လုကာ 15:29 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁹ သို့ရာတွင် သူ​သည် ဖခင်​အား ‘အကျွန်ုပ်​သည် နှစ်​ပေါင်း​များစွာ အဖေ့​ကို​အစေခံ​၍ အဖေ​၏​အမိန့်​ကို တစ်ခါမျှ​မ​လွန်ဆန်​ခဲ့​ပါ။ သို့သော် အကျွန်ုပ်​သည် အကျွန်ုပ်​၏​မိတ်ဆွေ​များ​နှင့်အတူ​ပျော်ရွှင်​ရန် အဖေ​သည် အကျွန်ုပ်​အား​ဆိတ်​တစ်​ကောင်​ကို​မျှ​မ​ပေး​ဖူး​ပါ။

Common Language Bible

²⁹ သား​ကြီး​က `ကျွန်​တော်​သည်​နှစ်​ပေါင်း​များ​စွာ အ​ဖ​၏​အ​စေ​ကို​ခံ​ခဲ့​ပါ​၏။ အ​ဖ​၏​အ​မိန့်​ကို အ​ဘယ်​အ​ခါ​က​မျှ​မ​လွန်​ဆန်​ခဲ့​ဘူး​ပါ။ သို့ ရာ​တွင်​သူ​ငယ်​ချင်း​များ​နှင့်​အ​တူ​ကျွန်​တော် ပျော်​ပွဲ​စား​ရန် အ​ဖ​သည်​အ​ဘယ်​အ​ခါ​က​မျှ ဆိတ်​က​လေး​တစ်​ကောင်​ကို​မျှ​မ​ပေး​ခဲ့​ပါ။-

Garrad Bible

²⁹ ကျွန် တော် သည် အ မိန့် တစ် ခွန်း ကို မှ မ ဖီ ဆန် ဘဲ နှစ် လ များ စွာ အ ဘ ဝတ် ကို ဆောင် ရွက် ပါ လျက် အ ပေါင်း အ ဖော် တို့ နှင့် ပျော် ပွဲ လုပ် ရန် ဆိတ် ငယ် တစ် ကောင် ကို မျှ ကျွန် တော် အား မ ပေး ဘူး ပါ။

Judson Bible

²⁹ သား​အ​ကြီး​က​လည်း၊ အ​ကျွန်ုပ်​သည် ကာ​လ​တာ​ရှည်​စွာ အ​ဘ၏​အ​စေ​ကို ခံ​ပါ​ပြီ။ အ​ဘ၏​အ​လို​ကို တစ်​ခါ​မျှ မ​လွန်​ကျူး​ပါ။ သို့​သော်​လည်း အ​ကျွန်ုပ်​သည် အ​ဆွေ​တို့​နှင့်​အ​တူ​ပျော်​မွေ့​ခြင်း​ကို ပြု​စေ​ခြင်း​ငှာ၊ အ​ဘ​သည် ဆိတ်​က​လေး​တစ်​ကောင်​ကို တစ်​ခါ​မျှ မ​ပေး။-

ခေတ်သစ်​မြန်မာ သမ္မာကျမ်း

²⁹ သို့သော် သူ​သည် ဖခင်​အား ‘ကျွန်ုပ်​သည် နှစ်ပေါင်းများစွာ အဖေ့​အတွက် အလုပ်များ လုပ်ပေးခဲ့ပြီး အဖေ့​စကား တစ်ခွန်း​ကို​မျှ မငြင်းခဲ့ပါ။ သို့သော်လည်း မိတ်ဆွေများ​နှင့်အတူ ပျော်ပွဲရွှင်ပွဲ​ကျင်းပ​ရန် အဖေ​သည် ကျွန်ုပ်​အား ဆိတ်ငယ်ကလေး​တစ်ကောင်​ကိုမျှ မပေးခဲ့ဖူးပါ။

မြန်မာ

²⁹ သား​အ​ကြီး​က​လည်း၊ အ​ကျွန်ုပ်​သည် ကာ​လ​တာ​ရှည်​စွာ အ​ဘ၏​အ​စေ​ကို ခံ​ပါ​ပြီ။ အ​ဘ၏​အ​လို​ကို တစ်​ခါ​မျှ မ​လွန်​ကျူး​ပါ။ သို့​သော်​လည်း အ​ကျွန်ုပ်​သည် အ​ဆွေ​တို့​နှင့်​အ​တူ​ပျော်​မွေ့​ခြင်း​ကို ပြု​စေ​ခြင်း​ငှာ၊ အ​ဘ​သည် ဆိတ်​က​လေး​တစ်​ကောင်​ကို တစ်​ခါ​မျှ မ​ပေး။-

