ယေ​ရ​မိ 6:16 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ ထာဝရဘုရား​က “​လမ်း​များ​၌​ရပ်​၍ ကြည့်​ကြ​လော့​။ ရှေးလမ်းဟောင်း​ကို ရှာဖွေ​လျက် ကောင်း​သော​လမ်း​အဘယ်မှာ​ရှိ​သနည်း​ဟု မေးမြန်း​၍ ထို​လမ်း​ကို​လိုက်​လျှင် သင်​တို့​၏​စိတ်ဝိညာဉ် သက်သာ​ရာ​ရ​လိမ့်မည်​။ သို့သော် သူ​တို့​က ‘​ထို​လမ်း​သို့ ငါ​တို့​မ​လိုက်​’​ဟု ဆို​ကြ​၏​။

Common Language Bible

¹⁶ ထာ​ဝ​ရ​ဘု​ရား​သည်​မိ​မိ​၏​လူ​မျိုး​တော် အား``လမ်း​ဆုံ​လမ်း​ခွ​တို့​တွင်​ရပ်​၍​ကြည့် ကြ​လော့။ ရှေး​လမ်း​ဟောင်း​တို့​ကို​စုံ​စမ်း ရှာ​ဖွေ​ကြ​လော့။ အ​ကောင်း​ဆုံး​သော​လမ်း အ​ဘယ်​မှာ​နည်း​ဟု​မေး​မြန်း​၍ ထို​လမ်း​သို့ လိုက်​လျှင်​သင်​တို့​၏​ဝိ​ညာဉ်​သည်​ငြိမ်း​ချမ်း သာ​ယာ​မှု​ရှိ​လိမ့်​မည်'' ဟု​မိန့်​တော်​မူ​၏။ သို့​ရာ​တွင်​သူ​တို့​က``ထို​လမ်း​ကို အ​ကျွန်ုပ် တို့​မ​လိုက်​လို​ပါ'' ဟု​ပြန်​ပြော​ကြ​၏။

Garrad Bible

¹⁶ ထာ ဝ ရ ဘု ရား ဗျာ ဒိတ် တော် မှာ၊ လမ်း ဆုံ၌ ရပ် နေ၍၊ လမ်း ဟောင်း ဖြစ် သော လမ်း ကောင်း များ ကို မြော် မြင် မေး မြန်း လျက်၊ လိုက် လျှောက် ကြ လော့။ အ သက် ချမ်း သာ ရာ ကို သင် တို့ တွေ့ ကြ လိမ့် မည် ဟု ငါ မိန့် ဆို သော် လည်း၊ မ လိုက် မ လျှောက် ဟု ထို သူ တို့ ငြင်း ဆို ကြ ၏။

Judson Bible

¹⁶ ထာ​ဝ​ရ​ဘု​ရား မိန့်​တော်​မူ​သည်​ကား၊ လမ်း​နား​မှာ​ရပ်၍ ကြည့်​ရှု​ကြ​လော့။ ရှေး​လမ်း​ဟောင်း​တို့​ကို ရှာ​ဖွေ​လျက်၊ ကောင်း​သော​လမ်း​သည် အ​ဘယ်​မှာ​ရှိ​သ​နည်း​ဟု မေး​မြန်း၍၊ ထို​လမ်း​သို့​လိုက်​ကြ​လော့။ သို့​ပြု​လျှင်၊ စိတ်​နှ​လုံး​သက်​သာ​ကြ​လိမ့်​မည်။ သို့​ရာ​တွင်၊ ငါ​တို့​သည် မ​လိုက်​ဟု ပြန်​ပြော​ကြ၏။

ယေ​ရ​မိ 6:16 Referencias Cruzadas

၃ ရာ 8:36

ကိုယ်တော်​သည် ကောင်းကင်ဘုံ​မှ နားညောင်း​တော်မူ​၍ ကိုယ်တော်​၏​အစေအပါး​တို့​နှင့် ကိုယ်တော်​၏​လူမျိုး​တော်​အစ္စရေး​တို့​၏​အပြစ်​များ​ကို ခွင့်လွှတ်​တော်မူ​ပါ​။ မှန်ကန်​သော​လမ်း​ကို လိုက်လျှောက်​နိုင်​ရန် သွန်သင်​တော်မူ​ပါ​။ ကိုယ်တော်​၏​လူမျိုး​တော်​အား အမွေ​ပေး​တော်မူ​သော ကိုယ်တော်​၏​မြေ​ပေါ်တွင် မိုး​ကို​ရွာ​စေ​တော်မူ​ပါ​။

