ရှင်ယောဟန် 20:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ ယေရှု​က​လည်း“အသင်​မိန်းမ၊ အဘယ်ကြောင့်​ငိုကြွေး​နေ​သနည်း။ မည်သူ့​ကို​ရှာ​နေ​သနည်း”​ဟု မေး​တော်မူ​၏။ မာရိ​သည် ကိုယ်တော်​ကို ဥယျာဉ်စောင့်​ဖြစ်​သည်​ဟု​ထင်မှတ်​၍ “အရှင်၊ အရှင်​သည် သူ့​ကို​ယူ​သွား​ခဲ့​လျှင် အဘယ်မှာ​ထား​သည်​ကို ကျွန်မ​အား​ပြော​ပါ။ သူ့​ကို​ကျွန်မ​ယူ​သွား​ပါ​မည်”​ဟု ဆို​လေ​၏။

Common Language Bible

¹⁵ သ​ခင်​ယေ​ရှု​က ``အ​ချင်း​အ​မျိုး​သ​မီး၊ အ​ဘယ်​ကြောင့်​ငို​ကြွေး​သ​နည်း။ သင်​မည် သူ့​ကို​ရှာ​သ​နည်း'' ဟု​မေး​တော်​မူ​၏။ ထို​အ​ခါ​မာ​ရိ​သည်​ကိုယ်​တော်​ကို​ဥ​ယျာဉ်​စောင့် ဟု​ထင်​မှတ်​ကာ ``ဆ​ရာ၊ ကိုယ်​တော်​၏​အ​လောင်း တော်​ကို​ရှင်​ယူ​ဆောင်​သွား​ခဲ့​ပါ​လျှင်​အ​ဘယ် အ​ရပ်​တွင်​ထား​သည်​ကို​ကျွန်​မ​အား​ပြော​ပြ​ပါ။ ကျွန်​မ​သွား​၍​ယူ​ပါ​မည်'' ဟု​ဆို​၏။

Garrad Bible

¹⁵ ယေရှုကလည်း အချင်းမိန်းမ၊ အဘယ်ကြောင့်ငိုကြွေးသနည်း။ မည်သူ့ကိုရှာသနည်းဟုမေးတော်မူသည့်ကာလ ဥယျာဉ်စောင့်ထင်မှတ်၍ မာရိက အလောင်းတော်ကိုရှင်ရွှေ့လျှင် အဘယ်မှာထားသည်ကိုပြောပါ၊ ကျွန်မယူသွားပါမည်ဟုပြန်ဆိုရာ၊

Judson Bible

¹⁵ ယေ​ရှု​က​လည်း၊ အ​ချင်း​မိန်း​မ၊ အ​ဘယ်​ကြောင့် ငို​ကြွေး​သ​နည်း။ အ​ဘယ်​သူ​ကို ရှာ​သ​နည်း​ဟု မေး​တော်​မူ၏။ မာ​ရိ​က၊ သင်​သည်​သူ့​ကို ဆောင်​သွား​သည်​မှန်​လျှင် အ​ဘယ်​မှာ​ထား​သည်​ကို ကျွန်​မ​အား​ပြော​ပါ။ ကျွန်​မ ယူ​သွား​ပါ​မည်​အ​ရှင်​ဟု၊ ထို​သူ​ကို ဥ​ယျာဉ်​စောင့်​ဖြစ်​သည်​ဟု ထင်​မှတ်​လျက်​ဆို၏။-

ခေတ်သစ်​မြန်မာ သမ္မာကျမ်း

¹⁵ ယေရှု​က “အို နှမငယ်… အဘယ်ကြောင့် ငိုကြွေး​သနည်း။ မည်သူ့​ကို ရှာသနည်း” ဟု မာရိ​ကို မေးတော်မူ၏။ မာရိ​သည် ယေရှု​ကို ဥယျာဉ်စောင့်​ဟု ထင်မှတ်​၍ “အရှင်… ကိုယ်တော်​သည် သူ့​ကို သယ်ယူသွားခဲ့​လျှင် မည်သည့်​နေရာ​၌ ထားသည်​ကို ကျွန်မ​ကို ပြောပါ။ ကျွန်မ သွား​၍ ယူပါမည်” ဟု ဆို၏။

မြန်မာ

¹⁵ ယေ​ရှု​က​လည်း၊ အ​ချင်း​မိန်း​မ၊ အ​ဘယ်​ကြောင့် ငို​ကြွေး​သ​နည်း။ အ​ဘယ်​သူ​ကို ရှာ​သ​နည်း​ဟု မေး​တော်​မူ၏။ မာ​ရိ​က၊ သင်​သည်​သူ့​ကို ဆောင်​သွား​သည်​မှန်​လျှင် အ​ဘယ်​မှာ​ထား​သည်​ကို ကျွန်​မ​အား​ပြော​ပါ။ ကျွန်​မ ယူ​သွား​ပါ​မည်​အ​ရှင်​ဟု၊ ထို​သူ​ကို ဥ​ယျာဉ်​စောင့်​ဖြစ်​သည်​ဟု ထင်​မှတ်​လျက်​ဆို၏။-

ရှင်ယောဟန် 20:15 Referencias Cruzadas

ရှောလမုန်သီချင်း။ 3:2

‘ငါ​ထ​ပြီး မြို့​ထဲ​သွား​မည်​။ လမ်း​တကာ​၊ လမ်းဆုံလမ်းခွ​တို့​တွင် ငါ​ချစ်မြတ်နိုး​သော​အရှင်​ကို ရှာ​ပါ​မည်’​ဟု ဆို​ပြီး ရှာ​သော်လည်း မ​တွေ့​ပါ​။

