ယေ​ရ​မိ 49:22 - မြန်​​​မာ့​​​စံ​​​မီ​​​သမ္မာ​​​ကျမ်း​​

²² ကြည့်ရှု​လော့​။ ရန်သူ​သည် လင်းယုန်​ကဲ့သို့ အတောင်ပံ​ကို​ဖြန့်​၍ ပျံတက်​ပြီးမှ ဗောဇရ​မြို့​သို့ ထိုးဆင်း​လာ​လေ​ပြီ​။ ထို​နေ့ရက်​၌ ဧဒုံ​စစ်သူရဲ​တို့​၏​စိတ်နှလုံး​သည် သားဖွား​ခြင်း​ဝေဒနာ​ခံစား​ရ​သော​မိန်းမ​ကဲ့သို့ ကြောက်လန့်​ရ​လိမ့်မည်​။

Common Language Bible

²² ကောင်း​ကင်​မှ​အ​တောင်​ကို​ဖြန့်​လျက်​ထိုး​ဆင်း လာ​သည့်​လင်း​ယုန်​ငှက်​ကဲ့​သို့ ရန်​သူ​သည် ဗော​ဇ​ရ​မြို့​ကို​တိုက်​ခိုက်​လိမ့်​မည်။ ထို​အ​ခါ ဧ​ဒုံ​စစ်​သည်​တပ်​သား​တို့​သည်​သား​ဖွား ဝေ​ဒ​နာ​ခံ​ရ​သည့်​အ​မျိုး​သ​မီး​ကဲ့​သို့ ထိတ်​လန့်​တုန်​လှုပ်​ကြ​လိမ့်​မည်'' ဟု​မိန့်​တော် မူ​၏။

Judson Bible

²² ရန်​သူ​သည်​တက်၍ ရွှေ​လင်း​တ​ကဲ့​သို့ ပျံ​လျက်၊ ဗော​ဇ​ရ​မြို့​ကို အ​တောင်​တို့​နှင့် ဖြန့်​မိုး​လိမ့်​မည်။ ထို​နေ့၌ ဧ​ဒုံ​ပြည်​သား​သူ​ရဲ​တို့၏ စိတ်​နှ​လုံး​သည်၊ သား​ဖွား​ခြင်း​ဝေ​ဒ​နာ​ကို​ခံ​ရ​သော မိန်း​မ၏​စိတ်​နှ​လုံး​ကဲ့​သို့ ဖြစ်​လိမ့်​မည်။

ယေ​ရ​မိ 49:22 Referencias Cruzadas

ဆာ​လံ 18:5

မရဏာ​ကြိုး​တို့​သည် ငါ့​ကို ပတ်စည်း​ထား​ပြီး သေမင်း​ထောင်ချောက်​များ​လည်း ငါ့​ကို ဆီးကြို​နေ​ပါ​၏​။

သုတ္တံကျမ်း။ 30:19

မိုးကောင်းကင်​၌​လင်းယုန်​သွား​ရာ​လမ်း​၊ ကျောက်ဆောင်​ပေါ်၌​မြွေ​သွား​ရာ​လမ်း​၊ ပင်လယ်​အလယ်​၌​သင်္ဘော​သွား​ရာ​လမ်း​နှင့် မိန်းမပျို​နှင့်အတူ​ယောက်ျား​သွား​ရာ​လမ်း​တို့​ဖြစ်​ကြ​၏​။

ဟေ​ရှာ​ယ 11:14

သူ​တို့​သည် အနောက်​အရပ်​ရှိ​ဖိလိတ္တိ​လူမျိုး​တို့​ကို အနောက်​မှ​တိုက်ခိုက်​လိမ့်မည်​။ အရှေ့​ပြည်သား​တို့​ကို​လည်း အတူတကွ လုယူ​လိမ့်မည်​။ မိမိ​တို့​လက်​ကို ဧဒုံ​ပြည်​၊ မောဘ​ပြည်​ပေါ်သို့ ရောက်​စေ​လိမ့်မည်​။ အမ္မုန်​အမျိုးသား​တို့​သည် သူ​တို့​၏​လက်အောက်ခံ​ဖြစ်​ရ​လိမ့်မည်​။

ဟေ​ရှာ​ယ 13:8

ထိတ်လန့်​လိမ့်မည်​။ ပြင်းထန်​သော​ဝေဒနာ​၊ မချိတင်ကဲဝေဒနာ​သည် သူ​တို့​ကို ဆုပ်ကိုင်​ထား​လိမ့်မည်​။ သားဖွား​သော​မိန်းမ​ကဲ့သို့ လူးလွန့်​ရ​လိမ့်မည်​။ တစ်ယောက်​ကို​တစ်ယောက် အံ့အားသင့်​လိမ့်မည်​။ သူ​တို့​မျက်နှာ​သည် မီးလျှံ​ကဲ့သို့​ဖြစ်​လိမ့်မည်​။