၂ ရာ​ချုပ် 19:11

ကြည့်ရှု​လော့​။ ထာဝရဘုရား​နှင့်ဆိုင်သော​အမှု​တော်​အားလုံး​တွင် ယဇ်ပုရောဟိတ်​မင်း​အာမရိ​သည် သင်​တို့​ကို ကြီးကြပ်​ပေး​လိမ့်မည်​။ ရှင်ဘုရင်​နှင့်ဆိုင်သော​အမှုကိစ္စ​အားလုံး​တွင် ယုဒ​အမျိုးအနွယ်​ခေါင်းဆောင် ဣရှမေလ​၏​သား​ဇေဗဒိ​သည် ကြီးကြပ်​လိမ့်မည်​။ လေဝိ​အမျိုးသား​တို့​သည်​လည်း သင်​တို့​ကို ကြီးကြပ်​ပေး​လိမ့်မည်​။ အားယူ​၍ လုပ်ဆောင်​ကြ​လော့​။ ကောင်း​သော​အမှု​ကို​ပြု​သော​သင်​တို့​နှင့်အတူ ထာဝရဘုရား ရှိ​တော်မူ​ပါစေသော​”​ဟု မှာကြား​၏​။

ဆာ​လံ 116:7

အို ငါ​၏​စိတ်ဝိညာဉ်​၊ သင်​၏​ငြိမ်ဝပ်​ရာ​အရပ်​သို့​ပြန်လာ​လော့​။ အကြောင်းမူကား ထာဝရဘုရား​သည် သင့်​ကို​ကျေးဇူးပြု​တော်မူ​ပြီ​။

ဟေ​ရှာ​ယ 2:5

အို ယာကုပ်​အမျိုးအနွယ်​တို့​၊ လာ​ကြ​လော့​။ ထာဝရဘုရား​၏​အလင်း​တော်​၌ လျှောက်လှမ်း​ကြ​ကုန်​စို့​။

ဟေ​ရှာ​ယ 28:12

“​ဤ​အရပ်​သည် နားနေ​ရာ​အရပ်​ဖြစ်​၏​။ မောပန်း​သော​သူ​တို့​သည် အနားယူ​ကြ​စေ​။ ဤ​အရပ်​သည် ငြိမ်းချမ်း​ရာ​အရပ်​ဖြစ်​၏​”​ဟု မိန့်​တော်မူ​သော်လည်း သူ​တို့​သည် နား​မ​ထောင်​လို​ကြ​။

ဟေ​ရှာ​ယ 30:21

သင်​တို့​သည် လက်ယာ​ဘက်​၊ သို့မဟုတ် လက်ဝဲ​ဘက်​သို့ လှည့်​သောအခါ “​ဤ​လမ်း​သည် မှန်​၏​။ ဤ​လမ်း​အတိုင်း သွား​လော့​”​ဟု သင်​တို့​နောက်​၌​ပြော​သော​စကား​ကို သင်​တို့​၏​နား​ဖြင့် ကြား​ကြ​ရ​မည်​။

ဟေ​ရှာ​ယ 46:9

ယခင်က​ဖြစ်ပျက်​ခဲ့​သော​အရာ​တို့​ကို အောက်မေ့​လော့​။ ငါ​သာလျှင် ဘုရားသခင်​ဖြစ်​၏​။ အခြား​ဘုရား​မ​ရှိ​။ ငါ​နှင့်တူသော​ဘုရား​မ​ရှိ​။

ဟေ​ရှာ​ယ 57:2

ဖြောင့်မတ်​စွာ​လျှောက်လှမ်း​သော​သူ​တို့​သည် နားနေရာ​၌​လဲလျောင်းခွင့်​ရ​၏​။ ငြိမ်းချမ်း​ရာ​သို့ ဝင်စား​ခွင့်​ရ​၏​။