ရှောလမုန်သီချင်း။ 6:1

“မိန်းမ​တကာ​တို့​ထက်​အဆင်းလှ​သူ​၊ သင့်​ချစ်သူ အဘယ်​အရပ်​သို့ ထွက်သွား​သနည်း​။ သင်​နှင့်အတူ​လိုက်ရှာ​ရ​အောင် သင့်​ချစ်သူ အဘယ်​အရပ်​သို့ သွား​သနည်း​။”

မဿဲ 12:34

မြွေဆိုး​အမျိုး​တို့၊ သင်​တို့​သည် မကောင်း​သော​သူ​များ​ဖြစ်​ကြ​လျက် ကောင်း​သော​အရာ​ကို မည်သို့​ပြောဆို​နိုင်​မည်နည်း။ အကြောင်းမူကား စိတ်နှလုံး​၌​ပြည့်လျှံ​နေ​သည့်​အရာ​ကို နှုတ်​က​ပြောဆို​တတ်​၏။

မဿဲ 28:5

ထိုအခါ ကောင်းကင်တမန်​က အမျိုးသမီး​တို့​အား “ကြောက်ရွံ့​ခြင်း​မ​ရှိ​ကြ​နှင့်။ သင်​တို့​သည် လက်ဝါးကပ်တိုင်​ပေါ်​၌​တင်​ခြင်း​ခံရ​သော​ယေရှု​ကို ရှာ​နေ​ကြ​သည်​ကို ငါ​သိ​၏။

ရှင်မာကု 16:6

သို့သော် ထို​သူ​က “ထိတ်လန့်​အံ့ဩ​ခြင်း​မ​ရှိ​ကြ​နှင့်။ သင်​တို့​သည် လက်ဝါးကပ်တိုင်​ပေါ်၌​တင်​ခြင်း​ခံရ​သော နာဇရက်​မြို့သား​ယေရှု​ကို​ရှာ​ကြ​၏။ ကိုယ်တော်​သည်​ထမြောက်​တော်မူ​ပြီ။ ဤ​နေရာ​၌​မ​ရှိ။ အလောင်း​တော်​သွင်းထား​သည့်​နေရာ​ကို​ကြည့်​ကြ​လော့။

လုကာ 2:44

ခရီးသွားဖော်​များ​ကြား​တွင် သူ​ရှိ​နေ​မည်​ဟု​ထင်မှတ်​လျက် တစ်နေ့တာ​ခရီး​ပြု​ကြ​၏။ ထို့နောက် အဆွေအမျိုး​အသိအကျွမ်း​တို့​ကြား​တွင် လိုက်ရှာ​သော်လည်း

လုကာ 24:5

အမျိုးသမီး​တို့​သည် ကြောက်လန့်​၍ ခေါင်း​ကို အောက်​သို့​ငုံ့​လျက်​နေ​ကြ​ရာ ထို​သူ​တို့​က “သင်​တို့​သည် သေ​သော​သူ​တို့​တွင် အသက်ရှင်​သော​သူ​ကို အဘယ်ကြောင့်​ရှာ​ကြ​သနည်း။

ရှင်ယောဟန် 1:38

ယေရှု​သည်​လှည့်​၍ ထို​သူ​တို့​လိုက်​လာ​ကြ​သည်​ကို​မြင်​လျှင်“မည်သည့်​အရာ​ကို​အလိုရှိ​ကြ​သနည်း”​ဟု မေး​တော်မူ​၏။ ထို​သူ​တို့​က​လည်း “ရဗ္ဗိ၊ ကိုယ်တော်​အဘယ်မှာ​နေ​တော်မူ​သနည်း”​ဟု မေးလျှောက်​ကြ​၏။ (ရဗ္ဗိ​၏​အဓိပ္ပာယ်​မှာ ဆရာ​ဟူ၍​ဖြစ်​၏။)

ရှင်ယောဟန် 18:4

ယေရှု​သည် မိမိ​၌​ဖြစ်လာ​မည့်​အရာ​အလုံးစုံ​တို့​ကို သိ​နှင့်​တော်မူ​သောကြောင့် ထွက်လာ​၍“မည်သူ့​ကို​ရှာ​ကြ​သနည်း”​ဟု မေး​တော်မူ​လျှင်

ရှင်ယောဟန် 18:7

ထို့ကြောင့် ကိုယ်တော်​သည် နောက်တစ်ဖန် သူ​တို့​အား“မည်သူ့​ကို​ရှာ​ကြ​သနည်း”​ဟု မေး​တော်မူ​လျှင် သူ​တို့​က “နာဇရက်​မြို့သား​ယေရှု​ကို​ရှာ​သည်”​ဟု ဆို​ကြ​၏။

ရှင်ယောဟန် 20:13

ထို​ကောင်းကင်တမန်​တို့​က “အသင်​မိန်းမ၊ အဘယ်ကြောင့်​ငိုကြွေး​နေ​သနည်း”​ဟု မေး​ကြ​လျှင် မာရိ​က “ကျွန်မ​၏​သခင်​ဘုရား​ကို သူ​တို့​ယူ​သွား​ကြ​ပြီ။ အဘယ်မှာ​ထား​ကြ​သည်​ကို​မ​သိ​ပါ”​ဟု ဆို​၏။

၁ ရာ 1:16

သခင့်​ကျွန်မ​ကို ဆိုးညစ်​သော​မိန်းမ​ဟု မ​ထင်​ပါ​နှင့်​။ အကျွန်ုပ်​၌ ပူဆွေး​ဝမ်းနည်းမှု များလွန်း​သဖြင့် အဆက်မပြတ်​ဆုတောင်း​နေ​ခြင်း​သာ ဖြစ်​ပါ​၏​”​ဟု ပြန်ပြော​သော်