ယေ​ရ​မိ 49:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ ထာဝရဘုရား​က “​ဗောဇရ​ပြည်​သည် ထိတ်လန့်စရာ​၊ ကဲ့ရဲ့စရာ​၊ လူသူကင်းမဲ့​ရာ​၊ ကျိန်ဆဲစရာ ဖြစ်​ရ​လိမ့်မည်​။ ထို​ပြည်​ထဲရှိ​မြို့​များ​သည် ပြိုပျက်​ရာ​အစဉ်​ဖြစ်​ရ​မည်​ဟု ကိုယ့်ကိုယ်ကိုယ် တိုင်တည်​၍​ကျိန်ဆို​ပြီ​”​ဟု မိန့်​တော်မူ​၏​။

Common Language Bible

¹³ ဗော​ဇ​ရ​မြို့​သည်​တွေ့​မြင်​ရ​သူ​တို့​လန့်​ဖျပ် တုန်​လှုပ်​ဖွယ်​လူ​သူ​ကင်း​မဲ့​ရာ​အ​ရပ်​ဖြစ်​စေ ရန်​လည်း​ကောင်း၊ လူ​တို့​သည်​ထို​မြို့​ကို​ပြက် ရယ်​ပြု​၍​ယင်း​၏​အ​မည်​နာ​မ​ကို​ကျိန်​စာ အ​ဖြစ်​အ​သုံး​ပြု​ကြ​စေ​ရန်​လည်း​ကောင်း ငါ​ကိုယ်​တိုင်​ပင်​ကျိန်​ဆို​က​တိ​ပြု​ပြီ။ နီး နား​ဝန်း​ကျင်​ရှိ​ကျေး​ရွာ​အ​ပေါင်း​တို့​သည် ထာ​ဝ​စဉ်​ယို​ယွင်း​ပျက်​စီး​လျက်​နေ​လိမ့် မည်။ ဤ​ကား​ငါ​ထာ​ဝ​ရ​ဘု​ရား​မြွက်​ဆို သည့်​စ​ကား​ဖြစ်​၏'' ဟု​မိန့်​တော်​မူ​၏။

Judson Bible

¹³ ဗော​ဇ​ရ​ပြည်​သည် အံ့​ဩ​ရာ၊ ကဲ့​ရဲ့​ရာ၊ လူ​ဆိတ်​ညံ​ရာ၊ ကျိန်​ဆဲ​ရာ ဖြစ်​လိမ့်​မည်။ သူ​တို့၏ မြို့​အ​လုံး​စုံ​သည်​လည်း၊ အ​စဉ် သုတ်​သင်​ပယ်​ရှင်း​ရာ ဖြစ်​ရ​ကြ​လိမ့်​မည်​ဟု၊ ငါ​သည် ကိုယ်​ကို တိုင်​တည်​ကျိန်​ဆို​ပြီး​ဟု၊ ထာ​ဝ​ရ​ဘု​ရား မိန့်​တော်​မူ၏။

ယေ​ရ​မိ 49:13 Referencias Cruzadas

ကမ္ဘာ​ဦး 22:16

“​ထာဝရဘုရား​၏​မိန့်​တော်မူ​ချက်​မှာ ဤသို့​တည်း​။ သင်​သည် သင်​၏​သား​၊ သင်​၏​တစ်ဦးတည်း​သော​သား​ကို​ပင် ပူဇော်​ရန်​မ​ငြင်းဆို​ဘဲ ဤ​အမှု​ကို​ပြု​ခဲ့​သဖြင့် ငါ​သည် ကိုယ့်ကိုယ်ကို​တိုင်တည်​၍ ကျိန်ဆို​သည်​ကား

ကမ္ဘာ​ဦး 36:33

ဗေလ​မင်းကြီး​အနိစ္စရောက်​သောအခါ ဗောဇရ​မြို့​မှ ဇေရ​၏​သား ယောဗပ်​သည် သူ့​နေရာ​၌​စိုးစံ​လေ​၏​။

၁ ရာ​ချုပ် 1:44

ဗေလ​မင်းကြီး အနိစ္စရောက်​သောအခါ ဗောဇရ​မြို့​မှ ဇေရ​၏​သား​ယောဗပ်​သည် သူ့​အရိုက်အရာ​ကို ဆက်ခံ​၏​။

