ယေ​ရ​မိ 42:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ထာဝရဘုရား​ထံ ဆုတောင်း​ပေး​ရန် အရှင့်​ကို​အကျွန်ုပ်​တို့​တောင်းဆို​သည်​ဖြစ်​၍ မိန့်ဆို​တော်မူ​မည့်​စကား​သည် ကောင်း​သည်​ဖြစ်စေ​၊ မကောင်း​သည်​ဖြစ်စေ အကျွန်ုပ်​တို့ နားထောင်​ပါ​မည်​။ အကျွန်ုပ်​တို့​၏​ဘုရားသခင်​ထာဝရဘုရား​၏​စကား​တော်​ကို နားထောင်​ခြင်း​ဖြင့် အကျွန်ုပ်​တို့ ကောင်းစား​ပါ​လိမ့်မည်​”​ဟု ဆို​ကြ​၏​။

Common Language Bible

⁶ အ​ရှင့်​အား​ဘု​ရား​သ​ခင်​ထာ​ဝ​ရ​ဘု​ရား ထံ​ဆု​တောင်း​ပတ္ထ​နာ​ပြု​ရန်​ပန်​ကြား​ခဲ့​ကြ​၏။ အ​ကျွန်ုပ်​တို့​နှစ်​သက်​သည်​ဖြစ်​စေ၊ မ​နှစ်​သက် သည်​ဖြစ်​စေ​အ​မိန့်​တော်​များ​ကို​အ​ကျွန်ုပ် တို့​လိုက်​နာ​ကြ​ပါ​မည်။ ကိုယ်​တော်​ရှင်​၏ စ​ကား​ကို​နား​ထောင်​ပါ​မူ​အ​ကျွန်ုပ်​တို့ အ​ဖို့​အ​စ​စ​အ​ရာ​ရာ​အ​ဆင်​ပြေ​ပါ လိမ့်​မည်'' ဟု​ပြော​ကြား​ကြ​၏။

Garrad Bible

⁶ ကျွန် တော် တို့၏ ဘု ရား သ ခင် ထာ ဝ ရ ဘု ရား ထံ၊ ကိုယ် တော် ကို တောင်း လျှောက် စေ ကြ သည့် အ တိုင်း၊ ဗျာ ဒိတ် တော် ကောင်း သည် ဖြစ် စေ၊ ဆိုး သည် ဖြစ် စေ၊ ကိုယ့် ဘု ရား သ ခင် ထာ ဝ ရ ဘု ရား၏ ဗျာ ဒိတ် တော် သံ ကို၊ နာ ခံ၍ ကောင်း စား ရ အံ့ သော ငှာ၊ နာ ခံ ပါ မည် ဟု၊ ယေ ရ မိ အား တောင်း ပန် ကြ ၏။

Judson Bible

⁶ အ​ကျွန်ုပ်​တို့​သည် အ​ကျွန်ုပ်​တို့၏​ဘု​ရား​သ​ခင် ထာ​ရ​ဘု​ရား၏​အ​မိ​န့်​တော်​ကို နား​ထောင်​သော​အ​ခါ ချမ်း​သာ​ရ​ပါ​မည်​အ​ကြောင်း၊ အ​ကျွန်ုပ်​တို့​သည်၊ ကိုယ်​တော်​ကို စေ​လွှတ်​ရာ အ​ကျွန်ုပ်​တို့၏​ဘု​ရား​သ​ခင် ထာ၀​ရ​ဘု​ရား၏​အ​မိ​န့်​တော်​သည် ကောင်း​သည်​ဖြစ်​စေ၊ မ​ကောင်း​သည်​ဖြစ်​စေ၊ နား​ထောင်​ပါ​မည်​ဟု ယေ​ရ​မိ​အား​ပြော​ဆို​ကြ၏။

ယေ​ရ​မိ 42:6 Referencias Cruzadas

ဆာ​လံ 128:2

သင်​သည် မိမိ​လက်​ဖြင့် လုပ်ဆောင်​ရရှိ​သော အသီးအပွင့်​ကို အမှန်ပင် စား​ရ​လိမ့်မည်​။ သင်​သည် မင်္ဂလာ​ရှိ​၍ ကောင်းကျိုးချမ်းသာ​ကို ခံစား​ရ​လိမ့်မည်​။

