ယေ​ရ​မိ 52:31 - မြန်​​​မာ့​​​စံ​​​မီ​​​သမ္မာ​​​ကျမ်း​​

³¹ ဘေဘီလုံ​ဘုရင်​ဧဝိလမေရောဒက်​မင်းကြီး နန်းစံ​သော​ပထမ​နှစ်​၊ ယုဒ​ဘုရင်​ယောယခိမ်​မင်းကြီး ဖမ်းခေါ်​သွား​ခြင်း​ခံရ​ပြီးနောက် သုံးဆယ့်​ခုနစ်​နှစ်​မြောက်​၊ ဒွါဒသမ​လ​၊ နှစ်ဆယ့်​ငါး​ရက်​နေ့​တွင် ဧဝိလမေရောဒက်​မင်းကြီး​သည် ယုဒ​ဘုရင်​ယောယခိမ်​မင်းကြီး​ကို ချီးမြှောက်​သော​အားဖြင့် အကျဉ်းထောင်​မှ လွှတ်​ပေး​လိုက်​၏​။

Common Language Bible

³¹ ဗာ​ဗု​လုန်​ဘု​ရင်​ဧဝိ​လ​မ​ရော​ဒက်​သည် မိ​မိ နန်း​တက်​တော်​မူ​သော​နှစ်​၌​ယု​ဒ​ဘု​ရင် ယေ​ခေါ​နိ​အား အ​ကျဉ်း​ထောင်​မှ​လွတ်​၍ က​ရု​ဏာ​ပြ​တော်​မူ​၏။ ဤ​သို့​ဖြစ်​ပျက်​သည် မှာ​ယေ​ခေါ​နိ​အ​ကျဉ်း​ကျ​ပြီး​နောက် သုံး ဆယ့်​ခု​နစ်​နှစ်​မြောက်​ဒွါ​ဒ​သ​မ​လ၊ နှစ် ဆယ့်​ငါး​ရက်​နေ့​ဖြစ်​သ​တည်း။-

Garrad Bible

³¹ ယု ဒ ဘု ရင် ယေ ခေါ နိ မင်း သိမ်း သွား ခံ ရ သော သုံး ဆယ့် ခု နစ် နှစ်၊ ဒွါ ဒ သ မ လ၊ နှစ် ဆယ့် ငါး ရက် ၌၊ ဗာ ဗု လုန် ဘု ရင် ဧ ဝိ လ မေ ရော ဒက် မင်း သည်၊ နန်း စံ တစ် နှစ် တွင်၊ ထို မင်း ကို ကြေး တိုက် မှ လွှတ် ပြီး လျှင်၊

Judson Bible

³¹ ယု​ဒ​ရှင်​ဘု​ရင်​ယေ​ခေါ​နိ​သည် အ​ချုပ်​ခံ​ရ​သော သ​က္က​ရာဇ်​သုံး​ဆယ်​ခု​နစ်​နှစ်၊ ဒွါ​ဒ​သ​မ​လ နှစ်​ဆယ်​ငါး​ရက်​နေ့​တွင်၊ ဗာ​ဗု​လုန်​ရှင်​ဘု​ရင် ဧ​ဝိ​လ​မ​ရော​ဒက် နန်း​စံ​စ​က ယု​ဒ​ရှင်​ဘု​ရင်​ယေ​ခေါ​နိ​ကို ထောင်​ထဲ​က​နုတ်၍ ချမ်း​သာ​ပေး​လေ၏။

ယေ​ရ​မိ 52:31 Referencias Cruzadas

ကမ္ဘာ​ဦး 40:13

သုံး​ရက်​အတွင်း​တွင် ဖာရော​မင်းကြီး​သည် သင့်​ကို​ချီးမြှောက်​၍ သင်​၏​ရာထူး​ကို သင့်​အား​ပြန်ပေး​လိမ့်မည်​။ သင်​သည် ယခင်​က ဖာရော​မင်းကြီး​၏​ဖလားတော်ဝန်​ဖြစ်​ခဲ့​စဉ်​ပြု​လေ့​ရှိ​သည့်​အတိုင်း သူ​၏​ခွက်ဖလား​ကို သူ့​လက်​သို့​ဆက်သ​ရ​လိမ့်မည်​။