ဟေ​ရှာ​ယ 8:20

ပညတ်တရား​၊ သက်သေခံ​တော်မူ​ချက်​တို့​ကို​သာ မေးမြန်း​သင့်​သည်​မ​ဟုတ်​လော​။ ဤ​စကား​နှင့်အညီ မ​ပြောဆို​ကြ​လျှင် သူ​တို့​ထဲ၌ အရုဏ်အလင်း​မ​ရောက်​သေး​။

ယေ​ရ​မိ 12:16

ထာဝရဘုရား​က “ဗာလ​ဘုရား​ကို တိုင်တည်ကျိန်ဆို​ရန် ငါ့​လူမျိုး​ကို သူ​တို့​သင်ကြား​ပေး​သကဲ့သို့ ‘ထာဝရဘုရား​အသက်ရှင်​တော်မူ​သည်’​ဟု ငါ့​နာမ​ကို​တိုင်တည်ကျိန်ဆို​၍ ငါ့​လူမျိုး​၏​နည်းလမ်း​ကို သူ​တို့​ကြိုးစား​သင်ယူ​မည်​ဆို​လျှင် သူ​တို့​ကို ငါ့​လူမျိုး​ထဲ​တွင် တည်နေခွင့်ပြု​မည်​။

ယေ​ရ​မိ 18:12

သို့သော် သူ​တို့​က “မျှော်လင့်စရာ​မ​ရှိ​။ ထို့ကြောင့် ငါ​တို့​သည် ကိုယ့်​အကြံအစည်​နောက်​သို့ ကိုယ်​လိုက်​မည်​။ ဆိုးညစ်​မာကျော​သော​စိတ်သဘော​အတိုင်း ပြု​မည်”​ဟု ပြောဆို​ကြ​၏​။

ယေ​ရ​မိ 18:15

သို့သော် ငါ​၏​လူမျိုး​သည် ငါ့​ကို​မေ့လျော့​ပြီ​။ သူ​တို့​သည် အချည်းနှီး​သော​အရာ​ရှေ့​၌ နံ့သာပေါင်း​ကို​မီးရှို့​ကြ​လေ​ပြီ​။ သူ​တို့​သည် ရှေးလမ်းဟောင်း​များ​တွင် ခလုတ်တိုက်​လဲကျ​ကြ​လေ​ပြီ​။ လမ်းမ မ​ဟုတ်​သော လမ်းကြား​များ​တွင် လိုက်လျှောက်​ကြ​လေ​ပြီ​။

ယေ​ရ​မိ 2:25

‘​ဖိနပ်မပါ​ဘဲ​မသွား​နှင့်​၊ အာခေါင်​မ​ခြောက်​စေ​နှင့်​’​ဟု သတိပေး​သော်လည်း သင်​က ‘​မမျှော်လင့်​နှင့်​။ သူစိမ်း​ကို ငါ​တကယ်​ချစ်​မိ​ပြီ​ဖြစ်၍ သူ​တို့​နောက်သို့​လိုက်​တော့​မည်​’​ဟု ဆို​၏​။

ယေ​ရ​မိ 22:21

သင်​ကောင်းစား​စဉ်​အခါက သင့်​အား ငါ​သတိပေး​သော်လည်း သင်​က ‘​ငါ​နား​မ​ထောင်​’​ဟု ပြန်ပြော​၏​။ ငယ်စဉ်​ကပင် ငါ့​စကား​ကို​နား​မ​ထောင်​ဘဲ​နေ​သည်​မှာ သင်​၏​အကျင့်​ဖြစ်​၏​။

ယေ​ရ​မိ 31:21

မှတ်တိုင်​များ​ကို စိုက်သွား​လော့​။ ကျောက်ပုံ​များ​ဖြင့် အမှတ်အသားပြု​သွား​လော့​။ သင်​သွား​သော​လမ်းမကြီး​ကို သင့်​စိတ်​ထဲ၌ မှတ်သား​သွား​လော့​။ အို အစ္စရေး​အပျိုကညာ​၊ ပြန်လာ​လော့​။ ဤ​မြို့​များ​သို့ ပြန်လာ​လော့​။

ယေ​ရ​မိ 42:3

အကျွန်ုပ်​တို့ လျှောက်​ရ​မည့်​လမ်း​၊ ပြု​ရ​မည့်​အမှု​ကို အရှင်​၏​ဘုရားသခင်​ထာဝရဘုရား မိန့်​တော်မူ​ပါစေ​”​ဟု ဆို​ကြ​၏​။