ဆာ​လံ 78:36

သို့သော် သူ​တို့​သည် မိမိ​တို့​နှုတ်​ဖြင့် ကိုယ်တော်​ကို​မြှောက်ပင့်​၍ မိမိ​တို့​လျှာ​ဖြင့် ကိုယ်တော်​ကို​လိမ်လည်​ကြ​၏​။

ထွက်​မြောက် 24:7

ထို့နောက် ပဋိညာဉ်​ကျမ်း​ကို​ယူ​၍ လူ​တို့​ရှေ့​၌​ဖတ်ကြား​လေ​၏​။ လူ​တို့​က​လည်း “​ထာဝရဘုရား​မိန့်​တော်မူ​သမျှ​တို့​ကို အကျွန်ုပ်​တို့​ပြု​ပါ​မည်​။ နားထောင်​ပါ​မည်​”​ဟု ဆို​ကြ​၏​။

ဟေ​ရှာ​ယ 3:10

ဖြောင့်မတ်​သော​သူ​တို့​သည် မိမိ​တို့​လုပ်ဆောင်မှု​၏​အသီးအပွင့်​ကို​စား​ရ​မည်​ဖြစ်​သောကြောင့် ကောင်း​ပေ​သည်​ဟု သူ​တို့​အား ပြောကြား​လော့​။

ယေ​ရ​မိ 22:15

ထာဝရဘုရား​က “​သစ်ကတိုး​နန်းတော်​တွင်​စံမြန်း​ရ​သောကြောင့် သင်​ဘုရင်​ဖြစ်​သည်​ဟု သင်​ထင်​သလော​။ သင်​၏​ဖခင်​လည်း စား​သောက်​ခဲ့​ရ​သည်​မ​ဟုတ်​လော​။ သူ​သည် တရားမျှတ​သော​သူ​၊ ဖြောင့်မတ်​သော​သူ​ဖြစ်​သောကြောင့် ကောင်းစား​ခဲ့​သည်​မ​ဟုတ်​လော​။

ယေ​ရ​မိ 43:4

ဤသို့ဖြင့် ကာရာ​၏​သား​ယောဟနန်​နှင့်တကွ စစ်သည်​အကြီးအကဲ​များ​နှင့် ပြည်သူပြည်သား​အားလုံး​တို့​သည် ယုဒ​ပြည်​၌ နေထိုင်​ရ​မည်​ဟူသော ထာဝရဘုရား​၏​စကား​တော်​ကို မ​နာခံ​ကြ​။

ယေ​ရ​မိ 7:23

သို့သော် သူ​တို့​အား ‘​ငါ့​စကား​ကို နားထောင်​ကြ​လော့​။ ငါ​သည် သင်​တို့​၏​ဘုရား​ဖြစ်​မည်​။ သင်​တို့​သည်​လည်း ငါ​၏​လူမျိုး​တော်​ဖြစ်​မည်​။ ငါ​ပညတ်​သော​နည်းလမ်း​ရှိသမျှ​တို့​ကို သင်​တို့​လိုက်လျှောက်​လျှင် သင်​တို့​ကောင်းစား​ကြ​ရ​မည်​’ ဟူသော​စကား​ကို​ကား ငါ​မိန့်မှာ​ခဲ့​၏​။

ရော​မ 7:13

သို့ဖြစ်လျှင် ဤ​ကောင်းမြတ်​သော​အရာ​သည် ငါ့​အတွက် သေ​ခြင်း​အကြောင်း​ဖြစ်​သလော။ လုံးဝ​မ​ဟုတ်​ပေ။ ငါ့​အတွက် သေ​ခြင်း​အကြောင်း​ဖြစ်​သော​အရာ​မှာ အပြစ်​ပင်​ဖြစ်၍ အပြစ်​သည် အပြစ်​ဖြစ်​ကြောင်း ထင်ရှား​စေရန် ဤ​ကောင်းမြတ်​သော​အရာ​အားဖြင့် ငါ​၌ သေ​ခြင်း​ကို​ဖြစ်ပေါ်​စေ​၏။ ဤသို့ဖြင့် အပြစ်​သည် ပညတ်​တော်​အားဖြင့် အတိုင်းထက်အလွန် အပြစ်​များ​သော​အရာ​ဖြစ်လာ​၏။

