ယေ​ရ​မိ 3:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ သို့သော် ‘​ငါ​သည် သင့်​ကို သား​တို့​တွင် မည်သို့​နေရာပေး​ရ​မည်နည်း​။ သာယာ​သော​ပြည်​နှင့် လူမျိုး​အားလုံး​တို့​၏​လှပ​သော​အမွေ​ကို သင့်​အား မည်သို့​ပေး​ရ​မည်နည်း’​ဟု ငါ​ဆို​ခဲ့​၏​။ ‘သင်​သည် ငါ့​ကို အကျွန်ုပ်​၏​အဖ​ဟု ခေါ်ဆို​ပြီး ငါ့​ထံမှ ပြန်လှည့်​သွား​မည် မ​ဟုတ်​’​ဟု ငါ​ထင်​ခဲ့​၏​။

Common Language Bible

¹⁹ ထာ​ဝ​ရ​ဘု​ရား​မိန့်​တော်​မူ​သည်​ကား၊ သင့်​အား​သား​အ​ဖြစ်​လက်​ခံ​၍ ပျော်​မွေ့​ဖွယ်​ကောင်း​သော​ပြည်၊ ကမ္ဘာ​ပေါ်​တွင်​အ​သာ​ယာ​ဆုံး​သော​ပြည်​ကို ပေး​အပ်​ရန်​ငါ​အ​လို​ရှိ​ခဲ့​၏။ သင်​သည်​ငါ့​အား​အ​ဖ​ဟု​ခေါ်​၍​အ​ဘယ်​အ​ခါ ၌​မျှ ငါ့​အား​ကျော​မ​ခိုင်း​ဘဲ​နေ​ရန်၊ငါ​အ​လို​ရှိ​ခဲ့​၏။

Garrad Bible

¹⁹ လူ မျိုး ခြား တို့ ပိုင် ရ တ နာ ထက် ရ တ နာ၊ သာ ယာ သော ပြည် ကို ပေး သ နား ရန်၊ သား စု၌ သင့် ကို ငါ ထား ပါ လေ စေ သော ဟူ ၍ လည်း‌ ကောင်း၊ ငါ့ အား အ ဘ ဟု ခေါ် ခွင့် ရ မည့် အ လျောက်၊ နောက် တော် က သင် ဆုတ် ခွာ တော့ မည် မ ဟုတ် ဟူ ၍ လည်း‌ ကောင်း၊ ငါ မြော် လင့် ခဲ့ သော် လည်း၊

Judson Bible

¹⁹ ငါ​သည်​သင့်​ကို သား​တို့​တွင် အ​ဘယ်​သို့​ထား​ရ​အံ့​နည်း။ သာ​ယာ​သော​ပြည်၊ တိုင်း​နိုင်​ငံ​အ​ပေါင်း​တို့၏​ထွတ်၊ ဘုန်း​ကြီး​သော အ​မွေ​ခံ​ရာ​ပြည်​ကို သင့်​အား အ​ဘယ်​သို့​ပေး​ရ​အံ့​နည်း​ဟု ငါ​မေး​သော​အ​ခါ၊ သင်​သည် ငါ့​ကို အ​ကျွန်ုပ်​အ​ဘ​ဟူ၍ ခေါ်​ရ​လိမ့်​မည်။ ငါ့​ထံ​မှ​လွှဲ၍ မ​သွား​ရ​ဟု ငါ​ပြန်​ပြော​၏။

ယေ​ရ​မိ 3:19 Referencias Cruzadas

ဆာ​လံ 106:24

တစ်ဖန် သူ​တို့​သည် ကိုယ်တော်​၏​ကတိ​တော်​ကို မ​ယုံ​၊ သာယာ​သော​ပြည်​ကို အလေးမထား​ဘဲ

ဆာ​လံ 16:6

ငါ့​အတွက်​သတ်မှတ်​ထား​သော​နယ်မြေ​သည် နှစ်လို​ဖွယ်​ကောင်း​သော​အရပ်​တို့​၌ ကျ​လေ​ပြီ​။ အမှန်ပင် သာယာ​ကြည်နူး​ဖွယ်​ကောင်း​သော အမွေ​ကို ငါ​ခံရ​လေ​ပြီ​။

ဆာ​လံ 89:26

သူ​က​လည်း ‘​ကိုယ်တော်​သည် အကျွန်ုပ်​၏​အဖ​၊ အကျွန်ုပ်​၏​ဘုရားသခင်​၊ အကျွန်ုပ်​၏​ကယ်တင်​ခြင်း​ကျောက်ဆောင် ဖြစ်​တော်မူ​၏​’​ဟု ငါ့​ထံသို့ ဟစ်ခေါ်​လိမ့်မည်​။

