ယေ​ရ​မိ 16:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ အသုဘရှင်​ကို နှစ်သိမ့်​ဖို့ ငိုကြွေးမြည်တမ်း​မည့်​သူ​၊ အစားအစာ​ပေး​မည့်​သူ ရှိ​မည်​မ​ဟုတ်​။ မိဘ​ဆုံး​သွား​လျှင်ပင် နှစ်သိမ့်​ခြင်း​ခွက်​ကို ကမ်းပေး​မည့်​သူ ရှိ​မည်​မ​ဟုတ်​။

Common Language Bible

⁷ ချစ်​မြတ်​နိုး​သူ​တစ်​စုံ​တစ်​ယောက်​သေ​ဆုံး​သည့် အ​တွက်​နှစ်​သိမ့်​မှု​ရ​ရှိ​စေ​ရန်​အ​ဘယ်​သူ​မျှ မ​သာ​ရှင်​နှင့်​အ​တူ​စား​သောက်​ကြ​လိမ့်​မည် မ​ဟုတ်။ မိ​ဘ​သေ​ဆုံး​သူ​များ​ပင်​လျှင်​အ​ဘယ် သူ​မျှ​က​ရု​ဏာ​သက်​မှု​ကို​ပြ​သ​ကြ​လိမ့် မည်​မ​ဟုတ်။''

Garrad Bible

⁷ အ သု ဘ ပွဲ လုပ် ၍ အ လွမ်း ဆွတ် ပြေ စေ ရန် မုန့် ကျွေး ခြင်း၊ မိ ဘ ကွယ် လွန် သော် လည်း နှစ် သိမ့် စေ သော အ ရည် တိုက် ခြင်း များ ကို လည်း‌ ကောင်း၊ သူ သေ တို့ အ တွက် မ ပြု ရ ကြ။

Judson Bible

⁷ သေ​သော​သူ​တို့​အ​တွက် စိတ်​မ​သာ ညည်း​တွား​သော​သူ​တို့​ကို နှစ်​သိမ့်​စေ​ခြင်း​ငှာ၊ မ​သာ​ပွဲ​ကို မ​လုပ်​ရ။ မိ​ဘ​သေ​သော်​လည်း၊ နှစ်​သိမ့်​စေ​သော ခွက်​ဖ​လား​ကို​မ​ပေး​ရ။

ယေ​ရ​မိ 16:7 Referencias Cruzadas

ယောဘဝတ္တု။ 42:11

ထိုအခါ ယောဘ​၏​ညီအစ်ကို​မောင်နှမ​အပေါင်း​တို့​နှင့် ယခင်က သိကျွမ်း​ခဲ့​သူ​အပေါင်း​တို့​သည် သူ့​ထံသို့​ရောက်လာ​၍ သူ့​အိမ်​၌ အတူ​စားသောက်​ကြ​၏​။ သူ့​အား ထာဝရဘုရား ကြုံတွေ့​စေ​သော​ဆင်းရဲဒုက္ခ​အပေါင်း​တို့​အတွက် သူ့​ကို အားပေး​နှစ်သိမ့်​ကြ​၏​။ သူ့​အား ငွေစ​တစ်​စ​နှင့် ရွှေ​လက်စွပ်​တစ်​ကွင်း​စီ​လည်း ပေး​ကြ​၏​။

ဒေသနာကျမ်း။ 4:1

တစ်ဖန် နေ​အောက်​တွင်​ပြု​သော​နှိပ်စက်​မှု​ရှိသမျှ​တို့​ကို ငါ​ပြန်​၍​တွေ့မြင်​၏​။ ကြည့်ရှု​လော့​။ နှိပ်စက်​ခံရ​သော​သူ​တို့​သည် မျက်ရည်​ကျ​သော်လည်း သူ​တို့​ကို​နှစ်သိမ့်ပေး​မည့်​သူ​မ​ရှိ​။ သူ​တို့​ကို​နှိပ်စက်​သော​သူ​တို့​၏​လက်​တွင် တန်ခိုးအာဏာ​ရှိ​သဖြင့် သူ​တို့​ကို နှစ်သိမ့်ပေး​မည့်​သူ​မ​ရှိ​။

