ရှင်မာကု 15:34 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁴ မွန်းလွဲ​သုံး​နာရီ​အချိန်​တွင် ယေရှု​သည် ကျယ်လောင်​သော​အသံ​ဖြင့်“ဧလိ၊ ဧလိ၊ လာမာ ရှာဗခသာနိ”​ဟု အော်ဟစ်​တော်မူ​၏။ ၎င်း​၏​အဓိပ္ပာယ်​မှာ“အကျွန်ုပ်​၏​ဘုရား၊ အကျွန်ုပ်​၏​ဘုရား၊ အကျွန်ုပ်​ကို အဘယ်ကြောင့်​စွန့်ပစ်​တော်မူ​သနည်း”​ဟူ၍​ဖြစ်​၏။

Common Language Bible

³⁴ မွန်း​လွဲ​သုံး​နာ​ရီ​ချိန်​၌​သ​ခင်​ယေ​ရှု​သည် ``ဧ​လိ၊ ဧ​လိ၊ လာ​မ​ရှာ​ဗ​ခ​သာ​နိ'' ဟု​ကျယ်​စွာ​ကြွေး ကြော်​တော်​မူ​၏။ ဆို​လို​သည့်​အ​နက်​ကား ``အ​ကျွန်ုပ် ဘု​ရား၊ အ​ကျွန်ုပ်​ဘု​ရား၊ အ​ဘယ်​ကြောင့်​အ​ကျွန်ုပ် ကို​စွန့်​ပစ်​တော်​မူ​သ​နည်း'' ဟူ​၏။

Garrad Bible

³⁴ မွန်း လွဲ သုံး နာ ရီ အ ချိန် တွင် ယေ ရှု က အ ကျွန်ုပ် ဘု ရား သ ခင်၊ အ ကျွန်ုပ် ဘု ရား သ ခင် အ ကျွန်ုပ် ကို အ ဘယ် ကြောင့် စွန့် ထား တော် မူ ပါ သ နည်း ဟု ဆို လို သော ဧ လော အိ၊ ဧ လော အိ၊ လာ မာ ရှ ဗတ် ခ သာ နိ ဟူ၍ ကျယ် သော အ သံ နှင့် ဟစ် တော် မူ ရာ၊

Judson Bible

³⁴ သုံး​ချက်​တီး​အ​ချိန်၌ ယေ​ရှု​က၊ ဧ​လိ၊ ဧ​လိ၊ လာ​မ​ရှာ​ဗ​ခ​သာ​နိ​ဟု ကြီး​သော​အ​သံ​နှင့် ကြွေး​ကြော်​တော်​မူ၏။ အ​နက်​ကား၊ အ​ကျွန်ုပ်​ဘု​ရား၊ အ​ကျွန်ုပ်​ဘု​ရား၊ အ​ဘယ်​ကြောင့် အ​ကျွန်ုပ်​ကို စွန့်​ပစ်​တော်​မူ​သ​နည်း​ဟု ဆို​လို​သ​တည်း။-

ခေတ်သစ်​မြန်မာ သမ္မာကျမ်း

³⁴ မွန်းလွဲ​သုံးနာရီ​အချိန်ခန့်​တွင် ယေရှု​က “ဧလိ… ဧလိ… လာမရှာဗခသာနိ” ဟု ကျယ်လောင်​စွာ အော်ဟစ်တော်မူ၏။ ထို​စကား​၏​အဓိပ္ပာယ်​မှာ “အကျွန်ုပ်​ဘုရား… အကျွန်ုပ်​ဘုရား… အကျွန်ုပ်​ကို အဘယ်ကြောင့် စွန့်ပစ်တော်မူပါသနည်း” ဟူ၍ ဖြစ်၏။

မြန်မာ

³⁴ သုံး​ချက်​တီး​အ​ချိန်၌ ယေ​ရှု​က၊ ဧ​လိ၊ ဧ​လိ၊ လာ​မ​ရှာ​ဗ​ခ​သာ​နိ​ဟု ကြီး​သော​အ​သံ​နှင့် ကြွေး​ကြော်​တော်​မူ၏။ အ​နက်​ကား၊ အ​ကျွန်ုပ်​ဘု​ရား၊ အ​ကျွန်ုပ်​ဘု​ရား၊ အ​ဘယ်​ကြောင့် အ​ကျွန်ုပ်​ကို စွန့်​ပစ်​တော်​မူ​သ​နည်း​ဟု ဆို​လို​သ​တည်း။-

