ယေ​ရ​မိ 42:20 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁰ သင်​တို့​က ‘​အကျွန်ုပ်​တို့​၏​ဘုရားသခင်​ထာဝရဘုရား​ထံ ဆုတောင်း​ပေး​ပါ​လော့​။ အကျွန်ုပ်​တို့​၏​ဘုရားသခင်​ထာဝရဘုရား မိန့်​တော်မူ​သမျှ​ကို ပြောပြ​ပါ​လော့​။ အကျွန်ုပ်​တို့ လိုက်နာ​ပါ​မည်​’​ဟု ငါ့​အား သင်​တို့​၏​ဘုရားသခင်​ထာဝရဘုရား​ထံ တောင်းလျှောက်​စေ​သည်​မှာ လိမ်လည်​ခြင်း​သာ​ဖြစ်​၏​။

Common Language Bible

²⁰ သင်​တို့​သည်​အ​မှား​ကြီး​မှား​လျက်​နေ​ကြ ကြောင်း ယ​ခု​သင်​တို့​အား​ငါ​သ​တိ​ပေး​၏။ သင်​တို့​သည်`အ​ကျွန်ုပ်​တို့​အ​တွက်​ဘု​ရား​သ​ခင်​ထာ​ဝ​ရ​ဘု​ရား​ထံ​တော်​သို့​ဆု​တောင်း ပတ္ထ​နာ​ပြု​ပါ။ ကိုယ်​တော်​နှင့်​မိန့်​မှာ​တော်​မူ သ​မျှ​ကို​လည်း​အ​ကျွန်ုပ်​တို့​အား​ပြန်​လည် ပြော​ကြား​ပါ။ အ​ကျွန်ုပ်​တို့​သည်​ကိုယ်​တော် ရှင်​မိန့်​မှာ​တော်​မူ​သည်​အ​တိုင်း​ပြု​ပါ​မည်' ဟု​ဆို​၍​ငါ့​အား​သင်​တို့​၏​ဘု​ရား​သ​ခင် ထာ​ဝ​ရ​ဘု​ရား​ထံ​တော်​သို့​စေ​လွှတ်​ခဲ့ ကြ​၏။-

Garrad Bible

^20-21 သင် တို့ သည်၊ ကိုယ့် ဘု ရား သ ခင် ထာ ဝ ရ ဘု ရား ထံ၊ ငါ့ ကို တောင်း လျှောက် စေ လျက်၊ ကျွန် တော် တို့ အ ဖို့၊ ကျွန် တော် တို့ ဘုရား သ ခင် ထာ ဝ ရ ဘု ရား ထံ တောင်း လျှောက် ပါ။ ကျွန် တော် တို့ ဘု ရား သ ခင် ထာ ဝ ရ ဘု ရား မိန့် မှာ တော် မူ သ မျှ အ တိုင်း ဖော် ပြ လျှင်၊ လိုက် နာ ပါ မည် ဟု ဝန် ခံ ကြ သည် နှင့် အ ညီ၊ ယ နေ့ ငါ ဖော် ပြ သော် လည်း၊ ငါ့ အား ဖြင့် သင် တို့ ဘု ရား သ ခင် ထာ ဝ ရ ဘု ရား ပေး တော် မူ လေ ရာ ရာ၊ ဗျာ ဒိတ် တော် သံ ကို နား မ ထောင် သည့် အ တွက်၊ လမ်း လွဲ၍ အ သက် အ န္တ ရာယ် ရှာ ရာ ရောက် ကြ ပြီ။

Judson Bible

²⁰ အ​ကယ်​စင်​စစ် သင်​တို့​က၊ အ​ကျွန်ုပ်​တို့၏ ဘု​ရား​သ​ခင်​ထာ​ဝ​ရ​ဘု​ရား​အား အ​ကျွန်ုပ်​တို့​အ​ဖို့ ဆု​တောင်း​ပါ​လော့။ အ​ကျွန်ုပ်​တို့၏ ဘု​ရား​သ​ခင်​ထာ​ဝ​ရ​ဘု​ရား မိန့်​တော်​မူ​သ​မျှ​တို့​ကို ကြား​ပြော​ပါ​လော့။ အ​ကျွန်ုပ်​တို့​သည် နား​ထောင်​ပါ​မည်​ဟု​ဆို၍၊ ငါ့​ကို သင်​တို့၏ ဘု​ရား​သ​ခင် ထာ​ဝ​ရ​ဘု​ရား​ထံ​တော်​သို့ စေ​လွှတ်​သော​အ​ခါ၊ ကိုယ်​စိတ်​ကို ကိုယ်​လှည့်​စား​ကြ​ပြီ။

