ယေ​ရ​မိ 22:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ သေ​သော​သူ​အတွက် မ​ငိုကြွေး​နှင့်​၊ ဝမ်း​မ​နည်း​နှင့်​။ သို့သော် အဝေး​သို့​ထွက်သွား​သော​သူ​အတွက် ဝမ်းနည်းပက်လက်​ငိုကြွေး​လော့​။ သူ​သည် နောက်တစ်ဖန် ပြန်လာ​ရ​တော့​မည်​မ​ဟုတ်​။ သူ​၏​မွေးရပ်​မြေ​ကို ပြန်မြင်​ရ​တော့​မည်​မ​ဟုတ်​။

Common Language Bible

¹⁰ ယု​ဒ​ပြည်​သူ​တို့၊ယော​ရှိ​မင်း​အ​တွက်​သင်​တို့ မ​ငို​ကြွေး​ကြ​နှင့်။ သူ​ကွယ်​လွန်​သည့်​အ​တွက်​ဝမ်း​နည်း​ပူ​ဆွေး​မှု မ​ပြု​ကြ​နှင့်။ သို့​ရာ​တွင်​သူ​၏​သား​တော်​ယော​ခတ်​အ​တွက် ပြင်း​ပြ​စွာ​ငို​ကြွေး​ကြ​လော့။ ရန်​သူ​တို့​သည်​သူ့​အား​အ​ပြီး​အ​ပိုင် ခေါ်​ဆောင်​သွား​ကြ​လိမ့်​မည်။ သူ​သည်​မိ​မိ​မွေး​ဖွား​ရာ​အ​ရပ်​ကို နောင်​အ​ဘယ်​အ​ခါ​၌​မျှ​ပြန်​လည်​တွေ့​မြင် ရ​တော့​မည်​မ​ဟုတ်။

Garrad Bible

¹⁰ ကွယ် လွန် သော မင်း အ တွက်၊ စာ နာ ငို ကြွေး ခြင်း ကို မ ပြု ကြ နှင့်။ ပြည် ရင်း ကို ပြန် လာ ရှု မြင် ခွင့် မ ရ ဘဲ၊ စွန့် ခွာ ရ သော မင်း အ တွက်၊ ငို ကြွေး မြည် တမ်း ကြ လော့။

Judson Bible

¹⁰ သေ​သော​သူ​အ​တွက် ငို​ကြွေး​မြည်​တမ်း​ခြင်း​ကို​မ​ပြု​ကြ​နှင့်။ အ​ခြား​တစ်​ပါး​သို့ သွား​သော​သူ​အ​တွက် ငို​ကြွေး​ခြင်း​ကို ပြု​ကြ​လော့။ သူ​သည် နောက်​တစ်​ဖန် ပြန်၍​မ​လာ​ရ။ မိ​မိ​မွေး​ဖွား​ရာ​ဌာ​န​ကို မ​မြင်​ရ။

ယေ​ရ​မိ 22:10 Referencias Cruzadas

၄ ရာ 22:20

ထို့ကြောင့် သင့်​ဘိုးဘေး​များ​ရှိ​ရာ​သို့ သင့်​ကို ငါ​စုစည်း​မည်​။ သင်​သည် သင့်​သင်္ချိုင်း​တွင် ငြိမ်ဝပ်​စွာ​စုစည်း​ခြင်း​ခံရ​လိမ့်မည်​။ ဤ​မြို့​သို့ ငါ​ကျရောက်​စေ​မည့်​ဘေးအန္တရာယ်​တို့​ကို သင်​မြင်​ရ​မည်​မ​ဟုတ်​’​ဟူ၍ ထာဝရဘုရား​မိန့်​တော်မူ​ကြောင်း​ပြောကြား​လော့​”​ဟု ဆို​၏​။ သူ​တို့​သည်​လည်း ပြန်သွား​၍ ဤ​စကား​တို့​ကို ရှင်ဘုရင်​ထံ လျှောက်တင်​ကြ​၏​။

၄ ရာ 23:29

ယောရှိ​မင်းကြီး​လက်ထက်​တွင် အီဂျစ်​ဘုရင်​ဖာရော​နေခေါ​မင်းကြီး​သည် အဆီးရီးယား​ဘုရင်​ကို​တိုက်ခိုက်​ရန် ယူဖရေးတီး​မြစ်​သို့ စစ်ချီ​သွား​သည်​ကို ယောရှိ​မင်းကြီး​ထွက်လာ​၍ မေဂိဒ္ဒေါ​အရပ်​တွင် သူ့​ကို​ရင်ဆိုင်တိုက်ခိုက်​ရာ သူ​သည် ယောရှိ​မင်းကြီး​ကို​တွေ့​ပြီး ကွပ်မျက်​လိုက်​လေ​၏​။

