ယေ​ရ​မိ 17:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ အို ကွင်းပြင်​ရှိ​ငါ့​တောင်​၊ ပြည်​တစ်ပြည်လုံး​ရှိ အပြစ်​များ​ကြောင့် သင်​၏​ဥစ္စာပစ္စည်း​၊ သင်​၏​ဘဏ္ဍာ​အလုံးစုံ​တို့​နှင့် သင်​အထွတ်အမြတ်​ထား​ရာ​ကုန်းမြင့်​တို့​ကို လုယူဖျက်ဆီး​ရာ​အဖြစ် ငါ​ပေးလိုက်​မည်​။

Garrad Bible

^3-4 လွင် ပြင် ရှိ အို ငါ့ တောင် တော်၊ သင့် ပြစ် မှု အ တွက်၊ ကာ လ အ စဉ် တောက် လောင် တော် မူ သော ဒေါ သ မီး ကို မွေး ကြ သော ကြောင့်၊ တစ် ပြည် လုံး ရှိ စည်း စိမ် ဘ ဏ္ဍာ ကိုလည်း‌ ကောင်း၊ မြင့် ရာ ဌာ န များ ကိုလည်း‌ ကောင်း၊ လု ယက် ဥစ္စာ အ ဖြစ် ငါ လွှဲ အပ် သည့် ပြင်၊ ငါ အ ပိုင် ပေး ခဲ့ သော ပြည် ကို၊ သင် လက် လွှတ် ရ မည့် အ လျောက်၊ မ ရောက် ဘူး သော ပြည် တွင် ရန် သူ တို့ အ မှု ကို ထမ်း စေ မည်။

Judson Bible

³ အ​ချင်း​ငါ၏​တောင်၊ လယ်၌​ရှိ​သော သင်၏​ဥ​စ္စာ​နှင့် သို​ထား​သ​မျှ​သော​ဥ​စ္စာ​ကို​လည်း​ကောင်း၊ ပြည်​တစ်​လျှောက်​လုံး၌ သင်​ပြစ်​မှား​ရာ၊ မြင့်​သော​အ​ရပ်​တို့​ကို​လည်း​ကောင်း၊ လု​ယူ​သော​သူ​တို့​လက်​သို့ ငါ​အပ်​မည်။

ယေ​ရ​မိ 17:3 Referencias Cruzadas

၄ ရာ 24:13

ထာဝရဘုရား မိန့်​တော်မူ​ခဲ့​သည့်​အတိုင်း​ပင် ထာဝရဘုရား​၏​အိမ်​တော်​ဘဏ္ဍာတိုက်​နှင့် ဘုရင့်​နန်းတော်​ဘဏ္ဍာတိုက်​တို့​မှ ရှိသမျှ​ကို ယူဆောင်​သွား​၏​။ ထာဝရဘုရား​၏​ဗိမာန်တော်​ရှိ အစ္စရေး​ဘုရင်​ရှောလမုန်​မင်းကြီး​ပြုလုပ်​ထား​ခဲ့​သော ရွှေ​အသုံးအဆောင်​အားလုံး​ကို​လည်း ချိုးဖဲ့​ဖျက်ဆီး​၍​ယူဆောင်​သွား​လေ​၏​။

ဆာ​လံ 78:58

သူ​တို့​သည် မိမိ​တို့​အထွတ်အမြတ်​ထား​ရာ​နေရာ​များ​အားဖြင့် ကိုယ်တော်​ကို​အမျက်ထွက်​စေ​ပြီး မိမိ​တို့​၏​ရုပ်တု​များ​အားဖြင့် ကိုယ်တော်​ကို​သဝန်တို​စေ​ကြ​၏​။

ဟေ​ရှာ​ယ 27:9

ဤနည်းဖြင့် ကိုယ်တော်​သည် ယာကုပ်​အမျိုး​၏​အပြစ်​ကို ဖြေလွှတ်​တော်မူ​၏​။ ယဇ်ပလ္လင်​ကျောက်​ရှိသမျှ​တို့​ကို ထုံး​ကျောက်​ကဲ့သို့ အစိတ်စိတ်အမွှာမွှာ​ကျိုးပဲ့​စေ​၍ အာရှရ​နတ်ဘုရားမ​တံခွန်တိုင်​များ​၊ နံ့သာပေါင်း​ပူဇော်​ရာ​ယဇ်ပလ္လင်​များ​ကို ဖြိုလှဲ​ခြင်း​သည် သူ​၏​အပြစ်​ကို​ဖယ်ရှား​သည့်​အကြောင်းရင်း ဖြစ်​၏​။

