ယေ​ရ​မိ 28:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ ပရောဖက်​တစ်​ဦး​က ငြိမ်းချမ်း​ခြင်း​အကြောင်း​ကို ပရောဖက်ပြု​ဟောပြော​၍ သူ​ဟော​သည့်​အတိုင်း​ဖြစ်လာ​လျှင် သူ​သည် ထာဝရဘုရား​စေလွှတ်​တော်မူ​သော​ပရောဖက်​ဖြစ်ကြောင်း သိ​ရ​မည်​”​ဟု ဆို​၏​။

Common Language Bible

⁹ သို့​ရာ​တွင်​ငြိမ်း​ချမ်း​သာ​ယာ​မှု​ရှိ​လိမ့်​မည် ဟု​ကြို​တင်​ဟော​ကြား​သည့်​ပ​ရော​ဖက်​ကို မူ သူ​၏​စ​ကား​မှန်​လျက်​နေ​သည်​ကို​တွေ့​ရှိ ရ​သော​အ​ခါ​မှ​သာ​လျှင် သူ​သည်​ထာ​ဝ​ရ ဘု​ရား​အ​မှန်​ပင်​စေ​လွှတ်​တော်​မူ​သော ပ​ရော​ဖက်​ဖြစ်​ကြောင်း​အ​သိ​အ​မှတ် ပြု​နိုင်​ပါ​လိမ့်​မည်'' ဟု​ဆို​၏။

Garrad Bible

⁹ စည်း စိမ် ချမ်း သာ အ ကြောင်း ဟော ပြော သော ပ ရော ဖက် မှာ မူ၊ ဆင့် ဆို ချက် အ ရ ဖြစ် ပျက် က၊ ထာ ဝ ရ ဘု ရား စေ လွှတ် တော် မူ သော ပ ရော ဖက် မှန် ကြောင်း ထင် ရှား မည် ဟု ပြန် ဆို သော်၊

Judson Bible

⁹ ငြိမ်​ဝပ်​မည်​အ​ကြောင်း​ကို ဟော​ပြော​သော ပ​ရော​ဖက်​ရှိ​လျှင်၊ သူ၏​စ​ကား​ပြည့်​စုံ​သော​အ​ခါ စင်​စစ် ထာ​ဝ​ရ​ဘု​ရား စေ​လွှတ်​တော်​မူ​သော ပ​ရော​ဖက်​ဖြစ်​ကြောင်း ထင်​ရှား​လိမ့်​မည်​ဟု ပြော​ဆို၏။

ယေ​ရ​မိ 28:9 Referencias Cruzadas

ဟေ​ရှာ​ယ 44:26

ငါ​သည် ငါ့​အစေအပါး​၏​စကား​ကို တည်​စေ​၏​။ ငါ့​စေတမန်​တို့​၏​အကြံဉာဏ်​ကို အထမြောက်​စေ​၏​။ ဂျေရုဆလင်​မြို့​နှင့်​ပတ်သက်၍ ‘​ထို​မြို့​သည် လူ​တို့​နေထိုင်​ရာ​အရပ်​ဖြစ်​လိမ့်မည်​’​ဟူ၍​လည်းကောင်း​၊ ယုဒ​မြို့​တို့​နှင့်​ပတ်သက်၍ ‘​ထို​မြို့​တို့​သည် တည်ဆောက်​ခြင်း​ခံရ​မည်​။ မြို့​၏​ပြိုပျက်​ရာ​တို့​ကို ငါ​ပြန်လည်​ထူထောင်​မည်​’​ဟူ၍​လည်းကောင်း ငါ​မိန့်ဆို​၏​။

ယေ​ရ​မိ 14:13

ငါ​က​လည်း “​အို ဘုရားရှင်​ထာဝရဘုရား​၊ ပရောဖက်​တို့​က ‘​သင်​တို့​သည် ဓားဘေး​နှင့်​ကြုံ​ရ​မည်​မ​ဟုတ်​။ ငတ်မွတ်ခေါင်းပါး​ခြင်း​ဘေး​သည် သင်​တို့​ထံ​ရောက်လာ​မည်​မ​ဟုတ်​။ ဤ​အရပ်​၌ သင်​တို့​အား စစ်မှန်​သော​ငြိမ်သက်​ခြင်း​ကို ငါ​ပေး​မည်​’​ဟူ၍ သူ​တို့​အား ဆင့်ဆို​ကြ​ပါ​သည်​”​ဟု လျှောက်ဆို​၏​။

ယေ​ရ​မိ 4:10

ထိုအခါ ငါ​က “​အို ဘုရားရှင်​ထာဝရဘုရား​၊ ဓား​သည် လည်မျို​ကို​ထောက်​နေ​လျက်ပင် ‘​သင်​တို့​တွင် ငြိမ်သက်​ခြင်း​ရှိ​လိမ့်မည်​’​ဟု ကိုယ်တော်​မိန့်​တော်မူ​သည်​မှာ ဂျေရုဆလင်​မြို့သား​နှင့်တကွ ဤ​လူမျိုး​တို့​ကို အမှန်​လှည့်စား​ခြင်း​ဖြစ်​ပါ​ပြီ​တကား​”​ဟု လျှောက်ဆို​၏​။

ယေ​ရ​မိ 6:14

ငြိမ်းချမ်းမှု​မ​ရှိ​သော်လည်း ‘​ငြိမ်းချမ်း​သည်​၊ ငြိမ်းချမ်း​သည်​’​ဟု ဆို​လျက် ငါ့​လူမျိုး​တော်​၏​ဒဏ်ရာ​ကို ပေါ့ပေါ့တန်တန်​ကုသ​ပေး​ကြ​၏​။

ယေ​ရ​မိ 8:11

ငြိမ်းချမ်းမှု​မ​ရှိ​သော်လည်း ‘​ငြိမ်းချမ်း​သည်​၊ ငြိမ်းချမ်း​သည်​’​ဟု ဆို​တတ်​ကြ​၏​။ ငါ့​လူမျိုး​တော်​၏​ဒဏ်ရာ​ကို ပေါ့ပေါ့တန်တန်​ကုသ​ပေး​ကြ​၏​။

ယေ​ဇ​ကျေ​လ 33:33

သို့သော် ထို​စကား​တို့ အမှန်​ဖြစ်လာ​သောအခါ​မှ သူ​တို့​တွင် ပရောဖက်​ရှိ​ကြောင်း​ကို သူ​တို့​သိ​ကြ​လိမ့်မည်”​ဟု မိန့်ဆို​၏​။

တ​ရား​ဟော 18:21

သင့်​စိတ်​ထဲ၌ ‘​ထာဝရဘုရား​မိန့်မှာ​တော်မူ​သော​စကား​ဟုတ်​၊ မ​ဟုတ် မည်သို့​သိ​နိုင်​မည်နည်း​’​ဟု ဆို​လျှင်

တ​ရား​ဟော 18:22

ပရောဖက်​သည် ထာဝရဘုရား​၏​နာမ​တော်​ဖြင့် ဆင့်ဆို​၍ သူ​ဆင့်ဆို​သည့်​အတိုင်း မ​ဖြစ်လာ​၊ မ​ပြည့်စုံ​လာ​လျှင် ထို​စကား​သည် ထာဝရဘုရား​မိန့်​တော်မူ​သော​စကား မ​ဟုတ်​။ ထို​ပရောဖက်​သည် အတင့်ရဲ​စွာ​ဆင့်ဆို​ပြီ​။ သင်​သည် သူ့​ကို မ​ကြောက်​ရ​။