လုကာ 15:29 Referencias Cruzadas

ဟေ​ရှာ​ယ 65:5

သူ​တို့​က ‘​တသီးတခြား​နေ​လော့​။ ငါ​သည် သင့်​ထက်​သန့်ရှင်း​၏​။ ငါ့​အနီး​သို့​မ​လာ​နှင့်​’​ဟု ပြောဆို​ကြ​၏​။ ဤ​သူ​တို့​သည် ငါ့​နှာခေါင်း​ထဲမှ မီးခိုး​၊ တစ်နေ့လုံး​တောက်လောင်​နေ​သော​မီး​နှင့်​တူ​၏​။

ဇာ​ခ​ရိ 7:3

ကောင်းကင်​ဗိုလ်ခြေ​အရှင်​ထာဝရဘုရား​၏​အိမ်​တော်​ရှိ ယဇ်ပုရောဟိတ်​နှင့် ပရောဖက်​တို့​အား “​အကျွန်ုပ်​သည် နှစ်ပေါင်း​များစွာ​ကပင် ပဉ္စမ​လ​တွင် အစာရှောင်​ငိုကြွေး​ခဲ့​သည့်​အတိုင်း ယခု​လည်း​ပြု​ရ​မည်လော​”​ဟု မေးလျှောက်​စေရန် စေလွှတ်​၏​။

မာ​လ​ခိ 3:14

သင်​တို့​က “ဘုရားသခင်​၏​အမှု​တော်​ကို ထမ်းဆောင်​ခြင်း​သည် အကျိုးမရှိ​။ ကောင်းကင်​ဗိုလ်ခြေ​အရှင် ထာဝရဘုရား​၏​ညွှန်ကြားချက်​အတိုင်း​လိုက်နာ​၍ ရှေ့​တော်​၌ ညှိုးငယ်​စွာ​အသက်ရှင်​လျှောက်လှမ်း​ခြင်း​သည် မည်သည့်​အကျိုး​ရှိ​သနည်း​။

မဿဲ 20:12

‘နောက်ဆုံး​လာ​သော​ဤ​သူ​တို့​သည် တစ်​နာရီ​မျှသာ​အလုပ်​လုပ်​ခဲ့​ကြ​သော်လည်း အရှင်​သည်​သူ​တို့​ကို တစ်နေကုန်​နေပူ​ထဲတွင်​အပင်ပန်း​ခံရ​သည့်​အကျွန်ုပ်​တို့​နှင့်​တန်းတူ ဖြစ်​စေ​ပါ​သည်​တကား’​ဟု ခြံ​ပိုင်ရှင်​အား မကျေမနပ်​ပြောဆို​ကြ​၏။

လုကာ 15:28

ထိုအခါ သား​ကြီး​သည် အမျက်ထွက်​၍ အထဲသို့​မ​ဝင်​လို​သောကြောင့် သူ​၏​ဖခင်​သည် အပြင်​သို့​ထွက်လာ​၍ သူ့​ကို​ဖျောင်းဖျ​လေ​၏။

လုကာ 15:30

သို့ရာတွင် အဖေ​၏​ဥစ္စာ​ပစ္စည်း​များ​ကို ပြည့်တန်ဆာ​များ​နှင့်​ဖြုန်းတီး​ခဲ့​သည့် အဖေ​၏​ဤ​သား​ပြန်လာ​သောအခါ​၌​မူ သူ့​အတွက် ဆူဖြိုး​သော​နွားသငယ်​ကို သတ်​ပေး​သည်​တကား’​ဟု ဆို​၏။

လုကာ 15:7

ထိုနည်းတူ နောင်တရ​စရာ​မ​လို​သည့် ဖြောင့်မတ်​သော​သူ​ကိုးဆယ့်ကိုး​ဦး​အတွက်​ထက် နောင်တရ​သည့်​အပြစ်သား​တစ်​ဦး​အတွက် ကောင်းကင်​ဘုံ​၌ ပို၍​ကြီးမား​သော​ဝမ်းမြောက်​ခြင်း​ရှိ​လိမ့်မည်​ဟု သင်​တို့​အား​ငါ​ဆို​၏။

လုကာ 17:10

ထိုနည်းတူ သင်​တို့​သည်​လည်း သင်​တို့​အား​စေခိုင်း​သည့်​အရာ​အားလုံး​ကို ဆောင်ရွက်​ပြီး​သောအခါ ‘အကျွန်ုပ်​တို့​သည် အကျိုးမပြု​သော​အစေအပါး​များ​ဖြစ်​ကြ​ပါ​၏။ ဆောင်ရွက်​ရ​မည့်​အမှု​ကို ဆောင်ရွက်​ခဲ့​ခြင်း​သာ​ဖြစ်​ပါ​၏’​ဟု ဆို​ကြ​လော့”​ဟူ၍ မိန့်​တော်မူ​၏။