ယေ​ရ​မိ 12:12

အဖျက်သမား​တို့​သည် တောကန္တာရ​ရှိ​တောင်ကတုံး​များ​ပေါ်သို့ တက်လာ​ကြ​ပြီ​။ ထာဝရဘုရား​၏​ဓား​တော်​သည် မြေကြီး​စွန်းတစ်ဘက်​မှ အခြား​မြေကြီး​စွန်းတစ်ဘက်​တိုင်အောင် ဝါးမျို​လိမ့်မည်​။ မည်သူမျှ ငြိမ်းချမ်း​စွာ​နေ​ရ​မည်​မ​ဟုတ်​။

ယေ​ရ​မိ 15:13

သင့်​ပြည်​တစ်လျှောက်လုံး​တွင် သင်​ပြု​သော​အပြစ်​ကြောင့် သင်​၏​ဥစ္စာပစ္စည်း​၊ သင်​၏​ဘဏ္ဍာ​တို့​ကို လုယူဖျက်ဆီး​ရာ​အဖြစ် အဖိုးအခမဲ့ ငါ​ပေး​လိုက်​မည်​။

ယေ​ရ​မိ 20:5

ငါ​သည် ဤ​မြို့​၏​စည်းစိမ်ဥစ္စာ​၊ ချွေးနှဲစာ​၊ အဖိုးတန်ရတနာ​ရှိသမျှ​တို့​ကို​လည်းကောင်း​၊ ယုဒ​ဘုရင်​တို့​၏​ဥစ္စာဘဏ္ဍာ​ရှိသမျှ​တို့​ကို​လည်းကောင်း ရန်သူ့​လက်​သို့ အပ်​မည်​။ ရန်သူ​တို့​သည် သူ​တို့​ကို လုယူတိုက်ခိုက်​၍ ဘေဘီလုံ​မြို့​သို့ ယူ​ဆောင်သွား​လိမ့်မည်​။

ယေ​ရ​မိ 21:13

“မည်သူ​သည် ငါ​တို့​ရှိ​ရာ​သို့​ဆင်းလာ​နိုင်​သနည်း​။ မည်သူ​သည် ငါ​တို့​၏​ခိုလှုံ​ရာ​အရပ်​သို့​ဝင်​နိုင်​သနည်း”​ဟု ပြောဆို​တတ်​သော “အို ချိုင့်ဝှမ်း​၌​နေ​သော​သူ​၊ အို ကျောက်​ကုန်းရိုး​၌​နေ​သော​သူ​၊ ကြည့်ရှု​လော့​။ သင့်​ကို ငါ​စီရင်​မည်”​ဟု ထာဝရဘုရား​မိန့်​တော်မူ​၏​။

ယေ​ရ​မိ 26:18

“​ယုဒ​ဘုရင်​ဟေဇကိ​မင်းကြီး​လက်ထက်​တွင် မောရရှက်​မြို့သား​မိက္ခာ​က ယုဒ​လူမျိုး​အပေါင်း​တို့​အား ‘​ကောင်းကင်​ဗိုလ်ခြေ​အရှင်​ထာဝရဘုရား​က ဇိအုန်​တောင်​သည် လယ်​ကဲ့သို့ ထွန်ယက်​ခြင်း​ကို​ခံရ​လိမ့်မည်​။ ဂျေရုဆလင်​မြို့​သည် အပြိုအပျက်ပုံ​ဖြစ်​လိမ့်မည်​။ အိမ်​တော်​တည်​ရာ​တောင်​သည် တောအုပ်​ဖြစ်​လိမ့်မည်​ဟူ၍ မိန့်​တော်မူ​သည်’​ဟု ပရောဖက်ပြု​ဟောပြော​ခဲ့​သည်​ကို