ဟေ​ရှာ​ယ 21:3

ထို့ကြောင့် ငါ့​ခါး​သည် အလွန်​နာ​၏​။ ငါ​ခံရ​သော​ဝေဒနာ​သည် သားဖွားမိန်းမ​ခံရ​သော​ဝေဒနာ​ကဲ့သို့ ဖြစ်​၏​။ ငါ​ကြား​ရ​သော​အရာ​ကြောင့် စိတ်ရှုပ်ထွေး​၏​။ မြင်​ရ​သော​အရာ​ကြောင့် ထိတ်လန့်​၏​။

ဟေ​ရှာ​ယ 26:17

ကိုယ်ဝန်ဆောင်​မိန်းမ​သည် သားဖွား​လုဆဲဆဲ​၌ မိမိ​၏​နာကျင်​ခြင်း​ဝေဒနာ​ကြောင့် လူးလွန့်​လျက် အော်ဟစ်​ငိုကြွေး​သကဲ့သို့ အို ထာဝရဘုရား​၊ အကျွန်ုပ်​တို့​သည် ကိုယ်တော်​၏​ရှေ့​တော်​၌ ထိုနည်းတူ​ဖြစ်​ကြ​ပါ​၏​။

ယေ​ရ​မိ 13:21

သင်ကိုယ်တိုင်​သင်ကြား​ပေး​သော​သူ​၊ သင်​၏​မိတ်ဆွေ​ဖြစ်​သော​သူ​ကို သင်​၏​ခေါင်းဆောင်​အဖြစ်​ခန့်ထား​တော်မူ​လျှင် သင်​မည်သို့​ဆို​မည်နည်း​။ သားဖွား​သော​မိန်းမ​ကဲ့သို့ သင်​နာကျင်​ခံစား​ရ​မည်​မ​ဟုတ်​လော​။

ယေ​ရ​မိ 22:23

သစ်ကတိုးပင်​၌​အသိုက်လုပ်​၍ လက်ဘနွန်​တောင်​၌​နေ​သော​သူ​၊ သားဖွား​ဝေဒနာ​ကဲ့သို့ နာကျင်​ခြင်း​ဝေဒနာ​ကို သင်​ခံစား​ရ​သောအခါ သင်​မည်မျှ​ညည်းတွား​လိမ့်​မည်နည်း”​ဟု မိန့်​တော်မူ​၏​။

ယေ​ရ​မိ 30:6

သင်​တို့ မေးမြန်း​ကြည့်​ကြ​လော့​။ ယောက်ျား​သည် သားဖွား​နိုင်​သလော​။ ယောက်ျား​အပေါင်း​တို့​သည် သားဖွား​သော​မိန်းမ​ကဲ့သို့ မိမိ​တို့​ခါး​ကို​နှိပ်​၍ မျက်နှာ​ဖြူဖပ်ဖြူရော်​ဖြစ်​နေ​ကြ​သည်​ကို အဘယ်ကြောင့် ငါ​မြင်​ရ​သနည်း​။

ယေ​ရ​မိ 4:13

ကြည့်ရှု​လော့​။ ဖျက်ဆီး​သော​သူ​သည် မိုးတိမ်​ကဲ့သို့​တက်လာ​မည်​။ သူ​၏​စစ်ရထား​သည် လေပွေ​ကဲ့သို့ ဖြစ်​မည်​။ သူ​၏​မြင်း​တို့​သည် လင်းယုန်​ထက်​လျင်မြန်​၏​။ ငါ​တို့​၌ အမင်္ဂလာ​ရှိ​၏​။ ငါ​တို့​သည် ဖျက်ဆီး​ခြင်း​ခံ​ကြ​ရ​ပြီ​။

ယေ​ရ​မိ 4:31

သားဦး​ဖွား​၍ ဝေဒနာ​ခံစား​ရ​သော​မိန်းမ​၏​ညည်းတွား​သံ​ကဲ့သို့ ဇိအုန်​သမီး​၏​အသံ​ကို ငါ​ကြား​ရ​၏​။ သူ​သည် မောဟိုက်​လျက်​၊ လက်​ကို​ဖြန့်ထား​လျက် ‘ငါ​၌ အမင်္ဂလာ​ရှိ​၏​။ လူသတ်သမား​များ​ကြောင့် ငါ့​စိတ်နှလုံး မောပန်း​လှ​သည်’​ဟု ဆို​၏​။