၂ ရာ​ချုပ် 36:4

ထို့နောက် အီဂျစ်​ဘုရင်​သည် ယောခတ်​မင်းကြီး​၏​ညီ​တော်​ဧလျာကိမ်​ကို ယုဒ​ပြည်သူ​ဂျေရုဆလင်​မြို့သား​တို့​အပေါ် အုပ်စိုး​စေ​ပြီး ယောယကိမ် ဟု​အမည်​ပြောင်း​ပေး​၏​။ နောင်တော်​ယောခတ်​မင်းကြီး​ကို​မူကား နေခေါ​မင်းကြီး​သည် အီဂျစ်​ပြည်​သို့ ခေါ်ဆောင်​သွား​၏​။

ဒေသနာကျမ်း။ 4:2

ထို့ကြောင့် အသက်ရှင်​နေ​သေး​သော​လူရှင်​တို့​ထက် သေ​လွန်​ပြီး​သော​လူသေ​တို့​ကို ငါ​ထောမနာပြု​၏​။

ဟေ​ရှာ​ယ 57:1

ဖြောင့်မတ်​သော​သူ​ဆုံးပါး​သွား​သည်​ကို မည်သူ​မျှ​နှလုံး​မ​သွင်း​ကြ​။ ကျေးဇူးပြု​တတ်​သော​သူ​တို့ ရုပ်သိမ်း​ခြင်း​ခံရ​သည်​ကို မည်သူ​မျှ​နား​မ​လည်​ကြ​။ အကယ်စင်စစ် ဖြောင့်မတ်​သော​သူ​သည် မကောင်းမှု​ထဲမှ​ရုပ်သိမ်း​ခံရ​ခြင်း​ဖြစ်​၏​။

ယေ​ရ​မိ 16:7

အသုဘရှင်​ကို နှစ်သိမ့်​ဖို့ ငိုကြွေးမြည်တမ်း​မည့်​သူ​၊ အစားအစာ​ပေး​မည့်​သူ ရှိ​မည်​မ​ဟုတ်​။ မိဘ​ဆုံး​သွား​လျှင်ပင် နှစ်သိမ့်​ခြင်း​ခွက်​ကို ကမ်းပေး​မည့်​သူ ရှိ​မည်​မ​ဟုတ်​။

ယေ​ရ​မိ 22:11

ခမည်းတော်​ယောရှိ​မင်းကြီး​၏​အရိုက်အရာ​ကို ဆက်ခံ​သော ယောရှိ​မင်းကြီး​၏​သား​တော် ယုဒ​ဘုရင်​ရှလ္လုံ​မင်းကြီး​နှင့်​ပတ်သက်၍ ထာဝရဘုရား​က “သူ​သည် ဤ​ပြည်​မှ​ထွက်သွား​၍ နောက်တစ်ဖန် ပြန်လာ​ရ​တော့​မည်​မ​ဟုတ်​။

ယေ​ရ​မိ 22:18

ထို့ကြောင့် ယောရှိ​၏​သား ယုဒ​ဘုရင်​ယောယကိမ်​မင်းကြီး​နှင့်​ပတ်သက်၍ ထာဝရဘုရား​က “​အလို ငါ့​အစ်ကို​၊ အလို ငါ့​နှမ​ဟူ၍ သူ့​အတွက်​မြည်တမ်း​ကြ​မည်​မ​ဟုတ်​။ အလို သခင်​၊ အလို ဘုန်းကြီးသောသူ​ဟူ၍ သူ့​အတွက်​မြည်တမ်း​ကြ​မည်​မ​ဟုတ်​။

ယေ​ရ​မိ 22:27

သူ​တို့​ပြည်​သို့​ပြန်လာ​လို​သော်လည်း ပြန်လာ​ရ​တော့​မည်​မ​ဟုတ်​”​ဟု မိန့်​တော်မူ​၏​။