ကမ္ဘာ​ဦး 40:20

ထို့နောက် သုံး​ရက်​မြောက်​သော​နေ့​တွင် ဖာရော​မင်းကြီး​၏​မွေး​နေ့​ကျရောက်သဖြင့် မိမိ​၏​အမှုထမ်း​အပေါင်း​တို့​အတွက် စားသောက်ပွဲ​ပြုလုပ်​လေ​၏​။ မိမိ​၏​အမှုထမ်း​တို့​ရှေ့​၌ ဖလားတော်ဝန်​ကို​ချီးမြှင့်​၍ စားတော်ဝန်​ကို​ကား ခေါင်း​နှင့်​ကိုယ်​တခြားစီ​ဖြစ်စေ​လေ​၏​။

ယောဘဝတ္တု။ 22:29

နှိမ့်ချ​ခံ​နေ​ရ​သူ​တို့​အဖို့ သင်​က ‘​သူ​တို့​ကို ချီးမြှောက်​တော်မူ​ပါ​’​ဟု ဆုတောင်း​ပေး​လျှင် ကိုယ်တော်​သည် နိမ့်ကျ​သော​သူ​တို့​ကို ကယ်တင်​တော်မူ​မည်​။

ဆာ​လံ 27:6

ယခုအခါ ငါ​၏​ဦးခေါင်း​သည် ငါ့​ပတ်လည်​ရှိ ငါ့​ရန်သူ​တို့​အထက်၌ ချီးမြှောက်​ခြင်း​ခံရ​လိမ့်မည်​။ ထို့ကြောင့် ငါ​သည် ကိုယ်တော်​၏​တဲ​တော်​၌ ဝမ်းမြောက်​စွာ​ကြွေးကြော်​သော​အသံ​တည်းဟူသော ယဇ်​များ​ကို​ပူဇော်​ပါ​မည်​။ ငါ​သည် သီချင်းဆို​လျက် ထာဝရဘုရား​ကို သီဆိုချီးမွမ်း​ပါ​မည်​။

ဆာ​လံ 3:3

သို့သော် အို ထာဝရဘုရား​၊ ကိုယ်တော်​သည် အကျွန်ုပ်​ကို​ဝန်းရံ​ထား​သော​ဒိုင်းလွှား​၊ အကျွန်ုပ်​၏​ဘုန်းအသရေ​နှင့် အကျွန်ုပ်​၏​ဦးခေါင်း​ကို ချီးမြှောက်​သော​အရှင်​ဖြစ်​တော်မူ​၏​။

သုတ္တံကျမ်း။ 21:1

ရှင်ဘုရင်​၏​စိတ်နှလုံး​သည် ထာဝရဘုရား​၏​လက်​တော်​၌​ရှိ​၍ ရေစီး​သော​ချောင်း​များ​ကဲ့သို့​ဖြစ်​၏​။ ကိုယ်တော်​သည် ၎င်း​ကို အလို​တော်​ရှိ​သည့် နေရာတိုင်း​သို့ လှည့်​စေ​တော်မူ​၏​။

ယေ​ရ​မိ 37:1

ဘေဘီလုံ​ဘုရင်​နေဗုခဒ်နေဇာ​မင်းကြီး​က မင်းမြှောက်​လိုက်​သော ယောရှိ​မင်းကြီး​၏​သား​တော်​ဇေဒကိ​သည် ယောယကိမ်​မင်းကြီး​၏​သား​တော်​ခေါနိ​၏​နေရာ​၌ ယုဒ​ပြည်​ကို စိုးစံ​လေ​၏​။