ယေ​ရ​မိ 15:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ ထာဝရဘုရား​က “​အကယ်စင်စစ် သင်​၏​ကောင်းကျိုးချမ်းသာ​အတွက် သင့်​ကို ငါ​ကယ်တင်​မည်​။ ဘေး​ရောက်​ချိန်​၊ ဆင်းရဲဒုက္ခ​ရောက်​ချိန်​၌ ရန်သူ​တို့​က သင့်​ကို တောင်းပန်​လာ​စေ​ရ​မည်​။

Common Language Bible

¹¹ ထာ​ဝ​ရ​ဘု​ရား​က``ငါ​သည်​ကောင်း​ကျိုး ရ​စေ​အံ့​ငှာ​သင့်​ကို​ကယ်​ဆယ်​မည်။ ဘေး အန္တ​ရာယ်​ပူ​ပင်​သော​က​ရောက်​သော​အ​ချိန် တွင် သင်​၏​ရန်​သူ​တို့​သည်​အ​ထံ​တော်​သို့ လျှောက်​လဲ​ပန်​ကြား​ကြ​လိမ့်​မည်'' ဟု မိန့်​တော်​မူ​၏။-

Garrad Bible

¹¹ ထို့ နောက် ထာ ဝ ရ ဘု ရား က၊ ကောင်း စား အံ့ သော ငှာ၊ သင့် ကို ငါ မု ချ အား ပေး မည်။ ဘေး သင့် ၍ ဒု က္ခ ရောက် သည့် ကာ လ ၌ လည်း၊ သင့် ထံ ရန် သူ တို့ တောင်း ပန် စေ ဦး မည် ဟု မိန့် တော် မူ ၏။

Judson Bible

¹¹ ထာ​ဝ​ရ​ဘု​ရား မိန့်​တော်​မူ​သည်​ကား၊ အ​ကယ်​စင်​စစ် သင့်​ကို ငါ​ချမ်း​သာ​ပေး​မည်။ အ​မှု​ရောက်​သော​ကာ​လ၊ ညှဉ်း​ဆဲ​ခြင်း​ကို​ခံ​ရ​သော ကာ​လ၌၊ ရန်​သူ​သည် သင့်​ထံ​မှာ​တောင်း​ပန်​မည်​အ​ကြောင်း၊ အ​ကယ်​စင်​စစ် ငါ​စီ​ရင်​မည်။

ယေ​ရ​မိ 15:11 Referencias Cruzadas

ဆာ​လံ 106:46

သူ​တို့​ကို ဖမ်းဆီးခေါ်ဆောင်​သွား​သော​သူ အပေါင်း​တို့​သည် သူ​တို့​ကို​သနားစုံမက်​ကြ​စေရန် ပြု​တော်မူ​၏​။

ဆာ​လံ 138:3

အကျွန်ုပ်​ခေါ်​သော​နေ့​၌ ကိုယ်တော်​သည် အကျွန်ုပ်​ကို​ထူး​တော်မူ​၍ အကျွန်ုပ်​၏​စိတ်ဝိညာဉ်​ကို အစွမ်းသတ္တိ​နှင့်​ပြည့်​စေ​တော်မူ​၏​။

သုတ္တံကျမ်း။ 16:7

လူ​တစ်ဦး​ပြုမူကျင့်ကြံ​သော​အမှုအရာ​ကို ထာဝရဘုရား​နှစ်သက်​တော်မူ​သောအခါ ထို​သူ​၏​ရန်သူ​များ​ကို​ပင် သူ​နှင့်​သင့်မြတ်​စေ​တော်မူ​၏​။

သုတ္တံကျမ်း။ 21:1

ရှင်ဘုရင်​၏​စိတ်နှလုံး​သည် ထာဝရဘုရား​၏​လက်​တော်​၌​ရှိ​၍ ရေစီး​သော​ချောင်း​များ​ကဲ့သို့​ဖြစ်​၏​။ ကိုယ်တော်​သည် ၎င်း​ကို အလို​တော်​ရှိ​သည့် နေရာတိုင်း​သို့ လှည့်​စေ​တော်မူ​၏​။

ဒေသနာကျမ်း။ 8:12

အပြစ်ပြု​သော​သူ​သည် မကောင်းမှု​ကို​အကြိမ်​တစ်ရာ​ပြု​လျက်ပင် အသက်ရှည်​သော်လည်း ဘုရားသခင်​ကို​ကြောက်ရွံ့​သော​သူ​တို့​သည် ကိုယ်တော်​၏​ရှေ့​တော်​၌ ကြောက်ရွံ့​ကြ​သောကြောင့် ကောင်းကျိုးချမ်းသာ​ကို​ခံစား​ရ​ကြောင်း ငါ​အမှန်​သိ​၏​။

