ယေ​ရ​မိ 52:27 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁷ ဘေဘီလုံ​ဘုရင်​သည် ထို​သူ​တို့​ကို ဟာမတ်​ပြည်​၊ ရိဗလ​မြို့​တွင် ဒဏ်ခတ်​ကွပ်မျက်​လေ​၏​။ ဤသို့ဖြင့် ယုဒ​လူမျိုး​တို့​သည် နေရင်းပြည်​မှ ဖမ်းခေါ်​သွား​ခြင်း​ခံရ​လေ​၏​။

Common Language Bible

²⁷ မင်း​ကြီး​သည်​ဟာ​မတ်​နယ်​မြေ​ရိ​ဗ​လ​မြို့ ၌ သူ​တို့​အား​ရိုက်​နှက်​၍​ကွပ်​မျက်​စေ​တော် မူ​၏။ ဤ​သို့​လျှင်​ယု​ဒ​ပြည်​သား​တို့​သည်​သုံ့​ပန်း များ​အ​ဖြစ်​နှင့် မိ​မိ​တို့​ပြည်​မှ​သိမ်း​သွား ခြင်း​ကို​ခံ​ရ​ကြ​လေ​သည်။-

Judson Bible

²⁷ ဗာ​ဗု​လုန်​ရှင်​ဘု​ရင်​သည် ဟာ​မတ်​ပြည် ရိ​ဗ​လ​မြို့၌ ထို​သူ​တို့​ကို​ဒဏ်​ပေး၍ ကွပ်​မျက်​လေ၏။ ထို​သို့ ယု​ဒ​အ​မျိုး​သည် မိ​မိ​ပြည်​မှ သိမ်း​သွား​ခြင်း​ကို ခံ​ရ​သ​တည်း။

ယေ​ရ​မိ 52:27 Referencias Cruzadas

၂ ရာ 8:9

ဟာဒဒေဇာ​မင်းကြီး​၏​စစ်တပ်​တစ်တပ်လုံး​အား ဒါဝိဒ်​မင်းကြီး​ချေမှုန်း​လိုက်​ကြောင်း​ကို ဟာမတ်​ဘုရင်​တောဣ​မင်းကြီး​ကြား​လျှင်

၄ ရာ 17:20

ထို့ကြောင့် ထာဝရဘုရား​က အစ္စရေး​၏​သားစဉ်မြေးဆက်​အားလုံး​ကို စွန့်ပစ်​ပြီး ဒဏ်ခတ်​တော်မူ​၏​။ သူ​တို့​ကို တိုက်ခိုက်လုယက်​သူ​တို့​လက်​သို့ အပ်​ပြီး အထံ​တော်​မှ​နှင်ထုတ်​တော်မူ​၏​။

၄ ရာ 17:23

ထာဝရဘုရား​က မိမိ​အစေအပါး​ပရောဖက်​တို့​မှတစ်ဆင့် မိန့်မှာ​ခဲ့​သည့်​အတိုင်း အစ္စရေး​လူမျိုး​တို့​ကို အထံ​တော်​မှ​နှင်ထုတ်​ခဲ့​ရ​သည်​အထိ ဖြစ်​၏​။ ထို့ကြောင့် အစ္စရေး​လူမျိုး​တို့​သည် ကိုယ့်​နေရင်းပြည်​မှ အဆီးရီးယား​ပြည်​သို့ ဖမ်းဆီးခေါ်ဆောင်​သွား​ခြင်း​ခံရ​၍ ယနေ့​တိုင်အောင်​ထို​ပြည်​တွင် နေ​ကြ​ရ​၏​။

၄ ရာ 23:27

ထို့ကြောင့် ထာဝရဘုရား​က “​အစ္စရေး​လူမျိုး​ကို ငါ​ဖယ်ရှား​ပစ်​သကဲ့သို့ ယုဒ​လူမျိုး​ကို​လည်း ငါ့​ရှေ့​မှ​ဖယ်ရှား​ပစ်​မည်​။ ငါ​ရွေးချယ်​ခဲ့​သော​ဂျေရုဆလင်​မြို့​နှင့် ‘ထို​နေရာ​၌​ငါ့​နာမ​ကို​တည်​စေ​မည်’​ဟု ငါ​ဆို​ခဲ့​သော​အိမ်​တော်​ကို ငါ​စွန့်ပစ်​မည်​”​ဟု မိန့်​တော်မူ​၏​။

ဟေ​ရှာ​ယ 24:3

ကမ္ဘာမြေကြီး​သည် အမှန်ပင် ဟင်းလင်းပြင် ဖြစ်​လိမ့်မည်​။ အကုန်အစင်​လုယူ​ခံရ​မည်​။ ဤ​စကား​ကို ထာဝရဘုရား​မိန့်​တော်မူ​ပြီ​။

