ယေ​ရ​မိ 30:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ သင့်​ဒဏ်ရာ​အတွက် အဘယ်ကြောင့်​အော်ဟစ်​ရ​သနည်း​။ သင်​၏​ဝေဒနာ ပျောက်ကင်း​နိုင်​မည်​မ​ဟုတ်​။ သင်​၏​အပြစ်​ကြီးမား​၍ သင်​၏​ဒုစရိုက်​များပြား​သောကြောင့် သင့်​ကို ငါ​ဤသို့​ပြု​ခြင်း​ဖြစ်​၏​။

Common Language Bible

¹⁵ သင်​တို့​သည်​မိ​မိ​တို့​၏​မ​ပျောက်​ကင်း​နိုင်​သည့် ဝေ​ဒ​နာ​များ​အ​ကြောင်း​ကို​မ​ညည်း​ညူ​ကြ နှင့်​တော့။ သင်​တို့​၏​အ​ပြစ်​သည်​များ​ပြား​လှ​၍​သင်​တို့ ဒု​စ​ရိုက်​သည်​ကြီး​မား​လှ​သ​ဖြင့်၊ ငါ​သည်​သင်​တို့​အား​ဤ​သို့​အ​ပြစ်​ဒဏ် ခတ်​ရ​ခြင်း​ဖြစ်​၏။

Garrad Bible

¹⁵ ဒဏ် ချက် အ တွက် အ ဘယ့် ကြောင့် အော် သ နည်း။ အ နာ သည် ကု၍ မ ရ ဖြစ် ၏။ ဒု စ ရိုက် များ ပြား လျက် ပြစ် မှု တိုး ပွား သ ဖြင့်၊ ထို အ တိုင်း ငါ စီ ရင် လေ ပြီ။

Judson Bible

¹⁵ သင်​သည် အ​နာ​ကို​ခံ​ရ​သည်​ဖြစ်၍၊ အ​ဘယ်​ကြောင့် ငို​ကြွေး​သ​နည်း။ သင်၏​အ​ပြစ်​ကြီး​သော​ကြောင့်၊ သင်​ခံ​ရ​သော​ဝေ​ဒ​နာ​သည် ပျောက်​ခဲ၏။ သင်​ပြု​သော​ဒု​စ​ရိုက် များ​ပြား​သော​ကြောင့်၊ ဤ​သို့​ငါ​ဆုံး​မ​ရ၏။

ယေ​ရ​မိ 30:15 Referencias Cruzadas

ဧ​ဇ​ရ 9:13

အကျွန်ုပ်​တို့​ပြု​သော​ဆိုးညစ်မှု​များ​၊ အပြစ်​ကြီး​များ​ကြောင့် ဤသို့​ခံရ​သော်လည်း အကျွန်ုပ်​တို့​၏​ဘုရားသခင်​သည် အကျွန်ုပ်​တို့​ခံထိုက်​သည်​ထက်​လျော့​၍ အပြစ်ဒဏ်​ပေး​တော်မူ​၏​။ ဤမျှလောက် လွတ်မြောက်​ခွင့်​ပေး​တော်မူ​သည်​ကို​ပင်

ယောဘဝတ္တု။ 34:29

ကိုယ်တော်​နှုတ်ဆိတ်​နေ​လျှင် မည်သူ​အပြစ်တင်​ဝံ့​မည်နည်း​။ ကိုယ်တော်​မျက်နှာလွှဲ​တော်မူ​လျှင် လူမျိုး​တစ်​မျိုး​ဖြစ်စေ​၊ လူ​တစ်ဦးချင်း​ဖြစ်စေ မည်သူ​မြင်​နိုင်​မည်နည်း​။

ယောဘဝတ္တု။ 34:6

ငါ​မှန်ကန်​သော်လည်း ငါ​လိမ်လည်​သည်​ဟု အထင်ခံရ​၏​။ ငါ​အပြစ်​မ​ကျူးလွန်​သော်လည်း ကုသ​၍​မ​ပျောက်​သော​အနာ​ကို ငါ​ခံစား​ရ​၏​’​ဟု ဆို​ပြီ​။