ရှင်မာကု 15:34 Referencias Cruzadas

ဆာ​လံ 22:1

အကျွန်ုပ်​၏​ဘုရား​၊ အကျွန်ုပ်​၏​ဘုရား​၊ အကျွန်ုပ်​ကို​အဘယ်ကြောင့်​စွန့်ပစ်​တော်မူ​သနည်း​။ အကျွန်ုပ်​ကို​ကယ်တင်​တော်​မ​မူ​၊ အကျွန်ုပ်​ညည်းတွား​သော​စကား​တို့​ကို​လည်း နားထောင်​တော်​မ​မူ​ဘဲ အဘယ်ကြောင့် ဝေး​စွာ​နေ​တော်မူ​သနည်း​။

ဆာ​လံ 27:9

အကျွန်ုပ်​ထံမှ မျက်နှာ​လွှဲ​တော်​မ​မူ​ပါ​နှင့်​။ အမျက်​တော်​ထွက်​၍ ကိုယ်တော်​၏​အစေအပါး​ကို ငြင်းပယ်​တော်​မ​မူ​ပါ​နှင့်​။ ကိုယ်တော်​သည် အကျွန်ုပ်​ကို​ကူညီမစ​သော​အရှင် ဖြစ်​ပါ​၏​။ အကျွန်ုပ်​ကို​ကယ်တင်​တော်မူ​သော​ဘုရားသခင်​၊ အကျွန်ုပ်​ကို​ပစ်ပယ်​တော်​မ​မူ​ပါ​နှင့်​။ အကျွန်ုပ်​ကို​စွန့်ပစ်​တော်​မ​မူ​ပါ​နှင့်​။

ဆာ​လံ 42:9

ငါ​၏​ကျောက်​ဖြစ်​တော်မူ​သော​ဘုရားသခင်​အား “​အကျွန်ုပ်​ကို အဘယ်ကြောင့် မေ့လျော့​တော်မူ​သနည်း​။ အကျွန်ုပ်​သည် အဘယ်ကြောင့် ရန်သူ​တို့​၏​ဖိနှိပ်မှု​ထဲ၌ ဝမ်းနည်း​ပူဆွေး​လျက်​သွားလာ​ရ​ပါ​သနည်း​”​ဟု ငါ​လျှောက်​၏​။

ဆာ​လံ 71:11

“​ဘုရားသခင်​သည် သူ့​ကို​စွန့်ပစ်​လေ​ပြီ​။ ကယ်နုတ်​မည့်​သူ​မ​ရှိ​သည်​ဖြစ်၍ သူ့​ကို​လိုက်​၍​ဖမ်းဆီး​ကြ​လော့​”​ဟု ဆို​ကြ​ပါ​၏​။

ဟေ​ရှာ​ယ 41:17

ဆင်းရဲ​နွမ်းပါး​သော​သူ​တို့​သည် ရေ​ကို​ရှာ​ကြ​၏​။ ရေ​မ​ရှိ​သောကြောင့် သူ​တို့​သည် ရေငတ်​၍ အာခေါင်​ခြောက်ကပ်​သောအခါ ငါ​ထာဝရဘုရား​သည် သူ​တို့​ကို​ထူး​မည်​။ အစ္စရေး​လူမျိုး​၏​ဘုရားသခင် ငါ​သည် သူ​တို့​ကို စွန့်ပစ်​မည်​မ​ဟုတ်​။

မြည်​တမ်း​စ​ကား 1:12

လမ်းသွားလမ်းလာ​အပေါင်း​တို့​၊ သင်​တို့​နှင့်​ဘာမျှ​မ​ဆိုင်​သလော​။ ထာဝရဘုရား​ပြင်းစွာ​အမျက်​ထွက်​တော်မူ​သော​နေ့​၌ ငါ့​ကို ခံစား​စေ​တော်မူ​သော ဒုက္ခဝေဒနာ​မျိုး မချိတင်ကဲ​ခံရ​ဖူး​သူ​ရှိ​သလော​၊ ကြည့်​လှည့်​ပါ​၊ မြင်လှည့်​ပါ​။

မြည်​တမ်း​စ​ကား 5:20

အကျွန်ုပ်​တို့​ကို အဘယ်ကြောင့် အစဉ်​မေ့လျော့​တော်မူ​ပါ​သနည်း​။ အဘယ်ကြောင့် အချိန်​ကြာမြင့်​စွာ စွန့်ပစ်​တော်မူ​ပါ​သနည်း​။