ယေ​ရ​မိ 22:10

သေ​သော​သူ​အတွက် မ​ငိုကြွေး​နှင့်​၊ ဝမ်း​မ​နည်း​နှင့်​။ သို့သော် အဝေး​သို့​ထွက်သွား​သော​သူ​အတွက် ဝမ်းနည်းပက်လက်​ငိုကြွေး​လော့​။ သူ​သည် နောက်တစ်ဖန် ပြန်လာ​ရ​တော့​မည်​မ​ဟုတ်​။ သူ​၏​မွေးရပ်​မြေ​ကို ပြန်မြင်​ရ​တော့​မည်​မ​ဟုတ်​။

မြည်​တမ်း​စ​ကား 1:9

သူ​၏​အညစ်အကြေး​သည် သူ့​အဝတ်​၌​စွန်း​နေ​ပြီ​။ သူ​၏​နိဂုံး​ကို သူ​မ​ဆင်ခြင်​မိ​ခဲ့​။ သူ​သည် အံ့ဩဖွယ်​ပြိုလဲ​သွား​လေ​ပြီ​။ သူ့​ကို နှစ်သိမ့်​ပေး​မည့်​သူ​လည်း​မ​ရှိ​။ အို ထာဝရဘုရား​၊ ရန်သူ​တို့​သည် အကျွန်ုပ်​ကို အောင်နိုင်​ကြ​ပြီ​။ အကျွန်ုပ်​ခံရ​သော ဆင်းရဲဒုက္ခ​ကို ကြည့်ရှု​တော်မူ​ပါ​။

ယေ​ဇ​ကျေ​လ 24:17

တိတ်တိတ်လေး​သာ ကြေကွဲ​လော့​။ သေ​သွား​သူ​အတွက် ငိုကြွေးမြည်တမ်း​မ​နေ​နှင့်​။ ခေါင်းပေါင်း​ပေါင်း​ထား​လော့​။ ဖိနပ်​ကို စီး​ထား​လော့​။ နှုတ်ခမ်း​ကို ဖုံး​မ​ထား​နှင့်​။ အသုဘ​အစာ​ကို မ​စား​နှင့်​”​ဟု ငါ့​အား မိန့်​တော်မူ​၏​။

ဟော​ရှေ 9:4

သူ​တို့​သည် စပျစ်ဝိုင်​ကို ထာဝရဘုရား​ထံ သွန်းလောင်း​ပူဇော်​ရ​မည်​မ​ဟုတ်​။ သူ​တို့​၏​ပူဇော်သက္ကာ​တို့​ကို​လည်း ကိုယ်တော်​လက်ခံ​တော်မူ​မည်​မ​ဟုတ်​။ ထို​ပူဇော်သက္ကာ​သည် သူ​တို့​အဖို့ အသုဘ​အစာ​ကဲ့သို့ ဖြစ်​၏​။ စား​သော​သူ​အားလုံး ညစ်ညူး​ခြင်း​သို့ ရောက်​လိမ့်မည်​။ အကယ်စင်စစ် ထို​အစာ​သည် သူ​တို့​စား​ဖို့​သာ ဖြစ်​၏​။ ထာဝရဘုရား​အိမ်​တော်​သို့ မ​ယူဆောင်​လာ​ရ​။

တ​ရား​ဟော 26:14

အကျွန်ုပ်​သည် သေ​သူ​အတွက်​ဝမ်းနည်းကြေကွဲ​စဉ် ထို​အရာ​ကို မ​စား​ပါ​။ မစင်မကြယ်​ဖြစ်​နေစဉ် ထို​အရာ​ကို မ​ထိ​ပါ​။ သေ​သော​သူ​အတွက် ထို​အရာ​ကို မ​ပူဇော်​ပါ​။ အကျွန်ုပ်​၏​ဘုရားသခင်​ထာဝရဘုရား​၏​စကား​တော်​ကို နားထောင်​ပါ​ပြီ​။ အကျွန်ုပ်​အား ကိုယ်တော်​မိန့်မှာ​တော်မူ​သမျှ​အတိုင်း အကျွန်ုပ်​ပြု​ပါ​ပြီ​။