သုတ္တံကျမ်း။ 3:35

ပညာရှိ​သော​သူ​တို့​သည် ဂုဏ်သရေ​ကို အမွေဆက်ခံ​ရ​ကြ​လိမ့်မည်​။ မိုက်မဲ​သော​သူ​တို့​မူကား အရှက်ကွဲ​ကြ​ရ​လိမ့်မည်​။

ဟေ​ရှာ​ယ 63:16

ကိုယ်တော်​သည် အကျွန်ုပ်​တို့​၏​အဖ​ဖြစ်​တော်မူ​၏​။ အာဗြဟံ​သည် အကျွန်ုပ်​တို့​ကို​မ​သိ​။ အစ္စရေး​သည်​လည်း အကျွန်ုပ်​တို့​ကို​အသိအမှတ်​မ​ပြု​။ အို ထာဝရဘုရား​၊ ကိုယ်တော်​မူကား အကျွန်ုပ်​တို့​၏​အဖ​ဖြစ်​တော်မူ​၏​။ ရှေးကာလ​ကပင် ကိုယ်တော်​၏​နာမ​တော်​သည် “​အကျွန်ုပ်​တို့​ကို​ရွေးနုတ်​သော​အရှင်​” ဖြစ်​၏​။

ဟေ​ရှာ​ယ 64:8

သို့ရာတွင် အို ထာဝရဘုရား​၊ ကိုယ်တော်​သည် အကျွန်ုပ်​တို့​၏​အဖ​ဖြစ်​တော်မူ​၏​။ အကျွန်ုပ်​တို့​သည် မြေစေး​ဖြစ်​၏​။ ကိုယ်တော်​သည် အိုးထိန်း​ဖြစ်​တော်မူ​၏​။ အကျွန်ုပ်​တို့​အားလုံး​သည် ကိုယ်တော်​၏​လက်​တော်​ဖြင့် ဖန်ဆင်း​ထား​သော​သူ​များ ဖြစ်​ကြ​ပါ​၏​။

ယေ​ရ​မိ 12:10

သိုးထိန်း​အမြောက်အမြား​တို့​သည် ငါ့​စပျစ်ခြံ​ကို ဖျက်ဆီး​ကြ​ပြီ​။ ငါ့​လယ်ကွင်း​ကို နင်းချေ​ကြ​ပြီ​။ ငါ​တန်ဖိုး​ထား​သော​လယ်မြေ​ကို လူသူကင်းမဲ့​ရာ​တောကန္တာရ​ကဲ့သို့ ဖြစ်​စေ​ကြ​ပြီ​။

ယေ​ရ​မိ 3:17

“ထို​ကာလ​၌ သူ​တို့​သည် ဂျေရုဆလင်​မြို့​ကို ‘ထာဝရဘုရား​၏​ပလ္လင်’​ဟု ခေါ်ဆို​ကြ​လိမ့်မည်​။ လူမျိုး​အပေါင်း​တို့​သည် ထာဝရဘုရား​၏​နာမ​တော်​အတွက် ဂျေရုဆလင်​မြို့​၌ စုဝေး​ကြ​လိမ့်မည်​။ သူ​တို့​သည် ဆိုးညစ်​မာကျော​သော​စိတ်သဘော​နောက်သို့ လိုက်​ကြ​တော့​မည်​မ​ဟုတ်​။

ယေ​ရ​မိ 3:4

ယခုပင်သင်​က “အကျွန်ုပ်​၏​အဖ​၊ အကျွန်ုပ်​ငယ်ရွယ်စဉ်​မှစ၍ ကိုယ်တော်​သည် အကျွန်ုပ်​၏​မိတ်ဆွေ​ဖြစ်​ပါ​၏​။

ယေ​ရ​မိ 31:20

ထာဝရဘုရား​က “​ဧဖရိမ်​သည် ငါ​ချစ်​သော​သား​၊ ငါ​မြတ်နိုး​သော​သားလေး​ဖြစ်​သည်​မ​ဟုတ်​လော​။ ငါ​သည် သူ့​ကို အပြစ်တင်​ပြောဆို​လေ​တိုင်း သူ့​ကို အစဉ်​သတိရ​လျက်​ရှိ​ပါ​၏​။ ထို့ကြောင့် သူ့​အတွက် စိုးရိမ်ပူပန်​၏​။ သူ့​ကို အလွန်​သနား​၏​”​ဟု မိန့်​တော်မူ​၏​။

