာ​၏။

၁ သက် 1:5

အကြောင်းမူကား ငါ​တို့​ဟောပြော​သည့် ကောင်းမြတ်​သော​သတင်း​သည် စကား​အားဖြင့်​သာ​မ​ဟုတ်​ဘဲ တန်ခိုး​တော်​အားဖြင့်​လည်းကောင်း၊ သန့်ရှင်း​သော​ဝိညာဉ်​တော်​အားဖြင့်​လည်းကောင်း၊ ပြည့်ဝ​သော​စိတ်ချ​မှု​အားဖြင့်​လည်းကောင်း သင်​တို့​ထံသို့​ရောက်လာ​၏။ ငါ​တို့​သည် သင်​တို့​နှင့်အတူ​ရှိ​စဉ် သင်​တို့​အတွက် မည်ကဲ့သို့သော​သူ​ဖြစ်​ကြ​သည်​ကို သင်​တို့​သိ​ကြ​၏။

၂ တိ 2:26

မာရ်နတ်​က သူ့​အလို​အတိုင်း​ပြု​စေရန် သူ​တို့​ကို​ဖမ်းဆီး​ထား​သော်လည်း သူ​တို့​သည် မာရ်နတ်​၏​ကျော့ကွင်း​မှ လွတ်မြောက်​၍ အမြင်မှန်​ရ​ကောင်း​ရ​ကြ​လိမ့်မည်။

ဟေ​ဗြဲ 12:2

ယုံကြည်​ခြင်း​ကို​အစပြု​ဖြစ်တည်​စေ​၍ စုံလင်​စေ​သည့်​အရှင်​ဖြစ်​တော်မူ​သော​ယေရှု​ကို မျက်မှောက်​ပြု​ကြ​ကုန်စို့။ ကိုယ်တော်​သည် မိမိ​ရှေ့၌​ပြင်ဆင်​ထား​သော​ဝမ်းမြောက်​ခြင်း​ကြောင့် ရှက်ဖွယ်ရာ​များ​ကို​ပင် အမှုမထား​ဘဲ လက်ဝါးကပ်တိုင်​၏​ဒဏ်​ကို​သည်းခံ​ပြီးလျှင် ဘုရားသခင်​၏​ပလ္လင်​တော်​လက်ယာ​ဘက်​၌ ထိုင်​တော်မူ​၏။

၁ ပေ 1:5

သင်​တို့​သည် နောက်ဆုံး​သော​ကာလ​၌​ဖော်ပြ​ရန် အသင့်​ပြင်ဆင်​ထား​သော​ကယ်တင်​ခြင်း​အတွက် ဘုရားသခင်​၏​တန်ခိုး​တော်​၌ ယုံကြည်​ခြင်း​အားဖြင့် စောင့်ရှောက်​ခြင်း​ကို​ခံရ​ကြ​၏။