ရှင်မာကု 7:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ ထို့နောက် ကိုယ်တော်​သည် ထို​အရပ်​မှ​ထ​၍ တိုင်ရာ​မြို့​နှင့်ဆိုင်သော​အရပ်​ဒေသ​သို့ ကြွ​တော်မူ​ပြီးလျှင် အိမ်​တစ်​အိမ်​သို့​ဝင်​တော်မူ​၏။ မည်သူ​မျှ​မ​သိ​စေရန် အလို​တော်​ရှိ​သော်လည်း ပုန်းရှောင်​၍​မ​နေ​နိုင်​ပေ။

Common Language Bible

²⁴ ကိုယ်​တော်​သည်​ထို​အ​ရပ်​မှ​ထွက်​ခွာ​တော်​မူ​၍ တု​ရု​နယ်​သို့​ကြွ​တော်​မူ​၏။ ရောက်​လျှင်​အိမ်​တစ် အိမ်​တွင်​တည်း​ခို​တော်​မူ​၏။ ကိုယ်​တော်​ရောက်​ရှိ တော်​မူ​ကြောင်း​မည်​သူ​ကို​မျှ​သိ​စေ​တော်​မ​မူ လို။ သို့​ရာ​တွင်​ပုန်း​ကွယ်​၍​နေ​တော်​မ​မူ​နိုင်။-

Garrad Bible

²⁴ ထို အ ရပ် မှ ထွက်၍ တု ရု နှင့် ဇိ ဒုန် နယ် များ သို့ ကြွ ပြီး လျှင် အိမ် တစ် အိမ် တွင် ဝင် နေ ရာ မည် သူ မျှ သိ စေ တော် မ မူ လို သော် လည်း မ လျှို့ မ ဝှက် နိုင်။

Judson Bible

²⁴ ကိုယ်​တော်​သည် ထို​အ​ရပ်​မှ​ထ၍ တု​ရု​မြို့​နှင့် ဇိ​ဒုန်​မြို့၏ ကျေး​လက်​သို့ ကြွ​တော်​မူ​ပြီး​လျှင် အိမ်​သို့​ဝင်၍ အ​ဘယ်​သူ​မျှ မ​သိ​စေ​ခြင်း​ငှာ အ​လို​တော်​ရှိ​သော်​လည်း ပုန်း​ရှောင်၍ နေ​တော်​မ​မူ​နိုင်။-

ခေတ်သစ်​မြန်မာ သမ္မာကျမ်း

²⁴ ထို့နောက် ယေရှု​သည် ဂါလိလဲပြည်​မှ ထွက်ခွာတော်မူ​၍ တိုင်ရာမြို့​၏ အရပ်ဒေသ​သို့ ကြွတော်မူ​ကာ အိမ်​တစ်အိမ်​သို့ ဝင်တော်မူ၏။ ထို​အိမ်​၌ တည်းခိုနေတော်မူကြောင်း မည်သူ့​ကိုမျှ သိစေလိုတော်​မမူပေ။ သို့သော်လည်း ပုန်းရှောင်တော်မူ​၍ မရပေ။

မြန်မာ

²⁴ ကိုယ်​တော်​သည် ထို​အ​ရပ်​မှ​ထ၍ တု​ရု​မြို့​နှင့် ဇိ​ဒုန်​မြို့၏ ကျေး​လက်​သို့ ကြွ​တော်​မူ​ပြီး​လျှင် အိမ်​သို့​ဝင်၍ အ​ဘယ်​သူ​မျှ မ​သိ​စေ​ခြင်း​ငှာ အ​လို​တော်​ရှိ​သော်​လည်း ပုန်း​ရှောင်၍ နေ​တော်​မ​မူ​နိုင်။-

ရှင်မာကု 7:24 Referencias Cruzadas

ကမ္ဘာ​ဦး 10:15

ခါနာန်​မှ မွေးဖွား​လာ​သူ​များ​မှာ သားဦး ဆီဒုန်​၊ ထို့နောက် ဟေသ​၊

ကမ္ဘာ​ဦး 10:19

ခါနာန်​လူမျိုး​တို့​၏​နယ်မြေ​အပိုင်းအခြား​မှာ ဆီဒုန်​မြို့​မှသည် ဂေရာ​မြို့​ကို​ဖြတ်သွား​၍ ဂါဇ​မြို့​တိုင်အောင်​ရောက်​၏​။ တစ်ဖန် သောဒုံ​မြို့​၊ ဂေါမောရ​မြို့​၊ အာဒမာ​မြို့​၊ ဇေဘိုင်​မြို့​တို့​ကို​ဖြတ်သွား​၍ လာရှ​မြို့​တိုင်အောင်​ရောက်​လေ​၏​။

ကမ္ဘာ​ဦး 49:13

ဇာဗုလုန်​သည် ပင်လယ်​ကမ်းခြေ​၌​နေထိုင်​၍ သူ​သည် သင်္ဘောဆိပ်​ဖြစ်​လိမ့်မည်​။ သူ​၏​နယ်​သည် ဆီဒုန်​မြို့​တိုင်အောင်​ရောက်​လိမ့်မည်​။

