ယေ​ရ​မိ 4:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ ထို​နေ့ရက်​၌ ဂျေရုဆလင်​မြို့သား​နှင့်တကွ ဤ​လူမျိုး​တို့​အား “​တောကန္တာရ​ရှိ​တောင်ကတုံး​မှ လေ​ပူ​သည် ငါ​၏​လူမျိုး​သမီးပျို​ထံ​လာ​လိမ့်မည်​။ သန့်ရှင်း​သွား​စေရန် လှေ့ထုတ်​သော​လေ​မ​ဟုတ်​။

Common Language Bible

¹¹ သဲ​ကန္တာ​ရ​မှ​လေ​ပူ​ကြီး​သည် တိုက်​ခတ်​လာ လိမ့်​မည်​ဖြစ်​ကြောင်း​ယေ​ရု​ရှ​လင်​မြို့​သား တို့​ကြား​သိ​ရ​မည့်​နေ့​ရက်​ကာ​လ​သည်​ကျ ရောက်​လာ​လိမ့်​မည်။ ထို​လေ​သည်​သူ​တို့​အား ဂျုံ​စ​ပါး​လှေ့​ရန်​တိုက်​ခတ်​လာ​ခြင်း​မ​ဟုတ်။-

Garrad Bible

^11-12 ထို ကာ လ၊ ယေ ရု ရှ လင် မြို့ မှ စ၍၊ ပြည် သူ ပြည် သား တို့ သ တင်း ကြား ရ မည် မှာ ငါ၏ လူ မျိုး သ တို့ သ မီး ကို လှေ့ ယပ် ရန် သော်လည်း‌ ကောင်း၊ စင် ကြယ် စေ ရန် သော် လည်း ကောင်း၊ ပြု သင့် သည် ထက် အား ကြီး သော လေ ပူ ကို၊ သဲ တော ရှိ ကုန်း ထိပ် များ မှ တိုက် စေ မည်။ ငါ သည် ထို လူ မျိုး အား၊ ဆုံး ဖြတ် ချက် များ ကို ထုတ် ဆင့် လိမ့် မည် ဟူ၍ တည်း။

Judson Bible

¹¹ ထို​ကာ​လ၌ ဤ​လူ​များ​နှင့် ယေ​ရု​ရှ​လင်​မြို့​သား​တို့​ကို ရည်​မှတ်၍ ဆို​ရ​မည်​ကား၊ ပူ​သော​လေ​သည် တော၌ မြင့်​သော​အ​ရပ်​က ငါ၏​လူ​မျိုး​သ​တို့​သ​မီး​ထံ​သို့ လာ​လိမ့်​မည်။ အ​မှော်​လွင့်​စေ​ခြင်း၊ သန့်​ရှင်း​စေ​ခြင်း​ငှာ လာ​သော​လေ​မ​ဟုတ်။

ယေ​ရ​မိ 4:11 Referencias Cruzadas

ဆာ​လံ 11:6

ကိုယ်တော်​သည် မီးခဲ​တို့​ကို ဆိုးယုတ်​သော​သူ​တို့​အပေါ် ရွာကျ​စေ​တော်မူ​လိမ့်မည်​။ မီး​၊ ကန့်​နှင့် ပူလောင်​သော​လေ​သည် သူ​တို့​ခွက်ဖလား​အတွက် ဝေစု​ဖြစ်​လိမ့်မည်​။

ဟေ​ရှာ​ယ 22:4

“​ငါ့​ကို​မကြည့်​ကြ​နှင့်​။ အားရပါးရ​ငိုကြွေး​ပါရစေ​။ ငါ့​လူမျိုး​သမီးပျို​တို့ ပျက်စီး​သည်​ဖြစ်၍ ငါ့​ကို​နှစ်သိမ့်​ဖို့ မ​ကြိုးစား​ကြ​နှင့်​”​ဟု ငါ​ဆို​၏​။

ဟေ​ရှာ​ယ 27:8

ကိုယ်တော်​သည် ပြည်နှင်ဒဏ်ပေး​ခြင်း​ဖြင့် အတိုင်းအတာ​တစ်ခု​အထိ ဒဏ်ခတ်​တော်မူ​၏​။ အရှေ့​လေ​လာ​သော​နေ့ရက်​၌ ပြင်းထန်​သော​လေ​ဖြင့် သူ့​ကို​တိုက်ထုတ်​တော်မူ​၏​။

