ယေ​ရ​မိ 51:33 - မြန်​​​မာ့​​​စံ​​​မီ​​​သမ္မာ​​​ကျမ်း​​

³³ အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က “​ဘေဘီလုံ​သမီးပျို​သည် တလင်းနယ်​ချိန်​၌ နင်းနယ်​ခံရ​သော​ကောက်နယ်တလင်း​နှင့်​တူ​၏​။ တစ်ခဏချင်း​တွင် ရိတ်သိမ်း​ချိန်​ရောက်လာ​လိမ့်မည်​”​ဟု မိန့်​တော်မူ​၏​။

Common Language Bible

³³ မ​ကြာ​မီ​ပင်​ရန်​သူ​သည်​သူ​တို့​အား​ခုတ်​ထစ် ပြီး​လျှင် ကောက်​နယ်​တ​လင်း​မှ​စ​ပါး​များ​ကဲ့ သို့​နင်း​နယ်​ကြ​လိမ့်​မည်။ ဤ​ကား​ဣ​သ​ရေ​လ အ​မျိုး​သား​တို့​၏​ဘု​ရား​သ​ခင်​အ​နန္တ​တန် ခိုး​ရှင်​ထာ​ဝ​ရ​ဘု​ရား​မြွက်​ဟ​သည့်​စ​ကား ဖြစ်​၏'' ဟု​မိန့်​တော်​မူ​၏။

Garrad Bible

³³ အ သို့ ဆို သော်၊ ဗိုလ် ခြေ တို့ အ ရှင် ထာ ဝ ရ ဘု ရား၊ ဣ သ ရေ လ လူ မျိုး ၏ ဘု ရား သ ခင် က၊ သ တို့ သ မီး ဗာ ဗု လုန် သည်၊ နင်း သိပ် ဆဲ တ လင်း သ ဖွယ် ဖြစ်၍၊ ရုတ် က နဲ ရိတ် သိမ်း ချိန် ရောက် တော့ မည် ဟု မိန့် တော် မူ ၏။

Judson Bible

³³ ဣ​သ​ရေ​လ​အ​မျိုး၏ ဘု​ရား​သ​ခင်၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​မိန့်​တော်​မူ​သည်​ကား၊ ဗာ​ဗု​လုန် သ​တို့​သ​မီး​သည် စ​ပါး​နယ်​ရ​သော ကောက်​နယ်​တ​လင်း​ကဲ့​သို့ ဖြစ်၏။ စ​ပါး​ရိတ်​ရာ​အ​ချိန်​နီး​ပြီ။

ယေ​ရ​မိ 51:33 Referencias Cruzadas

ဟေ​ရှာ​ယ 18:5

စပျစ်ပင်​သည် အပွင့်​ပွင့်​ပြီး အပွင့်​မှ ရင့်မှည့်​သော​စပျစ်သီး​သီး​လာ​၍ ဆွတ်ခူး​ချိန်​မရောက်မီမှာ​ပင် အညွန့်​များ​ကို တံစဉ်​ဖြင့်​ဖြတ်​၍ အခက်အလက်​များ​ကို​လည်း ခုတ်ဖြတ်​ဖယ်ရှား​ပစ်​မည်​။

ဟေ​ရှာ​ယ 21:10

အနင်းနယ်​ခံရ​သော တလင်းပြင်​မှ​ငါ့​လူ​တို့​၊ ကောင်းကင်​ဗိုလ်ခြေ​အရှင်​ထာဝရဘုရား​၊ အစ္စရေး​လူမျိုး​၏​ဘုရားသခင်​ထံ​တော်​မှ ငါ​ကြား​ရ​သည့်​အရာ​ကို သင်​တို့​အား ငါ​ပြောကြား​၏​။

ဟေ​ရှာ​ယ 47:1

အို ဘေဘီလုံ​သမီး​ပျို​၊ မြေမှုန့်​ပေါ်တွင် ဆင်း​ထိုင်​လော့​။ အို ခါလဒဲ​သမီး​၊ ရာဇပလ္လင်​ပေါ်​မ​ဟုတ်​၊ မြေကြီး​ပေါ်တွင် ထိုင်​လော့​။ သင့်​ကို နူးညံ့​သိမ်မွေ့​သော​သူ​ဟု ခေါ်​တော့​မည်​မ​ဟုတ်​။

ယေ​ရ​မိ 51:32

ဆိပ်ကမ်း​တို့​ကို သိမ်းပိုက်​ကြ​ပြီ​။ ခံတပ်​များ​ကို မီး​ရှို့​ပစ်​ကြ​ပြီ​။ စစ်သူရဲ​တို့​လည်း ဆောက်တည်​ရာ​မ​ရ​ကြောက်လန့်​ကြ​လေ​ပြီ​။