ဟေ​ရှာ​ယ 23:12

ကိုယ်တော်​က “​နှိပ်စက်​ခြင်း​ခံရ​သော​ဆီဒုန်​သမီး​ပျို​၊ သင်​သည် နောက်တစ်ဖန် ရွှင်မြူး​ရ​တော့​မည်​မ​ဟုတ်​။ ထ​၍ ဆိုက်ပရပ်​ပြည်​သို့ ကူးသွား​လော့​။ ထို​အရပ်​၌​လည်း သင့်​အတွက်​ငြိမ်းချမ်း​ခြင်း​ရှိ​မည်​မ​ဟုတ်​”​ဟု မိန့်​တော်မူ​၏​။

ဟေ​ရှာ​ယ 42:2

သူ​သည် အော်ဟစ်​မည်​မ​ဟုတ်​။ ကြွေးကြော်​မည်​မ​ဟုတ်​။ လမ်း​ပေါ်မှာ သူ့​အသံ​ကို ကြား​ရ​မည်​မ​ဟုတ်​။

ယေ​ဇ​ကျေ​လ 28:2

“​အချင်း​လူသား​၊ တိုင်ရာ​မင်းကြီး​အား ဤသို့​ဆင့်ဆို​လော့​။ ဘုရားရှင်​ထာဝရဘုရား​က ‘သင်​သည် ဘဝင်မြင့်​၍ ငါ​သည် ဘုရား​ဖြစ်​၏​။ သမုဒ္ဒရာ​အလယ် ဘုရား​တို့​၏​ပလ္လင်​တော်​၌ စံမြန်း​၏​ဟု သင်​ဆို​၏​။ သင်​သည် ဘုရား​မ​ဟုတ် လူသား​ဖြစ်​လျက်​နှင့် သင့်​စိတ်​ထဲ​တွင် သင့်ကိုယ်သင် ဘုရား​ဟု​ထင်မှတ်​၏​။

မဿဲ 11:21

“ခေါရာဇိန်​မြို့၊ သင်​သည် အမင်္ဂလာရှိ​၏။ ဗက်ဇဲဒ​မြို့၊ သင်​သည် အမင်္ဂလာရှိ​၏။ အကြောင်းမူကား သင်​တို့​၌​ပြု​ခဲ့​သော​တန်ခိုး​လက္ခဏာ​များ​ကို တိုင်ရာ​မြို့​နှင့်​ဆီဒုန်​မြို့​တို့​၌​ပြု​ခဲ့​လျှင် သူ​တို့​သည် ရှေးယခင်​က​ပင် လျှော်တေ​အဝတ်​ကို​ဝတ်​လျက် ပြာ​နှင့်​လူး​ကာ နောင်တရ​ခဲ့​ကြ​ပေ​လိမ့်မည်။

မဿဲ 9:28

အိမ်​ထဲသို့ ဝင်​တော်မူ​သောအခါ ထို​မျက်မမြင်​တို့​သည် အထံ​တော်​သို့​ချဉ်းကပ်​လာ​ကြ​၏။ ယေရှု​က​လည်း“ဤ​အရာ​ကို ငါ​လုပ်​နိုင်​သည်​ဟု သင်​တို့​ယုံကြည်​ကြ​သလော”​ဟု မေး​တော်မူ​လျှင် သူ​တို့​က “ယုံကြည်​ပါ​၏ သခင်​ဘုရား”​ဟု ပြန်​လျှောက်​ကြ​၏။

ရှင်မာကု 2:1

ရက်​အနည်းငယ်​ကြာ​ပြီးနောက် ကိုယ်တော်​သည် ကပေရနောင်​မြို့​ထဲသို့ တစ်ဖန်​ဝင်​တော်မူ​၏။ အိမ်​၌ ကိုယ်တော်​ရှိ​တော်မူ​သည်​ကို​ကြား​၍

ရှင်မာကု 7:23

ဤ​ဆိုးညစ်​သော​အရာ​အားလုံး​တို့​သည် အတွင်း​မှ​ထွက်လာ​၍ လူ​ကို​ညစ်ညူး​စေ​၏”​ဟု မိန့်​တော်မူ​၏။

ရှင်မာကု 7:25

ညစ်ညူး​သော​နတ်​ပူး​နေ​သည့် သမီး​ငယ်​တစ်ယောက်​၏​မိခင်​သည် ကိုယ်တော်​၏​အကြောင်း​ကို​ကြား​လျှင် ချက်ချင်း​လာ​၍ ခြေ​တော်​ရင်း​၌​ပျပ်ဝပ်​လျက်

ရှင်မာကု 7:31

ထို့နောက် ကိုယ်တော်​သည် တိုင်ရာ​မြို့​နှင့်ဆိုင်သော​အရပ်​ဒေသ​မှ တစ်ဖန်​ထွက်ခွာ​လျက် ဆီဒုန်​မြို့​ကို​ဖြတ်​ကာ ဒေကာပေါလိ​နယ်​နှင့်ဆိုင်သော​အရပ်​ဒေသ​အလယ်ပိုင်း​မှတစ်ဆင့် ဂါလိလဲ​ပင်လယ်​သို့​ကြွ​တော်မူ​၏။

၁ တိ 5:25

ထိုနည်းတူ ကောင်း​သော​အမှု​များ​သည်​လည်း သိသာ​ထင်ရှား​တတ်​၏။ ထိုသို့​မ​ထင်ရှား​ခဲ့​လျှင်​ပင် ဖုံးကွယ်​ထား​၍​မ​ရ​နိုင်​ပေ။