လုကာ 18:9

မိမိကိုယ်ကို​ဖြောင့်မတ်​သည်​ဟု​ယုံမှတ်​လျက် သူတစ်ပါး​တို့​ကို မထီမဲ့မြင်​ပြု​တတ်​သော​သူ​အချို့​တို့​အား ကိုယ်တော်​သည် ဤ​ပုံ​ဥပမာ​ကို​ပေး၍​မြွက်ဆို​တော်မူ​သည်​မှာ

လုကာ 19:21

သခင်​သည် စည်းကမ်းကြီး​၍​တိကျ​သော​သူ​ဖြစ်​ပြီး မိမိ​မ​ထည့်သွင်း​ထား​သော​အရာ​ကို​ထုတ်ယူ​လျက် မိမိ​မ​စိုက်ပျိုး​သည့်​အရာ​ကို ရိတ်သိမ်း​တတ်​သောကြောင့် အကျွန်ုပ်​ကြောက်​ပါ​သည်’​ဟု လျှောက်​လေ​၏။

ရော​မ 10:3

အကြောင်းမှာ သူ​တို့​သည် ဘုရားသခင်​၏​ဖြောင့်မတ်​ခြင်း​ကို​မ​သိ​ဘဲ မိမိ​၏​ဖြောင့်မတ်​ခြင်း​ကို​တည်​စေရန် ရှာကြံ​လျက် ဘုရားသခင်​၏​ဖြောင့်မတ်​ခြင်း​ကို မ​နာခံ​သောကြောင့်​ဖြစ်​၏။

ရော​မ 3:20

သို့ဖြစ်၍ ပညတ်​တရား​နှင့်ဆိုင်သော​အကျင့်​အားဖြင့် မည်သူမျှ ဘုရားသခင်​ရှေ့​တော်​၌ ဖြောင့်မတ်​သည်​ဟု​အသိအမှတ်ပြု​ခြင်း​ခံရ​မည်​မ​ဟုတ်။ အကြောင်းမူကား ပညတ်​တရား​အားဖြင့် အပြစ်​အကြောင်း​ကို​သိရှိ​ရုံ​မျှသာ​ဖြစ်​၏။

ရော​မ 3:27

သို့ဖြစ်လျှင် ဝါကြွား​စရာ​အဘယ်မှာ​ရှိ​သနည်း။ ၎င်း​သည် ဖယ်ရှား​ခြင်း​ခံရ​လေ​ပြီ။ မည်သည့်​တရား​အားဖြင့် ဖယ်ရှား​သနည်း။ အကျင့်​တရား​အားဖြင့်​လော။ မ​ဟုတ်​ပေ။ ယုံကြည်​ခြင်း​တရား​အားဖြင့် ဖယ်ရှား​၏။

ရော​မ 7:9

ငါ​သည် တစ်ချိန်က ပညတ်​တရား​မ​ပါ​ဘဲ အသက်ရှင်​ခဲ့​၏။ သို့သော် ပညတ်​တော်​ရောက်လာ​သောအခါ အပြစ်​သည် ပြန်လည်​ရှင်သန်​လာ​ပြီး ငါ​မူကား သေဆုံး​ခဲ့​သဖြင့်

ဗျာ​ဒိတ် 2:17

ဝိညာဉ်​တော်​က အသင်းတော်​များ​အား မိန့်​တော်မူ​သော​အရာ​ကို နား​ရှိ​သော​သူ​သည် ကြား​ပါစေ။ အောင်မြင်​သော​သူ​အား ဝှက်​ထား​သော​မန္န​ကို ငါ​ပေး​မည်။ ဖြူ​သော​ကျောက်​ကို​လည်း ငါ​ပေး​မည်။ ထို​ကျောက်​ပေါ်၌ ၎င်း​ကို​ခံယူ​ရရှိ​သူ​မှတစ်ပါး မည်သူမျှ​မ​သိ​သော နာမည်​အသစ်​ကို​ရေး​ထား​၏။

ဗျာ​ဒိတ် 3:17

သင်​က ‘ငါ​သည် ချမ်းသာ​၍​ကြွယ်ဝ​သောကြောင့် မည်သည့်​လိုအပ်​ချက်​မျှ​မ​ရှိ’ဟု ဆို​နေ​၏။ သို့သော် သင်​သည် အလွန်​စိတ်ပျက်​ဖွယ်​ကောင်း​သော​သူ၊ သနား​စရာ​ကောင်း​သော​သူ၊ ဆင်းရဲ​သော​သူ၊ မျက်စိ​မ​မြင်​သော​သူ​နှင့် အဝတ်မပါ​အချည်းစည်း​ဖြစ်​သော​သူ​ဖြစ်​ကြောင်း​ကို သင်​မ​သိ။