ယေ​ရ​မိ 31:9

သူ​တို့​သည် ငိုကြွေး​လျက် ပြန်လာ​ကြ​လိမ့်မည်​။ သူ​တို့​ကို နှစ်သိမ့်​လျက် ငါ​ပြန်ခေါ်​လာ​မည်​။ သူ​တို့​ကို စမ်းချောင်း​နား​၊ သူ​တို့​ခလုတ်​မ​တိုက်​နိုင်​သည့် ဖြောင့်ဖြူး​သော​လမ်း​ဖြင့် ငါ​ပို့ဆောင်​မည်​။ ငါ​သည် အစ္စရေး​လူမျိုး​၏​အဖ​ဖြစ်​၏​။ ဧဖရိမ်​အမျိုး​သည် ငါ​၏​သားဦး​ဖြစ်​၏​”​ဟု မိန့်​တော်မူ​၏​။

ယေ​ရ​မိ 33:9

ဤ​မြို့​သည် ငါ့​အဖို့ ဝမ်းမြောက်စရာ​၊ ချီးမွမ်းစရာ​၊ ဂုဏ်ပြုစရာ ဖြစ်​လိမ့်မည်​။ ဤ​မြို့​အတွက် ငါ​ပြု​ပေး​သော​ကောင်းကျိုးချမ်းသာ​တို့​ကို ကမ္ဘာမြေ​ပေါ်ရှိ လူမျိုး​အပေါင်း​တို့​ကြားသိ​ကြ​လိမ့်မည်​။ ဤ​မြို့​ကို ကောင်းကျိုးချမ်းသာ​အတိ​၊ ငြိမ်သက်​ခြင်း​အတိ​ရှိ​စေ​သည်​ကို သူ​တို့ အံ့ဩ​တုန်လှုပ်​ကြ​လိမ့်မည်’​ဟု မိန့်​တော်မူ​၏​။

ယေ​ရ​မိ 5:7

“​သင့်​ကို ငါ​မည်သို့ ခွင့်လွှတ်​နိုင်​မည်နည်း​။ သင်​၏​သားသမီး​တို့​သည် ငါ့​ကို​စွန့်ပစ်​၍ ဘုရား​မ​ဟုတ်​သော​ဘုရား​တို့​ကို တိုင်တည်ကျိန်ဆို​ကြ​ပြီ​။ ငါ​သည် သူ​တို့​ကို ပြည့်စုံကြွယ်ဝ​စေ​သော်လည်း သူ​တို့​သည် အိမ်ထောင်ရေးဖောက်ပြန်​၍ ပြည့်တန်ဆာ​အိမ်​၌ စုဝေး​ကြ​ပြီ​။

ယေ​ဇ​ကျေ​လ 20:6

ထို​နေ့​တွင်ပင် သူ​တို့​ကို အီဂျစ်​ပြည်​မှ​ထုတ်ဆောင်​ပြီး ပြည်​တကာ​တို့​ထက် သာယာဝပြော​သော​ပြည်​၊ သူ​တို့​အဖို့ ရွေးချယ်​ထား​သော ‘နို့​နှင့်​ပျားရည်​စီး​သော​ပြည်’​သို့ ပို့ဆောင်​ပေး​မည်​ဟု ကတိသစ္စာ​ပြု​ခဲ့​၏​။

ဒံ​ယေ​လ 11:16

တောင်​ဘုရင်​ကို လာတိုက်​သော​မြောက်​ဘုရင်​သည် အလိုရှိ​သည့်​အတိုင်း​ပြု​လိမ့်မည်​။ သူ့​ကို မည်သူ​မျှ​ခုခံ​နိုင်​မည်​မ​ဟုတ်​။ သူ​သည် သာယာဝပြော​သော​ပြည်​တွင် စံမြန်း​လျက် သုတ်သင်ဖျက်ဆီး​ခြင်း​အာဏာ​ကို​စွဲကိုင်​ထား​မည်​။

ဒံ​ယေ​လ 11:41

သူ​သည် သာယာဝပြော​သော​ပြည်​ကို ဝင်တိုက်​သဖြင့် လူ​အများ​လဲကျ​သေဆုံး​ရ​လိမ့်မည်​။ သို့သော် ဧဒုံ​ပြည်သား​၊ မောဘ​ပြည်သား​နှင့် အမ္မုန်​အမျိုးသား​တို့​ထဲမှ အထင်ကရ​ပုဂ္ဂိုလ်​များ​သည် သူ့​လက်​မှ​လွတ်မြောက်​လိမ့်မည်​။

