ရော​မ 2:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ဘုရားသခင်​သည် လူ​အသီးသီး​တို့​အား မိမိ​တို့​ပြု​သော​အမှု​နှင့်အညီ အကျိုး​အပြစ်​ကို​ပေး​တော်မူ​လိမ့်မည်။

Common Language Bible

⁶ ထို​နေ့​ရက်​၌​ကိုယ်​တော်​သည်​လူ​အ​သီး​သီး တို့​အား မိ​မိ​တို့​၏​အ​ကျင့်​အ​လျောက်​အ​ကျိုး အ​ပြစ်​ကို​ဆပ်​ပေး​တော်​မူ​လတ္တံ့။-

Garrad Bible

⁶ ကိုယ် တော် သည် လူ အ သီး အ သီး အ ပြု အ မူ အ လျောက် ဆပ် ပေး တော် မူ သည် မှာ တည် ကြည် စွာ သု စ ရိုက် ပြု လျက်၊

Judson Bible

⁶ ဘု​ရား​သ​ခင်​သည် လူ​အ​သီး​အ​သီး​တို့​အား မိ​မိ​တို့ အ​ကျင့်​နှင့်​အ​လျောက် အ​ကျိုး​အ​ပြစ်​ကို ဆပ်​ပေး​တော်​မူ​လ​တ္တံ့၊-

ခေတ်သစ်​မြန်မာ သမ္မာကျမ်း

⁶ ဘုရားသခင်​သည် လူ​အသီးသီးတို့​အား မိမိတို့​၏ အကျင့်​နှင့်​အညီ အကျိုးအပြစ်​ကို စီရင်တော်မူ​လိမ့်မည်။

ရော​မ 2:6 Referencias Cruzadas

ယောဘဝတ္တု။ 34:11

အကြောင်းမူကား ကိုယ်တော်​သည် လူ​ကို သူ​၏​လုပ်ဆောင်မှု​အတိုင်း ပြန်ပေးဆပ်​စေ​မည်​။ လူ​ကို သူ​၏​အကျင့်​အတိုင်း ပြန်​ခံရ​စေ​မည်​။

ဆာ​လံ 62:12

အို ဘုရားရှင်​၊ မေတ္တာကရုဏာ​ကို ကိုယ်တော်​ပိုင်​တော်မူ​၏​။ အကြောင်းမူကား ကိုယ်တော်​သည် လူ​အသီးသီး​တို့​အား မိမိ​တို့​ပြု​သော​အမှု​နှင့်အညီ အကျိုးအပြစ်​ကို ဆပ်ပေး​တော်မူ​၏​။

ထွက်​မြောက် 32:34

ယခု သွား​၍ သင့်​အား ငါ​မိန့်ဆို​သော​နေရာ​သို့ ထို​လူ​တို့​ကို ပို့ဆောင်​လော့​။ ကြည့်ရှု​လော့​။ ငါ​၏​ကောင်းကင်တမန်​သည် သင့်​ရှေ့​မှ သွား​လိမ့်မည်​။ သို့သော် ငါ​အပြစ်ဒဏ်​ပေး​မည့်​နေ့ရက်​၌ သူ​တို့​၏​အပြစ်​အတွက် သူ​တို့​ကို​ဒဏ်ခတ်​မည်​”​ဟု မိန့်​တော်မူ​၏​။

သုတ္တံကျမ်း။ 24:12

“​ထို​အမှု​ကို ငါ​တို့​မ​သိ​ခဲ့​ပါ​”​ဟု သင်​ဆို​လျှင်​လည်း စိတ်နှလုံး​တို့​ကို​ချိန်တွယ်​တော်မူ​သော​အရှင်​သည် ထို​အရာ​ကို​မ​သိ​နား​မ​လည်​ဘဲ​နေ​မည်လော​။ သင်​၏​စိတ်ဝိညာဉ်​ကို ထိန်းသိမ်းစောင့်ရှောက်​တော်မူ​သော​အရှင်​သည် မ​သိ​ဘဲ​နေ​မည်လော​။ ကိုယ်တော်​သည် လူ​တို့​အား မိမိ​လုပ်ဆောင်မှု​နှင့်အညီ မ​ဆပ်ပေး​ဘဲ​နေ​မည်လော​။

သုတ္တံကျမ်း။ 24:2

အကြောင်းမူကား သူ​တို့​၏​စိတ်နှလုံး​သည် အကြမ်းဖက်မှု​ကို ကြံစည်​တတ်​၏​။ သူ​တို့​၏​နှုတ်ခမ်း​သည်​လည်း ပြဿနာ​ဖြစ်စေ​သော​စကား​ကို ပြောဆို​တတ်​၏​။

သုတ္တံကျမ်း။ 26:10

မိုက်မဲ​သော​သူ​ကို ငှားရမ်း​သော​သူ​သည်​လည်းကောင်း​၊ ဖြတ်သန်းသွားလာ​သော​သူ​တို့​ကို ငှားရမ်း​သော​သူ​သည်​လည်းကောင်း လူ​တိုင်း​ကို​ထိခိုက်ဒဏ်ရာ​ရ​စေ​သော လေးသမား​နှင့်​တူ​၏​။