ဒံ​ယေ​လ 9:21

ထိုသို့ ငါ​မြွက်ဆို​ဆုတောင်း​နေ​စဉ် ယခင် ဗျာဒိတ်နိမိတ်​တွင် ငါ​တွေ့မြင်​ခဲ့​ရ​သော ဂါဗြေလ​သည် အလျင်အမြန်​ပျံသန်း​လာ​၍ ညနေ​ပူဇော်သက္ကာ​အချိန်​တွင် ငါ့​ထံ​ရောက်လာ​၏​။

မဿဲ 27:45

မွန်းတည့်​ချိန်​မှစ၍ မွန်းလွဲ​သုံး​နာရီ​တိုင်အောင် မြေ​တစ်ပြင်လုံး​၌ အမှောင်​ကျရောက်​လေ​၏။

မဿဲ 27:46

မွန်းလွဲ​သုံး​နာရီ​ခန့်​တွင် ယေရှု​သည် ကျယ်လောင်​သော​အသံ​ဖြင့်“ဧလိ၊ ဧလိ၊ လာမာ ရှာဗခသာနိ”​ဟု အော်ဟစ်​တော်မူ​၏။ ၎င်း​၏​အဓိပ္ပာယ်​မှာ“အကျွန်ုပ်​၏​ဘုရား၊ အကျွန်ုပ်​၏​ဘုရား၊ အကျွန်ုပ်​ကို အဘယ်ကြောင့်​စွန့်ပစ်​တော်မူ​သနည်း”​ဟူ၍ ဖြစ်​၏။

ရှင်မာကု 15:25

ကိုယ်တော်​ကို လက်ဝါးကပ်တိုင်​ပေါ်​၌​တင်​ကြ​သည့်​အချိန်​မှာ နံနက်​ကိုး​နာရီ​ဖြစ်​၏။

ရှင်မာကု 15:35

အနီး​၌​ရပ်​နေ​သော​သူ​အချို့​တို့​သည်​ကြား​လျှင် “ကြည့်​ပါ။ သူ​သည် ဧလိယ​ကို​ခေါ်​နေ​သည်”​ဟု ဆို​ကြ​၏။

လုကာ 23:44

ထို​အချိန်​ကား မွန်းတည့်​ချိန်​ခန့်​ဖြစ်​၏။ ထိုမှ​မွန်းလွဲ​သုံး​နာရီ​တိုင်အောင် မြေ​တစ်ပြင်လုံး​၌ အမှောင်​ကျရောက်​လေ​၏။

လုကာ 23:46

ထိုအခါ ယေရှု​သည် ကျယ်လောင်​သော​အသံ​ဖြင့် ကြွေးကြော်​လျက်“အို အဖ၊ အကျွန်ုပ်​၏​ဝိညာဉ်​ကို ကိုယ်တော်​၏​လက်​သို့ အပ်နှံ​ပါ​၏”​ဟု မြွက်ဆို​တော်မူ​၏။ ထိုသို့​မြွက်ဆို​ပြီးနောက် အသက်​ချုပ်ငြိမ်း​တော်မူ​၏။

တမန်တော်ဝတ္ထု 10:3

တစ်​နေ့​သောအခါ မွန်းလွဲ​သုံး​နာရီ​အချိန်​ခန့်​တွင် သူ​သည် မိမိ​ထံသို့​ဘုရားသခင်​၏​ကောင်းကင်တမန်​တစ်​ပါး​ဝင်လာ​၍ “ကော်နေလိ”​ဟု ခေါ်​သည်​ကို ရူပါရုံ​၌ ထင်ရှား​စွာ​မြင်​လေ​၏။

ဟေ​ဗြဲ 5:7

ခရစ်တော်​သည် လူသား​အဖြစ်​၌​ရှိ​စဉ် သေ​ခြင်း​မှ​ကယ်တင်​နိုင်​သော​အရှင်​ထံ ကျယ်လောင်​သော​အော်ဟစ်​သံ​နှင့်​မျက်ရည်​တို့​ဖြင့် တောင်းလျှောက်​၍ အသနားခံ​သဖြင့် ထို​ကြည်ညို​မှု​ကြောင့် ဘုရားသခင်​သည် နားညောင်း​တော်မူ​၏။