မြည်​တမ်း​စ​ကား 1:10

ရန်သူ​တို့​သည် သူ​၏​အဖိုးတန်​ပစ္စည်း​အားလုံး​ကို လက်ဝါးကြီး​အုပ်​လေ​ပြီ​။ လူမျိုးခြား​တို့​သည် ကိုယ်တော်​၏​လူအစုအဝေး​ထဲသို့​မ​ဝင်​ရ​ဟု ကိုယ်တော်​မိန့်မှာ​တော်မူ​ခဲ့​သော်လည်း သန့်ရှင်းရာဌာန​တော်​အထိ​ပင် သူ​တို့​ဝင်ရောက်​ကြ​သည်​ကို သူ​တွေ့မြင်​ရ​လေ​ပြီ​။

ယေ​ဇ​ကျေ​လ 16:39

သင့်​ကို သူ​တို့​လက်​သို့​အပ်​လိုက်​မည်​။ သူ​တို့​သည် သင်​၏​ကွန်းခိုရာ​ကို ဖြိုချ​ပစ်​မည်​၊ သင်​အထွတ်အမြတ်​ထား​ရာ​နေရာ​တို့​ကို ဖျက်ဆီး​ပစ်​မည်​။ သင့်​အဝတ်​များ​ကို​ချွတ်​၍ လက်ဝတ်ရတနာ​များ​ကို​ယူ​ပြီးလျှင် အဝတ်မပါ​အချည်းစည်း ပစ်​ထား​ကြ​လိမ့်မည်​။

ယေ​ဇ​ကျေ​လ 23:46

ဘုရားရှင်​ထာဝရဘုရား​က ‘သူ​တို့​ထံသို့ လူအလုံးအရင်း​ကို ချီလာ​စေ​ပြီး သူ​တို့​ကို ထိတ်လန့်​စေ​မည်​၊ လုယူဖျက်ဆီး​စေ​မည်​။

ယေ​ဇ​ကျေ​လ 6:3

‘​အို အစ္စရေး​တောင်တန်း​တို့​၊ ဘုရားရှင်​ထာဝရဘုရား​မိန့်​တော်မူ​သော​စကား​ကို နားထောင်​လော့​။ တောင်ကြီး​တောင်ငယ်​များ​နှင့် မြစ်ချောင်း​ချိုင့်ဝှမ်း​များ​အား ထာဝရဘုရား​က ငါ​ကိုယ်တော်တိုင် သင်​တို့​ထံ ဓားဘေး​ရောက်​စေ​ပြီး အထွတ်အမြတ်​ထား​ရာ​နေရာ​တို့​ကို ဖျက်ဆီး​ပစ်​မည်​။

ဝတ်​ပြု 26:30

ငါ​သည် သင်​တို့​အထွတ်အမြတ်​ထား​ရာ​နေရာ​တို့​ကို ဖျက်ဆီး​၍ သင်​တို့​၏​နံ့သာပေါင်း​ပူဇော်​ရာ​ယဇ်ပလ္လင်​တို့​ကို ခုတ်လှဲ​မည်​။ သင်​တို့​၏​အလောင်း​တို့​ကို သင်​တို့​၏​သက်မဲ့​ရုပ်တု​များ​အပေါ်​၌ စုပုံ​ထား​မည်​။ ငါ​၏​စိတ်ဝိညာဉ်​သည် သင်​တို့​ကို​ရွံရှာ​မည်​။

မိက္ခာ 3:12

သို့ဖြစ်၍ သင်​တို့​ကြောင့် ဇိအုန်​မြို့​သည် လယ်​ကဲ့သို့ ထွန်ယက်​ခြင်း​ကို ခံရ​မည်​။ ဂျေရုဆလင်​မြို့​သည်​လည်း အပြိုအပျက်ပုံ​ဖြစ်​လိမ့်မည်​။ အိမ်​တော်​တည်ရှိ​ရာ​တောင်​သည်​လည်း တောအုပ်​ဖြစ်​လိမ့်မည်​။

ဇေဖနိ 1:13

သူ​တို့​၏​ဥစ္စာပစ္စည်း​သည် လုယက်ပစ္စည်း​ဖြစ်​လိမ့်မည်​။ သူ​တို့​၏​အိမ်​များ​သည်​လည်း လူသူကင်းမဲ့​လိမ့်မည်​။ အိမ်​ကို​ဆောက်​သော်လည်း နေ​ရ​မည်​မ​ဟုတ်​၊ စပျစ်ခြံ​စိုက်​သော်လည်း စပျစ်ဝိုင်​ကို သောက်​ရ​မည်​မ​ဟုတ်”​ဟု ထာဝရဘုရား​မိန့်​တော်မူ​၏​။