ဒေသနာကျမ်း။ 3:17

“​ဘုရားသခင်​သည် ဖြောင့်မတ်​သော​သူ​နှင့် ဆိုးယုတ်​သော​သူ​တို့​ကို တရားစီရင်​တော်မူ​မည်​။ အကြောင်းမူကား ခပ်သိမ်း​သော​အကြောင်းကိစ္စ​နှင့် ခပ်သိမ်း​သော​အမှု​အတွက် သူ့​အချိန်​ရှိ​၏​”​ဟု ငါ့​စိတ်နှလုံး​ထဲ၌ ငါ​မြွက်ဆို​၏​။

ယေ​ရ​မိ 17:10

ငါ​ထာဝရဘုရား​သည် လူ​အသီးသီး​တို့​အား မိမိ​တို့​ပြုမူကျင့်ကြံ​သည့်​အတိုင်း​၊ မိမိ​တို့​လုပ်ဆောင်မှု​အသီးအပွင့်​အတိုင်း ပေးဆပ်​ရန် လူ​တို့​၏​စိတ်နှလုံး​ကို စစ်ကြော​တတ်​၏​။ အတွင်းသဘော​ကို စစ်ဆေး​တတ်​၏​။

ယေ​ရ​မိ 32:19

ကိုယ်တော်​၏​အကြံအစည်​တော်​သည် ထူးကဲ​ပါ​၏​။ ပြု​တော်မူ​သော​အမှု​တော်​သည် ကြီးမြတ်​ပါ​၏​။ လူ​အသီးသီး​တို့​အား မိမိ​တို့​ပြုမူကျင့်ကြံ​သည့်​အတိုင်း​၊ မိမိ​တို့​လုပ်ဆောင်မှု​အသီးအပွင့်​အတိုင်း ပေးဆပ်​ရန် လူသား​တို့​လျှောက်​သော​လမ်း​အားလုံး​ကို စောင့်ကြည့်​တော်မူ​၏​။

ယေ​ဇ​ကျေ​လ 18:20

အပြစ်ပြု​သော​ဝိညာဉ်​သည် သေ​ရ​မည်​။ သား​သည် ဖခင်​၏​အပြစ်​အတွက် ခံရ​မည်​မ​ဟုတ်​။ ဖခင်​သည်​လည်း သား​၏​အပြစ်​အတွက် ခံရ​မည်​မ​ဟုတ်​။ ဖြောင့်မတ်​သော​သူ​သည် သူ​၏​ဖြောင့်မတ်​ခြင်း​အကျိုး​ကို ခံစား​ရ​လိမ့်မည်​။ ဆိုးယုတ်​သော​သူ​သည် သူ​၏​ဆိုးယုတ်​ခြင်း​အကျိုး​ကို ခံရ​လိမ့်မည်​။

ယေ​ဇ​ကျေ​လ 18:30

သို့ဖြစ်၍ အို အစ္စရေး​အမျိုး​၊ သင်​တို့​နည်းလမ်း​အတိုင်း သင်​တို့​တစ်ဦးစီ​ကို ငါ​စီရင်​မည်​။ သင်​တို့ အပြစ်​ကျူးလွန်​ရာ​မှ နောင်တရ​၍ ပြန်လာ​လော့​။ သို့ပြုလျှင် သင်​တို့​ပြု​သော​အပြစ်​သည် သင်​တို့​အဖို့ ခလုတ်တံသင်း ဖြစ်​မည်​မ​ဟုတ်’​ဟု ဘုရားရှင်​ထာဝရဘုရား မိန့်​တော်မူ​၏​။

ယေ​ဇ​ကျေ​လ 36:19

ငါ​သည် သူ​တို့​ကို လူမျိုးတကာ​တို့​အလယ်​၊ အရပ်ရပ်​သို့ ကွဲလွင့်​ပျံ့နှံ့​စေ​ပြီ​။ သူ​တို့​၏​အပြုအမူ​အကျင့်အကြံ​အတိုင်း သူ​တို့​ကို ငါ​စီရင်​ပြီ​။

မဿဲ 16:27

အကြောင်းမူကား လူ့သား​သည် မိမိ​၏​ကောင်းကင်တမန်​များ​နှင့်အတူ မိမိ​ခမည်းတော်​၏​ဘုန်း​အသရေ​ကို​ဆောင်​လျက် ကြွလာ​လိမ့်မည်။ ထိုအခါ လူ​အသီးသီး​တို့​အား သူ​တို့​၏​လုပ်ဆောင်မှု​နှင့်အညီ အကျိုး​အပြစ်​ကို​ပေး​တော်မူ​လိမ့်မည်။

ရော​မ 14:22

သင်​သည် မိမိ​၌​ရှိ​သော​ယုံကြည်​ခြင်း​ကို ဘုရားသခင်​၏​ရှေ့​တော်​၌​သာ​ရှိ​စေ​လော့။ မှန်​သည်​ဟု​လက်ခံ​ထား​သော​အမှုအရာ​၌ မိမိ​၏​ဩတ္တပ္ပစိတ်​ကြည်လင်​သော​သူ​သည် မင်္ဂလာရှိ​၏။