ဟေ​ရှာ​ယ 27:10

ခိုင်ခံ့​သော​မြို့​သည် အထီးကျန်​၍ တောကန္တာရ​ကဲ့သို့ စွန့်ခွာ​သွား​ခြင်း​၊ စွန့်ပစ်​ထား​ခြင်း​ခံရ​သော​နေရာ​ဖြစ်​လိမ့်မည်​။ နွားသငယ်​သည် ထို​နေရာ​တွင် ကျက်စား​လိမ့်မည်​၊ လဲလျောင်း​လိမ့်မည်​။ ထို​နေရာ​ရှိ​အခက်အလက်​တို့​ကို အကုန်အစင်​စား​လိမ့်မည်​။

ဟေ​ရှာ​ယ 43:28

ထို့ကြောင့် သန့်ရှင်းရာဌာန​၏​အကြီးအကဲ​တို့​ကို ငါ​ရှုတ်ချ​မည်​။ ယာကုပ်​အမျိုး​ကို ကျိန်​ခြင်း​လက်​သို့​၊ အစ္စရေး​လူမျိုး​ကို ကဲ့ရဲ့စော်ကား​ခြင်း​လက်​သို့ ငါ​အပ်​မည်​”​ဟု မိန့်​တော်မူ​၏​။

ယေ​ရ​မိ 13:19

တောင်ဘက်​အရပ်​ရှိ​မြို့​များ ပိတ်​ထား​ခြင်း​ခံရ​ပြီ​။ ဖွင့်​မည့်​သူ​တစ်ယောက်​မျှ​မ​ရှိ​။ ယုဒ​ပြည်သား​အပေါင်း​တို့​သည် တစ်ယောက်မကျန်​ဖမ်းခေါ်​သွား​ခြင်း​ခံရ​လေ​ပြီ​။

ယေ​ရ​မိ 20:4

အကြောင်းမှာ ထာဝရဘုရား​က ‘​ကြည့်ရှု​လော့​။ ငါ​သည် သင့်​ကို သင်ကိုယ်တိုင်​အတွက်​သော်​လည်းကောင်း​၊ သင်​၏​အပေါင်းအဖော်​အားလုံး​အတွက်​သော်​လည်းကောင်း ကြောက်လန့်စရာ​ဖြစ်စေ​မည်​။ သင်​၏​အပေါင်းအဖော်​များ​သည် ရန်သူ​၏​ဓား​ဖြင့်​လဲကျ​သေဆုံး​ကြ​သည်​ကို သင်​မြင်တွေ့​ရ​မည်​။ ယုဒ​အမျိုး​အားလုံး​ကို ဘေဘီလုံ​ဘုရင်​၏​လက်​သို့ ငါ​အပ်​မည်​။ ထို​ဘုရင်​သည် သူ​တို့​ကို ဘေဘီလုံ​မြို့​သို့ ဖမ်းခေါ်​သွား​ပြီး ဓား​ဖြင့်​ကွပ်မျက်​မည်​။

ယေ​ရ​မိ 21:7

တစ်ဖန် ထာဝရဘုရား​က ‘ကပ်ရောဂါ​ဘေး​၊ ဓားဘေး​၊ ငတ်မွတ်ခေါင်းပါး​ခြင်း​ဘေး​တို့​မှ အသက်ရှင်​ကျန်ရစ်​သော ယုဒ​ဘုရင်​ဇေဒကိ​မင်းကြီး​နှင့် သူ​၏​အမှုထမ်း​များ​၊ မြို့သူမြို့သား​များ​ကို သူ​တို့​အသက်​ကို​ရန်ရှာ​သော​၊ သူ​တို့​၏​ရန်သူ​ဖြစ်​သော ဘေဘီလုံ​ဘုရင်​နေဗုခဒ်နေဇာ​လက်​ထဲသို့ ငါ​အပ်​မည်​။ ထို​ဘုရင်​သည် သူ​တို့​ကို မ​သနား​၊ မ​ညှာတာ​၊ မ​စာနာ​ဘဲ ဓား​ဖြင့် ကွပ်မျက်​မည်’​ဟူ၍ မိန့်​တော်မူ​၏”​ဟု လျှောက်ဆို​ရ​မည်​။

ယေ​ရ​မိ 39:10

သို့သော် ကိုယ်ရံတော်မှူး​နေဗုဇာရဒန်​သည် ဘာမျှ​မ​ရှိ​သော​ဆင်းရဲသား​တို့​ကို ယုဒ​ပြည်​၌​ထားခဲ့​၍ သူ​တို့​အား စပျစ်ခြံ​နှင့်​လယ်ယာမြေ​တို့​ကို ပေး​လေ​၏​။

