ယေ​ရ​မိ 9:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

² မည်သူ​သည် တောကန္တာရ​၌ ခရီးသွား​ဧည့်သည်​များ စခန်းချ​ရာ​နေရာ​လေး​တစ်နေရာ​ကို ငါ့​အား ပေး​မည်နည်း​။ သို့ပြုလျှင် ငါ​သည် ငါ​၏​လူမျိုး​တော်​ကို​စွန့်​၍ သူ​တို့​ထံမှ​ထွက်သွား​မည်​။ သူ​တို့​အားလုံး​သည် အိမ်ထောင်ရေးဖောက်ပြန်​၍ သစ္စာမဲ့​သော​လူစု​ဖြစ်​၏​။

Common Language Bible

² ငါ​သည်​မိ​မိ​အ​မျိုး​သား​များ​အား​စွန့်​ခွာ​ပြီး လျှင် သဲ​ကန္တာ​ရ​တွင်​သွား​ရောက်​နေ​ထိုင်​စ​ရာ အ​ခန်း​တစ်​ခု​ကို​လို​ချင်​စမ်း​ပါ​ဘိ။ သူ​တို့​အား​လုံး​ပင်​လျှင်​သစ္စာ​မဲ့​၍​အခြား ဖောက်​ပြား​သူ​များ​ဖြစ်​ကြ​၏။

Garrad Bible

² သူ့ သား အိမ် ရာ ကို ပြစ် မှား သူ၊ သ စ္စာ ဖျက် သော အ သင်း အ ပင်း ဖြစ် သူ၊ ငါ၏ အ မျိုး သား ချင်း တို့ ကို စွန့် ၍ ထွက် သွား ရ အံ့ သော ငှာ၊ တော၌ ခ ရီး သည် တို့ စား ခန်း ကို ငါ တွေ့ ပါ ရ စေ။

Judson Bible

² ငါ​သည် ငါ၏​လူ​မျိုး​ကို​စွန့်၍ ထွက်​သွား​နိုင်​အောင် တော၌ တဲ​စ​ခန်း​ရှိ​ပါ​စေ​သော။ အ​ကြောင်း​မူ​ကား၊ ထို​သူ​အ​ပေါင်း​တို့​သည် သူ့​မ​ယား​ကို ပြစ်​မှား​သော​သူ၊ သ​စ္စာ​ပျက်​သော အ​စည်း​အ​ဝေး​ဖြစ်​ကြ၏။

ယေ​ရ​မိ 9:2 Referencias Cruzadas

ဟေ​ရှာ​ယ 59:3

သင်​တို့​လက်​သည် သွေး​နှင့်​လည်းကောင်း​၊ သင်​တို့​လက်ချောင်း​သည် ဒုစရိုက်​နှင့်​လည်းကောင်း ညစ်ညူး​၏​။ သင်​တို့​၏​နှုတ်​သည် မုသား​ကို​ပြောဆို​၍ သင်​တို့​၏​လျှာ​မှ ကောက်ကျစ်​သော​စကား​ထွက်​၏​။

ယေ​ရ​မိ 12:1

အို ထာဝရဘုရား​၊ အကျွန်ုပ်​၏​အမှု​ကို ကိုယ်တော့်​ထံ ယူဆောင်​လာ​သောအခါ ကိုယ်တော်​သည် ဖြောင့်မတ်​စွာ​စီရင်​ပေး​ပါ​၏​။ ထို့ကြောင့် ကိုယ်တော်​အား တရားမျှတမှု​အကြောင်း​ကို မေးလျှောက်​လို​ပါ​၏​။ ဆိုးယုတ်​သော​သူ​တို့​သည် အဘယ်ကြောင့် ကြီးပွား​ကြ​ပါ​သနည်း​။ သစ္စာမဲ့​သော​သူ​တို့​သည် အဘယ်ကြောင့် ကောင်းစား​ကြ​ပါ​သနည်း​။

ယေ​ရ​မိ 12:6

သင့်​ညီအစ်ကို​၊ သင့်​ဖခင်​၏​အိမ်သူအိမ်သား​တို့​ပင်လျှင် သင့်​ကို သစ္စာဖောက်​လေ​ပြီ​။ သူ​တို့​သည် သင့်​နောက်သို့​လိုက်​၍ ကျယ်လောင်​စွာ​ဟစ်ခေါ်​လေ​ပြီ​။ သူ​တို့​သည် သင့်​အား ချိုသာ​စွာ​ပြော​လျှင်လည်း မ​ယုံ​နှင့်​။