ဟေ​ရှာ​ယ 41:10

မ​ကြောက်​နှင့်​၊ ငါ​သည် သင်​နှင့်အတူ​ရှိ​၏​။ မ​စိုးရိမ်​နှင့်​။ ငါ​သည် သင်​၏​ဘုရားသခင်​ဖြစ်​၏​။ အကယ်စင်စစ် သင့်​ကို ခိုင်ခံ့​စေ​မည်​။ သင့်​ကို ကူညီမစ​မည်​။ ငါ​၏​ဖြောင့်မတ်​သော​လက်ယာ​လက်​ဖြင့် သင့်​ကို ငါ​ထောက်မ​မည်​။

ယေ​ရ​မိ 21:2

ထို​သူ​တို့​က “​ငါ​တို့​ကို ဘေဘီလုံ​ဘုရင် နေဗုခဒ်နေဇာ​မင်းကြီး တိုက်ခိုက်​နေ​ပါ​သည်​။ ထာဝရဘုရား​သည် အံ့ဖွယ်​အမှု​ပြု​လေ့​ရှိ​သည့်​အတိုင်း ငါ​တို့​ထံမှ သူ​ဆုတ်ခွာ​သွား​အောင် ပြု​ကောင်း​ပြု​တော်မူ​မည်​ဖြစ်၍ ငါ​တို့​အတွက် ထာဝရဘုရား​ထံ မေးမြန်း​ပေး​ပါ​လော့​”​ဟု ဆို​ကြ​၏​။

ယေ​ရ​မိ 37:17

ဇေဒကိ​မင်းကြီး​သည် လူ​လွှတ်​၍ ယေရမိ​ကို နန်းတော်​သို့​ခေါ်လာ​စေ​ပြီးလျှင် “​ထာဝရဘုရား​ထံ​တော်​မှ နှုတ်ကပတ်တော်​ရောက်လာ​သေး​သလော​”​ဟု လျှို့ဝှက်​စွာ​မေးမြန်း​၏​။ ယေရမိ​က “​နှုတ်ကပတ်တော်​ရောက်လာ​ပါ​၏​။ အရှင်မင်းကြီး​သည် ဘေဘီလုံ​ဘုရင်​၏​လက်​ထဲသို့​ရောက်​ရ​လိမ့်မည်​”​ဟု ပြန်လျှောက်​၏​။

ယေ​ရ​မိ 37:3

ဇေဒကိ​မင်းကြီး​သည် ရှေလမိ​၏​သား ယေဟုကလ​နှင့် မာသေယ​၏​သား ယဇ်ပုရောဟိတ်​ဇေဖနိ​တို့​ကို ပရောဖက်​ယေရမိ​ထံသို့​စေလွှတ်​၍ “​ငါ​တို့​၏​ဘုရားသခင်​ထာဝရဘုရား​ထံ ငါ​တို့​အတွက် ဆုတောင်း​ပေး​လော့​”​ဟု မှာလိုက်​လေ​၏​။

ယေ​ရ​မိ 38:14

တစ်ဖန် ဇေဒကိ​မင်းကြီး​သည် လူ​လွှတ်​၍ ထာဝရဘုရား​အိမ်​တော် တတိယ​ဝင်ပေါက်​သို့ ပရောဖက်​ယေရမိ​ကို ခေါ်လာ​စေ​၏​။ ရှင်ဘုရင်​က ယေရမိ​အား “သင့်​ကို​ငါ​မေးစရာ​ရှိ​၏​။ ဘာမျှ​ဖုံးကွယ်​မ​ထား​နှင့်​”​ဟု မိန့်ဆို​၏​။

ယေ​ရ​မိ 42:2

ပရောဖက်​ယေရမိ​ထံသို့​လာ​၍ “​အရှင့်​ထံ အကျွန်ုပ်​တို့ အသနားခံ​ပါ​သည်​။ အရှင်​မြင်​သည့်​အတိုင်း လူ​အများ​သည် ယခု​အနည်းငယ်​သာ​ကျန်​ပါ​သည်​။ အကျွန်ုပ်​တို့​နှင့် ဤ​ကြွင်းကျန်​သော​လူ​အားလုံး​တို့​အဖို့ ထာဝရအရှင်​ဘုရားသခင်​ထံ ဆုတောင်း​ပေး​ပါ​လော့​။