ဟေ​ရှာ​ယ 41:16

ထို​တောင်​တို့​ကို သင်​သည် လှေ့​မည်​။ လေ​သည် သယ်ဆောင်​သွား​မည်​။ မုန်တိုင်း​သည် လွင့်စဉ်​စေ​မည်​။ သင်​သည် ထာဝရဘုရား​၌ ရွှင်လန်း​မည်​။ အစ္စရေး​လူမျိုး​၏​သန့်ရှင်း​သော​ဘုရား​၌ ဝါကြွား​မည်​။

ဟေ​ရှာ​ယ 64:6

အကျွန်ုပ်​တို့​အားလုံး​သည် မစင်ကြယ်​သော​သူ​ကဲ့သို့​ဖြစ်​ကြ​၏​။ အကျွန်ုပ်​တို့​၏​ဖြောင့်မတ်​သော​လုပ်ဆောင်မှု​ရှိသမျှ​သည်​လည်း ညစ်ပေ​သော​အဝတ်​နှင့်​တူ​ကြ​ပါ​၏​။ အကျွန်ုပ်​တို့​အားလုံး​သည် သစ်ရွက်​ကဲ့သို့​ညှိုးနွမ်း​၍ အကျွန်ုပ်​တို့​၏​ဒုစရိုက်​များ​သည်​လည်း လေ​ကဲ့သို့ အကျွန်ုပ်​တို့​ကို တိုက်ချ​၏​။

ယေ​ရ​မိ 13:24

သို့ဖြစ်၍ ကန္တာရ​လေ​တိုက်သွား​သော​ဖွဲ​ကဲ့သို့ သူ​တို့​ကို ငါ​ကွဲလွင့်​စေ​မည်​။

ယေ​ရ​မိ 14:17

ထို့ကြောင့် သင်​သည် သူ​တို့​အား ‘​ငါ့​လူမျိုး​သမီးပျို​သည် ကျိုးပဲ့ကြေမွ​သော​ဒဏ်ရာ​ရ​၍ ပြင်းထန်စွာ​ဝေဒနာ​ခံစား​ရ​သောကြောင့် ငါ​သည် အငို​မ​ရပ်​၊ နေ့နေ့​ညည​ငို​မည်​။

ယေ​ရ​မိ 23:19

ကြည့်ရှု​လော့​။ ထာဝရဘုရား​၏​ဒေါသ​မုန်တိုင်း တိုက်ခတ်​လိမ့်မည်​။ ပြင်းစွာ​သော​မုန်တိုင်း​သည် ဆိုးယုတ်​သော​သူ​တို့​၏​ခေါင်း​ပေါ်သို့ ကျရောက်​လိမ့်မည်​။

ယေ​ရ​မိ 4:12

ထို​ထက်​အားကောင်း​သော​လေ​သည် ငါ့​ထံမှ​လာ​လိမ့်မည်​။ ယခု ငါ​ကိုယ်တိုင် သူ​တို့​ကို စစ်ကြော​စီရင်​မည်​”​ဟု မိန့်ဆို​ပြီ​။

ယေ​ရ​မိ 8:19

“ဇိအုန်​မြို့​၌ ထာဝရဘုရား မ​ရှိ​သလော​။ ထို​မြို့​၌​ရှင်ဘုရင် မ​ရှိ​သလော ဟူ၍​ဝေးလံ​သော​ပြည်​မှ ငါ့​လူမျိုး​သမီးပျို​၏​အော်ဟစ်သံ​ကို ကြား​ရ​ပါ​ပြီ​တကား​။ သူ​တို့​ကိုးကွယ်​သော​ရုပ်တုဆင်းတု​များ​၊ တိုင်းတစ်ပါးသား​တို့​ကိုးကွယ်​သော​ရုပ်တု​များ​ဖြင့် သူ​တို့​သည် ငါ့​ကို အဘယ်ကြောင့် အမျက်ထွက်​စေ​ကြ​သနည်း​။”

ယေ​ရ​မိ 9:1

မည်သူ​သည် ငါ့​ခေါင်း​ကို ရေ​တွင်း​ဖြစ်စေ​မည်နည်း​။ မည်သူ​သည် ငါ့​မျက်စိ​ကို မျက်ရည်​ထွက်​သော​စမ်း​ဖြစ်​စေ​မည်နည်း​။ သို့ဖြစ်လျှင် အသတ်ခံရ​သော​ငါ့​လူမျိုး​သမီးပျို​အတွက် ငါ​သည် နေ့​ည​မပြတ်​ငိုကြွေး​နိုင်​လိမ့်မည်​။