ယေ​ရ​မိ 42:20 Referencias Cruzadas

ဆာ​လံ 18:44

သူ​တို့​သည် အကျွန်ုပ်​အကြောင်း​ကို​ကြား​ရ​သည်​နှင့် အကျွန်ုပ်​စကား​ကို​နာခံ​ကြ​ပါ​၏​။ တိုင်းတစ်ပါးသား​တို့​သည် အကျွန်ုပ်​ကို ခယဝပ်တွား​ကြ​ပါ​၏​။

ဆာ​လံ 65:3

ဒုစရိုက်​များ​သည် အကျွန်ုပ်​ကို​လွှမ်းမိုး​သောအခါ ကိုယ်တော်​သည် အကျွန်ုပ်​တို့​ကျူးလွန်​သော အပြစ်​များ​ကို ဖြေလွှတ်​တော်မူ​၏​။

ယေ​ရ​မိ 17:10

ငါ​ထာဝရဘုရား​သည် လူ​အသီးသီး​တို့​အား မိမိ​တို့​ပြုမူကျင့်ကြံ​သည့်​အတိုင်း​၊ မိမိ​တို့​လုပ်ဆောင်မှု​အသီးအပွင့်​အတိုင်း ပေးဆပ်​ရန် လူ​တို့​၏​စိတ်နှလုံး​ကို စစ်ကြော​တတ်​၏​။ အတွင်းသဘော​ကို စစ်ဆေး​တတ်​၏​။

ယေ​ရ​မိ 3:10

ထို​အမှု​အလုံးစုံ​တို့​ကို​ပြု​သော်လည်း သူ​၏​ညီမ​ဖြစ်​သော သစ္စာဖောက်​ယုဒ​အမျိုး​သည် စိတ်နှလုံး​အကြွင်းမဲ့ ငါ့​ထံသို့​ပြန်​မ​လာ​။ ပြန်လာ​ဟန်ဆောင်​သည်​”​ဟု ထာဝရဘုရား​မိန့်​တော်မူ​၏​။

ယေ​ရ​မိ 37:3

ဇေဒကိ​မင်းကြီး​သည် ရှေလမိ​၏​သား ယေဟုကလ​နှင့် မာသေယ​၏​သား ယဇ်ပုရောဟိတ်​ဇေဖနိ​တို့​ကို ပရောဖက်​ယေရမိ​ထံသို့​စေလွှတ်​၍ “​ငါ​တို့​၏​ဘုရားသခင်​ထာဝရဘုရား​ထံ ငါ​တို့​အတွက် ဆုတောင်း​ပေး​လော့​”​ဟု မှာလိုက်​လေ​၏​။

ယေ​ရ​မိ 38:14

တစ်ဖန် ဇေဒကိ​မင်းကြီး​သည် လူ​လွှတ်​၍ ထာဝရဘုရား​အိမ်​တော် တတိယ​ဝင်ပေါက်​သို့ ပရောဖက်​ယေရမိ​ကို ခေါ်လာ​စေ​၏​။ ရှင်ဘုရင်​က ယေရမိ​အား “သင့်​ကို​ငါ​မေးစရာ​ရှိ​၏​။ ဘာမျှ​ဖုံးကွယ်​မ​ထား​နှင့်​”​ဟု မိန့်ဆို​၏​။

ယေ​ရ​မိ 42:2

ပရောဖက်​ယေရမိ​ထံသို့​လာ​၍ “​အရှင့်​ထံ အကျွန်ုပ်​တို့ အသနားခံ​ပါ​သည်​။ အရှင်​မြင်​သည့်​အတိုင်း လူ​အများ​သည် ယခု​အနည်းငယ်​သာ​ကျန်​ပါ​သည်​။ အကျွန်ုပ်​တို့​နှင့် ဤ​ကြွင်းကျန်​သော​လူ​အားလုံး​တို့​အဖို့ ထာဝရအရှင်​ဘုရားသခင်​ထံ ဆုတောင်း​ပေး​ပါ​လော့​။