ဆာ​လံ 107:17

အချို့​တို့​သည် မိမိ​တို့​ကျူးလွန်​သော အပြစ်​၏​လမ်းစဉ်​ကြောင့် ဆိုးမိုက်​သော​သူ​ဖြစ်​ကြ​ပြီး မိမိ​တို့​၏​ဒုစရိုက်​များ​ကြောင့် ဒုက္ခဝေဒနာ​ခံစား​ကြ​ရ​၏​။

ဟေ​ရှာ​ယ 1:6

ဦးခေါင်း​မှ ခြေဖျား​တိုင်အောင် အနာနှင့်ကင်း​သည်​ဟူ၍ မ​ရှိ​။ ထိခိုက်ဒဏ်ရာ​၊ ပွန်းပဲ့ဒဏ်ရာ​၊ သွေးစိမ်းထွက်​သော​အနာ​တို့​ဖြင့်​သာ​ပြည့်​နေ​၏​။ အနာ​ကို​မ​ဆေးကြော​၊ မ​ပတ်စည်း​၊ ဆီ​နှင့်​မ​လူး​ကြ​ပါ​တကား​။

ဟေ​ရှာ​ယ 5:2

သူ​သည် မြေ​ကို​တူးဆွ​၍ ကျောက်ခဲ​တို့​ကို​ရှင်းလင်း​ပြီးမှ အကောင်းဆုံး​စပျစ်ပင်​ကို​စိုက်​၏​။ ထို​ခြံ​အလယ်​တွင် လင့်စင်​တစ်​ခု​ကို​ဆောက်​ပြီး စပျစ်သီးနယ်ရာကျင်း​ကို​လည်း တူး​၏​။ သူ​သည် ကောင်း​သော​စပျစ်သီး သီး​လာ​ရန် စောင့်မျှော်​ခဲ့​သော်လည်း စပျစ်သီး​အရိုင်း​များ​သာ သီး​ပါ​သည်​တကား​။

ယေ​ရ​မိ 11:13

အို ယုဒ​ပြည်​၊ သင်​၏​မြို့​အရေအတွက်​များပြား​သည်​နှင့်အမျှ သင်​၏​ဘုရား​တို့​သည်​လည်း​များပြား​၏​။ ဂျေရုဆလင်​မြို့​ရှိ​လမ်း​အရေအတွက်​နှင့်အမျှ ရှက်ဖွယ်​သော​ဘုရား​အတွက် သင်​တို့​တည်​သော​ယဇ်ပလ္လင်​များ​၊ ဗာလ​ဘုရား​အတွက် နံ့သာပေါင်း​မီးရှို့ပူဇော်​ရန် သင်​တို့​တည်​သော​ယဇ်ပလ္လင်​များ​သည်​လည်း များပြား​၏​။

ယေ​ရ​မိ 15:18

အကျွန်ုပ်​၏​ဝေဒနာ​သည် အဘယ်ကြောင့် အတောမသတ်​နိုင်​ပါ​သနည်း​။ အကျွန်ုပ်​၏​ဒဏ်ရာ​သည် အဘယ်ကြောင့် ကုသ​၍ မပျောက်ကင်း​နိုင်​ပါ​သနည်း​။ ကိုယ်တော်​သည် အကျွန်ုပ်​အားထား​၍​မ​ရ​သော​၊ အကျွန်ုပ်​ကို​လှည့်စား​သော​စမ်းရေ​ကဲ့သို့ ဖြစ်​တော်မူ​၍​လော​။

ယေ​ရ​မိ 2:19

သင်​၏​မကောင်းမှု​သည် သင့်​ကို​အပြစ်ဒဏ်​ပေး​လိမ့်မည်​။ သင်​၏​လမ်းလွဲဖောက်ပြန်မှု​သည် သင့်​ကို​ဆုံးမ​လိမ့်မည်​။ သင်​၏​ဘုရားသခင်​ထာဝရဘုရား​ကို​စွန့်ပယ်​ခြင်း​၊ ငါ့​ကို မ​ကြောက်ရွံ့​ခြင်း​သည် ဆိုး​သော​အမှု​၊ ခါးသီး​သော​အမှု​ဖြစ်​သည်​ကို သိ​မှတ်​လော့​”​ဟု ကောင်းကင်​ဗိုလ်ခြေ​အရှင်သခင်​ထာဝရဘုရား မိန့်​တော်မူ​၏​။