ယေ​ရ​မိ 44:16

“​ထာဝရဘုရား​၏​နာမ​တော်​ဖြင့် ငါ​တို့​အား သင်​ဆင့်ဆို​သော​စကား​ကို ငါ​တို့​နား​မ​ထောင်​။

ယေ​ရ​မိ 50:5

‘​လာ​ကြ​။ မ​ပျက်ပြယ်​နိုင်​သော​ထာဝရ​ပဋိညာဉ်​ဖြင့် ထာဝရဘုရား​နှင့်​မိတ်သဟာယဖွဲ့​ကြ​စို့​’​ဟု ဆို​လျက် ဇိအုန်​မြို့​ဘက်​သို့​လှည့်​၍ ဇိအုန်​မြို့​သို့​သွား​သော​လမ်း​ကို မေးမြန်း​ကြ​လိမ့်မည်​။

ယေ​ရ​မိ 7:23

သို့သော် သူ​တို့​အား ‘​ငါ့​စကား​ကို နားထောင်​ကြ​လော့​။ ငါ​သည် သင်​တို့​၏​ဘုရား​ဖြစ်​မည်​။ သင်​တို့​သည်​လည်း ငါ​၏​လူမျိုး​တော်​ဖြစ်​မည်​။ ငါ​ပညတ်​သော​နည်းလမ်း​ရှိသမျှ​တို့​ကို သင်​တို့​လိုက်လျှောက်​လျှင် သင်​တို့​ကောင်းစား​ကြ​ရ​မည်​’ ဟူသော​စကား​ကို​ကား ငါ​မိန့်မှာ​ခဲ့​၏​။

ယေ​ရ​မိ 7:24

သို့သော် သူ​တို့ နား​မ​ထောင်​ကြ​။ ဂရု​မ​စိုက်​ကြ​။ သူ​တို့​၏​အကျင့်အကြံ​၊ သူ​တို့​၏​ဆိုးညစ်​မာကျော​သော​စိတ်သဘော​အတိုင်း လိုက်လျှောက်​ကြ​၏​။ ရှေ့​မ​တိုး​ဘဲ နောက်ဆုတ်​သွား​ကြ​၏​။

ယေ​ရ​မိ 7:3

အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က “​သင်​တို့​၏​အပြုအမူ​အကျင့်အကြံ​တို့​ကို ပြုပြင်​ကြ​လော့​။ သို့ပြုလျှင် ငါ​သည် သင်​တို့​ကို ဤ​အရပ်​၌ နေထိုင်​စေ​မည်​။

မာ​လ​ခိ 4:4

အစ္စရေး​လူမျိုး​အပေါင်း​တို့​အဖို့ ဟောရပ်​အရပ်​၌ မောရှေ​အား ငါ​မိန့်မှာ​ခဲ့​သည့် ပြဋ္ဌာန်းချက်​များ​၊ စီရင်ထုံးဖွဲ့ချက်​များ​ပါ​သော ငါ့​အစေအပါး​မောရှေ​၏​ပညတ်တရား​ကို အောက်မေ့​ကြ​လော့​။

လုကာ 16:29

သို့သော် အာဗြဟံ​က ‘သူ​တို့​၌ မောရှေ​နှင့်​ပရောဖက်​များ​ရှိ​ကြ​၏။ ထို​သူ​တို့​၏​စကား​ကို သူ​တို့​နားထောင်​ကြ​ပါစေ’​ဟု ဆို​၏။

ရှင်ယောဟန် 12:35

ယေရှု​က​လည်း“အလင်း​သည် သင်​တို့​တွင် နောက်ထပ် ခဏ​ရှိ​ဦး​မည်။ သင်​တို့​အား မှောင်မိုက်​မ​လွှမ်းမိုး​စေရန် အလင်း​ရှိ​ခိုက် သွားလာ​ကြ​လော့။ မှောင်မိုက်​၌​သွားလာ​သော​သူ​သည် မိမိ​မည်သည့်​အရပ်​သို့​သွား​သည်​ကို​မ​သိ။

ရှင်ယောဟန် 13:17

ဤ​အရာ​များ​ကို သင်​တို့​သိမှတ်​၍ ထို​အတိုင်း​ကျင့်သုံး​လျှင် သင်​တို့​သည် မင်္ဂလာရှိ​ကြ​၏။