ယေ​ရ​မိ 49:24

ဒမတ်စကပ်​မြို့​သည် အားလျော့​လေ​ပြီ​၊ လှည့်​၍​ထွက်ပြေး​လေ​ပြီ​။ ကြောက်ရွံ့​ခြင်း​သည် သူ့​ကို​ဖမ်းစား​လေ​ပြီ​။ သားဖွားဝေဒနာ​ကဲ့သို့ ဆင်းရဲဒုက္ခ​နှင့် နာကျင်​ခြင်း​တို့​ကို ခံစား​ရ​လေ​ပြီ​။

ယေ​ရ​မိ 50:36

ဓားဘေး​ကြောင့် ပရောဖက်​အတုအယောင်​တို့​သည် ရူးသွပ်​ကြ​လိမ့်မည်​။ ဓားဘေး​ကြောင့် စစ်သူရဲ​တို့ ကြောက်လန့်​ကြ​လိမ့်မည်​။

ယေ​ရ​မိ 50:43

ထို​သတင်း​ကို​ကြား​သောအခါ ဘေဘီလုံ​ဘုရင်​သည် လက်​များ​ပျော့ခွေ​သွား​၏​။ ဆင်းရဲဒုက္ခ​သည် သူ့​ကို​ဖိစီး​ပြီ​။ သူ​သည် သားဖွားမိန်းမ​ကဲ့သို့​ဝေဒနာ​ခံစား​ရ​ပြီ​။

ယေ​ရ​မိ 6:24

ထို​သတင်း​ကို​ကြား​သောအခါ ငါ​တို့​၏​လက်​များ ပျော့ခွေ​သွား​၏​။ ဆင်းရဲဒုက္ခ​သည် ငါ​တို့​ကို ဖိစီး​ပြီ​။ ငါ​တို့​သည် သားဖွား​မိန်းမ​ကဲ့သို့​ဝေဒနာ​ခံစား​ရ​ပြီ​။

ဒံ​ယေ​လ 7:4

ပထမ​သားရဲ​သည် ခြင်္သေ့​နှင့်​တူ​၍ လင်းယုန်​အတောင်​ပါရှိ​၏​။ ငါ​ကြည့်​နေ​စဉ် အတောင်ပံ​တို့​သည် နုတ်ပစ်​ခြင်း​ခံရ​၏​။ မြေ​ပေါ်မှ ထူမ​လိုက်​သောအခါ လူ​ကဲ့သို့​ခြေ​နှစ်​ချောင်း​ဖြင့် ရပ်​၏​။ သူ့​အား လူ့​စိတ်​ကို သွင်းပေး​ထား​၏​။

ဟော​ရှေ 8:1

တံပိုးမှုတ်​၍ သတိပေး​ကြ​လော့​။ သူ​တို့​သည် ငါ့​ပဋိညာဉ်​ကို ချိုးဖောက်​ပြီး ပညတ်တရား​ကို ပုန်ကန်​ကြ​သောကြောင့် ရန်သူ​သည် လင်းယုန်ငှက်​ကဲ့သို့ ထာဝရဘုရား​၏​အိမ်​တော်​ကို လာ​တိုက်ခိုက်​မည်​။

သြ​ဗ​ဒိ 1:9

အို တေမန်​မြို့​၊ သင်​၏​စစ်သူရဲ​တို့ စိတ်ပျက်အားလျော့​ကြ​သောကြောင့် ဧသော​တောင်​ရှိ​လူ​အားလုံး သတ်ဖြတ်​သုတ်သင်​ခြင်း​ခံရ​လိမ့်မည်​။

တ​ရား​ဟော 28:49

ထာဝရဘုရား​သည် မြေကြီး​စွန်း​ဝေး​သော​အရပ်​မှ လူမျိုး​တစ်​မျိုး​ကို သင့်​ထံသို့​ခေါ်ဆောင်​လာ​မည်​။ ထို​လူမျိုး​သည် လင်းယုန်​ထိုးသုတ်​သကဲ့သို့ သင့်​ကို ထိုးသုတ်​လိမ့်မည်​။ သူ​တို့​၏​ဘာသာစကား​ကို သင်​နား​မ​လည်​။

၁ သက် 5:3

“ငြိမ်းချမ်း​မှု​နှင့်​လုံခြုံ​မှု​ရှိ​သည်”​ဟု လူ​တို့​ပြောဆို​နေ​ကြ​သည့်​အချိန်​၌ပင် ကိုယ်ဝန်ဆောင်​အမျိုးသမီး​၌ သားဖွား​ခြင်း​ဝေဒနာ​ရောက်လာ​သကဲ့သို့ ပျက်စီး​ခြင်း​သည် သူ​တို့​အပေါ် ရုတ်တရက်​ရောက်လာ​၍ သူ​တို့​သည် လုံးဝ​လွတ်မြောက်​နိုင်​မည်​မ​ဟုတ်။