ယေ​ရ​မိ 30:12

ထာဝရဘုရား​က “​သင့်​ဒဏ်ရာ​သည် မပျောက်​နိုင်​။ သင့်​အနာ​သည် ဆိုးရွား​လှ​၏​။

ယေ​ရ​မိ 30:14

သင့်​ကို​ချစ်ခင်​သော​သူ​အပေါင်း​တို့​သည် သင့်​ကို​မေ့လျော့​ကြ​ပြီ​။ သင့်​ကို ဂရု​မ​စိုက်​ကြ​။ အကြောင်းမူကား သင်​၏​အပြစ်​များပြား​၍ သင်​၏​ဒုစရိုက်​ကြီးမား​သောကြောင့် ရန်သူ​၏​တိုက်ခိုက်​ခြင်း​အားဖြင့်​လည်းကောင်း​၊ ကြမ်းကြုတ်​သော​သူ​၏​ဆုံးမ​ခြင်း​အားဖြင့်​လည်းကောင်း သင့်​ကို ငါ​ဒဏ်ခတ်​လေ​ပြီ​။

ယေ​ရ​မိ 30:16

သင့်​ကို ဝါးမျို​သော​သူ​အပေါင်း​တို့​သည် ဝါးမျို​ခြင်း​ကို​ခံရ​လိမ့်မည်​။ သင်​၏​ရန်သူ​အပေါင်း​တို့​သည် တစ်ယောက်မကျန် ဖမ်းခေါ်​သွား​ရာ​သို့ လိုက်ပါ​ရ​လိမ့်မည်​။ သင့်​ကို တိုက်ခိုက်လုယက်​သော​သူ​တို့​သည်​လည်း တိုက်ခိုက်လုယက်​ခြင်း​ခံရ​မည်​။ သင့်​ကို သိမ်းပိုက်​သော​သူ​အပေါင်း​တို့​သည် သိမ်းပိုက်​ခြင်း​ခံရ​မည်​”​ဟု မိန့်​တော်မူ​၏​။

ယေ​ရ​မိ 30:17

ထာဝရဘုရား​က “​ထို​သူ​တို့​သည် သင့်​ကို ‘​အပယ်​ခံရ​သော​သူ​၊ မည်သူမျှ​ဂရု​မ​စိုက်​သော​ဇိအုန်​မြို့​’​ဟု ခေါ်​ကြ​သောကြောင့် ငါ​သည် သင့်​ကို ပြန်လည်​ကျန်းမာ​စေ​မည်​။ သင့်​အနာ​ကို ကုသ​ပေး​မည်​”​ဟု မိန့်​တော်မူ​၏​။

ယေ​ရ​မိ 46:11

အို အီဂျစ်​သမီး​ပျို​၊ ဂိလဒ်​ပြည်​သို့​သွား​၍ လိမ်းဆေး​ကို​ယူ​လော့​။ သင်​သည် ဆေး​အမျိုးစုံ​လိမ်း​သော်လည်း အချည်းနှီး​သာ​ဖြစ်​၏​။ သင့်​အနာ ပျောက်ကင်း​မည်​မ​ဟုတ်​။

ယေ​ရ​မိ 6:13

“​အဘယ်ကြောင့်​ဆိုသော် အငယ်ဆုံး​မှစ၍ အကြီးဆုံး​တိုင်အောင် ထို​သူ​အပေါင်း​တို့​သည် မတရား​သော​အကျိုးစီးပွား​ကို တပ်မက်​ကြ​၏​။ ပရောဖက်​မှစ၍ ယဇ်ပုရောဟိတ်​အပေါင်း​တို့​သည်​လည်း မဟုတ်မမှန်​ပြုမူ​တတ်​ကြ​၏​။