ယေ​ရ​မိ 9:7

ထို့ကြောင့် ကောင်းကင်​ဗိုလ်ခြေ​အရှင်​ထာဝရဘုရား​က “​ကြည့်ရှု​လော့​။ ငါ​သည် သူ​တို့​ကို​သန့်အောင်​စစ်ထုတ်​မည်​၊ စစ်ဆေး​မည်​။ ငါ့​လူမျိုး​သမီးပျို​အတွက် ငါ​မည်သို့​ပြု​နိုင်​ဦး​မည်နည်း​။

မြည်​တမ်း​စ​ကား 2:11

ငါ့​လူမျိုး​သမီးပျို​တို့ ပျက်စီး​သောကြောင့်​၊ နို့စို့နို့ညှာ​ကလေးငယ်​တို့ မြို့​လမ်းမ​များ​ပေါ်၌ လဲကျ​သောကြောင့် ငိုရလွန်း​၍ မျက်စိမှုန်ဝေ​ကုန်​ပြီ​။ ငါ့​အထဲ​၌ ပွက်ပွက်ဆူ​နေ​ပြီ​။ ငါ့​အသည်းနှလုံး​လည်း မြေ​ပေါ်​ကြွေကျ​လေ​ပြီ​။

မြည်​တမ်း​စ​ကား 3:48

ငါ့​လူမျိုး​သမီးပျို ပျက်စီး​သောကြောင့် ငါ့​မျက်စိ​မှ မျက်ရည်​ချောင်း​စီး​ရ​လေ​ပြီ​။

မြည်​တမ်း​စ​ကား 4:10

သနားကြင်နာ​တတ်​သော​မိန်းမ​များ​ပင်လျှင် မိမိ​ရင်သွေး​များ​၏​အသား​ကို ချက်ပြုတ်စား​ကြ​ပြီ​။ ငါ့​လူမျိုး​သမီးပျို​သည် ဆင်းရဲဒုက္ခ​ရောက်​သော​ကာလ​၌ သူ​တို့​ရင်သွေး​သည် သူ​တို့​အတွက် စားစရာ​ဖြစ်​လေ​ပြီ​။

မြည်​တမ်း​စ​ကား 4:3

ခွေးအ​တို့​ပင်လျှင် သားပေါက်​ကို နို့တိုက်​တတ်​၏​။ ငါ့​လူမျိုး​သမီးပျို​တို့​မူကား ကန္တာရ​ငှက်ကုလားအုတ်​ကဲ့သို့ ရက်စက်​တတ်​ပါ​သည်​တကား​။

မြည်​တမ်း​စ​ကား 4:6

မည်သူမျှ​မ​တိုက်ခိုက်​ဘဲ တစ်ခဏအတွင်း ပြိုလဲ​သွား​သော သောဒုံ​မြို့​ခံရ​သော​အပြစ်ဒဏ်​ထက် ငါ့​လူမျိုး​သမီးပျို ခံရ​သော​အပြစ်ဒဏ်​သည် ကြီးလေး​ပါ​သည်​တကား​။

ယေ​ဇ​ကျေ​လ 17:10

ထို​အပင်​ကို ပြောင်းစိုက်​လျှင်​လည်း ရှင်သန်​မည်လော​။ အရှေ့​လေ​တိုက်​သောအခါ ညှိုးနွမ်း​ခြောက်သွေ့​သွား​မည်​မ​ဟုတ်​လော​။ စင်စစ် မိမိ​ပေါက်​ရာ​အရပ်​၌​ပင် ညှိုးနွမ်း​သွား​ရ​လိမ့်မည်​ဟု မိန့်​တော်မူ​သည်’​ဟူ၍ ဆင့်ဆို​လော့”​ဟု မိန့်ဆို​၏​။

ယေ​ဇ​ကျေ​လ 19:12

သို့သော် ထို​စပျစ်ပင်​သည် ဒေါသတကြီး ဆွဲနုတ်​ခံရ​၏​။ မြေ​ပေါ်၌ ပစ်ထား​ခံရ​၏​။ အရှေ့​လေတိုက်​သောအခါ သူ​၏​အသီး​တို့​သည် ခြောက်သွေ့​ကုန်​၏​။ သန်မာ​သော​အကိုင်းအခက်​တို့​သည် ကျိုးပဲ့​၍​ခြောက်​သွား​ပြီး မီးရှို့​ခံရ​လေ​၏​။