ဟေ​ရှာ​ယ 34:6

ထာဝရဘုရား​၏​ဓား​တော်​သည် သွေး​နှင့်​ဝ​ပြီ​၊ အဆီ​နှင့်​အီ​ပြီ​။ သိုးသငယ်​နှင့်​ဆိတ်ထီး​တို့​၏​သွေး​၊ သိုးထီး​တို့​၏​ကျောက်ကပ်​အဆီ​တို့​နှင့် ဝအီ​လေ​ပြီ​။ အကြောင်းမူကား ထာဝရဘုရား​သည် ဗောဇရ​မြို့​၌ ယဇ်ပူဇော်ပွဲ​၊ ဧဒုံ​ပြည်​၌ ကြီးမား​သော​သားသတ်ပွဲ ကျင်းပ​တော်မူ​ပြီ​။

ဟေ​ရှာ​ယ 45:23

အကယ်စင်စစ် “​ငါ့​ရှေ့မှောက်​၌ လူ​တိုင်း​ဒူးထောက်​ကြ​ရ​လိမ့်မည်​။ လူ​တိုင်း​၏​နှုတ်​သည် သစ္စာဆို​ကြ​ရ​လိမ့်မည်​”​ဟု ငါ​ကိုယ်တိုင် ကျိန်ဆို​ပြီ​။ ဤ​ဖြောင့်မှန်​သော​စကား​သည် ငါ့​နှုတ်​မှ​ထွက်လာ​သည်​ဖြစ်၍ ပြန်လှည့်​လာ​မည်​မ​ဟုတ်​။

ဟေ​ရှာ​ယ 63:1

အနီရောင်​ဝတ်ရုံ​ကို​ဝတ်​လျက် ဧဒုံ​ပြည်​၊ ဗောဇရ​မြို့​မှ​လာ​သော ဤ​သူ​ကား မည်သူ​နည်း​။ ထည်ဝါ​သော​အဝတ်တန်ဆာ​ကို​ဆင်​လျက် ကြီးမား​သော​ခွန်အား​နှင့် ချီတက်​လာ​သော ဤ​သူ​ကား မည်သူ​နည်း​။ ဖြောင့်မတ်​စွာ​မိန့်ဆို​သော​၊ ကယ်တင်​နိုင်​စွမ်း​ရှိ​သော ငါ​ပင်​ဖြစ်​၏​။

ယေ​ရ​မိ 18:16

သူ​တို့​ပြည်​ကို လူသူကင်းမဲ့​ရာ​၊ အစဉ်​ကဲ့ရဲ့ပြစ်တင်စရာ ဖြစ်​စေ​သဖြင့် ထို​ပြည်​နား ဖြတ်သန်းသွားလာ​သူ​တိုင်း အံ့ဩ​လျက် ခေါင်း​ကို​ခါယမ်း​ကြ​လိမ့်မည်​။

ယေ​ရ​မိ 19:8

ဤ​မြို့​ကို လူသူကင်းမဲ့​ရာ​၊ ကဲ့ရဲ့ပြစ်တင်စရာ​ဖြစ်​စေ​မည်​။ ဤ​မြို့​ခံရ​သော​ဘေးဒဏ်​ကြောင့် ဤ​မြို့​နား ဖြတ်သန်း​သွား​သော​သူ​တိုင်း အံ့ဩ​ကြ​လိမ့်မည်​၊ ကဲ့ရဲ့​ကြ​လိမ့်မည်​။

ယေ​ရ​မိ 44:26

ထို့ကြောင့် အီဂျစ်​ပြည်​၌​နေထိုင်​သော ယုဒ​လူမျိုး​အပေါင်း​တို့​၊ ထာဝရဘုရား​၏​စကား​တော်​ကို နားထောင်​ကြ​လော့​။ ထာဝရဘုရား​က ‘​ကြည့်ရှု​လော့​။ အီဂျစ်​ပြည်​တစ်ပြည်လုံး​ရှိ ယုဒ​လူမျိုး​တို့​၏​နှုတ်​မှ ဘုရားရှင်​ထာဝရဘုရား​အသက်ရှင်​တော်မူ​သည်​ဟူ၍ ငါ​၏​နာမ​ကို တိုင်တည်​ရ​တော့​မည်​မ​ဟုတ်​’​ဟု ငါ​၏​ကြီးမြတ်​သော​နာမ​ကို တိုင်တည်​၍ မိန့်ဆို​ပြီ​။