ရော​မ 7:7

သို့ဖြစ်လျှင် မည်သို့​ဆို​ရ​မည်နည်း။ ပညတ်​တရား​သည် အပြစ်​လော။ လုံးဝ​မ​ဟုတ်​ပေ။ သို့သော် ပညတ်​တရား​အားဖြင့်​မ​ဟုတ်​လျှင် အပြစ်​ကို ငါ​သိ​ခဲ့​မည်​မ​ဟုတ်။ အဘယ်ကြောင့်​ဆိုသော် “တပ်မက်​သော​စိတ်​မ​ရှိ​ရ”​ဟု ပညတ်​တရား​က မ​ဆို​ထား​လျှင် တပ်မက်​ခြင်း​ကို ငါ​သိ​ခဲ့​မည်​မ​ဟုတ်။

ရော​မ 8:7

အဘယ်ကြောင့်​ဆိုသော် သွေးသား​ဇာတိ​နှင့်ဆိုင်သော​စိတ်သဘော​သည် ဘုရားသခင်​နှင့် ရန်ဘက်​ဖြစ်​၏။ အကြောင်းမူကား ထို​စိတ်သဘော​သည် ဘုရားသခင်​၏​ပညတ်​တရား​ကို နာခံ​ခြင်း​မ​ရှိ။ အမှန်စင်စစ် နာခံ​၍​လည်း​မ​ရ​နိုင်။

တ​ရား​ဟော 5:27

သင်​သာ ချဉ်းကပ်​၍ အကျွန်ုပ်​တို့​၏​ဘုရားသခင်​ထာဝရဘုရား မိန့်​တော်မူ​သော​အရာ​ရှိသမျှ​တို့​ကို နားထောင်​၍ သင့်​အား အကျွန်ုပ်​တို့​၏​ဘုရားသခင်​ထာဝရဘုရား မိန့်ဆို​သော​အရာ​ရှိသမျှ​တို့​ကို အကျွန်ုပ်​တို့​အား ဆင့်ဆို​ပါ​။ အကျွန်ုပ်​တို့​သည် နားထောင်​၍ လိုက်နာ​ပါ​မည်​’​ဟု ဆို​ကြ​၏​။

တ​ရား​ဟော 5:29

ငါ့​ကို​ကြောက်ရွံ့​၍ ငါ​၏​ပညတ်တော်​အလုံးစုံ​ကို အစဉ်အမြဲ​စောင့်ထိန်း​မည့်​စိတ်သဘော သူ​တို့​၌ ရှိ​မည်​ဆိုလျှင် သူ​တို့​နှင့်​သူ​တို့​၏​သားမြေး​တို့​သည် အစဉ်​ကောင်းစား​လိမ့်မည်​။

တ​ရား​ဟော 5:33

သင်​တို့​အား သင်​တို့​၏​ဘုရားသခင်​ထာဝရဘုရား​မိန့်မှာ​တော်မူ​သော​လမ်း​ရှိသမျှ​အတိုင်း လိုက်လျှောက်​လော့​။ သို့ပြုလျှင် သင်​တို့​ပိုင်ဆိုင်​ရ​မည့်​ပြည်​၌ သင်​တို့​သည် အသက်ချမ်းသာ​ရာ​ရ​မည်​။ ကောင်းစား​၍ အသက်​ရှည်​မည်​။

ယော​ရှု 24:24

လူ​တို့​က​လည်း “​အကျွန်ုပ်​တို့​သည် အကျွန်ုပ်​တို့​၏​ဘုရားသခင်​ထာဝရဘုရား​ကို​သာ ဝတ်ပြု​ပါ​မည်​။ ကိုယ်တော်​၏​စကား​ကို​သာ နားထောင်​ပါ​မည်​”​ဟု ယောရှု​အား ပြန်ပြော​ကြ​၏​။