ဟော​ရှေ 6:11

ထိုမှတစ်ပါး အို ယုဒ​၊ ဖမ်းခေါ်​သွား​ခြင်း​ခံရ​သော​ငါ့​လူမျိုး​တော်​ကို ပြန်ခေါ်​လာ​သောအခါ သင့်​အဖို့ ရိတ်သိမ်း​ချိန်​ကို သတ်မှတ်​ထား​ပြီး​ဖြစ်​၏​။

ယော​လ 3:13

ရိတ်သိမ်းစရာ​သီးနှံ​မှည့်ဝင်း​ပြီ​ဖြစ်၍ တံစဉ်​ကို​ဆန့်တန်း​ကြ​လော့​။ စပျစ်သီးနယ်ရာကျင်း ပြည့်​နေ​သည်​ဖြစ်၍ လာ​၍​နင်းချေ​ကြ​လော့​။ စည်​များ လျှံ​နေ​သကဲ့သို့ ထို​သူ​တို့​၏​ဆိုးညစ်မှု​များ​သည် များပြား​လျက်​ရှိ​၏​။”

အာ​မုတ် 1:3

ထာဝရဘုရား​ဤသို့​မိန့်​တော်မူ​ပြီ​။ “ဒမတ်စကပ်​မြို့သား​တို့​သည် အပြစ်​သုံး​လေး​မျိုး​မက ကျူးလွန်​သောကြောင့် ငါ​အပြစ်​မ​ပေး​ဘဲ​မ​နေ​။ အကြောင်းမူကား သူ​တို့​သည် ဂိလဒ်​ပြည်​ကို ကောက်နယ်​သံ​တလိမ့်တုံး​ဖြင့် နင်းနယ်​လေ​ပြီ​။

မိက္ခာ 4:12

သို့သော် သူ​တို့​သည် ထာဝရဘုရား​၏​စိတ်​တော်​တို့​ကို မ​သိ​၊ အကြံအစည်​တော်​ကို နား​မ​လည်​ကြ​။ စင်စစ် ကိုယ်တော်​သည် သူ​တို့​ကို ကောက်နယ်တလင်း​မှ ကောက်လှိုင်း​များ​ကဲ့သို့ စုစည်း​တော်မူ​မည်​။

မိက္ခာ 4:13

“အို ဇိအုန်​သမီးပျို​၊ ထ​၍ တလင်းနယ်​လော့​။ ငါ​သည် သင့်​အား သံ​ဦးချို​နှင့် ကြေးဝါ​ခွာ​ကို ပေး​မည်​။ သင်​သည် လူမျိုး​များစွာ​တို့​ကို ညက်ညက်ကြေ​အောင် နင်းနယ်​လိမ့်မည်​။ သင်​သည် သူ​တို့​၏​မတရား​သော​အကျိုးစီးပွား​ကို ထာဝရဘုရား​ထံ​တော်​သို့​လည်းကောင်း​၊ သူ​တို့​၏​ဥစ္စာပစ္စည်း​တို့​ကို မြေ​တစ်ပြင်လုံး​၏​အရှင်​ထံသို့​လည်းကောင်း ဆက်ကပ်​လိမ့်မည်​။”

ဟ​ဗက္ကုတ် 3:12

ကိုယ်တော်​သည် မြေ​တစ်ပြင်လုံး​သို့ အမျက်​နှင့်​ချီသွား​၍ ဒေါသ​နှင့် လူမျိုးတကာ​တို့​ကို​နင်းချေ​တော်မူ​ပါ​၏​။

မဿဲ 13:30

ရိတ်သိမ်း​ချိန်​တိုင်အောင် နှစ်မျိုးစလုံး​အတူ ကြီးထွား​ကြ​ပါစေ။ ရိတ်သိမ်း​ချိန်​၌ ရိတ်သိမ်း​သော​သူ​တို့​အား “မြက်သီး​ပင်​များ​ကို ဦးစွာ​နုတ်ယူ​၍ ၎င်း​တို့​ကို​မီးရှို့​ရန် အစည်း​လိုက်​ချည်​ထား​ကြ​လော့။ ဂျုံ​ဆန်​ကို​မူကား ငါ​၏​ကျီ​ထဲ၌ စုသိမ်း​ထား​ကြ​လော့”​ဟု ငါ​ပြော​မည်’ဟု ဆို​လေ​၏”​ဟူ၍ မိန့်​တော်မူ​၏။

မဿဲ 13:39

မြက်သီး​မျိုးစေ့​များ​ကို​ကြဲ​သော​ရန်သူ​သည် မာရ်နတ်​ဖြစ်​၏။ ရိတ်သိမ်း​ချိန်​မူကား ကပ်ကမ္ဘာ​ကုန်ဆုံး​ချိန်​ဖြစ်​၍ ရိတ်သိမ်း​သော​သူ​တို့​သည် ကောင်းကင်တမန်​များ​ဖြစ်​ကြ​၏။