ဒံ​ယေ​လ 11:45

ပင်လယ်​နှင့် သာယာ​သော​တောင်​ကြား​တွင် သူ့​တဲနန်း​ကို သူ​ဆောက်​လိမ့်မည်​။ ဤသို့ဖြင့် သူ့​ဘဝ​နိဂုံးချုပ်​ချိန်​ရောက်လာ​ကာ သူ့​ကို​ကူညီ​မည့်​သူ တစ်ယောက်​မျှ​ရှိ​မည်​မ​ဟုတ်​။

ဒံ​ယေ​လ 8:9

ထို​ချို​လေး​ချောင်း​မှ​တစ်​ချောင်း​တွင် ချို​အတက်​တစ်​ခု​ပေါက်လာ​၍ တောင်ဘက်​၊ အရှေ့ဘက်​၊ သာယာဝပြော​သော​ပြည်​ဘက်​သို့​တိုင်အောင် ကြီးမား​လာ​လေ​၏​။

ဟော​ရှေ 11:8

အို ဧဖရိမ်​၊ သင့်​ကို မည်သို့​စွန့်ပစ်​နိုင်​မည်နည်း​။ အို အစ္စရေး​၊ သင့်​ကို မည်သို့​အပ်နှံ​နိုင်​မည်နည်း​။ အာဒမာ​မြို့​ကဲ့သို့ သင့်​ကို​မည်သို့​ဖြစ်​စေ​နိုင်​မည်နည်း​။ ဇေဘိုင်​မြို့​ကဲ့သို့ သင့်​ကို​မည်သို့​ဖြစ်​စေ​နိုင်​မည်နည်း​။ ငါ​သည် စိတ်ပြောင်း​ပြီး သနားကြင်နာစိတ် တစ်စတစ်စ​တိုးပွား​လာ​ပြီ​။

ဂ​လာ​တိ 3:26

အကြောင်းမူကား သင်​တို့​အားလုံး​သည် ခရစ်တော်​ယေရှု​ကို​ယုံကြည်​ခြင်း​အားဖြင့် ဘုရားသခင်​၏​သားသမီး​များ​ဖြစ်​ကြ​၏။

ဧ​ဖက် 1:5

မိမိ​အလို​တော်​နှင့်ညီသော​စေတနာ​အတိုင်း ယေရှု​ခရစ်တော်​အားဖြင့် ငါ​တို့​ကို မိမိ​၏​သားသမီး​အရာ​၌ မေတ္တာ​တော်​ဖြင့် ကြိုတင်​သတ်မှတ်​ထား​တော်မူ​၏။

တ​ရား​ဟော 14:1

သင်​တို့​သည် သင်​တို့​၏​ဘုရားသခင်​ထာဝရဘုရား​၏​သားသမီး​များ​ဖြစ်​ကြ​၏​။ သေဆုံး​သူ​အတွက် ကိုယ့်​အသား ကိုယ်​မ​မွှမ်း​ရ​၊ သင်​တို့​၏​ဦးစွန်း​ကို​မ​ရိတ်​ရ​။

ဟေ​ဗြဲ 10:39

သို့သော် ငါ​တို့​သည် တွန့်ဆုတ်​လျက် ပျက်စီး​ခြင်း​သို့​ရောက်​သော​သူ​များ​မ​ဟုတ်​ဘဲ ယုံကြည်​လျက် အသက်​ကို​ပိုင်ဆိုင်​သော​သူ​များ​ဖြစ်​ကြ​၏။

၁ ပေ 1:17

သင်​တို့​သည် လူ​တို့​အား မျက်နှာလိုက်​ခြင်း​မ​ရှိ​ဘဲ တစ်ဦးစီ​တို့​ပြု​သော​အမှု​အတိုင်း တရား​စီရင်​တော်မူ​သော​အရှင်​ကို အဖ​ဟု​ခေါ်​ကြ​လျှင် ဤ​လောက​တွင် ဧည့်သည်​အဖြစ်​နေထိုင်​စဉ်​ကာလ​တစ်လျှောက်လုံး ကြောက်ရွံ့​ရိုသေ​သော​စိတ်​ဖြင့် အသက်ရှင်​နေထိုင်​ကြ​လော့။