ယေ​ရ​မိ 48:24

ကေရုတ်​မြို့​၊ ဗောဇရ​မြို့​မှစ၍ မောဘ​ပြည်​နှင့် နီးနီး​ဝေးဝေး​ရှိသမျှ​မြို့​များ​တိုင်အောင် ရောက်​လေ​ပြီ​။

ယေ​ရ​မိ 49:22

ကြည့်ရှု​လော့​။ ရန်သူ​သည် လင်းယုန်​ကဲ့သို့ အတောင်ပံ​ကို​ဖြန့်​၍ ပျံတက်​ပြီးမှ ဗောဇရ​မြို့​သို့ ထိုးဆင်း​လာ​လေ​ပြီ​။ ထို​နေ့ရက်​၌ ဧဒုံ​စစ်သူရဲ​တို့​၏​စိတ်နှလုံး​သည် သားဖွား​ခြင်း​ဝေဒနာ​ခံစား​ရ​သော​မိန်းမ​ကဲ့သို့ ကြောက်လန့်​ရ​လိမ့်မည်​။

ယေ​ရ​မိ 51:14

ကောင်းကင်​ဗိုလ်ခြေ​အရှင်​ထာဝရဘုရား​က “​အကယ်စင်စစ် သင့်​နေရာ​သို့ ကျိုင်းကောင်​ကဲ့သို့ လူအုပ်​ကြီး​ကို ရောက်လာ​စေ​မည်​။ သူ​တို့​သည် စစ်အောင်သံ​ကို ကြွေးကြော်​ကြ​လိမ့်မည်​”​ဟု ကိုယ့်ကိုယ်ကိုယ် တိုင်တည်​၍​ကျိန်ဆို​တော်မူ​ပြီ​။

ယော​လ 3:19

ယုဒ​လူမျိုး​တို့​ကို ညှဉ်းပန်းနှိပ်စက်​၍ သူ​တို့​၏​ပြည်​တွင် အပြစ်မဲ့​သော​သူ​တို့​ကို သတ်ဖြတ်​ကြ​သောကြောင့် အီဂျစ်​ပြည်​သည် လူသူကင်းမဲ့​ရာ​ဖြစ်​လိမ့်မည်​။ ဧဒုံ​ပြည်​သည် လူသူကင်းမဲ့​သော​တောကန္တာရ​ဖြစ်​လိမ့်မည်​။

အာ​မုတ် 1:12

ထို့ကြောင့် ငါ​သည် တေမန်​မြို့​အပေါ် မီး​ကို​လွှတ်​၍ ဗောဇရ​ခံတပ်​တို့​ကို​ပါ လောင်ကျွမ်း​စေ​မည်​”​ဟု မိန့်​တော်မူ​၏​။

အာ​မုတ် 6:8

ဘုရားရှင်​ထာဝရဘုရား​သည် မိမိကိုယ်ကို​တိုင်တည်ကျိန်ဆို​တော်မူ​ပြီ​။ ကောင်းကင်​ဗိုလ်ခြေ​အရှင် ဘုရားသခင်​ထာဝရဘုရား​က “ယာကုပ်​၏​မာန​ကို ငါ​ရွံရှာ​၏​။ သူ​၏​ခံတပ်​များ​ကို​လည်း ငါ​မုန်း​၏​။ ထို့ကြောင့် မြို့​နှင့်တကွ မြို့​ထဲ​ရှိသမျှ​တို့​ကို ရန်သူ​လက်​သို့​အပ်ပစ်​မည်”​ဟု မိန့်​တော်မူ​၏​။

သြ​ဗ​ဒိ 1:18

ယာကုပ်​အမျိုးအနွယ်​သည် မီး​၊ ယောသပ်​အမျိုးအနွယ်​သည် မီးလျှံ​ဖြစ်​၏​။ ရိုးပြတ်​နှင့်တူသော ဧသော​အမျိုးအနွယ်​ကို သူ​တို့​သည် မီးညှိ​လိုက်​သဖြင့် ဧသော​အမျိုးအနွယ်​ကို​ဝါးမျို​လိမ့်မည်​။ ဧသော​အမျိုးအနွယ်​တွင် အသက်ရှင်​ကျန်ရစ်​သူ ရှိ​မည်​မ​ဟုတ်”​ဟု ထာဝရဘုရား​မိန့်ဆို​ပြီ​။