ရှင်ယောဟန် 5:39

သင်​တို့​သည် ကျမ်းစာ​အားဖြင့် ထာဝရ​အသက်​ကို​ရရှိ​မည်​ဟု​ထင်မှတ်​၍ ကျမ်းစာ​ကို​စူးစမ်း​လေ့လာ​နေ​ကြ​၏။ ထို​ကျမ်းစာ​က​ပင် ငါ့​အကြောင်း​ကို သက်သေခံ​လျက်​ရှိ​၏။

တမန်တော်ဝတ္ထု 17:11

ဗေရိ​မြို့သား​တို့​သည် သက်သာလောနိတ်​မြို့​၌​ရှိ​သော​သူ​တို့​ထက် စိတ်ထား​မြင့်မြတ်​ကြ​၏။ အကြောင်းမှာ သူ​တို့​သည် နှုတ်ကပတ်​တရား​ကို စေတနာ​စိတ်​အပြည့်အဝ​ဖြင့် လက်ခံ​၍ ထို​အတိုင်း​ဟုတ်​၊ မ​ဟုတ် ကျမ်းစာ​ကို နေ့စဉ်​လေ့လာ​ကြ​၏။

ရော​မ 4:12

ထို့ပြင် အာဗြဟံ​အား အရေဖျား​လှီး​ထား​သော​သူ​တို့​၏​အဖ​ဖြစ်​စေရန်​နှင့် အရေဖျား​လှီး​ထား​သော​သူ​သာမက​ဘဲ အရေဖျား​မ​လှီး​မီ​က​ပင် ငါ​တို့​အဖ​အာဗြဟံ​၌​ရှိ​သော ယုံကြည်​ခြင်း​ခြေရာ​ကို လိုက်လျှောက်​သော​သူ​တို့​၏​အဖ​လည်း ဖြစ်​စေရန်​အတွက်​ဖြစ်​၏။

တ​ရား​ဟော 32:7

လွန်လေပြီး​သော​နေ့ရက်​များ​ကို အောက်မေ့​လော့​။ လွန်လေပြီး​သော​နှစ်​များ​ကို ဆင်ခြင်သုံးသပ်​လော့​။ သင့်​ဖခင်​ကို မေး​လော့​။ သင့်​ကို ရှင်းပြ​လိမ့်မည်​။ သက်ကြီးဝါကြီး​တို့​ကို မေး​လော့​။ သင့်​ကို ပြောပြ​လိမ့်မည်​။

ကော​လော​သဲ 2:6

ထို့ကြောင့် သင်​တို့​သည် သခင်​ခရစ်တော်​ယေရှု​ကို လက်ခံ​ကြ​သည်​နှင့်အညီ ထို​သခင်​၌ အသက်ရှင်​လျှောက်လှမ်း​ကြ​လော့။

ဟေ​ဗြဲ 11:2

ရှေး​လူကြီး​တို့​သည် ဤ​ယုံကြည်​ခြင်း​ကြောင့် ချီးကျူး​ခံရ​ကြ​၏။

ဟေ​ဗြဲ 6:12

ဤသည်ကား သင်​တို့​သည် ပျင်းရိ​ခြင်း​မ​ရှိ​ဘဲ ယုံကြည်​ခြင်း​နှင့်​စိတ်ရှည်​ခြင်း​တို့​အားဖြင့် ကတိ​တော်​ကို​အမွေ​ဆက်ခံ​သော​သူ​တို့​အား အတုယူ​သူ​များ​ဖြစ်​ကြ​မည့်​အကြောင်း​တည်း။

သူ​ကြီး 2:17

သို့သော် သူ​တို့​သည် တရားသူကြီး​တို့​၏​စကား​ကို နား​မ​ထောင်​၊ အခြား​ဘုရား​များ​ကို ရှိခိုးကိုးကွယ်​လျက် ဖောက်ပြန်မှားယွင်း​ကြ​၏​။ ဘိုးဘေး​တို့ နာခံ​လိုက်လျှောက်​ခဲ့​ကြ​သော​ထာဝရဘုရား​၏​ပညတ်တရား​လမ်း​မှ အလျင်အမြန်​လမ်း​လွဲသွား​ကြ​၏​။ ထို​လမ်း​အတိုင်း မ​လိုက်လျှောက်​ကြ​။