မြည်​တမ်း​စ​ကား 1:5

သူ​၏​ရန်သူ​တို့​သည် သူ့​သခင်​ဖြစ်​လျက် ကောင်းစား​ကြ​လေ​ပြီ​။ သူ​ကျူးလွန်​သော​အပြစ်​များစွာ​ကြောင့် ထာဝရဘုရား​သည် သူ့​ကို ဝမ်းနည်းကြေကွဲ​စေ​တော်မူ​ပြီ​။ သူ​၏​သားသမီး​တို့​ကို သုံ့ပန်း​အဖြစ် ရန်သူ​တို့​ခေါ်သွား​လေ​ပြီ​။

မြည်​တမ်း​စ​ကား 2:13

အို ဂျေရုဆလင်​သမီး​၊ သင့်​ကို မည်သို့​ပြော​ရ​မည်နည်း​၊ မည်သည့်​အရာ​ဖြင့် နှိုင်းပြ​ရ​မည်နည်း​။ အို ဇိအုန်​သမီး​ပျို​၊ သင့်​ကို မည်သူ​နှင့်​ခိုင်းနှိုင်း​ပြီး နှစ်သိမ့်​ပေး​ရ​မည်နည်း​။ အကယ်စင်စစ် သင်​၏​ဒဏ်ရာ​သည် ပင်လယ်​ကဲ့သို့​နက်​၍ သင့်​ကို မည်သူ​ကုသ​ပေး​နိုင်​မည်နည်း​။

မြည်​တမ်း​စ​ကား 3:39

လူ​၊ အသက်ရှင်​သော​လူ​သည် အဘယ်ကြောင့် မိမိ​အပြစ်​အတွက် စောဒကတက်​ရ​သနည်း​။

မြည်​တမ်း​စ​ကား 4:13

ဖြောင့်မတ်​သော​သူ​တို့​၏​သွေး​ကို မြို့​လယ်ခေါင်​၌ သွန်း​ခဲ့​သော ပရောဖက်​တို့​၏​အပြစ်​၊ ယဇ်ပုရောဟိတ်​တို့​၏​ဒုစရိုက်​များ​ကြောင့် ဤသို့​ဖြစ်​ရ​လေ​ပြီ​။

မိက္ခာ 1:9

အကြောင်းမူကား မပျောက်ကင်း​နိုင်​သော ရှမာရိ​မြို့​၏​ဒဏ်ရာ​များ​သည် ယုဒ​ပြည်​အထိ ရောက်​လေ​ပြီ​။ ဂျေရုဆလင်​မြို့​ရှိ အကျွန်ုပ်​လူမျိုး​၏​မြို့​တံခါး​သို့ ရောက်​လေ​ပြီ​။

မိက္ခာ 7:9

ငါ​သည် ထာဝရဘုရား​ကို​ပြစ်မှား​မိ​ပြီ​ဖြစ်၍ ငါ့​အမှု​ကို ဖြေရှင်း​ပေး​ပြီး ငါ့​ကို တရားသဖြင့် စီရင်​သည်​အထိ အမျက်​တော်​ကို ငါ​ခံရ​မည်​။ ထို့နောက် ကိုယ်တော်​သည် ငါ့​ကို အလင်း​ထဲသို့ ခေါ်ဆောင်​လာ​မည်​ဖြစ်၍ ကိုယ်တော်​၏​ဖြောင့်မတ်​ခြင်း​ကို ငါ​ဖူးမြင်​ရ​လိမ့်မည်​။

နာ​ဟုံ 3:19

သင့်​ဒဏ်ရာ​ကို ကုသ​ပေး​မည့်​သူ​မ​ရှိ​။ သင့်​အနာ​သည် ဆိုးရွား​လှ​၏​။ သင်​မ​နှိပ်စက်​ခဲ့​ဖူး​သူ ရှိ​သလော​။ ထို့ကြောင့် သင့်​သတင်း​ကို ကြား​ရ​သော​သူ​အားလုံး လက်ခုပ်တီး​ကြ​လိမ့်မည်​။