ယေ​ရ​မိ 39:9

ကိုယ်ရံတော်မှူး​နေဗုဇာရဒန်​သည် မြို့​ထဲမှ​ကြွင်းကျန်သူ​များ​၊ သူ့​ထံ​ခိုလှုံ​လာ​သူ​များ​၊ အသက်ရှင်​ကျန်ရစ်သူ​များ​ကို ဘေဘီလုံ​မြို့​သို့ ဖမ်းခေါ်​သွား​လေ​၏​။

ယေ​ရ​မိ 52:9

ခါလဒဲ​စစ်သည်​တို့​သည် ဇေဒကိ​မင်းကြီး​ကို​ဖမ်းဆီး​ပြီး ဘေဘီလုံ​ဘုရင်​ရှိ​ရာ ဟာမတ်​ပြည်​၊ ရိဗလ​မြို့​သို့ ခေါ်ဆောင်​သွား​ကြ​၍ ဘေဘီလုံ​ဘုရင်​သည် သူ့​ကို စီရင်ချက်​ချ​လေ​၏​။

ယေ​ဇ​ကျေ​လ 33:28

ထို​ပြည်​ကို လူသူကင်းမဲ့​ရာ​၊ ဆိတ်ညံ​ရာ ဖြစ်​စေ​မည်​။ သူ​ဂုဏ်ယူအားထား​ရာ သူ​၏​ခွန်အား​ကို​လည်း ကွယ်ပျောက်​စေ​မည်​။ အစ္စရေး​တောင်​တို့​သည် ဖြတ်သန်းသွားလာ​မည့်​သူ​မ​ရှိ​။ လူသူကင်းမဲ့​ရာ​ဖြစ်သွား​မည်​။

မိက္ခာ 4:10

အို ဇိအုန်​သမီးပျို​၊ သားဖွား​မိန်းမ​ကဲ့သို့ ဝေဒနာ​ကို အလူးအလိမ့်​ခံစား​လော့​။ အကြောင်းမူကား သင်​သည် မြို့​မှ​ထွက်​၍ ကွင်းပြင်​၌​နေ​ရ​လိမ့်မည်​။ ထို့နောက် ဘေဘီလုံ​ပြည်​သို့ ပါသွား​ရ​လိမ့်မည်​။ သို့သော် ထာဝရဘုရား​သည် ထို​ပြည်​တွင် သင့်​ကို ရန်သူ​တို့​လက်​မှ ရွေးနုတ်​ကယ်တင်​တော်မူ​မည်​။

တ​ရား​ဟော 28:36

ထာဝရဘုရား​သည် သင့်​ကို​လည်းကောင်း​၊ သင်​တင်မြှောက်​ထား​သော သင့်​ကို​အုပ်စိုး​သည့်​ရှင်ဘုရင်​ကို​လည်းကောင်း သင်​မ​သိ​၊ သင့်​ဘိုးဘေး​တို့​လည်း​မ​သိ​သော လူမျိုး​ထံသို့ ဆောင်သွား​တော်မူ​သဖြင့် သင်​သည် ထို​အရပ်​၌ အခြား​ဘုရား​များ​ဖြစ်​သည့် သစ်သား​ဘုရား​၊ ကျောက်​ဘုရား​တို့​ကို​ဝတ်ပြု​ရ​လိမ့်မည်​။

တ​ရား​ဟော 28:64

ထာဝရဘုရား​သည် သင့်​ကို မြေကြီး​တစ်ဖက်စွန်း​မှ တစ်ဖက်စွန်း​တိုင်အောင် လူမျိုး​တကာ​တို့​အလယ်​သို့ ကွဲလွင့်​စေ​တော်မူ​မည်​။ သင်​သည် ထို​အရပ်​တို့​၌ သင်​မ​သိ​၊ သင့်​ဘိုးဘေး​တို့​လည်း​မ​သိ​သော အခြား​ဘုရား​များ​ဖြစ်​သည့် သစ်သား​ဘုရား​၊ ကျောက်​ဘုရား​တို့​ကို​ဝတ်ပြု​ရ​လိမ့်မည်​။

တ​ရား​ဟော 4:26

ယနေ့ ငါ​သည် သင်​တို့​တစ်ဖက်​၌ ကောင်းကင်​နှင့်​မြေကြီး​ကို​သက်သေ​ထား​၍ တိုင်တည်​၏​။ သင်​တို့​သည် ဂျော်ဒန်​မြစ်​ကို​ကူးသွား​၍​သိမ်းပိုက်​မည့်​ပြည်​မှ မကြာမီ​လုံးလုံး​ဖျက်ဆီး​ခြင်း​ခံရ​မည်​။ ထို​ပြည်​၌ အသက်​ရှည်ရှည်​မ​နေ​ရ​၊ လုံးလုံး​ဖျက်ဆီး​ခြင်း​ခံရ​မည်​။