ယေ​ရ​မိ 42:5

သူ​တို့​က​လည်း ယေရမိ​အား “​အရှင်​မှတစ်ဆင့် အကျွန်ုပ်​တို့​အား အရှင်​၏​ဘုရားသခင်​ထာဝရဘုရား​မိန့်ဆို​သမျှ​ကို အကျွန်ုပ်​တို့​မ​ပြု​လျှင် ထာဝရဘုရား​သည် အကျွန်ုပ်​တို့​အတွက် မှန်ကန်​သော​သက်သေ​၊ သစ္စာရှိ​သော​သက်သေ​ဖြစ်​တော်မူ​ပါစေ​။

ယေ​ရ​မိ 43:2

ဟောရှာယ​၏​သား​အာဇရိ​၊ ကာရာ​၏​သား​ယောဟနန်​မှစ၍ မာနထောင်လွှား​သော​သူ​အပေါင်း​တို့​က ယေရမိ​အား “​သင်​သည် မုသားစကား​ကို ပြော​ပြီ​။ ငါ​တို့​၏​ဘုရားသခင်​ထာဝရဘုရား​သည် ငါ​တို့​ကို ‘​အီဂျစ်​ပြည်​သို့ မ​သွားရောက်​၊ မ​နေထိုင်​ရ​’​ဟု သင့်​ကို ဆင့်ဆို​စေ​သည်​မ​ဟုတ်​။

ယေ​ဇ​ကျေ​လ 33:31

သူ​တို့​သည် ငါ့​လူမျိုး​တော်​ကဲ့သို့ သင့်​ထံ​လာ​၍ သင့်​ရှေ့​တွင်​ထိုင်​လျက် သင့်​စကား​ကို နားထောင်​ကြ​သော်လည်း မ​လိုက်နာ​ဘဲ​နေ​၏​။ သူ​တို့​၏​နှုတ်​သည် ချစ်​ဖွယ်​စကား​ကို ပြောဆို​ကြ​၏​။ သူ​တို့​၏​စိတ်​မူကား မတရား​သော​အကျိုး​စီးပွား​ကို စွဲလမ်း​ကြ​၏​။

တော​လည် 16:38

အသက်​ဆုံးရှုံး​သွား​သော ထို​အပြစ်သား​တို့​၏​မီးကျီးခံဗန်း​တို့​သည် ထာဝရဘုရား​ရှေ့​တော်​၌ ပူဇော်​ပြီး​ဖြစ်၍ သန့်ရှင်း​သောကြောင့် အပြား​ခတ်​ပြီး ယဇ်ပလ္လင်​ကို​အုပ်​ထား​ရ​မည်​။ ၎င်း​သည် အစ္စရေး​အမျိုးသား​တို့​အတွက် အမှတ်လက္ခဏာ​အဖြစ်​ရှိ​ရ​မည်​”​ဟု မိန့်​တော်မူ​၏​။

တော​လည် 17:3

အာရုန်​၏​အမည်​ကို လေဝိ​အမျိုး​၏​တောင်ဝှေး​ပေါ်၌ ရေး​ရ​မည်​။ ဘိုးဘေး​တို့​၏​အမျိုးအနွယ်​အကြီးအမှူး​တစ်​ဦး​လျှင် တောင်ဝှေး​တစ်ချောင်းစီ​ရှိ​ရ​မည်​။

မဿဲ 22:35

သူ​တို့​ထဲမှ ကျမ်းတတ်​ပုဂ္ဂိုလ်​တစ်​ဦး​သည် ကိုယ်တော်​ကို​စမ်းသပ်​လို​သဖြင့်

ဂ​လာ​တိ 6:7

အယူ​မ​လွဲ​ကြ​နှင့်။ ဘုရားသခင်​သည် မထီလေးစား​ပြု​ခြင်း​ကို​ခံ​တော်​မ​မူ။ အကြောင်းမူကား လူ​သည် တစ်စုံတစ်ခု​ကို​စိုက်ပျိုး​လျှင် ၎င်း​ကို ပြန်လည်​ရိတ်သိမ်း​ရ​လိမ့်မည်။

ယာ​ကုပ် 1:22

နှုတ်ကပတ်တော်​ကို လိုက်နာ​ကျင့်သုံး​သော​သူ​များ​ဖြစ်​ကြ​လော့။ မိမိတို့ကိုယ်ကို​လှည့်စား​၍ ကြားနာ​သူ​သက်သက်​မ​ဖြစ်​ကြ​နှင့်။