ယေ​ရ​မိ 25:27

ထို့နောက် ထို​သူ​တို့​အား “အစ္စရေး​လူမျိုး​တို့​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က ‘သင်​တို့​ထံ ငါ​စေလွှတ်​သော​ဓား​ကြောင့် သောက်​၍ မူး​ကြ​၊ အန်​ကြ​၊ လဲ​ကြ​။ သင်​တို့ ပြန်ထ​နိုင်​မည်​မ​ဟုတ်’​ဟူ၍ မိန့်​တော်မူ​သည်”​ဟု သင်​ဆင့်ဆို​ရ​မည်​။

ယေ​ရ​မိ 28:4

ဘေဘီလုံ​မြို့​သို့ ဖမ်းခေါ်​သွား​ခြင်း​ခံရ​သော ယောယကိမ်​၏​သား ယုဒ​ဘုရင်​ယေခေါနိ​မင်းကြီး​နှင့်တကွ ယုဒ​လူမျိုး​အပေါင်း​တို့​ကို​လည်း ဤ​မြို့​သို့ ပြန်ခေါ်ဆောင်​လာ​မည်​။ အကြောင်းမူကား ငါ​သည် ဘေဘီလုံ​ဘုရင်​၏​ထမ်းပိုး​ကို ချိုး​မည်​’​ဟူ၍ မိန့်​တော်မူ​သည်​”​ဟု ဆို​၏​။

ယေ​ရ​မိ 42:18

အကယ်စင်စစ် အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က ‘​ဂျေရုဆလင်​မြို့သား​တို့​အပေါ်​သို့ ငါ့​အမျက်​ဒေါသ​ကို​သွန်ချ​ခဲ့​သကဲ့သို့ အီဂျစ်​ပြည်​သို့ သင်​တို့​သွား​သောအခါ သင်​တို့​အပေါ်​သို့ ငါ့​အမျက်ဒေါသ​ကို သွန်ချ​မည်​။ သင်​တို့​သည် ကျိန်ဆဲစရာ​၊ ထိတ်လန့်စရာ​၊ ရွံရှာစရာ​၊ ကဲ့ရဲ့စရာ​ဖြစ်​မည်​။ ဤ​ပြည်​ကို သင်​တို့ ပြန်​မြင်​ရ​တော့​မည်​မ​ဟုတ်​’​ဟု မိန့်​တော်မူ​ပြီ​။

ယေ​ရ​မိ 44:14

အီဂျစ်​ပြည်​သို့​သွားရောက်​နေထိုင်​သော​ယုဒ​အမျိုး​အကြွင်းအကျန်​တို့​တွင် လွတ်မြောက်​သော​သူ​၊ အသက်ရှင်​ကျန်ရစ်​သော​သူ တစ်ယောက်မျှ​ရှိ​မည်​မ​ဟုတ်​။ ယုဒ​ပြည်​သို့ ပြန်လာ​နေထိုင်​လို​သော်လည်း ပြန်လာ​ခွင့်​ရ​မည်​မ​ဟုတ်​။ လွတ်မြောက်​သော​သူ​သာ ပြန်လာ​ရ​လိမ့်မည်’​ဟူ၍ မိန့်​တော်မူ​သည်”​ဟု မိန့်ဆို​၏​။

မြည်​တမ်း​စ​ကား 4:9

ဓားဘေး​ဖြင့် သေ​ရ​သော​သူ​တို့​သည် လယ်ယာ​သီးနှံ​မထွက်​သောကြောင့် ငတ်မွတ်​၍ သေ​ရ​သော​သူ​တို့​ထက် သာ၍​ကောင်း​၏​။

ယေ​ဇ​ကျေ​လ 24:16

“​အချင်း​လူသား​၊ သင်​ချစ်မြတ်နိုး​သော​သူ​ကို တစ်ခဏအတွင်း ငါ​ရုပ်သိမ်း​ပစ်​မည်​။ သင်​မ​ငိုကြွေး​မ​မြည်တမ်း​နှင့်​။ မျက်ရည်​မ​ကျ​နှင့်​။

လုကာ 23:28

ယေရှု​သည် ထို​အမျိုးသမီး​တို့​ဘက်​သို့​လှည့်​၍“ဂျေရုဆလင်​မြို့​၏​သမီး​တို့၊ ငါ့​အတွက်​မ​ငိုကြွေး​ကြ​နှင့်။ သင်​တို့​နှင့် သင်​တို့​၏​သားသမီး​များ​အတွက်​သာ ငိုကြွေး​ကြ​လော့။