ယေ​ရ​မိ 13:22

သင်​သည် မိမိ​စိတ်​ထဲ၌ “​အဘယ်ကြောင့် ဤသို့​ဖြစ်​ရ​သနည်း​”​ဟု တွေး​လျှင် သင်​၏​ဒုစရိုက်​များ​ကြောင့် သင်​အဝတ်​အချွတ်​ခံရ​၏​၊ သင်​အကြမ်းဖက်​ခံရ​၏​။

ယေ​ရ​မိ 23:10

အကြောင်းမူကား တစ်ပြည်လုံး အိမ်ထောင်ရေးဖောက်ပြန်​သူ​တို့​နှင့် ပြည့်​လျက်​နေ​၏​။ အကျိန်​ခံရ​သောကြောင့် တစ်ပြည်လုံး ငိုကြွေးမြည်တမ်း​ကြ​၏​။ တောကန္တာရ​စားကျက်မြေ​များ​လည်း ခြောက်သွေ့​လျက်​ရှိ​၏​။ သူ​တို့​သည် ဆိုးညစ်​စွာ​အသက်ရှင်​ကြ​၏​။ သူ​တို့​၏​ခွန်အား​ကို မမှန်မကန်​အသုံးချ​ကြ​၏​။

ယေ​ရ​မိ 4:22

“ငါ့​လူမျိုး​တော်​တို့​သည် ဆိုးမိုက်​သော​သူ​များ​ဖြစ်​ကြ​၏​။ ငါ့​ကို​မ​သိ​ကြ​။ မိုက်မဲ​သော​သားသမီး​များ​ဖြစ်​ကြ​၏​။ အသိဉာဏ်​မ​ရှိ​ကြ​။ ဆိုးညစ်​သော​အမှု​ကို​ပြု​ရာ​၌ ကျွမ်းကျင်​၍ ကောင်း​သော​အမှု​ကို​မ​ပြု​ကြ​။”

ယေ​ရ​မိ 5:1

ဂျေရုဆလင်​မြို့​ရှိ​လမ်း​များ​ပေါ်၌ ခေါက်တုံ့ခေါက်ပြန်​သွားလာ​လျက် ကြည့်ရှု​လော့​။ ဆင်ခြင်သုံးသပ်​လော့​။ ထို​မြို့​၏​လမ်းဆုံလမ်းခွ​များ​၌ ရှာဖွေ​လော့​။ တရားမျှတ​စွာ​ပြု​သော​သူ​၊ သစ္စာတရား​ကို​ရှာဖွေ​သော​သူ​တစ်ဦးတစ်ယောက်​တွေ့​လျှင်ပင် ထို​မြို့​ကို ငါ​ခွင့်လွှတ်​မည်​။

ယေ​ရ​မိ 5:11

အကယ်စင်စစ် အစ္စရေး​အမျိုးအနွယ်​နှင့်​ယုဒ​အမျိုးအနွယ်​တို့​သည် ငါ့​ကို သစ္စာမဲ့​ကြ​ပြီ​”​ဟု ထာဝရဘုရား​မိန့်​တော်မူ​၏​။

ယေ​ရ​မိ 5:2

သူ​တို့​က ‘ထာဝရဘုရား​အသက်ရှင်​တော်မူ​သည်’​ဟု ဆို​ကြ​လျက်ပင် မဟုတ်မမှန်​ကျိန်ဆို​တတ်​ကြ​၏”​ဟု မိန့်​တော်မူ​၏​။

ဟော​ရှေ 4:2

တိုင်းပြည်​သည် ကျိန်ဆို​ခြင်း​၊ လိမ်ညာ​ခြင်း​၊ လူသတ်​ခြင်း​၊ ခိုးယူ​ခြင်း​၊ အိမ်ထောင်ရေးဖောက်ပြန်​ခြင်း​တို့​ဖြင့် ပြည့်နှက်​လျက်​ရှိ​၏​။ လူသတ်မှု​ကို အထပ်ထပ်​ကျူးလွန်​ကြ​၏​။

ဟော​ရှေ 5:7

သူ​တို့​သည် ထာဝရဘုရား​အပေါ် သစ္စာမဲ့​၍ တရားမဝင်​သားသမီး​များ​ကို မွေး​ကြ​ပြီ​။ ထို့ကြောင့် လဆန်း​နေ့​တွင် သူ​တို့​နှင့်အတူ သူ​တို့​၏​အမွေမြေ​သည်​လည်း ဝါးမျို​ခြင်း​ခံရ​လိမ့်မည်​။