ဟော​ရှေ 13:15

သူ​သည် ညီအစ်ကို​များ​ထဲတွင် အသီး​များစွာ​သီး​တတ်​သော်လည်း အရှေ့​လေ​တည်းဟူသော ထာဝရဘုရား​၏​လေ​သည် တောကန္တာရ​မှ​တိုက်​လာ​၍ သူ​၏​စမ်းရေတွင်း​နှင့်​ရေထွက်ပေါက်​တို့​သည် ခန်းခြောက်​လိမ့်မည်​။ ဘဏ္ဍာတိုက်​ရှိ​အဖိုးတန်​ရတနာ​အားလုံး တိုက်ခိုက်လုယက်​ခြင်း​ခံရ​လိမ့်မည်​။

ဟော​ရှေ 13:3

ထို့ကြောင့် သူ​တို့​သည် နံနက်အချိန်​၌​ကျ​သော​မြူခိုး​ကဲ့သို့​၊ စောစော​ပြယ်လွင့်​သွား​သော​နှင်းစက်​ကဲ့သို့​၊ လေ​ထဲတွင် လွင့်ပါ​သွား​သော​ကောက်နယ်တလင်း​မှ ဖွဲ​ကဲ့သို့​၊ မီးခိုးခေါင်းတိုင်​မှ ထွက်​သော​မီးခိုး​ကဲ့သို့ ဖြစ်​ကြ​လိမ့်မည်​။

ဟော​ရှေ 4:19

လေ​သည် သူ​တို့​ကို အတောင်ပံ​များ​နှင့်​ရစ်ပတ်​လေ​ပြီ​။ သူ​တို့​ပူဇော်​သော​ယဇ်​များ​ကြောင့် အရှက်ကွဲ​ရ​ကြ​လိမ့်မည်​။

ဟ​ဗက္ကုတ် 1:11

လေ​အဟုန်​ကဲ့သို့ ချီတက်​တိုက်ခိုက်​ကြ​၏​။ သူ​တို့​၏​ခွန်အား​ကို သူ​တို့​၏​ဘုရား​ဟု မှတ်ယူ​ကြ​၏​။ စင်စစ် သူ​တို့​သည် အပြစ်ဒဏ်​ကို ခံရ​မည်​။”

ဟ​ဗက္ကုတ် 1:6

ကြည့်ရှု​လော့​။ ရက်စက်ကြမ်းကြုတ်​၍ စိတ်လိုက်မာန်ပါ​လုပ်​တတ်​သော​ခါလဒဲ​လူမျိုး​တို့​ကို ငါ​ထကြွ​စေ​မည်​။ သူ​တို့​သည် သူ​တို့​ပိုင်နက်​မ​ဟုတ်​သော​မြေ​တစ်ပြင်လုံး​သို့ စစ်ချီ​၍ သိမ်းပိုက်​လိမ့်မည်​။

မဿဲ 3:12

လက်​တော်​၌​လည်း ဆန်ကော​ကို​ကိုင်​ထား​လျက် မိမိ​၏​ကောက်နယ်​တလင်း​ကို အကုန်အစင်​ရှင်းလင်း​ပြီး မိမိ​၏​ဂျုံဆန်​ကို ကျီ​၌​စုသိမ်း​၍ အဖျင်း​ကို​ကား မ​ငြိမ်း​နိုင်​သော​မီး​ဖြင့်​ရှို့​တော်မူ​လိမ့်မည်”​ဟု ဆို​လေ​၏။

လုကာ 3:17

မိမိ​၏​ကောက်နယ်​တလင်း​ကို​လည်း အကုန်အစင်​ရှင်းလင်း​ပြီး ဂျုံ​ဆန်​ကို မိမိ​၏​ကျီ​၌​စုသိမ်း​ရန် လက်​တော်​၌ ဆန်ကော​ကို​ကိုင်​ထား​တော်မူ​၏။ အဖျင်း​ကို​ကား မ​ငြိမ်း​နိုင်​သော​မီး​ဖြင့် ရှို့​တော်မူ​လိမ့်မည်”​ဟု လူ​အပေါင်း​တို့​အား​ပြန်ပြော​လေ​၏။