၁ ကော 3:8

စိုက်ပျိုး​သော​သူ​နှင့်​ရေ​လောင်း​သော​သူ​တို့​သည် တစ်လုံးတစ်ဝတည်း​ဖြစ်​ကြ​ပြီး အသီးသီး​တို့​သည် မိမိ​ကြိုးပမ်း​အားထုတ်​သည့်​အတိုင်း ဆုလာဘ်​ကို​ရရှိ​ကြ​လိမ့်မည်။

၁ ကော 4:5

သို့ဖြစ်၍ သခင်​ဘုရား​ကြွလာ​တော်​မ​မူ​မီ မည်သည့်​အရာ​ကို​မျှ အချိန်​မ​တန်​ဘဲ မ​စီရင်​ကြ​နှင့်။ ထို​သခင်​သည် အမှောင်​ထဲ၌ ကွယ်ဝှက်​ထား​သော​အရာ​များ​ကို အလင်း​သို့​ယူဆောင်​လာ​ပြီး စိတ်နှလုံး​အကြံအစည်​များ​ကို ထင်ရှား​စေ​တော်မူ​လိမ့်မည်။ ထိုအခါ လူ​အသီးသီး​တို့​သည် ဘုရားသခင်​ထံ​တော်​မှ ချီးမွမ်း​ခြင်း​ကို​ခံရ​ကြ​လိမ့်မည်။

၂ ကော 11:15

သို့ဖြစ်၍ စာတန်​၏​အမှုဆောင်​တို့​သည်​လည်း ဖြောင့်မတ်​ခြင်း​၏​အမှုဆောင်​အဖြစ် ယောင်ဆောင်​ကြ​လျှင် အံ့ဩ​စရာ​မ​ဟုတ်။ ထို​သူ​တို့​၏​နိဂုံး​သည် မိမိ​တို့​ပြု​သော​အမှု​များ​အတိုင်း​ဖြစ်​လိမ့်မည်။

၂ ကော 5:10

အကြောင်းမူကား ငါ​တို့​အားလုံး​သည် ကိုယ်ခန္ဓာ​၌​ရှိစဉ် ပြုကျင့်​သည့်​အတိုင်း ကောင်း​သော​အမှု​အတွက်​ဖြစ်စေ၊ ဆိုးညစ်​သော​အမှု​အတွက်​ဖြစ်စေ အကျိုး​အပြစ်​ကို အသီးသီး​ခံစားရ​ရန် ခရစ်တော်​၏​တရားပလ္လင်​ရှေ့၌ ပေါ်လာ​ကြ​ရ​မည်။

၂ တိ 4:14

ကြေး​ပန်းတိမ်​ဆရာ အလက်ဇန္ဒြား​သည် ငါ့​ကို​အလွန်​ဒုက္ခ​ပေး​ခဲ့​၏။ သခင်​ဘုရား​သည် သူ​ပြု​သော​အမှု​အတိုင်း သူ့​အား​ပေးဆပ်​တော်မူ​လိမ့်မည်။

ဗျာ​ဒိတ် 2:23

သူ​၏​သားသမီး​တို့​ကို​လည်း သေ​ဘေး​ဖြင့် ငါ​အဆုံး​စီရင်​မည်။ ထိုအခါ ငါ​သည် စိတ်နှလုံး​နှင့် အတွင်း​သဘော​ကို စူးစမ်း​သော​သူ​ဖြစ်​ကြောင်း အသင်းတော်​အားလုံး​သိ​ရ​ကြ​လိမ့်မည်။ သင်​တို့​အသီးသီး​ကို​လည်း မိမိ​တို့​ပြု​သော​အမှု​များ​နှင့်အညီ အကျိုး​အပြစ်​ကို ငါ​ပေး​မည်။

ဗျာ​ဒိတ် 20:12

တစ်ဖန် သေလွန်​သော​သူ​အကြီး​အငယ်​တို့​သည် ပလ္လင်​တော်​ရှေ့​၌​ရပ်​နေ​ကြ​သည်​ကို ငါ​မြင်​ရ​၏။ စာစောင်​များ​ကို​ဖွင့်​ထား​၍ အသက်​စာစောင်​တည်းဟူသော အခြား​သော​စာစောင်​ကို​လည်း​ဖွင့်​ထား​၏။ သေလွန်​သော​သူ​တို့​သည် ထို​စာစောင်​များ​တွင်​ရေး​ထား​သည့်​အတိုင်း မိမိ​တို့​ပြု​သော​အမှု​များ​နှင့်အညီ တရား​စီရင်​ခြင်း​ကို​ခံရ​ကြ​၏။

ဗျာ​ဒိတ် 22:12

“ကြည့်ရှု​လော့။ ငါ​သည်​အလျင်အမြန်​လာ​မည်။ ငါ​ပေး​မည့်​အကျိုး​အပြစ်​ကို​ယူဆောင်​လာ​၍ လူ​အသီးသီး​တို့​အား မိမိ​တို့​ပြု​သော​အမှု​အတိုင်း ငါ​ပေးဆပ်​မည်။