ဟော​ရှေ 6:7

သို့သော် သူ​တို့​သည် အာဒံ​ကဲ့သို့ပင် ပဋိညာဉ်​ကို​ချိုးဖောက်​ပြီး ထို​အရပ်​တွင် ငါ့​ကို သစ္စာဖောက်​ကြ​ပြီ​။

ဟော​ရှေ 7:4

မုန့်ဖုတ်​သူ​သည် မုန့်ညက်​ကို​နယ်​ပြီး တဆေးပေါက်​သည်​အထိ မီး​ဆက်​ထိုးစရာ​မ​လို​ဘဲ မီးတောက်​နေ​သော​မီးဖို​ကဲ့သို့ သူ​တို့​အားလုံး အိမ်ထောင်ရေးဖောက်ပြန်​လို​စိတ်​များ ပြင်းထန်​၏​။

မိက္ခာ 6:12

မြို့သား​သူဌေး​တို့​သည် ရက်စက်ကြမ်းကြုတ်​ကြ​၏​။ မြို့သူမြို့သား​တို့​သည် အလိမ်အညာ​စကား​ကို​သာ ပြော​တတ်​ကြ​၏​။ သူ​တို့​၏​လျှာ​သည် လိမ်လည်လှည့်စား​သော​စကား​ကို​သာ ဆို​တတ်​ကြ​၏​။

ဇေဖနိ 3:4

ပရောဖက်​တို့​သည် တာဝန်မဲ့​သော​သစ္စာဖောက်​များ ဖြစ်​ကြ​၏​။ ယဇ်ပုရောဟိတ်​တို့​သည်​လည်း ပညတ်တရား​ကို ချိုးဖောက်​၍ သန့်ရှင်းရာဌာန​တော်​ကို ညစ်ညူး​စေ​ကြ​ပြီ​။

မာ​လ​ခိ 2:11

ယုဒ​အမျိုး​သည် သစ္စာမရှိ​။ အစ္စရေး​ပြည်​တွင်​လည်းကောင်း​၊ ဂျေရုဆလင်​မြို့​တွင်​လည်းကောင်း စက်ဆုပ်ရွံရှာဖွယ်​အမှု​ကို​ပြု​ကြ​လေ​ပြီ​။ အကယ်စင်စစ် ယုဒ​အမျိုး​သည် တိုင်းတစ်ပါး​ဘုရား​ကို​ကိုးကွယ်​သော​သမီးပျို​တို့​နှင့် စုံဖက်​ခြင်း​ဖြင့် ထာဝရဘုရား​မြတ်နိုး​တော်မူ​သော​သန့်ရှင်းစင်ကြယ်​ခြင်း​ကို ညစ်ညူး​စေ​လေ​ပြီ​။

မာ​လ​ခိ 2:14

သို့သော် သင်​တို့​က “အဘယ်ကြောင့်​နည်း”​ဟု မေး​လျှင် အကယ်စင်စစ် သင်​နှင့် သင်​ငယ်​စဉ်က ပေါင်းဖော်​ခဲ့​သော​သင့်​မယား​ကြား​တွင် ထာဝရဘုရား​သည် သက်သေ​ဖြစ်​တော်မူ​၏​။ သင်​သည် သင့်​ဘဝဖော်​၊ သင်​နှင့်​ကတိသစ္စာ​ပြု​ထား​သော​မယား​ကို သစ္စာဖောက်​သောကြောင့်​ဖြစ်​၏​။

ယာ​ကုပ် 4:4

ဖောက်ပြန်​သော​သူ​တို့၊ လောက​နှင့်​မိတ်ဖွဲ့​ခြင်း​သည် ဘုရားသခင်​ကို​ရန်ဘက်​ပြု​ခြင်း​ဖြစ်​ကြောင်း သင်​တို့​မ​သိ​ကြ​သလော။ ထို့ကြောင့် လောက​၏​မိတ်ဆွေ​ဖြစ်​လို​သော​သူ​သည် ဘုရားသခင်​၏​ရန်သူ​ဖြစ်​၏။

သူ​ကြီး 2:10

ယောရှု​လက်ထက်​မျိုးဆက်​တစ်ဆက်လုံး သေဆုံး​၍​ဘိုးဘေး​တို့​စုစည်း​ရာ​သို့ ရောက်​လေ​၏​။ ထို​မျိုးဆက်​ပြီးမှ ထာဝရဘုရား​ကို မ​သိ​သော​၊ အစ္စရေး​အမျိုးသား​တို့​အဖို့ ထာဝရဘုရား​ပြု​တော်မူ​သော​အမှု​ကို​မ​သိ​သော နောက်​မျိုးဆက်​တစ်ဆက် ပေါ်လာ​၏​။